紅椒力量

营业中

休息中

黃埔一向係收工hea下既好地方～而且呢頭又非常多好野食～今日好準時收工就約左朋友係呢邊吃飯～成條必嘉街都係好多餐廳，真係眼花撩亂～見到呢間泰國餐廳好似裝修左而且個menu都唔一樣左，價錢仲係開心價～就入去試下～一入到就有卡位～真舒服～香茅雞翼（5隻）－真係大跌夾抵食呀！！有成5隻咁多～仲好香好脆～都幾高質～泰式鳳爪 －份量又係好大碟，比平時係九龍城泰國餐廳既份量大好多，但價錢就差唔多～唔會好辣～酸酸地好開胃～馬拉盞炒通菜－呢度d通菜好好食～夠嫩口又夠味～最最緊要就係夠大碟呀～沙爹串燒（牛豬雞各2串）一上台仲熱辣辣的串燒～每款肉都好好食～值得一試的係沙嗲汁好濃好好味，一定要dim沙嗲汁呀！最後係泰式蝦球豬頸肉炒飯－飯底粒粒分明～炒得夠鍋氣～仲係金黃色香噴噴～蝦球同豬頸肉都好多～d料好足～食到lamlam利！

泰菜平時都係去開九龍城食，咁岩同朋友去開紅磡睇show就黎到試吓！馬來海鮮喇沙一上檯就聞到陣好香嘅喇沙味，食落有陣好濃郁嘅椰汁香，啲料都好足，有蝦、有魷魚、有青口、豆卜、嗚門卷！啲粉又唔會好淋，啲汁又唔會太稀，可以掛係啲粉到一齊食，正！什錦拼盤有串燒、雞翼、蝦餅、春卷，串燒熱辣辣配埋個滿滿花生香嘅沙嗲醬，好好食！蝦餅都爽口嘅，春卷同雞翼就不過不失～泰式鳳爪鳳爪係爽口，但個人黎講都幾辣吓，不過都辣得好過癮，寧願邊飲野邊食，都想食多幾舊！馬拉盞炒芥蘭（豬頸肉）味道不過不失，肉嘅份量都幾多。椰青超清甜，仲甜過我係泰國飲果啲，所以encore咗轉！總括依到既野食比我預期好味，啲份量都算多，價錢又唔算貴，如果再黎開依邊都會再黎食！

泰菜平時都係去開九龍城食，咁岩同朋友去開紅磡睇show就黎到試吓！馬來海鮮喇沙一上檯就聞到陣好香嘅喇沙味，食落有陣好濃郁嘅椰汁香，啲料都好足，有蝦、有魷魚、有青口、豆卜、嗚門卷！啲粉又唔會好淋，啲汁又唔會太稀，可以掛係啲粉到一齊食，正！什錦拼盤有串燒、雞翼、蝦餅、春卷，串燒熱辣辣配埋個滿滿花生香嘅沙嗲醬，好好食！蝦餅都爽口嘅，春卷同雞翼就不過不失～泰式鳳爪鳳爪係爽口，但個人黎講都幾辣吓，不過都辣得好過癮，寧願邊飲野邊食，都想食多幾舊！馬拉盞炒芥蘭（豬頸肉）味道不過不失，肉嘅份量都幾多。椰青超清甜，仲甜過我係泰國飲果啲，所以encore咗轉！總括依到既野食比我預期好味，啲份量都算多，價錢又唔算貴，如果再黎開依邊都會再黎食！

進入了這間餐廳，叫個侍應寫單，極其不願意，好辛苦終於叫左佢過來寫單，叫左個炒貴刁加辣，相中侍應態度極差咁話：「唔好咁麻煩，午餐冇得加辣!」 Ok 我接受，咁要正常唔加辣，點知佢落左張單，寫「走辣」，明玩野😡如果午餐係唔可以「加辣」，咁點解又可以「走辣」之後同另一個侍應講，話之前既侍應落錯單，唔係「走辣」，之後個侍應好好，立即入廚房講「多辣」，相中侍應 應該要好好檢討一下自己對客人既態度。本來一間好好既餐廳，比佢降低晒d質素。😡

推介紅磡泰好食飯堂！話說呢度係我同牛奶仔嘅飯堂，一星期總有一日喺呢度解決。皆因呢度平靚正，多選擇，總有一款啱你食！好嘢當然要帶埋朋友嚟食啦！今日朋友就食咗雞翼撈檬，檬粉係有啲硬嘅，不過加左啲汁之後就好啲啦上湯就清清地，仲有蘿蔔食添！肥牛配檬粉，普普通通唔算有咩大驚喜，對得住價錢啦豬頸肉喇沙金邊粉真係值得一讚，因為相當相當入味！豬頸肉咬落去十分JUICY，配埋個豆卜索晒啲汁，呢個真係冇得彈！份量大得來係好味嘅！估唔到呢個餐仲免費送熱飲！免加一！加$3仲有凍飲添鹹檸七就算係特飲加$10埋單都係$50左右唔正唔推介俾大家啦

