紅椒力量

营业中

休息中

琴晚約左一眾好友齊齊去食泰國菜，於是就選左紅磡必嘉街既紅椒力量，聽朋友介紹佢地既泰式生蝦好新鮮好大隻隻，於是就點左，果然真係好鮮甜，啖啖肉😀。食泰菜又點少得冬陰功呢，冬陰功都算真材實料，最欣賞就係佢地隻大頭蝦，成隻手掌咁大隻，而且仲係新鮮蝦，正。最後點左個泰式椰青焗飯，估唔到d椰肉混埋新鮮椰汁會咁清甜，食落口度充滿椰子味，再配埋杯椰青水，中和番椰奶味，清爽得黎又唔覺得膩，真係好正，必食推介，而要彈下既係碟炒菜，做得比較偏咸。總的來說，真心不錯

呢間泰國菜，就係公司附近，平時都有去食lunch，佢D海南雞飯不嬲都唔錯，次次都例牌食雞唔洗諗。前排睇雜誌見到介紹佢，原來佢晚市D野食都好似唔錯，今日有同事生日，一齊去嗰度食生日飯，試下菜！食泰國野例牌要拼盤、冬陰公同生蝦呢D大路野走唔甩。拼盤不過不失，間間食都差唔多；個湯竟然有原隻大蝦，足料；生蝦食得出係新鮮街市貨，如果炸埋個蝦頭俾我就正喇！特別推介呢個鹽焗鱸魚同焗飯，可能焗要時間既關係，食到七七八八先上菜條魚一上檯心諗成斤鹽放上去煮仲唔咸死！要小心打開條原魚，唔好連鹽食呀！原來得陣鹽香同香草味，魚夠滑，正！原個椰青焗飯原來包杯椰青水！？哈哈，咁一定唔係reuse椰青！本來食飽吹緊水去邊度食甜品，點知見隔離檯上左份燒大頭蝦，唔係嘛，咁大隻，大過你個頭！忍唔住又叫埋！呢個真係冇得輸，鍾意食蝦膏既同事E，係咁啜個蝦頭*黃埔VIP有9折

今晚真係🌶泰🌶好食了。泰菜我就食得多，但呢間真係一試難忘！絕對物超所值！😍😍價錢算大眾化，最緊要食材超新鮮。個日叫咗12-13道菜6個人食，每人200左右超抵。👍🏻

雖然仲有一星期先到母親節,難得屋企齊人於是就提早慶祝,細佬提議不如食泰國菜,於是我地一家人就去左紅椒力量.一入去裝修同其他泰菜餐館有D分別,比較簡撲為主,好多木^ ^,好似入左樹林咁.我地點左幾道阿媽最鐘意既菜式,分別有泰式冬陰功,佢地冬陰功做得好好,酸辣適中,隻大頭蝦好大隻,好鮮,值得讚.第2道就係我最愛,泰式生蝦刺身,食過好多間唔同既泰菜館,呢間生蝦用新鮮海蝦做,夠晒大隻,肉多,爽口,都要比個叻.第3道另我有驚喜既係泰式海南雞,雞煮得好滑,肉嫩,有雞味,配汁好特別,侍應講起佢地自己調制,有雞汁,酸酸地,好好味.最後點左一個原隻椰青海鮮焗飯,望落以為得好少,原來都夠我地4個人食,椰青飯混入左新鮮椰奶同埋椰子肉,好鮮甜.總括來講出品都幾好,價錢合理,低食.

今日要去紅磡必嘉街搵個朋友吹水，朋友就提議不如一齊去食泰國菜，見到有間紅椒力量，門口大大隻字寫住“正宗泰廚”，心諗就去試下，環境乾淨，入面有個木樹，幾得意，我地1行4人就點左，春卷，豬頸肉，冬陰功，鹽燒鰂魚，香葉炒牛柳粒同生蝦刺身，春卷炸得香脆，食時候要有生菜包住黎食，幾特別，豬頸肉有肉汁，唔乾，幾食，冬陰功有大大隻大頭蝦，蝦新鮮應該唔係死蝦，魚亦新鮮，肉質滑，最正係牛柳粒，每粒牛粒都大大粒，而且好juicy,超淋。生蝦用新鮮海蝦，唔係出面食個d急凍越南蝦，正！老闆好好人仲每人送杯飲品比我地。

公司有人要走，所以去左而間pepper power 搞farewell dinner, 幾個人叫左5樣野，真係好飽。佢既豬脾同海南雞真係唔錯。同佢既蠔餅好足料同大份。其他海鮮都好新鮮。地方都好relaxing 聚會岩晒既

