紅樓

营业中

休息中

之前睇完評語都唔係咁敢試住🫢今日心血來潮，都係去咗一試。孖寶點心啱食，所以價錢抵番。點心上枱都夠熱，味道都唔錯。見隔離枱叫咗「Q版白兔仔拌菲林卷」幾得意就叫咗嚟試😋菲林卷（芝麻卷）唔太甜，都幾好，但兔仔餡料偏甜😖驚喜是「三點炸炸」唔洗叫三款，就可以食到（鹹水角、煎堆、春卷）可惜隻碟係全新✨連招紙都未撕走，就上枱比客人，即係未洗過就用，仲放咗粒煎堆係上面😓同侍應講咗，佢只係攞走咗隻碟，一句說話都無講（毀屍滅跡）😈

自從搬左黎啟鑽之後,屋企人一路期待緊附近可以開一間酒樓,因為最近o既酒樓都要行返去荷李活果邊,始終老人家穿地鐵站行上行落都唔係咁方便,呢間酒樓睇住佢裝修到而家終於開張了,即刻去試下先!果日係去食晚餐,好多菜式都做緊優惠,最最最抵係波士頓龍蝦98蚊隻,我地另外加左麵底好似都係幾十蚊龍蝦係新鮮o既,夠大隻又多肉,麵底係超多,4-5個人食都無問題薯仔牛柳粒:又係好大份,牛柳粒比例都多o既唔似有d餐廳薯仔多過牛;薯仔粒有煎/炸香過,上碟果陣仍然脆口馬拉盞炒通菜:正正常常,不過呢d普通炒菜正常都唔會點失手o既,不過又係好大份,我地都食唔曬豉椒炒蜆:炒蜆當時又係做緊特價,無記錯應該係58定68,分分鐘平過自己買黎煮,味道份量都ok,蜆無沙最後唔知係咪新張關係,經理請左我地食甜品,呢個芒果布甸真係不得了,超好味,入面有新鮮芒果同柚子,有D楊枝甘露feel,本身我好少食甜野,但諗住餐廳請唔好意思唔食,點都食d,但最後成杯食曬整體黎講呢間酒樓裝修幾靚,格局都高檔,坐位闊落無台貼台,坐得好舒服,老闆都算幾有良心無塞爆個場雖然當日要求坐卡位但安排唔到,下次再試下先服務方面,可能因為新開o既關係?我見經理部長

公司中秋慶祝食飯，見到呢間酒樓新開所以叫外賣試下。呢間野差到要我專登開account 係度投訴下😡😡希望其他人唔好中伏WhatsApp 落單叫外賣叫左十九幾樣野。竟然有6個點心小菜比溜左拎到返公司先知道之後衝返去酒樓叫佢地比返我地，仲要再企係度等多十幾分鐘先有得拎返。經理或其他員工完全無對單，途中見到經理或樓面又亂咁出外賣。又無禮貌 佢地全程黑面呢間野真係伏中之伏就算新開都唔會咁做生意。味道都只是一般，燒鵝看似抵食，但d肉好硬好乾，無咩味道咁。建議去返同區其他酒樓好過。

服務其差，建議不去都冇損失！1. 伙記唔夠，服務又差，連所謂經理都不知所謂2. 白飯一啲都唔熱，只係微暖，好難頂3. 叫咗個牛肝箘焗蝦球，竟然催上菜四次（伙記加部長），仲等咗55分鐘都冇結果，最後嬲到取消即埋單4. 向經理投訴55分鐘都冇上菜，竟然一句唔好意思都冇，反而同我哋極速埋單，當完全冇事發生！不知所謂嘅酒樓，不去也罷！

兩個人黎飲茶，中午1247落單，半小時多啲但一籠點心都未到，睇住啲車仔周圍走但都無我地份，漏單都算，中間叫佢跟單，查完電腦話有落有落就算，落極都未見點心到，同時間睇住人地加單，點心陣間就上左，最後捉住個男經理再反映，1335先立即上左個叉燒腸粉食住先。嗌左叉燒腸粉，鴨腳札，金蝦餃及牛肉球。腸粉滑但叉燒唔得，鴨腳札啲雞又有冰鮮味，金蝦餃根本膠包蝦，稍微好小小係牛肉球。一食完都無心情繼續試其他點心，埋單$150。總結:裝修靚，食物服務都唔得，櫈亦都唔舒服，枱與枱好近(坐最入面)，進食期間又有個拉低口罩既廚房師傅走出樓面唔知做乜，印象好差，寧願去食其他酒樓好過。

晩上七點落單，五選一優惠已經沒有其中一項，優惠食品供應甚少，無意提供優惠。另外，我們同時第一時間下單孖寶套餐B，到用餐中期發現還未有上菜，查詢後侍應反映孖寶餐B已售完，極為憤怒，因為我們已一早下單，下單時及之後沒有員工反映已售完，直至我們查詢。我們更查閱下單員工的手寫單，也有寫上B餐，但電腦收據卻沒有，懷疑一開始已遺留下單。除孖寶餐B，燒腩仔也是漏單，經追單才有。對於漏單沒有員工提出補救方法，下單的員工也沒有親自主動道歉，是次經歷極不滿意，不會再光顧。

午餐兩位：$217.--，茶錢，每位$12，但我們叫的鐵觀音，茶苦澀；兩個燒餓米粉，韮鮮蝦菜餃，及鮮竹卷。真是有點貴。錢$12，還有加一服務費，但埋單卻是客人走出櫃檯付款，咁又點解呢？燒鵝米粉$53，但比一般米粉大碗，本來就算不太貴，但一碗沒想過「不是」一般飯碗的米粉，變成午餐的壓力 —— 太飽了！如果侍應能提點一下，二人食一碗，成件事就不同哂。還要加上兩個點心，實在吃不消！還有，送餐員又是可笑的一個位，二人枱的確有點細，她放低一“大碗” 或可稱為 ”小窩” 米線，第二碗因為我杯茶而不能降落，她縮回，跟著說：「你杯茶阻住咗！」原來要客人幫忙才能服務你。咁又會唔會減返啲服務費呢？

見新開念住試下食。 點知沙巴蒸龍躉完全無鮮味。 肉啡色。 簡直係死魚。 片皮鴨半隻得幾片。面皮得6塊， 加一籠要30 元。白飯唔熱又硬，咕嚕肉及冬瓜盅 尚可。 櫻花蝦蒸勝瓜，龍蝦伊麵都不錯。茶餐廳水準，酒樓收費，有d伏。

啱啱新開張，見到有promotion片皮鴨$68好抵食，就去試試。上到去，晚市五選一嘅優惠全部冇曬，全部變曬百幾蚊😒貨不對版，呃人上去，照order$128半隻鴨，點知6:30pm就賣曬，order鳳尾蝦又賣曬，大蜆又冇，咩都賣曬，最後叫咗八皇爺瑤柱羮，紅樓小炒皇同卡邦尼龍蝦伊麵。個羮根本係冬瓜盅，冇瑤柱，重口味，但侍應話呢個冇錯係八皇爺😐紅樓小炒皇，似碎料炒埋一碟，細碟，有腰果，彩朝，韮菜，八爪魚須，細細粒嘅蝦仁bb仲要切開幾粒。龍蝦伊麵，蝦肉不太多，甚至有啲本應痴住肉嘅殻得返個吉殻，似畀人片開咗🫤感覺差 可能啱啱開張，間酒樓好多嘢都未prepare好， 希望遲啲會安排好啲，食午市嘅點心唔錯，但係晚市有待改善。最後送咗$400coupon 下次晚市用。