紅椒力量

营业中

休息中

行過餐廳門口，見到啲套餐好抵食，就入去試下😉見到隔離檯啲餸好大碟，醒目嘅我係識叫啦～一行四人，叫個二人套餐，再加個海南雞，應該夠食😅冬陰海鮮湯，蕃茄味夠重，少少辣，啱我口味🤗有蝦，青口，魷魚。。。料足味濃😋😋😋鹵水豬髀，份量果然勁👍豬手甚入味，軟滑，骨膠原豐富，帶濃郁的滷水清香😍馬拉盞炒芥蘭，馬拉盞帶海鮮咸香，配爽脆嘅芥蘭最好不過🤩炸蝦餅，外脆內嫩，蝦肉爽口彈，証明蝦肉新鮮👍加碟例牌海南雞雞肉肉質嫩且肥瘦均勻，煮出來自然肉嫩又汁豐，很美味的。食泰國菜緊係飲泰國象啤啦😆吾啤嘅我，緊係飲返個椰青潤一潤啦～餐廳座位寬敞，潔淨~除左泰國菜，中式套餐都有，仲有鐵板扒添噃🤩住喺附近嘅街坊真係有口福👍平日又吾使加一，抵👍四個人食，每日都吾使一百蚊，真係快餐店價錢咁😅

今晚同媽媽到黃埔的一家泰菜館食晚飯🥣。叫了個2人套餐$248，有冬蔭海鮮🦞湯，滷水豬脾🐽，酸辣鳳爪，馬拉盞通菜🥬，油飯（+$5）仲包飲品！ 我地仲加左個椰青。冬蔭海鮮湯好足料，有好鮮的蝦同菇。滷水豬脾好大隻，仲整到好焾添！個酸辣鳳爪都好入味同好多。馬拉盞通菜加左好多馬拉盞，炒得好香。d餸陪油飯好香口呢！呢到份量好足，2人餐夠3個女仔食/2個大胃王男仔食呢！ 食5到咁多的建議叫佢俾小一個飯，5好浪費食物呀！

在紅磡見完客，他來了找我。隨便逛逛，就決定這間用膳。晚餐不算貴，基本上想吃的都有。例湯正常，我們點了二人餐（$114）四季豆魚崧，大大碟，算夠鑊氣，汁都可以。粟米龍利柳，份量比我們想像中多，粉有小小厚，尚可接受。送飯一流，這晚我們談了許多，這兩道原來是我剛一起時也有點過，當然回味無窮。

Menu好多款式，又有美式鐵板扒餐，又有中式炒小菜，仲有東南亞風味午餐，睇到眼花撩亂，超多嘢揀。幾經商討，決定食滷水豬髀（例牌）。滷水豬髀原隻切片一大排，整整齊齊，賣相出色。食落夠腍夠入味，超好食 😋😋 仲有酸菜，大大減低油膩感。仲隨碟附送半隻滷蛋😋 冬陰功湯一鍋，用咗迷你炭爐，夠晒特色。湯料好多，有日式魚蛋、秀珍菇、兩隻鮮大蝦、蕃茄粒.... 數都數唔晒，抵食👍🏻馬拉盞豬頸肉炒菜心，新鮮炒，夠鑊氣。菜心明明好粗碌，但居然唔老唔韌，反而超爽脆，令人好驚奇😂 而豬頸肉厚切又夠腍，啖啖肉。另外，再嗌咗雜錦拼盤。拼盤好多嘢，有米春卷、蝦餅、炸雞翼，同豬牛雞串燒各一串。米春卷餡料係芋頭，食落好香口。蝦餅外層遳遳脆，咬落好彈牙。串燒、炸雞翼同樣香口。怕熱氣無有怕，可以嗌嘢飲清清喉。我要左杯椰汁珍多冰，朋友要椰汁紅豆冰。我杯珍多冰，椰汁味香，好解渴。除左珍多，仲有椰果添❤️😋