由九龍東過去紅磡比我想像中要快, 而且這裡有好多好好味既餐廳, 不知不覺變了我倆二人的食堂。我地叫左個二人餐, 因為我想食生蝦, 所以叫多一個生蝦刺生食, 正!肥牛喇沙檬粉: 喇沙味尚可, 以普通餐廳來說, 可以說是到位, 不過欠了椰香味, 也沒有辣味。肥牛是普通貨式, 要求不高, 也算是合格之選。冬蔭公扎肉檬粉: 只有酸味, 香及辣也欠奉, 不過我本身不太好辣, 所以還算合我口味~扎肉普普通通, 沒有肉味, 也不彈牙可口。生蝦刺生: 68元只有6隻大蝦, 算是抵吃嗎? 生蝦是大大隻的, 吃下去是新鮮蝦, 沒有雪藏味。夾著生蒜及辣椒吃, 再點一下醬汁, 算是值回票價。酸辣鳳爪: 跟餐的小吃, 比想像中大碟, 數一數應該有成15,16件, 大件夾抵食。可惜的是, 配菜與鳳爪也沒有雪味, 醬汁只有酸, 還是欠了—辣! 此小吃的靈魂盪然無存。馬拉盞炒芥蘭: 芥蘭鮮嫩無渣, 不過似乎沒有馬拉盞的色, 香, 味。只可以算是普通炒時菜。晚飯價錢不貴, 服務中規中距, 下次想不到吃什麼, 也可以再考慮一下試其他食物。

红椒力量，別緻的佈置，環境清雅，有長枱適合一大班朋友去下午茶閒聊。我喜歡少辣，這款冬陰肥牛金邊粉便合我口味，不太辣，有香茅的香和青檸檬的酸，酸辣的冬陰湯配上金邊粉是絕配，還有爽脆的雞腿菇伴肥美牛肉，好好味呀！差點連整碗湯也喝下，最後嘆一杯熱檸檬水，滿足、滿意的下午茶！

每次去紅磡都會黎呢到食！冬陰公金邊粉，炸蝦餅每次都必嗌！超好味冬陰公湯好濃好香，辣度啱啱好！豬頸肉大大舊又有湯飲又有金邊粉食！大碗又飽肚！炸蝦餅 脆卜卜！好香好脆，超好味！一個人食哂成碟！我仲打包一份比屋企人食添！紅豆冰好看椰子味，紅豆大粒，都係每次必嗌！

紅磡區內食肆林立。走來走去。心大心細最後走進呢間餐廳。 餐廳門外擺放左餐牌，有泰式炒粉麵。冬陰公湯麵。越式湯河。咖哩外，仲有豬手飯同海南雞飯價錢都平民化 $40-$50。作為晚餐總有一款岩心水。最後點左青咖哩雞飯同泰式乾炒河青咖哩好香。。仲有泰式茄子份量都夠哂飽另外炒河都夠乾身又夠熱。好香泰式香草味不過味道比較濃。最驚喜係套餐都會包餐湯同飲品。 已$4x晚餐黎講好抵食

紅磡區來講對於我可能只是一個填飽肚皮地方,手上完全找不到一個可以渴求去試餐廳、在妹妹家附近隨意落腳,喵了一眼門外餐牌已跳入店內。。。大路化港式格局裝修也不作太多花巧,HK$40.-50.元的午餐,價錢上和一眾中層次茶記平起平坐, 要上一個海鮮喇唦金邊粉HK$50.呈上一刻看上湯內色澤好像很對板,呷上一口滿滿椰漿香極、不過碗內材料完全沒鮮味可言,兩隻大大件有曲線身型蝦入口全無味道,魷魚、青口情況相近最可取可能便是那開邊之豆泡,浸透了濃厚喇唦湯~~一碗加插「海鮮」看似矜貴原來材料還比不及家中冰柜好、付HK$50.內心有少少隱隱作痛。。。暗痛完畢繼續往餐飮熱啡啡喝上,呷一口啡啡香在於這杯子上完全發現不上、越喝越不俏其味,最終還是放下杯中物、往收銀小姐處完成我這餐「最後任務」。總結:一碗好喇唦除了湯底是整碗内最大主角,把關材料亦相當重要伯樂與千里馬、唇齒相依!!!

看見門口的餐牌，下午茶都有咁多選擇，就入去試下啦！黑椒牛柳絲炒烏冬，黑椒味很濃，夠辣牛柳絲好林，好香烏冬軟硬適中，炒得乾身，味道很濃再加埋熱飲，都只係$30，簡直係抵到爆

這裏有很多下午茶餐選擇，價錢亦很超值青咖哩牛腩撈公仔麵：啲牛腩吾肥，但又吾會un，青咖哩吾太辣，好香咖哩味配上青豆，令公仔麵更有口感公仔麵軟硬適中索左啲咖哩汁，滋味無窮配埋餐茶，都係$30只能說一個字(抵)

Ok, lets be clear, the only reason I came to visit the restaurant was because I love food with pepper. This restaurant does not serve dishes with pepper as one of its main ingredients lol. Anyways, the restaurant itself is very spacious. However, the booths were very uncomfortable to sit in and if you sit in them long enough, you will definitley get a stiff back. Waiters were definitley not attentive. I ordered the hainan chicken and pork knuckle rice. The hainan chicken was not good at all, ver

以為是"Pepper lunch", 行近些望真原來叫"Pepper Power". 餐廳裝潢簡約時尚, 地方寛敞。看看餐牌, 原來這是星泰餐廳, 因此午餐選擇有喇沙、咖哩、焗飯等多款選擇。午餐四、五十元, 免加一, 價錢可接受。香芧豬扒喇沙檬粉$45雖然表面豬扒煎得香口, 但浸在湯內令豬扒的油香味消失。喇沙湯底微辣又有椰香味, 味道都不錯。喇沙內有豆腐卜及魚片, 吸盡湯底的精華。