米走雞Deluxe (已搬遷) 新店位置

最近心情太差，懶理脂肪囤積，盡地一鋪吃鷄煲要釋放當然要坐得舒適！華麗版米走雞全是寬闊的卡座店員先奉上醬料讓我們自由配搭因為不吃芝士的關係，點了火焰麻辣鷄煲！大火煮沸後店員為我們開蓋兼點火，火光熊熊，嚇得拍照的我立刻退後，炒香後，侍應再加入麻辣濃湯，待再次沸騰就可以吃！估不到小份也份量十足，而且所有雞件都是厚肉的雞腿斬件吃完雞後就加湯吃配料！Wasabi 鮮墨丸一咬下芥末味道撲鼻而來，充滿墨魚香，爽口彈牙鮮蝦雲吞一份有八粒，而且每粒都脹卜卜，有幾隻鮮蝦，餡料十足翡翠苗味道清新，纎維質豐富油麥菜沒苦味，反而有清香甜味火鍋良伴竹庶茅根味道清甜、清熱下火

有朋友介紹過咪走雞呢間餐廳 話佢哋個芝士雞煲好足料 鍾意食芝士嘅朋友一定要試吓位於銅鑼灣渣甸中心 非常之近地鐵站 所以收工去食好方便 一出lift就會見到佢哋嘅門口 大大隻字寫住米走雞 餐廳入面冷氣夠晒大 唔怕食雞煲打邊爐會熱到出晒汗我哋首先叫咗個黃金芝士雞煲 細size 2-3人食 雖然我哋選咗普通量嘅芝士 但係已經覺得好多！份量一啲都唔吝嗇！雞件亦都大大嚿 同埋好滑 食得嘅時候職員會幫你開蓋 唔使擔心煮過龍由於有啲肚餓 所以叫咗個小食 我哋叫咗個涼拌木耳絲伴海蜇 份量雖然細細地 但係好惹味好開胃餐牌上面有好多唔同新鮮食材 我哋叫咗個手打鮮蝦丸(半份) 有8粒 粒粒都好大粒 同埋係有新鮮蝦嘅粒粒 好爽口彈牙 誠意推介唔係好多地方有蜂巢豆腐 個豆腐吸晒啲芝士湯 有少少韓式嘅感覺因為有好多雞件 所以我哋都冇再嗌咁多肉類 我哋叫咗個雜菇拼盤 有冬菇、金針菇、秀珍菇、雞髀菇 滿足晒我哋所有願望呢度環境唔錯 坐得舒服 食物種類又多 職員都好貼心 成日會幫我地加水 都幾推薦呢間餐廳！

環境4分：門口個燈柱路牌，同入面Ｄ油畫好有特色。四周圍好多卡位，搭枱都唔迫，Ｄ櫈個cushion夠厚好坐，就算full house都唔會覺得好嘈，可以畀四分。衛生4分：地方好乾淨，電子爐衛生又安全，同隔離枱有塊簾隔開，唔怕彈到隔離或者比隔離彈到，最衛生就係Ｄ豉油同打邊爐醬料每次都係由雪櫃拎出嚟，四分。服務5分：樓面顆記好有經驗，拎嘢嚟已經提及雞煲正確食法唔應該兜亂，中途成日換碟，冇得唔畀五分。味道5分：1)  個黃金芝士雞煲一上枱，開火冚蓋煮五分鐘左右，等芝士溶化之後， 就可以先食雞。驟眼所見，大部分都係雞髀肉，有成十幾嚿咁多，大大嚿都好滑好嫩，雞肉下底仲有好多好爽脆嘅洋蔥，食完雞煲都差唔多飽左。2)  食完芝士雞煲可以選擇再加普通湯或者芝士湯變打邊爐。唐生菜新鮮，煮佢幾秒就搞掂，好爽脆，真係打邊爐必備。3)  竹笙雪白爽口，又係煮幾秒就食得，啱啱好可以中和個芝士雞煲。4)  魚皮餃半份有五隻，煮到浮面就食得，索曬個煲入面D芝士精華，個鮮甜嘅魚味出好多，非常之好食。抵食5分：一個百幾蚊嘅激量芝士雞煲絕對可以食飽成三四個人，其他火鍋料又唔貴，抵食絕對可以畀五分。

