粗菜館

雖然平時都鍾意煮番兩味嘅我，家常便飯還可以，但真心吾叻煮風味小菜，所以唯有出街搵番間有口碑嘅菜館，叫番兩三個粗菜小炒，滿足一下口慾。咁啱趁住屯馬新通車，今晚一於走一轉九龍城覓食。
呢間位於九龍城衙前圍道的「粗菜館」，看來歷史悠久。門前張貼著大大張蔡瀾十大推介，睇相都已經流曬口水。
店舖雖不大，但分有上下層。晚上7:00已經開始要等位了，我們兩人等了一會便安排入座了。

1

望住十大推介，樣樣都想食，經過一輪深思熟慮，終於有定案了。
介紹番是日精挑細選小菜有：惠州梅菜扣肉、豬油渣炒菜、薑蔥炒魚腩、招牌炒豬雜。配埋碗綿滑白粥，真係冇得輸。

明火白粥

$12

「惠州梅菜扣肉」- 唔使多講，呢款菜自己煮真係有排攪。梅菜咸甜度要較得啱啱好，扣肉要夠淋，豬皮及脂肪又要炆得綿，真係又要功夫、心機和時間。呢個小菜味道入口非常舒服不油膩，送飯送粥一流。

惠州梅菜扣肉

$88

「豬油渣炒菜」- 本身想食豆豉鯪魚炒油麥菜，但一場來到，沒有理由不試試呢款推介「豬油渣炒菜」㗎。沒想到咁啱又係炒油麥菜。油麥菜配豬油渣，再加埋蒜子、蝦米、冬菇片。炒菜炒得好絕不容易，火喉掌握很重要。呢碟菜不單入口不老，而且爽脆可口，仲要保存到菜的翠綠，色香味俱全。

豬油渣炒菜

$88

「薑蔥炒魚腩」- 食薑葱魚腩最緊夠多薑葱，呢個就啱晒我心水了，薑葱炒得夠香夠多，魚腩足足有六件，每件都炸得很鬆脆。連魚翅骨咬落都脆卜卜，裡面魚肉仍十分嫩滑，件件皮脆肉滑，真係食到唔停到口。

薑蔥炒魚腩

$85

「招牌炒豬雜」- 呢味菜真係好少會自己屋企煮。豬雜有豬潤、豬肚、豬腸、豬心，香口惹味，炒得火喉十足。我同阿仔又係食到舔舔脷，我哋表示好好味。

招牌炒豬雜

$88

總結今晚呢四款小炒，真係各具特色，正正程現了「粗菜精炒」嘅功夫。只需一些普通常見的食材，經過廚師精心製作，一樣可以係佳餚美食，令人滋味無窮，真係食過番尋味😋。