假日黎到紅磡區，周圍都好多人等位食飯，路經呢間紅椒力量餐廳，望入去地方寬敞，又唔洗等位，食物款式選擇又多，價錢睇落又好相宜，結果就決定入去試一試！ 叫左二人小菜套餐，有飯有湯有飲品。點左魚香茄子煲。佢既茄子煲食落冇出面個種有穫氣既味道，亦冇咩魚香味，係一煲味道好正常既茄子肉碎煲，味道一般但可接受。 之後再叫左個椒鹽鮮魷，食落唔熱，亦唔鬆脆，外皮有dd辣味。魷魚就本身冇咩味。食落唔熱氣😂😂埋單120幾蚊，兩個人既晚餐，好飽好抵食。食物味道可接受，價錢就超值！

放假一起身已經係晏晝，咁就等到下午茶時間先去食飯。今日就去咗紅磡嘅紅椒力量食，兩點半下午茶開始， 其實呢間餐廳嘅下午茶都幾多選擇，30幾蚊一個餐我覺得都算幾抵，而且份量都多。我叫左黑椒牛柳絲炒意粉，包埋杯嘢飲$36，個人覺得係抵食之選😃😃上餐速度都好快，點左唔夠10分鐘就嚟咗啦。呢個意粉我覺得好夠味，好夠鑊氣，唔錯。下午茶來講算係咁😝杯檸水唔使加錢，食啲咁油膩嘅嘢加番杯檸水，沖淡番啲油，很好👍👍

#紅磡sis紅磡附近不嬲都好多美食雖然呢間餐廳表面比較平民 但呢個泰式餐抵食夾大件 二人套餐(B)$248有泰式滷水豬髀 滷得幾入味 好多骨膠原🤤炸蝦餅 新鮮香脆大大舊 幾彈牙馬拉盞炒通菜 味道有啲中式 有鑊氣海鮮冬陰公湯 味道比我想像中酸同幾辣 好開胃 有蝦 魷魚仔 青口同雜菇都好多-每樣份量都好多 其實三個人都夠食 見到其實都幾多街坊去食 讀Poly或者住附近既都可以試下喎哈哈 -紅椒力量 (紅磡)紅磡必嘉街紅磡灣中心12號地舖

去完大學聽講座後，就跟朋友去食飯，不過尖沙咀食店又貴又多人，所以朋友帶我去隱世飯堂開餐。位於紅磡區，由東鐵站行去都好方便就腳。Menu除了泰式菜外，也有小菜、湯麵等，款式百搭。海南雞飯 $60賣相都幾吸引，仲有倒湯，是青紅蘿蔔豬骨湯，老火湯不錯。雞肉份量幾多，肉質都ok，點醬汁食。不過雞皮還有毛，希望注意下。豬脾飯 $58泰國除海南雞，豬脾也是出名。這間的豬脾份量好多，肉質鬆化有嚼勁，面滷水蛋也不錯。炸蝦餅 $52蝦餅咬開超彈牙，$52有4件好抵食。

今晚同朋友行完街，除了買玩具就買到外，還發現了間超級抵食而且款式多嘅餐廳，位置絕對方便，黃埔或紅磡行過來都算ok，餐廳闊落光猛，一班人或一個人亦絕對沒有問題，望完餐牌個二人套餐$238有齊我嘅最愛，當然都要尊重朋友，禮貌問問，大家嘅選擇都係一樣，點了個冬陰海鮮湯，起初以為係湯碗上，但原來係一鍋上，重材料十足，有蝦有菇，味道夠晒濃郁，正！記住要襯熱飲，味道更佳！而個餐就跟海南雞例牌，加埋有兩個白飯，自己愛吃油飯加多$5跟上，個雞雖然只是例牌份量但一啲都唔少，香滑嫩滑嘅海南雞肉放滿了碟上，而雞肉配搭醬汁入口份外香滑！而油飯亦十分之香滑軟熟，配埋雞肉入口夠晒味道！除了雞還有炭燒豬頸肉，師傅已經切開，每片豬頸肉都燒得十分香軟，入口會感覺得到外面帶點香脆可口，裡面嘅肉質爽口彈牙好有口感！跟餐還有個炒菜，要了個蒜蓉炒菜心，大大碟，有肉有菜又有湯，一個價錢絕對抵食！而飲品除了可選跟餐指定飲品外亦可以加錢轉其他飲品，我就加多$19轉了杯芒果沙冰，沙冰打得十分細滑，入口有濃郁嘅芒果味道，夠晒真材實料！朋友知道我愛吃雞翼，追加了份香芧雞翼$48，新鮮熱盪嘅雞翼，外面香脆可口，裡面嘅雞肉質嫩滑，啱晒我嘅口味

