粗菜館

营业中

休息中

叫0左個豬潤粥, 豉油王乳鴿同魚湯浸油麥菜豬潤粥幾好, 粥底雖然無添財記咁綿咁有腐竹香, 但都有米花呀~豬潤幾爽脆, 有些位粉粉的, 無異味, 不過本人還是不太好此道乳鴿唔錯!!魚湯浸油麥菜更令我覺得驚喜!! 因為魚湯真係煲出黎0既魚湯, 好奶白, 好香魚味!!! 正呀!! 菜果邊更唔只俾油麥菜, 仲加上洋蔥同甜椒吊味, 唔使咁寡. 呢個安排幾好!!!!

我係買外賣，只買左一碟炒豬什，因為有朋友話好食，叫我去買嚟試！雖然攞到番屋企先食，但係味道都好好，豬肚，粉腸，豬等材料用特制醬汁炒到好香，相當野味！豬肚好爽，粉腸因為有條坑，ｄ醬汁入哂去所以更加有味！大家可以一試！

我喜歡吃中菜、家庭菜，這間簡單的食店看似是做我這類人生意的，所以便入去試試。這店的格局是舊式菜館，有點像往日上海一品香那種，當然就坐得不太好、衛生環境也麻麻。兩個人點了以下菜式：蒸田雞：用豉油蒸，有點鹹、蒸得過火，田雞無乜味炒芥蘭：油幾多鎮江骨（好似係咁叫）：唔得、好硬、又唔係好味例湯：唔太深刻飲了什麼這店餸菜份量合兩個人，不是太多，味道方面找不到什麼好，可能是叫粗菜館，所以對食沒什麼要求的，會是個不錯的地方（可惜我不是）。

想係九龍城食中餐...行黎行去, 決定去呢間阿媽食完話唔好0既..親身試下。鮑片雞粥.. d粥係煲得幾好0咼...可能食慣濃味..只是覺得差少許味..家郷煎魚餅... 煎得好香口..加埋d蜆介醬.. 仲好味~白灼鯪魚球(唔知係咪exactly咁叫..)... 其實好似清淡版魚餅... 當然冇煎0既咁好味, 但都唔錯..食到d魚味~仲有個唔知咩東坡肉.. 個汁幾好味, 不過有d肉就韌左d~ 呢度冇媽媽講得咁差0咼...

明星去就當然做好D.其實,顧名思義,粗菜館係提供客家人o既粗蔡.唔係咩精緻菜款,只熟家常菜. (本人係客家人).帶過老父去九龍城的晚飯,食一半就唔食,咁到底有幾好?而且,有次夏天去午飯,d雞腳湯有異味,d肉發臭. 飯後一小時內肚瀉.衛生真係嘛嘛,門面幾乾淨都冇用.d阿嬸可能冇乜衛生常識, 拿飯給客人, 係成隻手掌放在方面上,特別係肥果個女人.所以, 唔好人云亦云. 自己用心睇間o野點至好, 明星都要搵o野黎講, 人地叫簽名唔通唔簽咩? 江郎才盡就東拉西扯都要搵間未講過黎講啦. 大家都知道日日有新店開, 但唔係全港食店都好卦, 邊度有咁多間介紹ㄚ!

第二次來，上次無食炒豬什，因為怕核突。今次多了朋友會食豬什的，所以我們叫了。炒豬什：好正！！樣子唔系想像中0甘樣梅菜扣肉：正！雖然有肥膏，但都不會太油利。豆腐菜（忘了名字）：簡簡單單的材料，但味道絕對不簡單，不會淡而無味豬腦湯：都系細個時，媽媽弄果0的好味點；凍了還有點醒。服務麻麻，我已經坐走廊位，阿姐裝了茶給我旁邊的朋友，之後叫我“羅個杯來丫”。呆灑，居然可以甘無禮貌對客，而且我個位仲要唔系reach 唔到0我

前排蘇絲黃介紹呢間o個集重播﹐見到好似幾好﹐特登搭車去試下。叫左﹕雞酒- 同我飲開既雞酒唔同﹐唔係甜既﹐反而仲o岩我口味。總之非常香﹐飲完覺得好舒服﹐好潤。必試!炒豬雜- 嘩簡直係人間美味﹐料足﹐大碟(基本上呢間餐廳樣樣都幾大碟﹐唔欺客)。差唔多我一個人清晒﹐膽固醇高都係咁話。薑蔥炒魚雲- 其實呢碟都好食﹐但我個人對魚腥味特別敏感﹐覺得d魚雲有少少腥。粥- 係我咁大個人食過最美味既白粥﹐黎呢間唔好食飯﹐一定要食粥!完全唔明點解一碗白粥都可以咁好味﹐簡直欲罷不能!!其實呢間仲有好多其他出名既菜(例如乳鴿﹐我見抬抬都有叫)﹐奈何我地只得兩個人﹐叫得唔多。下次一定帶埋成班人黎擦餐勁!!!

原本念住去清真牛肉館食，下午12:30已有人排隊。時間寶貴，唔想等位，所以走來呢度試下。看看食評至知道原來平時好爆。今日唔使等位，即時入座，認真夠運。外面看仲以為裏面好靚，點知道系殘殘舊舊。當我地食食下，有對食客入來，個女既坐低後覺得唔乾淨，過了一陣，兩位起身就走了。食物方面，好似有好多明星推介，鏡上亦有好多簽名。梅菜扣肉，正！汁正，肉夠肥美！砂薑雞，yummy yummy!粥,有幾位明星都話好，我就真系覺得一般。第一碗，撈了梅菜扣肉汁，仲以為系0的汁影響了我個味蕾。叫多碗試真點，全程無添加，原味入口，但都系覺得好一般。豆漿，還以為是他們自己弄的。上臺至知道，系公和牌。無特別。好多明星來過，看似系明星開的，所以有點明星效應吧！

上次見好多人要等好奈,無食到. 尋晚專登早D 6點半去攞7個位點知........ 吓! 要全部人到齊先可以入坐!!! 唔係嘛!無位點叫一家大細落樓. 難道有老有嫩咁企街吸塵嗎? 如要一半人到先比位我都覺得合理D囉. 有名氣的食店就是這樣的嗎?