今日食左間叫米走雞既雞煲。佢哋有分芝士同火焰麻辣雞煲。芝士雞煲係可以揀芝士既份量，但我地今日揀左食火焰麻辣，都有辣度選擇。辣汁會另上，上枱時員工會幫你手，點火再略炒，啲酒香立即逼哂出黎，啲雞又滑又有酒香更帶有麻辣既味道，層次相當豐富，有驚喜！有別於出面一般鷄煲既煮法。如果食唔到辣，可以叫員工唔好落晒碗辣汁。食完哂啲雞職員會問你想加清湯定麻辣湯底，我地都選左幾樣配菜黎食火鍋，每樣都唔錯。油麥菜正常爽脆，份量足夠兩個人食。鮮腐竹好有豆味，滾左一段時間都冇見佢爛開哂。蜂巢冰豆腐吸哂啲麻辣湯底非常好食。午餐肉用上貴價版本，全部帶有肉絲。最後有個手打蝦丸，𥚃面應該有2-3隻蝦打成，入口非常彈牙，有驚喜！另外飲品我地揀左咸檸七，杯內有大半粒既咸檸檬，我飲左2罐七喜個咸檸亦冇淡過，好野！

係長沙灣食到嚟銅鑼灣，繼續間唔中嚟食下米走雞。今日係星期日，我地專登早少少食晚餐，避開繁忙時間。6:30到達，唔洗等位，一坐底店員就拎醬料嚟俾我地混醬芝士雞煲同麻辣都試過，今次再食火焰麻辣雞煲少少辣一如既往，店員會係我地面前點火，比我地感受下火焰雞煲嘅火焰每次都好驚訝，點解可以有咁多雞....而且係啖啖肉.... 保持到水準其實兩個人食完呢煲已經有啲飽食到咁上下可以叫佢加湯打邊爐，有得簡清湯同麻辣湯好吸湯嘅娃娃菜(半份)半份都已經好多蟹柳(半份)好鍾意呢到有得嗌半份，可以過下口癮牛舌好彈牙肉質結實，會再食！！！試下啲特別嘢， 竹笙墨魚滑首先份量好多，好大條，竹笙吸晒啲湯好正好入面，入面墨魚滑好彈牙，加埋一齊好特別，又食到我停唔到口幾好食到飽飽一個人$240到，絕對收貨

返工期間，腦海中出現想食牛肉嘅欲望，係火鍋果隻，二話不說放工即上黎呢度入座後侍應已經奉上調味格，先自行混醬多款湯鍋中，下火又清清地之選有呢個皮蛋芫茜鍋 ($78)，呢個鍋底真係性價比相當高，除左有大量芫茜外，當然唔少得皮蛋啦，仲有紅蘿蔔，粟米，兩樣都甜喎，加埋豆腐，一鍋有幾樣食材，可以唔駛另外散叫都有得食，哈哈......湯底上左，火鍋料都同一時間出場，唔駛三分鐘已經放滿成張枱手切新鮮牛頸脊 ($228/細) - 黎呢度打邊爐必叫嘅，份量相當對眼，肉色靚仔厚薄適中，唔會切得太薄烚完都無晒口感，肉質軟滑，肉汁四射，無肥牛咁多脂肪，食得相對健康D!鳯城水餃 ($88) - 一客有8隻，隻隻外型飽滿，隱約中見到少少餡料皮薄但烚完都完整無缺，餡料有豬肉，木耳及蝦，有麻油香味，調教味道唔錯，即使唔點醬料食都夠味手打鮮墨丸 ($78) - 粒粒有如乒乓波咁大，勁呀烚完都係咁大粒，質感相當紮實，食到墨魚粒，亦有墨魚味道生菜 ($44) - 有半份有全份叫，呢到係全份，份量比想像中有D落差，烚完味道爽甜脆鯇片 ($58) - 排列得整齊，魚片上有埋薑絲，肉色明亮，絶非暗瘀色，望落相當新鮮幾有魚味，入口

