紅椒力量

营业中

休息中

     本人一直很想嘗試泰國菜，因胃部不太好... 所以東南亞美食，並非經常接觸。但近來真的超想品嚐一下泰式食物～向友人打聽之後，他們推薦了一間，在黃埔與紅磡中間位置的＜紅椒力量＞，大說正宗上盛。就決定去試一試，想不到...起首眼見，該店的裝修風格平實，紅色木色未感特別醒神搶眼，不過又是稻草蓋珍珠呢！？  本人其實非常重視服務質素方面，一進店至坐下，即強烈感覺到，那種非辦公機械式，是久違了之真正由心出發的誠懇、親切和純美的笑容，每一位員工皆如此。我內心多認定，他們的老闆，必       定為一位意善之人，感染與教導個個員工，最有人情味的待客相處態度，這部份＜紅椒力量＞店子，真是遠勝過不少食府～我心大喜大讚！         在同友人細閱餐牌後，便點了四款泰國食品試試...…         上菜的時候不算很快，原來有其原因？首先最早到枱的是「海鮮炒檬粉」。睇落普通，嘩～但第一口吃入，即覺與眾不同，海鮮料多又大件，新鮮質地超乎想像，而檬粉是非常難炒得出色的…但＜紅椒力量＞的粉炒得太棒了！         爽滑彈牙亦完全半點不油膩，正係不乾不肥不粘，計準上菜到枱熱度質感啱啱好。享受中又來

呢間餐廳食泰國菜為主，可能因為無點到泰菜，所以覺得佢既食物好一般！lunch set選擇多，包餐湯和熱飲。我要左一個西冷牛扒。是日餐湯為羅宋湯，味道稍為稀和淡。牛扒上碟，賣相都ok，我選了黑椒汁配薯菜。牛扒有d位好um..完全食五到。薯條好淋牙且無味，不好吃！陳生叫左個泰式雞絲撈檬。我覺得好伏:米粉硬，好乾，痴埋一舊，但d汁好似好淡，五夠醋味！而d雞肉好大冰鮮味！！！:fru評話呢間野ok，可能係我五好彩掛。。

近期唔知行咩運，無咩食神運，幫襯幾間餐廳都係失望同唔掂，今次亦唔例外，唔掂其中一個原因，相信係我差唔多打烊先入去幫襯，廚房當然想快快趣收工，無心機煮好野，入去果時見到重有幾枱客，落完單先知就快收工。點咗兩個餐，海南雞飯，鐵板美式什扒餐配蒜蓉汁。未到餐嘅時間，人客陸陸續續離開，剩返兩枱客，不詳預感愈來愈大添。先黎兩個粟米忌廉湯，水汪汪，失敗！海南雞飯嘅飯係唔熱，係暖嘅，雞肉無入口即溶果種幼滑，但未至於鞋口。鐵板餐塊鐵板係超熱，係唯一可取之處，但鐵板上所有嘅食物都太油，我習慣唔將醬汁冧上鐵板，一來搞到d醬汁四圍彈麻鬼煩，二來醬汁蒸發哂，食果時唔夠汁，一點個蒜蓉汁，嘩！咸到彈起！我已經夠咸，重咸過我！餐廳應該改名叫咸椒力量！

今晚同男友去紅館睇黃子華show 😍😍， 去得紅館自然就唸起係紅磡揾食😋，聽聞紅磡很多小舖食物出眾款項多，但走了幾圈都好似無咩特別，唯一留意到的就是紅椒啦🧐 看落店舖寬敞舒適及乾淨，而且小菜款項甚多，價錢合理，決定一試😏一進店，姐姐巳誠意招待👍🏻，餐牌菜式甚多，可惜我們時間不多，所以選了兩道小菜，小菜包例湯白飯，仲可以以半價加凍熱飲品☕️🥤沙拉雞球 $68 🐥🐔 雞肉鮮嫩多汁，不會是炸得又乾又硬果種👍🏻👍🏻 唯沙拉醬太多了，但整體👌🏻魚松抄時菜$58 🐠 白菜好新鮮👍🏻魚松就有點腥，但可接受的

紅磡新派泰菜要講到泰國野食 一定諗唔起呢間紅椒力量因為佢個名完全同泰國連唔起來有時經過見到 佢都要排隊難得去到唔洗排隊 入去試下先嗌左個海南雞飯 豬脾飯佢地既野食 都幾有水準