今晚同舊朋友出開红磡，途經這間叫红椒力量的食店，主要是泰式食物為主。一向喜歡食泰式食物的我，就當然要入內進食。店內環境舒服，坐位又多又夠寬。店員也很友善。看完餐牌，款式又夠多。最後叫咗炸蝦餅，好新鲜，即炸出來的，熱熱地，非常好味。另外叫咗泰式椒鹽雞翼，雞翼好脆，好入來，個人認為這個是必食的。再叫馬拉盞炒通菜，份量又多又好味，通菜爽口。而且不太辣。叫咗個泰式椒羔干炒豬扒河，份量也十足，豬扒好味又夠口感。飲品方面，叫咗椰汁红豆冰，同樣有水準，红豆不太硬，口感很好，椰汁味又夠濃，朋友則叫咗芒果沙冰，又夠冰凍，芒果味好濃。综合各方面，食物質素，價錢又夠大眾化，店內環境等。绝對值得推介给喜歡食泰式食物的人士。

今日去紅磡睇演唱會，睇之前要先食飽飽。紅椒力量的餐牌有好多選擇，除左主打的泰國菜還有廣東小炒因為太多選擇，選擇困難症又開始發作，最後還是老公發板 海南雞飯套餐：雞肉幾滑，油飯好好味，有淡淡的香茅味道茄子牛仔骨：有好多牛仔骨，炒得好惹味，餸飯推介沙嗲串燒：一客6串，雞牛豬各兩串，意外的燒得幾有水準，同泰國食的串燒差不多，沙嗲醬偏甜，不會太辣馬拉盞芥蘭炒豬頸肉：有鑊氣，馬拉盞辣度適中，豬頸肉都好正餐廳坐位闊落，食物選擇多而且經濟實惠，值得試試

啱啱放學食下午茶，聽fd講呢間幾好味，就入去食下。下午茶30幾蚊，但同fd選擇食46蚊既扒餐。估唔到有驚喜，個豬扒好好味，又多汁，但佢送果個蒜蓉汁有少少過咸，可以唔洗點佢都幾夠味。但總體來講可以再一戰

有一段時間冇約屋企人喺紅磡食晚飯啦！週末到黃埔購物，順便喺附近搵間啱屋企人口味嘅！媽咪就話成日經過呢間紅椒力量想試吓食乜嘢！七點前仲有卡位坐，打開Menu應該係主打泰菜式，另一邊廂仲有好多廣東小菜，啱晒唔食辣嘅爸爸。先飲返個冬陰公湯熱下身先，一望個湯鍋又幾正宗喎！味道辣中帶酸甜，材料都幾豐富有蝦、蘑菇同埋其他香料，跟九龍城飲到的差不多。這裏海南雞也挺出名的，媽咪未食已經話隻雞好靚，夠晒油份，肉嫩而且幾鮮味，再配搭埋店家秘製海南雞三款醬汁就更好食。炭燒豬頸肉，入口外皮酥脆，口感軟綿，滿口肉香。香茅豬扒喇沙金邊粉，果然係店家嘅推介美食，充滿馬來西亞風味，我哋將成碗喇沙湯飲晒，香而不辣，加上材料豐富嘅香茅豬扒，一大碗真係抵食！馬拉盞炒通菜，唔使飛天一樣都有芭堤雅嘅風味，蔬菜來講我最鍾意食呢款。飯後再飲返個新鮮椰青，清甜解膩。菠蘿沙冰酸甜而且涼透心，唔使食甜品都夠晒完美。

突然收到call要去紅磡番夜班,明知有排都冇得收工於是一定要食飽飽先啦!必嘉街有唔少食肆,價錢相宜,行過見到呢間既環境唔錯,因為5點幾唔係食飯時間入面唔算好多人,有卡位坐得幾舒服於是就走左入去。一坐低睇下個menu,超多選擇!有東南亞菜色,焗飯,鐵板餐,中式小菜等等,真係好似咩都有!因為今餐一定要飽肚所以叫左成5樣野再加杯凍奶茶!首先馬來海鮮喇沙上檯,目測好足料!佢用左金邊粉做個底,同事表示非常喜歡~話唔會好似用粉絲油麵咁索到成口都係湯喎,不過個人喜歡粉絲同油麵做底既,後尾睇番單先見到佢專登標住金邊粉,我先諗咁係咪其實有得揀其他粉架呢?食食下馬來薄餅黎到,我就用喇沙湯點黎食,出奇地好夾!!之後咖喱豬扒焗飯到左,我地又點果d咖哩黎食!又係另1種口味!薄餅果然係點食都好食既!!😂輪到講今日既冠軍菜色✨焗咖哩豬扒飯✨!!首先佢黎到果陣個香味已經引到人想即刻想試😋個咖哩味好香好香,再用叉了一了,d豬扒係鋪滿哂成個飯面!仲要係啖啖肉唔會好似人地果d一半係骨黎既咁~再試個飯底,唔係用白飯咁簡單,係用蛋炒飯做底,唔怪得咁香!配埋個惹味既咖哩汁!佢就榮登今日冠軍菜色既寶座喇!!真心推介大家試下!!之後