粗菜館

营业中

休息中

黎得呢到, 充要放低有咩人SER既感覺,基本上, 所有人都忙到唔得閒理妳,不過D食物味道幾好, 其實好耐之前都有食過,唔係阿蘇介紹番, 我諗都唔會再食, 因為始終比較唔健康, 因為高膽固醇既關係籠仔梅子蒸鱔, 咸旦節瓜, 炒豬雜, 豬油撈飯係個飯唔夠香, 不過整體黎講都係好食

因星期六晚看了穌絲黃有關此食肆的介紹來到這間食肆一試，結果大失所望。我和女朋友兩個人來到時，已經看到有很多人在等位，但大部份人都是等大枱，我們大消五分鐘已經有枱了。本以為我們十分幸運但原來只是失望的開始。坐下後，我們聽到周圍的食客都是談論昨天穌絲黃的節目，看來有不少人都是和我們一樣看了節目後冒名以來。我們因只有兩個人所以只點了兩味餸黃金蝦和西芹腰果帶子，並沒有點穌絲黃介紹的梅菜扣肉和炒豬雜。因多人的關係，我們等了好一陣子才來餸。先來的西芹腰果帶子上面有很多鑊屎，賣相已經很差，我需要很小心的挑去鑊屎才可以吃。我吃下去完全失望，腰果沒有走油，丁點兒也不香脆，像在吃橡皮糖，帶子很咸，能勉強吃下去的只有西芹。後來的黃金蝦更差，咸蛋黃不平均的沾在蝦上。吃的時候，一口很咸、一口沒有味道。另外，蝦外的粉醬很厚，吃下去滿口是粉。最過份的是，他把鑊底的沾不上蝦的咸蛋黃也上碟，整碟好像垃圾一樣，我以為是附近的食客吃剩。總括今次經歷真的十分失望，此店之差完全超出我的想像。我不清楚是因為我們沒有吃那些招牌，還是那天太多人的關係，以致廚房把食品粗製濫造。我看如果只有那些招牌菜才做得好的話，不如你們只賣那三數樣菜

今晚六點黎到已有人龍, 侍應話等十幾分鐘就信佢啦, 等一陣就入到去, 前一次去已是數年前, 以前食過炒豬雜, 沒有興趣, 不試了! 二人今晚要了乳鴿, 魚湯浸勝瓜及古法蒸紅...是晚好多人, 勝瓜先來, 魚湯既pepper 味甚濃, 勝瓜硬硬地! 乳鴿就似水汁, 甜甜地, 鴿肉好腍, 好食過龍華好多, 不過食半隻之後就出事, 味精敏感發作, 條魚黎到食少少都食唔到...敏感得好緊要- 個胃灼熱, 不過, 我都試少少, 魚肉蒸得岩岩好, 面頭有少少肉絲同冬菇!

落到九龍城，忽然唔知食乜嘢好(都好少係咁)，行過呢度，忽然有D掛住佢嘅炒豬什，就行咗入嚟..都未曾試過晏晝嚟食，原來亦有午巿套餐，有成十幾二十款餸揀，再加例湯及白飯，賣三十零蚊，算OK la..例湯係西洋菜豬骨，夠晒消暑，味精唔算太多，合格有餘..豬什仍然精彩--- 夠鑊氣，豬潤豬腸爽口，豬肚及豬腰全無異味，再加上大量葱段，吃得不亦樂乎。水準依然無出其右...

豬油撈飯又一選擇這裡的招牌飯係豬油撈飯, 比桶飯你, 加一碗豬油, 一碟豉油, 味道還可以, 但米則不太靚, 所以飯香不足.而最正的, 應是薑魚尹(即魚頭), 魚頭較厚, 亦夠乾身, 薑片脆卜卜, 與利園此可較一高下.其次椒鹽軟殼蟹亦不錯, 沙薑雞平平, 炸魚腩也不錯. 但取好不要在假日去, 水準較……。

D嘢好灟, 味道又一般, 服務又麻麻, 成日會望住你張枱, 好似暗示你食完快D走, 攪到好唔志在

如果大家想試下食豬油撈飯,呢度係一個不錯o既選擇,唔駛特登走入元朗名人酒樓食,而又未必有位..一行六人,懷緬之前响度食o既豬油撈飯,於是星期日特登駕車去九龍城,七點零又唔駛點等位喎..環境:地方較陜窄食物:豬油撈飯(大),沙薑雞半隻,椒鹽軟殼蟹,雜菌菇煲,咖喱薯仔牛尾煲,牛展小食,白飯兩碗服務k是次消費共$380

I went there todayate 炒豬什.....too many ginger....very few 什...the taste is not good...just very very 普通sauce as the seasoningthe "pork oil rice"....cannot compare with 大榮華...I can make better one overall service is not good, when I asked the waitress to give me more pork oil, she looked at my bowl and said "you still have some left wor!" ...Pork oil is jsut cheap stuffhowever, the price is not cheap, environment is poor

今晚行0左落去幫襯, 4 個人叫0左個炒豬什, 鹹魚茄子煲, 半隻海南雞同一個魚湯浸雜菌.除0左海南雞, 全部都very good for 送飯. 炒豬什好好爽口, 無異味, 尤其係豬心同豬腰, 好好食! 不過個別一兩條豬粉腸有d 苦.海南雞其實係凍食白切雞, 得d 蔥/薑茸, 無黑豉油點0既. 我覺得唔ok, 味道怪怪0地咁, 無雞味, 肉質連雞翼都嚡口, 唉.鹹魚茄子煲撈飯一流, 不過我唔食得辣, 始終覺得佢落少d 辣椒會好d. 個人亦唔鍾意佢落咁多薑絲.魚湯浸雜菌... 雜菌幾juicy, 夠熱辣, 幾好食. 魚湯底落0左好多胡椒粉去腥, 係好事, 但個人覺得佢重手0左少少. 當我知道係魚湯, 上菜時第一時間'畢' 0左一啖飲, 點知發覺係超級鹹的, 只可撈飯, 不可就咁飲. @_@冷氣好大, 勁凍... service 就ok 啦.(題外話... 點解隔0左咁耐都依然係我之前留個comment 係最新0架呢? 無人鍾意幫襯嗎?)