我人生第一次食豬油撈飯就係粗菜館發生.........味道: 有d好濃味，唔識形容，又有一陣奶味口感: 唔落豉油會有d"杰"，落完豉油就好d好彩一早已經訂左位，外面打晒蛇餅一行11人，坐大但都好迫當晚菜式:炒豬雜- 夠鑊氣，不過我只會揀豬肚食梅菜扣肉- d扣肉好鬼肥!!!食落似喱，想健康就唔好點e味菜招牌炒魚腩- 好好味，(我)阿媽都話好!!!口水雞- d味唔濃，淡左d蜜味東坡骨- 份量太少了，不夠分，我最鍾意e味，好彩我揀左一大件黎食蒜蓉蒸勝瓜- 好味，但好貴囉，一碟要成$38 !!!蒜蓉蒸勝子- 又係好味，幾新鮮，但太新鮮啦...有d唔熟爽藕炒豬頸肉- 好野味，但都幾辣下至於其他菜都同外面差唔多整體上粗菜館d菜式大部份偏油，想食d清淡菜式就唔好去服務唔錯，但餐廳裡面坐滿晒客，d侍應都幾忙下，唔可以即刻理你，要叫多幾次等下

看看這將有點失焦的相片,估下這是什麼?不是菜甫蛋,不是大堆頭,煎到過晒火的菴烈,而是鳳凰煎豬腦.十年沒嘗此味,於某日下午的特價套餐中重遇.跟套餐的例湯,菜乾雞腳湯味道清甜,不含味精.鳳凰豬腦份量同晚市相若,外貌如菜甫蛋,同菜甫蛋的做法一樣,不過加上豬腦,如果直接叫"豬腦菜甫蛋",一定嚇怕人.豬腦質感如海膽,香滑溜口.只是份量不夠多.希望只是午市的豬腦落得比較少,而不是將就食客的"又要怕,但又要試"的口味.來得粗菜館,一定膽固醇萬歲.對嗎?

見好多明星都去,所以就去試一試!我同我男朋友去,兩個人食左3樣野:1碟炒豬雜:份量適當, 味道非常好,適合送飯食^^1碟梅菜扣肉:第一次食倒唔"un",易咀嚼的梅菜扣肉!正1雞酒湯:個賣相睇落係好普通,但係味道非凡!酒味適中! 令到人想飲多幾碗~最衰我地得2個人,如果多d人可以再試多d^^不過如果真係去食晚飯, really去得過^^價錢都OK! 叫左3個, 2個白飯,都係$152落樓

黎得呢到, 充要放低有咩人SER既感覺,基本上, 所有人都忙到唔得閒理妳,不過D食物味道幾好, 其實好耐之前都有食過,唔係阿蘇介紹番, 我諗都唔會再食, 因為始終比較唔健康, 因為高膽固醇既關係籠仔梅子蒸鱔, 咸旦節瓜, 炒豬雜, 豬油撈飯係個飯唔夠香, 不過整體黎講都係好食

因星期六晚看了穌絲黃有關此食肆的介紹來到這間食肆一試，結果大失所望。我和女朋友兩個人來到時，已經看到有很多人在等位，但大部份人都是等大枱，我們大消五分鐘已經有枱了。本以為我們十分幸運但原來只是失望的開始。坐下後，我們聽到周圍的食客都是談論昨天穌絲黃的節目，看來有不少人都是和我們一樣看了節目後冒名以來。我們因只有兩個人所以只點了兩味餸黃金蝦和西芹腰果帶子，並沒有點穌絲黃介紹的梅菜扣肉和炒豬雜。因多人的關係，我們等了好一陣子才來餸。先來的西芹腰果帶子上面有很多鑊屎，賣相已經很差，我需要很小心的挑去鑊屎才可以吃。我吃下去完全失望，腰果沒有走油，丁點兒也不香脆，像在吃橡皮糖，帶子很咸，能勉強吃下去的只有西芹。後來的黃金蝦更差，咸蛋黃不平均的沾在蝦上。吃的時候，一口很咸、一口沒有味道。另外，蝦外的粉醬很厚，吃下去滿口是粉。最過份的是，他把鑊底的沾不上蝦的咸蛋黃也上碟，整碟好像垃圾一樣，我以為是附近的食客吃剩。總括今次經歷真的十分失望，此店之差完全超出我的想像。我不清楚是因為我們沒有吃那些招牌，還是那天太多人的關係，以致廚房把食品粗製濫造。我看如果只有那些招牌菜才做得好的話，不如你們只賣那三數樣菜

今晚六點黎到已有人龍, 侍應話等十幾分鐘就信佢啦, 等一陣就入到去, 前一次去已是數年前, 以前食過炒豬雜, 沒有興趣, 不試了! 二人今晚要了乳鴿, 魚湯浸勝瓜及古法蒸紅...是晚好多人, 勝瓜先來, 魚湯既pepper 味甚濃, 勝瓜硬硬地! 乳鴿就似水汁, 甜甜地, 鴿肉好腍, 好食過龍華好多, 不過食半隻之後就出事, 味精敏感發作, 條魚黎到食少少都食唔到...敏感得好緊要- 個胃灼熱, 不過, 我都試少少, 魚肉蒸得岩岩好, 面頭有少少肉絲同冬菇!