之前在紅磡參加工作坊活動，完成後到了附近尋找我們合適的食店。行經東南亞菜的紅椒力量，看見價錢大眾化，餐廳是泰國和新加坡的菜式，感覺不錯，就入去品嚐一下這裡的美食。餐廳環境簡約時尚，整潔明亮，地方寬濶，不會有壓迫感，感覺舒適寫意。我們到來的時候是中午，餐牌上有多款中西式午餐外，另有很多單點選擇，海鮮、小菜、炒粉麵、喇沙湯麵、小食、飲品等的泰國和新加坡菜式，應有盡有，真的很不錯。鐡板孖頭牛柳     $87熱辣辣的鐵板，盛載著滿滿的材料  ;  大大塊的孖頭牛柳，厚身肉嫩，牛味濃郁，我選了黑椒汁，淋在牛柳面，味道更濃更香。配合脆脆的炸薯條及鮮味的蔬果，很美味呀！牛柳餐配備餐湯和麵包，很多蔬菜的羅宋湯，酸酸甜甜，很開胃  ;  暖暖的麵包沾上牛油一起吃，用來配搭羅宋湯就最適合。    餐飲加錢揀特飲的龍眼冰，龍眼肉清甜爽口，飲品只是少少甜，冰冰涼涼，好滋潤，好讚！雜錦併盤      $98併盤材料包括魚餅、蝦餅、雞翼、春卷、豬牛雞沙嗲各一客，炸物香脆可口，味道鮮美  ;  各款沙嗲肉質嫩滑，併盤備有三款醬汁，酸甜汁、沙嗲醬和醬油，沾了令食物更提升，美味無比！新加坡海南雞 (例牌)    $6

今日約咗兩位同事去紅磡食晏，其中一位同事想食喇沙，地頭蟲同事就提議去紅椒力量。見到餐牌，有好多選擇，我揀咗芝士魚柳拼薯菜，同事們揀咗雞翼喇沙、沙嗲雞串豬串、網春卷開心share。先講我嘅芝士魚柳，蒜蓉汁好搶味，食唔到芝士味，魚柳本身有醃過，唔會有雪藏味，所以呢碟食物味道都好濃，份量唔多，女士們夠吃，薯條炸得不夠脆。雞翼喇沙，朋友分享咗細碗俾我，喇沙湯底好香濃，我覺得做得幾出色，如果配檬粉會更好，雞翼都醃得幾入味。網春卷，網皮夠脆，內餡唔太突出，自行點了醬，都ok。沙嗲雞串、豬串，睇實物都好吸引，食落不錯，配上沙嗲醬，不知不覺就食晒半打。我下次會再來食喇沙

今晚同屋企人食晚飯，諗咗好耐都諗唔到食乜好，有人建議食泰國菜，有人又鍾意食中式，又有人想食扒，邊度可以一間餐廳滿足晒咁多人嘅願望呀，靈機一觸，屋企附近好似有間叫紅椒力量嘅餐廳，好似佢乜都有得食喎！好啦！我哋今晚一於去紅椒力量食飯啦！我哋叫咗個雞煲，叫咗二人餐，冬陰公海鮮湯加海南雞例牌，炸春卷，泰式鳳爪，馬來沙嗲串燒。另外，我哋又叫咗個中菜二人餐，菠蘿咕嚕肉加椒鹽鮮油配白飯，個菠蘿咕嚕肉真係正，啲豬係好新鮮，送飯真係一流！紅椒力量嘅飲都好有特色，果汁沙冰係用鮮果汁打，個椰青更加唔使講啦，又大又鮮甜！我諗下次唔知食咩菜好嘅時候，我會知道可以去邊度食啦。唔使諗啦，一定係紅椒力量。

