紅椒力量

营业中

休息中

推介紅磡泰好食飯堂！話說呢度係我同牛奶仔嘅飯堂，一星期總有一日喺呢度解決。皆因呢度平靚正，多選擇，總有一款啱你食！好嘢當然要帶埋朋友嚟食啦！今日朋友就食咗雞翼撈檬，檬粉係有啲硬嘅，不過加左啲汁之後就好啲啦上湯就清清地，仲有蘿蔔食添！肥牛配檬粉，普普通通唔算有咩大驚喜，對得住價錢啦豬頸肉喇沙金邊粉真係值得一讚，因為相當相當入味！豬頸肉咬落去十分JUICY，配埋個豆卜索晒啲汁，呢個真係冇得彈！份量大得來係好味嘅！估唔到呢個餐仲免費送熱飲！免加一！加$3仲有凍飲添鹹檸七就算係特飲加$10埋單都係$50左右唔正唔推介俾大家啦

假日黎到紅磡區，周圍都好多人等位食飯，路經呢間紅椒力量餐廳，望入去地方寬敞，又唔洗等位，食物款式選擇又多，價錢睇落又好相宜，結果就決定入去試一試！ 叫左二人小菜套餐，有飯有湯有飲品。點左魚香茄子煲。佢既茄子煲食落冇出面個種有穫氣既味道，亦冇咩魚香味，係一煲味道好正常既茄子肉碎煲，味道一般但可接受。 之後再叫左個椒鹽鮮魷，食落唔熱，亦唔鬆脆，外皮有dd辣味。魷魚就本身冇咩味。食落唔熱氣😂😂埋單120幾蚊，兩個人既晚餐，好飽好抵食。食物味道可接受，價錢就超值！

放假一起身已經係晏晝，咁就等到下午茶時間先去食飯。今日就去咗紅磡嘅紅椒力量食，兩點半下午茶開始， 其實呢間餐廳嘅下午茶都幾多選擇，30幾蚊一個餐我覺得都算幾抵，而且份量都多。我叫左黑椒牛柳絲炒意粉，包埋杯嘢飲$36，個人覺得係抵食之選😃😃上餐速度都好快，點左唔夠10分鐘就嚟咗啦。呢個意粉我覺得好夠味，好夠鑊氣，唔錯。下午茶來講算係咁😝杯檸水唔使加錢，食啲咁油膩嘅嘢加番杯檸水，沖淡番啲油，很好👍👍

#紅磡sis紅磡附近不嬲都好多美食雖然呢間餐廳表面比較平民 但呢個泰式餐抵食夾大件 二人套餐(B)$248有泰式滷水豬髀 滷得幾入味 好多骨膠原🤤炸蝦餅 新鮮香脆大大舊 幾彈牙馬拉盞炒通菜 味道有啲中式 有鑊氣海鮮冬陰公湯 味道比我想像中酸同幾辣 好開胃 有蝦 魷魚仔 青口同雜菇都好多-每樣份量都好多 其實三個人都夠食 見到其實都幾多街坊去食 讀Poly或者住附近既都可以試下喎哈哈 -紅椒力量 (紅磡)紅磡必嘉街紅磡灣中心12號地舖

去完大學聽講座後，就跟朋友去食飯，不過尖沙咀食店又貴又多人，所以朋友帶我去隱世飯堂開餐。位於紅磡區，由東鐵站行去都好方便就腳。Menu除了泰式菜外，也有小菜、湯麵等，款式百搭。海南雞飯 $60賣相都幾吸引，仲有倒湯，是青紅蘿蔔豬骨湯，老火湯不錯。雞肉份量幾多，肉質都ok，點醬汁食。不過雞皮還有毛，希望注意下。豬脾飯 $58泰國除海南雞，豬脾也是出名。這間的豬脾份量好多，肉質鬆化有嚼勁，面滷水蛋也不錯。炸蝦餅 $52蝦餅咬開超彈牙，$52有4件好抵食。