同女朋友突然興起話想食雞煲，結果接完佢收工之後就睇openrice，去咗銅鑼灣嘅一間樓上雞煲火鍋店－米走雞Deluxe雖然呢度嘅黃金芝士雞煲好出名非常之吸引，但女朋友唔食芝士，結果就叫咗個火焰麻辣雞煲一齊食，當然我哋都係愛食辣之人辣度有得自選，店員先會喺你面前將雞煲點火燃起一層火焰，跟住等一陣就食得我同女朋友都一致認為雞煲味道做得非常不錯，雞肉夠軟熟，份量夠，好入味。辣得黎個嘴會有少少麻，十分過癮！食完雞煲之後就落湯打邊爐，湯有得畀你揀清湯同辣味。因為個雞煲本身都辣辣地，所以我哋就揀咗清湯我哋叫咗鵝腸，牛柏葉，美國桶蠔，麻辣豬肉餃同油麥菜值得一讚嘅係配料價錢十分親民，例如一個油麥菜只係廿幾蚊，成餐食到要捧住個肚走，都只不過係五百幾蚊。以依個質素同係銅鑼灣地段黎講，算係十分抵食！值得推介！

★★★★★黃金芝士雞煲 (小) $178份量嚟講係夠嘅，雞件都多，夠大塊，夠鮮嫩主要係佢D芝士份量極!多!極!濃!香氣十足！件件都拉到絲架～所以係絕對夠飽肚另外加咗D配料，加埋湯都仲係覺得好濃好creamy～米走雞Deluxe整體評分★★★★地理環境★★★★★位於渣甸中心，非常易搵，成棟大廈都係餐廳環境都企理舒服服務★★★★唔洗等位好快有得坐店員有禮，招呼周到，不時留意有冇燶底食物★★★★★味道不錯亦足料，鍾意芝士嘅萬不能錯過價格＄＄＄＄唔係任食嘅，價格相對中上，不過有芝士雞煲做招牌實在太吸引啦

Sell好食又創新嘅餐廳愈嚟愈多，唔少餐廳都大搞gimmick或者主題，同朋友今次揀咗米走雞deluxe，格局舒適，座位寬敞，長枱需要搭枱時，仲可以拉低掛喺天花嘅簾，對於雞煲餐廳呢類大眾化餐廳，真係夠晒私隱夠晒deluxe!雖然雞煲醬汁好濃郁夠味，但基本調味料依然有得提供火焰麻辣雞煲 (小) $168雞件非常新鮮，每部份每一啖都好滑溜，無論係主角🐔定係配料，都好足料，2-3人份嚟講性價比超高!店員為我哋點火後加入惹味麻辣醬汁撈均，每一件雞都均勻沾上秘醬。一隻辣椒辣度🌶都有辣勁，少食辣嘅朋友可以叫定凍飲竹蔗茅根 $68足料到以為兩個人只係得2-3杯，點知飲極都仲有，解渴解辣一流叫咗好多吸汁配料打邊爐🥬🍲! 當中唔少得同麻辣非常夾嘅紅薯粉🍜紅薯粉 $16手打鮮蝦丸 $78呢款鮮蝦丸令我同朋友非常驚喜! 大大粒而且每粒都有兩隻完整嘅鮮蝦🍤🍤 熟咗顏色仲吸引!鍾意食雞煲嘅一定唔可以錯過環境同食材一樣高質嘅餐廳😋

約咗朋友gathering，揀咗去銅鑼灣搵食本來book咗間餐廳，因為趕唔切，所以唯有搵過第二間🤔搵附近餐廳嘅時候，發現咗呢間「米走雞Deluxe」而咁啱我同朋友都未食過雞煲咁就決定食呢間喇！上到去可能太早，唔算好多人，而且一入去就有位。呢度有2款雞煲可以揀，其餘就係普通打邊爐湯底另外有張點菜紙就有打邊爐料可以揀。因為朋友唔食得辣，所以就揀咗芝士雞煲身為芝士怪嘅我就揀咗激量🙈揀完之後，店員就拎咗醬料籃過嚟，都係平時打邊爐有嘅醬料，例如蔥，生蒜，乾蒜，紅辣椒之類過咗一陣，個雞煲就上枱喇個雞煲係要按店員指示先可以打開蓋同埋食嘅時候係唔可以攪啲芝士，如果唔係，啲芝士喺煲底係會燶嘅。由於太多芝士，所以食食下啲雞變得好咸，我地就叫咗一渣竹蔗茅根水，食雞煲食到尾聲，店員會主動加清湯俾你打邊爐，亦可以加芝士，我地當然揀咗加清湯。見到枱枱都叫咗響鈴，所以我地都叫咗一客響鈴用嚟打邊爐，響鈴每條都勁大條，一籃有6條。兩個人賣單大概400蚊度後記：其實食完雞煲，已經有啲飽。所以如果2個人食，唔太大食嘅話，就唔好叫咁多嘢喇，咪做大嘥鬼😜另外，就算你用唔用醬料，都要俾醬料費架，同埋平時對芝士無咩熱愛嘅人可以揀返