今晚約咗屋企人食飯，去咗屋企附近嘅一間叫紅椒力量嘅餐廳，門面光猛整潔 👍🏻👍🏻橫掂又未試過，就去試吓啦！見到個Menu好大眾化，真係乜嘢款式都有，有中式飯餐，又有西式扒餐，連德國豬手都有，總之你諗到有乜，個Menu都會有，真係好犀利！我哋叫咗馬來沙嗲豬同牛各半打，泰式鳳爪同泰式豬頸肉，仲有冬陰公海鮮湯同海南雞飯！我哋都好鍾意食泰國菜，估唔到呢間餐廳嘅泰國菜係咁有驚喜，同去泰國食泰國菜冇乜分別！食辣野梗係要配返個椰青啦，點知個椰青又大又清甜，其實呢個時候竟然飲到咁高質嘅椰青，真係幾難得！為呢餐泰國菜加上色彩。另外要讚下嘅係啲沙冰，個芒果沙冰絕對唔係溝出嚟嘅芒果汁，而係堅芒果汁打成嘅沙冰，食泰國菜又點可能唔飲沙冰先，總括嚟講呢餐係非常之滿意，性價比高嘅特色餐廳！👍👍👍

經過紅磡呢頭，就順便喺度食埋晚餐。同行朋友話想食鐵板，見到鋪頭門口貼住個餐單見到唔貴，就入去試吓。見佢入邊座位好寬敞，而且呢個時間食飯嘅人都唔算太多，所以冇咁迫。侍應都算熱情，做嘢都幾快手，好快幫我地落單，我哋叫咗個鐵板西冷牛扒，一個套餐連埋湯同埋一杯熱飲只係需要$77 ，仲送埋餐包，鐵板餐來講係抵食，本身唔抱太大期望，但係食落發現佢個牛扒又唔太差，牛扒一咬就咬得開，雖然冇得揀幾成熟，但佢嘅牛扒又唔會煎到好老，餐湯我揀咗中湯，冇咩湯渣，但都幾大碗。鐵板餐本身有酸菜，所以我都冇特別叫飯或者意粉，對一個女仔來講份量算好足夠。同行朋友叫咗鐵板三寶，額外加咗一碟意粉，呢個套餐$87。三寶包括魚柳，豬扒同埋牛柳，三塊size唔會話好大，但係足夠一個人食，而且佢豬扒同牛扒又唔會煎到好老，魚柳都唔會話好乾，質素都唔錯。順帶一提，所有鐵板餐可以自選醬汁，包括蒜蓉汁，燒汁，或者黑椒汁，今次我哋揀咗蒜蓉汁同燒酒，個汁好濃，食落會有少少鹹，但對我來講都叫接受得到。總括來講，呢一餐係質素唔錯嘅親民鐵板餐，下次有機會經過再食。👍

學生放飯唔知食咩好 好多時候都會選擇嚟呢度食 呢度出名嘅就係抵食味道唔錯大大份選擇亦多 最緊要係上菜嗰度亦都唔會太耐 我以紅磡區幾抵食嘅選擇青咖喱雞飯$46價錢又有嘢飲又有餐湯 雞嘅份量又多 青咖喱都幾好食 唯一不足係個咖喱有啲太過青 大大份勁抵食邊度搵！雞扒意粉$46呢個雞排意粉就正正常常冇咩特別 唯一嘅好處就係比其他大部份嘅餐廳都抵食少少最緊要嘅就係呢度食飯如果係理工嘅學生就有九折優惠即係單可以減10%啱晒預算有限嘅學生啦😂

紅磡美食甚多，總會有很多吸引的食物吸引你到來。紅椒力量以前久不久都會光顧，但最近都有好一段時間沒有來了，今次就再回來吃。久沒光顧，餐牌的最大不同是增添了更多不同的菜式，但跟本身主打的泰國菜沒有甚麼關係，反而是在茶餐廳看到的菜式，生意難做我們五個人點了一個四人套餐B($398)。雖知道這裡的食物份量頗多，但怕我們自己太大食會不夠食，就多點了一個單點的菜。鹵水豬脾先送上，有沒有看到那些豬皮，還沒有食就知道質地鬆軟，吃下去味道皮和肉也鹵得足夠很入味，吃皮的你不要錯過啊！旁邊還有一些配菜可以配著吃，不會太寡。這個套餐有酸辣鳳爪在面的風爪酸酸的但不怎麼辣，但吃到底部浸著醬汁的就幾酸幾辣了，肉質爽，加上我們五人只有兩人吃，更辣得過癮，大快朵頤印尼炒飯是甚麼樣子的？我不清楚，很少甚至沒有機會食，但這個印尼炒飯好像普通港式炒飯一樣，不覺得有甚麼印尼元素，不過煎蛋和雞翼各一隻這我知道是有的。味道方面，我就覺得如外表一樣跟普通茶餐廳的炒飯沒有甚麼分別了😂蒜茸炒菜心炒得夠淋，同時也保留一點口感，放進了點蒜茸分量也夠的，大部份菜也能夠沾上，倘若再多一點應該會更好味。冬蔭海鮮湯顏色超紅，但實際是八分酸兩分辣😅分