今晚同朋友行完街，除了買玩具就買到外，還發現了間超級抵食而且款式多嘅餐廳，位置絕對方便，黃埔或紅磡行過來都算ok，餐廳闊落光猛，一班人或一個人亦絕對沒有問題，望完餐牌個二人套餐$238有齊我嘅最愛，當然都要尊重朋友，禮貌問問，大家嘅選擇都係一樣，點了個冬陰海鮮湯，起初以為係湯碗上，但原來係一鍋上，重材料十足，有蝦有菇，味道夠晒濃郁，正！記住要襯熱飲，味道更佳！而個餐就跟海南雞例牌，加埋有兩個白飯，自己愛吃油飯加多$5跟上，個雞雖然只是例牌份量但一啲都唔少，香滑嫩滑嘅海南雞肉放滿了碟上，而雞肉配搭醬汁入口份外香滑！而油飯亦十分之香滑軟熟，配埋雞肉入口夠晒味道！除了雞還有炭燒豬頸肉，師傅已經切開，每片豬頸肉都燒得十分香軟，入口會感覺得到外面帶點香脆可口，裡面嘅肉質爽口彈牙好有口感！跟餐還有個炒菜，要了個蒜蓉炒菜心，大大碟，有肉有菜又有湯，一個價錢絕對抵食！而飲品除了可選跟餐指定飲品外亦可以加錢轉其他飲品，我就加多$19轉了杯芒果沙冰，沙冰打得十分細滑，入口有濃郁嘅芒果味道，夠晒真材實料！朋友知道我愛吃雞翼，追加了份香芧雞翼$48，新鮮熱盪嘅雞翼，外面香脆可口，裡面嘅雞肉質嫩滑，啱晒我嘅口味

今晚同舊朋友出開红磡，途經這間叫红椒力量的食店，主要是泰式食物為主。一向喜歡食泰式食物的我，就當然要入內進食。店內環境舒服，坐位又多又夠寬。店員也很友善。看完餐牌，款式又夠多。最後叫咗炸蝦餅，好新鲜，即炸出來的，熱熱地，非常好味。另外叫咗泰式椒鹽雞翼，雞翼好脆，好入來，個人認為這個是必食的。再叫馬拉盞炒通菜，份量又多又好味，通菜爽口。而且不太辣。叫咗個泰式椒羔干炒豬扒河，份量也十足，豬扒好味又夠口感。飲品方面，叫咗椰汁红豆冰，同樣有水準，红豆不太硬，口感很好，椰汁味又夠濃，朋友則叫咗芒果沙冰，又夠冰凍，芒果味好濃。综合各方面，食物質素，價錢又夠大眾化，店內環境等。绝對值得推介给喜歡食泰式食物的人士。

今日去紅磡睇演唱會，睇之前要先食飽飽。紅椒力量的餐牌有好多選擇，除左主打的泰國菜還有廣東小炒因為太多選擇，選擇困難症又開始發作，最後還是老公發板 海南雞飯套餐：雞肉幾滑，油飯好好味，有淡淡的香茅味道茄子牛仔骨：有好多牛仔骨，炒得好惹味，餸飯推介沙嗲串燒：一客6串，雞牛豬各兩串，意外的燒得幾有水準，同泰國食的串燒差不多，沙嗲醬偏甜，不會太辣馬拉盞芥蘭炒豬頸肉：有鑊氣，馬拉盞辣度適中，豬頸肉都好正餐廳坐位闊落，食物選擇多而且經濟實惠，值得試試

啱啱放學食下午茶，聽fd講呢間幾好味，就入去食下。下午茶30幾蚊，但同fd選擇食46蚊既扒餐。估唔到有驚喜，個豬扒好好味，又多汁，但佢送果個蒜蓉汁有少少過咸，可以唔洗點佢都幾夠味。但總體來講可以再一戰