上次經過朋友介紹之下，喺紅磡試咗依間泰國餐廳！！我哋四個人分別帶咗個軟殻蟹咖喱包，再加幾款小食。價錢非常之抵，除翻開每人都係100蚊鬆d，性價比非常之高！首先講咗個冬陰公先，佢勁大兜入邊有勁多海鮮！啲蝦夠晒彈牙又大隻😘最重要係我鍾意佢夠酸又唔會過鹹。四個人share都飲到三四碗！😚(8/10)之後到個串燒，佢有三款肉分別係牛肉豬肉同雞肉🐮🐷🐔每款都有兩串👍🏻肉質夠晒嫩勁香口，又唔會痴牙！！加左一碟自家製嘅沙嗲醬，嗰醬入邊仲有花生粒甜㗎🥜(8.5/10)跟住就到個豬手！啲肉好淋仲有好入味😍食咗一舊即刻好想加碗白飯😂但係因為仲有好多野要食就打消左呢個念頭😢佢啲汁配埋個底嗰啲菜都好夾甜好值得推介(8/10)跟住就到左軟殼蟹咖喱農夫包！啲咖哩入面有蛋花，非常之creamy🤤軟殼蟹唔會過淋，加咖哩汁都仲係脆卜卜架！！佢個麵包先係重頭戲，非常之軟熟！！仲要好大舊麵包！四個女仔食都清唔晒呀🤦‍♀️ (9.5/10)

返工中午搵食好重要，最好多啲選擇，可以配合每天不同的胃口。今天想食泰式嘢，選了特價午餐，有湯和飲品。湯是菜乾清湯，無太大期望，飲咗唔覺口渴。 海南雞飯，雞肉都幾滑嫰，配泰式辣醬姜蓉，如果唔吃辣，可換淨姜蓉。碗黃姜飯好大份量，夠2個人食。雖然成碗飯都好黃，但食落無乜味，唔油。黃咖喱雞飯，唔辣嘅，雞塊都幾多，雞塊雖唔太滑但撈埋啲咖喱汁吃好惹味，唔覺意吃咗好多飯。其實亦可選泰式套餐，就只是送飲品而已。

今天外出工作。經過紅磡區附近。那裡開了很多不同菜式餐廳，「紅椒力量」以泰國菜為主。以前未試過在這家食店吃過飯，有點期望呢。不過，第一次食就......我點了豬扒撈檬及熱奶茶。豬扒撈檬有豬扒，生菜，紅白蘿蔔絲，青瓜絲，芽菜，花生碎及檬粉。豬扒煎得微黃，併起來只得大半塊左右。食起來淡而無味，肉質粗糙，囗感一般。生菜翠綠鮮嫩，爽脆。酸紅白蘿蔔絲，味道酸味味，好開胃。青瓜絲爽脆，清甜。檬粉呈"乾身"，而且粉條好碎。沒有什麼味道 ; 要撈酸辣醋，才有醋酸辣味。酸辣醋味道超甜，撈了檬粉幾次覺得好甜不敢再撈。熱奶茶，夠熱。紅茶及淡奶比例不適中，奶味濃，偏甜。餐廳環境氣氛幾好，切合泰國菜主題。等候侍應落單及送餐上枱時間算快 ; 侍應服務殷勤有善。總體而言，豬扒撈檬跟價錢不成正比。好失望。

原隻椰青海鮮焗飯配椰青水:有椰青飲之餘仲有飯食，正呀一上台，椰香撲鼻，可能因為熱力，將椰子的香味逼出黎。連佢個白汁都有椰子味。海鮮飯夠足料，飯上面鋪住兩隻大青口，鮮甜可口，又有彈牙既蝦仁和魚塊，真係好食到。食到口渴仲有埋杯椰青水，連椰肉都幫你起埋出黎放係杯入面，唔駛自己動手，正到爆泰式乾炒飯牛河:食炒牛河，最怕牛肉韌咬唔開，又驚河粉入口成囗油，但今次碟牛河一啲都唔油，食落唔會膩，食完個碟都無油浸無反光。牛肉又唔韌，但又唔係落左鬆肉粉的牛肉咁淋，仍有咬口呢間餐廳值得回頭

夜晚兩個人係黃埔搵食，經過見到呢間好似幾吸引又唔洗等位就入左去食。叫左個豬扒喇沙、炒金邊粉同兩杯野飲。喇沙相當唔錯，唔係好辣椰味濃，幾濃郁，但豬扒就差少少。最好食係炒金邊粉，60幾蚊但超大碟，而且仲好好食，十分推介。野飲就正正常常啦，椰汁冰同龍眼冰，正常味。環境都唔錯既，好多卡位，當日晚飯時間兩個人都可以坐卡位。見到下午茶好似幾抵食，30幾蚊就有交易，有炒粉麵飯呀，湯粉撈檬個d，包飲品，下次可以試下