見都有個食評讚紅椒力量讚到好似泰菜原門正宗咁，一於去試下門面闊落，裝潢設計不錯既，幾舒服，有啲泰式野擺設咁啦，最正既係好多卡位，坐低食下傾下計係幾好既餐牌眼花撩亂，實在好多選擇，泰式野有，中式小炒有，扒餐有，炒粉麵有，星馬湯粉麵有，小食串燒有話晒係泰國餐廳，當然試下泰國野水準啦泰式豬脾飯，勁多人話好食，上枱超大店啲豬脾唔使錢咁仲多過飯，入口口感好乾，肉質好硬好瘦，得5%有肥肉，好似食湯渣咁加埋酸菜先食得到啲，飯又硬，成碟野又無汁到底我係咪入錯門口海南雞，量ok既，食落味道正常，但無咩風味，啲醬無乜味咁想搵件靚脾靚油啫喱雞影相，好勉強有一舊好啲，其實連脾都好瘦好難搞咸魚炒芥蘭，應該係最正常既一味菜，就係咸魚同芥蘭味，無乜泰味，正正常常，已經係最好最後真係頂唔順淨返好多豬脾，無錯，飯無淨而淨豬脾，平時肥瘦一齊又多汁可以撈飯既泰式豬脾，錯晒淨低一堆湯渣好坦白，真係泰難搞所有泰菜都真係唔知點算，好難食得完，只能夠講，不如專心做下茶記小菜同扒餐，咪幾好又再諗下個一流泰菜食評到底係點解........#加油啊#改過個名同餐廳style咪又一條好漢

呢間餐廳地方夠大，就算繁忙時間黎都五洗點等位，重點系呢度學生餐好抵食 餐牌上食物種類多，普通茶餐廳食到既呢度都有，但環境比起茶餐廳好少少, 西式少少 呢兩個牛排餐友人話西冷牛排比較好食，肉眼反而比較韌，個意粉五似就甘水煮而系炒意粉，但味道普通 呢個羅宋湯幾好味，因為佢個辣味岩岩好(表示少少辣都食五到)，暖得黎又五會覺得太辣，裡面有紅蘿蔔呀 菜呀 番茄呀 都算足料 最有驚喜應該系呢個豬手，佢可以配salad /意粉/飯，整個豬手大大隻，份量就好似去 cafe 食一個百幾蚊既豬手餐甘，五止份量大，味道亦入味，肥瘦均勻，不過就因為份量大，切起上黎好麻煩，😂表示友人好快食完個餐，但你都沒切完...整體黎講 豬手餐確實好抵食

最近唔知係咪轉左手，啲喇沙冇以前咁好食冇咁香。但係午餐款式多咗好多，多咗啲西式意粉焗飯之類東西。試過個自稱肉眼扒意粉但是都是普通貨色沒有特別不過價錢親民都會再去食的。

首先⋯落單有問題一個人黎落左一次，轉頭另一個人又話睇唔明再黎落多次最後落漏餐飲。跟住仲要落錯枱號叫左個二人行海南雞飯$148有海南雞（例），油飯2個，菜，湯，餐飲係隻雞，小都算仲要得骨同皮，成碟得一成係肉，其他野食都ok 。如果你地係鐘意食皮同骨呢到好岩你。但絕對唔岩我囉。但好彩個菜都唔錯，唔老，真係蒜香，上菜都夠熱。