有一段時間冇約屋企人喺紅磡食晚飯啦！週末到黃埔購物，順便喺附近搵間啱屋企人口味嘅！媽咪就話成日經過呢間紅椒力量想試吓食乜嘢！七點前仲有卡位坐，打開Menu應該係主打泰菜式，另一邊廂仲有好多廣東小菜，啱晒唔食辣嘅爸爸。先飲返個冬陰公湯熱下身先，一望個湯鍋又幾正宗喎！味道辣中帶酸甜，材料都幾豐富有蝦、蘑菇同埋其他香料，跟九龍城飲到的差不多。這裏海南雞也挺出名的，媽咪未食已經話隻雞好靚，夠晒油份，肉嫩而且幾鮮味，再配搭埋店家秘製海南雞三款醬汁就更好食。炭燒豬頸肉，入口外皮酥脆，口感軟綿，滿口肉香。香茅豬扒喇沙金邊粉，果然係店家嘅推介美食，充滿馬來西亞風味，我哋將成碗喇沙湯飲晒，香而不辣，加上材料豐富嘅香茅豬扒，一大碗真係抵食！馬拉盞炒通菜，唔使飛天一樣都有芭堤雅嘅風味，蔬菜來講我最鍾意食呢款。飯後再飲返個新鮮椰青，清甜解膩。菠蘿沙冰酸甜而且涼透心，唔使食甜品都夠晒完美。

突然收到call要去紅磡番夜班,明知有排都冇得收工於是一定要食飽飽先啦!必嘉街有唔少食肆,價錢相宜,行過見到呢間既環境唔錯,因為5點幾唔係食飯時間入面唔算好多人,有卡位坐得幾舒服於是就走左入去。一坐低睇下個menu,超多選擇!有東南亞菜色,焗飯,鐵板餐,中式小菜等等,真係好似咩都有!因為今餐一定要飽肚所以叫左成5樣野再加杯凍奶茶!首先馬來海鮮喇沙上檯,目測好足料!佢用左金邊粉做個底,同事表示非常喜歡~話唔會好似用粉絲油麵咁索到成口都係湯喎,不過個人喜歡粉絲同油麵做底既,後尾睇番單先見到佢專登標住金邊粉,我先諗咁係咪其實有得揀其他粉架呢?食食下馬來薄餅黎到,我就用喇沙湯點黎食,出奇地好夾!!之後咖喱豬扒焗飯到左,我地又點果d咖哩黎食!又係另1種口味!薄餅果然係點食都好食既!!😂輪到講今日既冠軍菜色✨焗咖哩豬扒飯✨!!首先佢黎到果陣個香味已經引到人想即刻想試😋個咖哩味好香好香,再用叉了一了,d豬扒係鋪滿哂成個飯面!仲要係啖啖肉唔會好似人地果d一半係骨黎既咁~再試個飯底,唔係用白飯咁簡單,係用蛋炒飯做底,唔怪得咁香!配埋個惹味既咖哩汁!佢就榮登今日冠軍菜色既寶座喇!!真心推介大家試下!!之後

說到泰國菜通常都會想到九龍城，想不到紅磡也有令人喜出望外的泰菜呢！餐廳環境整充滿泰國風味，座位大部份是卡位坐得比較舒服。餐牌大致想食的都有，上至湯粉炒河下至咖哩炒蟹冬陰公絕不欺場有，包羅萬有～今天特別想來個海南雞，例牌二人份量剛剛好，而且有雞脾呢！啖啖肉而且汁多肉嫩，價錢還非常公道。泰國菜必吃炒金邊粉，這個炒得充滿泰國風味不過就略為多油了一點，不過就証明非常夠獲氣！配了青檸就剛剛好。值得一讚的是這個蝦球豬頸肉炒飯，十分香口，炒至粒粒分明，一啖接著一啖，不得了小食方便我們挑了最多人叫的炸蝦餅，52$有四大件，沒有加一，怪不多那麼滿座。最後馬拉盞芥蘭炒豬頸肉，辣辣地胃口大開，肉塊蠻多而且十分多汁，這價錢買到如此質素水準，值得值得！***價廉物美絕對值得大家一試，已經好小地方不收加一，而且地點方便，絕對適合一大班朋友家人一起來來來。推薦！***