我最鍾意食佢0既炒豬什, 鑊氣夠, 豬潤無苦澀味, 豬腰又唔會有"壓" 味, 口感仲要出奇地"彈牙" (even for 豬什!), 正!炸辣魚腩好香, 但我本身唔食得辣, 嗜辣的人可能會嫌唔夠喉.鹵水乳鴿夠肥美, 鹵水汁又甜甜地咁, 送飯最正.有時餐廳on promotion, 會有$20 一盡雞燉翅, 但唔好睇佢, d 料都幾多幾"貨真" 0架!大部分餸菜都好油膩, 好有鑊氣; 但間唔中食0下, 無壞0既.Service ok 啦; d 櫈坐得唔舒服, 又要搭檯, 表現出老闆幾有生意頭腦-- 客人食飽都唔會坐0係度傾偈唔走, 等佢可以做多檯生意!

約左fd去九龍城搵食，今次目標係粗菜館~ 話晒係總店，期望水準應該高d~ 三個人，試左以下菜式：　- 招牌炒魚腩：雖然係招牌，但賣相味道皆一般，okay~- 粗菜扒豆腐：素菜，所謂既粗菜竟係金針菇？但味道的確好，食出有腐乳香味~- 蜜汁東波肉：我冇打錯，佢真係寫東波肉，一上枱，冇想像中肥膩，反而似鎖江骨，都唔錯~- XO醬蝦球節瓜（蔡瀾推介菜）：味道細膩，節瓜清甜中帶有金華火腿絲、椒干、榣柱絲香味~- 老火湯：我對中湯唔在行兼唔太好，但覺得依度既湯都幾好味--> 飲左兩碗~　食物水準幾好，雖然環境狹窄d(冇出面新分店咁靚tim)，但我認為味道緊要過裝修~ 繼續努力~!

豬油撈飯正爆～<br>曾經試過有幾個月“蔡生請食飯”叫小菜就任食飯或豬油飯～我試過一次食左４碗＠＿＠痴晒線！好彩我係食唔肥果Ｄ人～︿︿自從佢唔請食飯都好耐無去過，因為我最鍾意食果幾樣野都自己識整ｌｕ。。。咸魚醬蒸肉餅，咸旦節瓜肉碎。。。不過佢Ｄ野真係幾好食～我最中意就係呢平價野又整得好食～～蔡生你係得既～！

今日父親節,同身兼父職的媽咪去慶祝,事前沒有預訂食肆亦沒有預計去那間,一心諗住九龍城很多食肆,去到自然有位,大約七點,到了金麥泰門口,嘩!很多人呀!叫家人在等,自己再去附近逛逛,路經這裏,見裡面不錯,又不多人等位,就叫她們過來,等了一陣就可以入坐.炒豬雜($38)---說是招牌菜,炒豬雜的汁就好味,但豬潤和粉腸就一般,粉腸還有些苦,這味不覺得好,有些失望梅菜扣肉($45)---梅菜很好味,撈飯一流,扣肉半肥半瘦,很正呀.....咸魚茄子煲($42)---熱辣辣的,茄子很淋夠入味,不過不覺有咸魚味道,但仍然正海南雞(約$40/例牌)---是待應介紹的,說今日的雞很靚,就信她.雞是很滑,但說是海南雞就不覺!!白切雞就差不多...富貴黃金瓜($38)---等了差不多半小時,即炸的,總算沒有令我們失望.用蛋黃點著粉來炸的,黃金瓜即是南瓜,每舊表面都咸咸地,十分野味,份量很多,最抵食的一味.豬油撈飯一桶($30)---大約三碗飯,豬油和豉油分開上,怕肥的我只敢試一啖,要撈上很多的豬油和豉油就覺得很香,如加小小是沒有分別的.望著家姐們一匙一匙的加進飯,我和男友不禁在打冷震.三碗飯(@$7)---飯

從前在九龍城上班時，試過一、兩次跟同事來吃。最記得吃過一味蜆芥炒魚腩。起初唔知蜆芥是甚麼，但魚腩的味極棪，好似冇俾過任何調味，搞到我們要自行加豉油才能吃完；仲有一味炒豬雜，呢碟就真係不錯，豬雜有些爽有些就粉粉的，幾特別！ 吃過後，我跟其他同事都覺得除了鑊氣之外，基本上真係唔係話十分出色，可能現在大有進步也說不定，或者有機會再去一試。

新年期間和朋友來一個拜年午餐, 最後還是選擇了到九龍城的粗菜館, 店內地方不大, 兩邊掛著不小鏡子, 而且鏡面上己有不小名人名星的簽名.先來的皮蛋酸薑, 味道質感一般; 家鄉煎藕餅, 藕餅外表香口脆身內裡質感鬆化, 略嚴過火了一點; 蜜汁東坡, 味道適中甜美, 肉質鬆軟討好; 蒜蓉炒芥菜, 味道輕清略嚴多油了一點; 貪心的一嚐豬油撈飯, 白飯用一個小飯桶載著, 豬油和豉酒分上, 豬油不太香, 豉油和白飯亦只是一般. 整體上味道不錯, 服務有禮貌, 價錢合理, 只是冷氣強了一點.