上星期天和幾位好友到紅磡一間叫紅椒力量（Pepper Power）的泰國餐廳吃晚飯。先來一個椰子雞湯，淡淡的椰香，帶點酸味味的泰國特色味道，胃口即時大開。燒泰國大頭蝦，大大隻的大頭蝦，用炭燒的做法，肉質鮮美。泰式咖哩炒蟹，超巨型的肉蟹，蟹味鮮甜，再加上那些香濃的咖哩，配上白飯或蒜蓉包，真個大快朵頤。芥蘭馬拉盞及咸魚通菜，泰式做法，味道略淡。雜錦拼盤，有春卷、雞翼、蝦餅……味道不錯。總體而言，這裏的食物，環境及服務都不錯。

其實之前已經食過一次pepper power既下午茶，仲記得當時岩岩開張，唔算好多人，今次咁岩經過就入去食lunch，發現人氣比上次旺好多，不過好彩餐廳都算多位（大部分都係卡位），12點去到都唔洗等位。午餐選擇好多，價錢都合理，Poly出示學生證仲有95折。點左個泰式豬頸肉炒飯，原價47蚊（學生價就大約42）就已經包埋湯同一杯熱飲。雖然多人，但上菜速度都幾快，未飲完碗湯個飯就到左。碟炒飯個賣相本身都唔錯，啲飯堆到好似個圓塔咁（但侍應放低隻碟果下就整冧左...) 啲豬頸肉都切晒粒加入個飯到去炒，幾乎每一啖飯都食到豬頸肉，好有口感🤤另外都有唔少蔥粒，令到個飯更加香。同埋不得不提個份量真係幾多下，同埋可能炒飯始終相對油膩，細食啲既女仔可能食一半都飽😂

在紅磡睇完show就在附近穏食，就選擇了這間。環境都舒適。我們3人點了4個菜，食泰國菜當然唔少得冬蔭功，點了冬蔭功海鮮湯金邊粉，冬蔭功湯唔太辣岩香港人口味，不過我覺得可以辣多少少。青咖哩雞都不錯，另外點了個薄餅來點青咖哩汁食好味，之後還叫多個白飯來撈汁食。另外紅酒燴牛柳粒紅飯，個紅飯炒得幾彈牙，牛粒的紅酒味幾濃。菜式的味道是不錯的，但不知道我們當天去到服務員說有個爐壞了，所以上菜非常非常慢。食一個菜要等好耐才上第二個。

休息本想約個朋友食午飯，約下等下找下路到坐低原來已經兩點了，無問題有得食就可以。一看就看到個下午茶餐牌，30幾一個餐，凍飲再加錢，都可以接受，而且比午餐平成10元，量少啲又不會浪費。那知一上枱兩個下午茶餐都好大份量先來一個豬扒撈檬，豬扒都夠厚身唔算太薄，而且亦無炸到乾水雞肉炒金邊粉又幾有鑊氣，上枱仍然香味，泰式風味微辣，混了花生一起食很香口，最後要打包半份，因為好味道所以不想浪費來吃越式菜越南春卷就不能缺少，而且一家有質素的越南食府春卷一定要有水準。Um.......香口不膩但不夠脆，而且炸完的網皮比食開的稍韌了些，這一點有待改進兩杯龍眼冰，太甜了......放了一陣子冰溶些才比較給口味

紅磡區嘅美食多籮籮，無論早、午、晚三餐、tea time、宵夜咩都有，最正係平民美食同檔次高高哋既美食都有，再加上中、西、日、韓料理亦都不。不過身為一個中國人，同埋係一個好無聊嘅下午又咁啱非常十分之肚餓，所以，又係搵嘢食嘅時候喇 ！睇下呢間紅椒力量係咪真係俾到我力量 繼續工作先！😂仲要係泰國人主理喎！實穩陣！一睇menu，E, 抵喎, 去翻前几年既lunch價，30几唔使40都有個炒粉麵飯 ，我梗係揀咗好似冇咁熱氣嘅泰式濕炒河啦！食完飲番個熱檸茶，唔會覺guitly 😆最緊要係唔使加兩蚊😂，keep到係四十呢個會位內。 好鍾意食泰式濕炒河嘅原因係覺得呢味菜野味得黎冇咁熱氣，又有啲紅蘿蔔仔同菜伴碟！ 紅椒力量炒得好好，出到黎首先一定係熱騰騰再加上香氣撲鼻咁送到上枱，好醒神呀！😋我仲會叫佢畀個辣醬我點， 感覺更加滋味無窮！今次一個人食，影嘅相唔多，但係都有影個menu畀大家睇下，真係好抵食同埋選擇都好多，黎開飯啦各位，相信我冇介紹錯！