行經餐廳紅椒力量都想試很久了，今日放工比較早，所以與先生想行嚇紅磡順便到紅椒力量食晚飯。餐廳裝修都很有心思，給我感覺就像在大樹下的感覺，令人耳目一新。單看名字以為餐廳是食川菜之類，其實不然，是以星泰菜為主。泰式鹵豬脾 例 $78泰式鹵豬脾切得都比較大件，豬脾 鹵得很腍很入味，尤其喜愛食豬皮，又腍又滑。伴碟還有少少酸菜及半隻鹵蛋。酸菜帶少少酸味，剛好解去食鹵豬脾的滯。鹵蛋鹵得比較入味，蛋白很軟滑，而蛋黃則軟綿中帶香。馬來沙爹半打$65馬來沙爹豬牛各3串，上枱見到外表沙爹醬比較濃，非常吸引，豬肉入口顯得有少少鞋，但沙爹味很濃厚，2款中最愛沙爹牛肉，香口之余牛肉味及沙爹味都很濃。蒜容炒通菜$62食了肉類馬來沙爹及泰式鹵豬脾 ，當然有肉有菜才食得健康，要了個蒜容炒通菜，青青綠綠的很香蒜容味及很入味。椰青$35每人要了一個椰青，清清甜甜冰冰涼涼的，尤其是食完马来沙爹及泰式鹵猪脾，醒胃又消滞。

原先以為呢間餐廳只有泰國菜，怎料一坐下侍應遞上幾本MENU，一看之下，原來除了泰國菜、馬來西亞菜還有一些平時茶餐廳的中式小菜供選擇(當時還同朋友不約而同說，有選擇困難症，很難選擇，樣樣都想食)西洋菜蜜 $10(跟餐飲品有半價呢)青檸梳打 $13青檸是新鮮的，不會有苦澀味，而且份量十足，不是薄薄一兩片而已札肉喇沙 $55除了札肉之外，還有雞翼、雞絲、大蝦、豬頸肉、肥牛、豬扒可供選擇最近都少食札肉，就選了它，味道也不錯呢再配濃濃重椰香的湯底，一流泰式鹵豬脾 (例牌) $78大大碟的豬脾，啖啖都是肉，旁邊有酸菜做伴碟，酸酸的，可以減低一口油膩感(個人認為如果配上一碟汁醬口感會更加好了)冬蔭公香茅豬頸肉湯金邊粉 $52是香港人口味的冬蔭公湯底，酸酸辣辣的，香茅豬頸肉是有醃製過的，軟腍入味馬來西亞沙爹串燒(豬、牛半打) $65剛燒好的串燒再加配沙爹醬，味道更惹味

在紅磡逛街，發現了一間超級抵食的泰國菜，看了一下餐牌，便決定進去吃晚餐。這裏的飲品，有我最喜愛的椰青，也有一些啤酒。餐牌的主食選擇也不少有粉面類，也有飯類。也有喇沙可以選擇。看見有二人套餐，大約二百零蚊，非常抵食！所以我們決定要套餐，對於選擇困難症的我，是很好的選擇。鳳爪與蝦餅之間，我們選擇了炸蝦餅，蝦餅炸得鬆脆好味。馬拉盞炒芥蘭，不太濃味，味道剛剛好。當然不少得吃泰國菜一定要叫的椰青男人還是喜歡啤酒，所以叫了一支藍妹。老火靚湯與冬陰公湯，我們選擇了冬陰公湯。冬陰公湯味濃，而且料也很充足。最後結帳兩個人$300左右，非常抵食。而且份量也很大碟。