空气開始轉涼啦， 又踏入打邊爐，食雞煲嘅季節啦。食過咁多間芝士雞煲，小編始終覺得米走雞嘅黃金芝士雞煲最好食。一向都好中意食雞煲既我，今日終於約到朋友陪我一齊食芝士雞煲！我跟朋友大概8點到達餐廳，餐廳座無虛席，非常熱鬧! 黃金芝士，芝士不算好咸，味道剛剛好，而且食落又唔會好漏。這裡的雞件都好大舊多肉，雞肉嫩滑，有雞的鮮味!煲裡還有好多洋蔥，洋蔥很多汁可減低食芝士會食滯的感覺! 特級雪花肥牛，無點到最貴嘅牛但都幾好食，不算好肥但牛香突出！ 好有水準好好味，下一次會再帶朋友過黎食，唔錯唔錯。

周路兒碎碎念了一段時間，一直很想吃米走雞的雞煲。今日我抱羔，為了我們的米走雞的約定，勉強赴會。餐廳裝潢簡樸，設有不少雙人座位。每位醬湯費$14。我們點了一鍋黃金芝士雞煲，可以自由點選芝士的份量，我們點了少量。⭐️黃金芝士$178除了雞塊，還有洋蔥、芫茜和中芹等配料。待雞煲預熱後，便可食用。雞塊裹滿芝士，十分邪惡。入口雞肉很嫩，芝士味道很濃郁。吃到差不多的時候，便可加入湯和火鍋配料。⭐️五香鮮牛肉$98牛肉經過醃漬，入口嫩滑沒有渣。打邊爐少不了菇類、蔬菜和粉絲，粉絲吸附著惹味芝士的湯汁，味道很夠。⭐️娃娃菜$24⭐️粉絲$21⭐️手打五寶丸拼盤$88有數款不同的手打丸，例如牛丸、貢丸、墨魚丸等，入口非常彈牙呢！⭐️雜菇拼盤$44有金菇、冬菇等，清淡又健康。▫️黃金芝士鍋很惹味，一鍋小的已經夠4人分享。

終於再同成班朋友食米走雞啦！真係每次都食完番尋味！黃金芝味雞煲每次必點當然係芝味雞煲，每舊雞都被芝士包住，芝士味勁香，雞肉偏腍，超推介！火焰麻辣雞煲老實講其實呢個比芝士煲更有驚喜，辣得黎又有洋蔥嘅甜味，味道好有層次！黑蟹子墨魚滑墨魚肉非常彈牙，又有墨魚嘅鮮味！特級雪花肥牛無點到最貴嘅牛但都幾好食，不算好肥但牛香突出！蜂巢冰豆腐呢個係必點啊，豆腐吸晒湯既精華，勁正，但建議早d食，唔係就會太油。紅薯粉紅薯粉比較硬，但同湯底好夾，為成個雞煲劃上滿足既句點😊

終於同朋友食到多次米走雞了～永遠都忘不了芝士味雞煲！非常特別！重頭戲當然是黃金芝士雞煲！一滾起就有濃濃既芝士味！點了少量芝士粉已經非常夠味，雞件大塊，啖啖肉，同芝士味非常夾啊！火焰麻辣雞煲唔係好食得辣既我地點左bb辣，非常容易入口，最驚喜係每口都食到洋蔥既甜味，味道好有層次，而且雞都幾滑！特級雪花肥牛（小）點了最平既肥牛，無咁多肥肉但牛味都好出啊！鮮腐竹呢個真係必點！非常新鮮而且好滑，腐竹吸晒湯底，好味！響鈴打咩湯底都必點！最後索晒d汁，超正啊！

琴晚朋友去食雞煲朋友唔食辣所以叫左芝士雞煲普通芝士佢唔係唔好食但朋友唔食parsley所以差少少味落左之後就冇咩野再之後叫芝士湯底叫左牛脊肉大份 響鈴 廣島蠔 冰豆腐半份牛脊肉大份幾好食肉味唔錯響鈴都好好食 又大條廣島蠔夠大隻 係幾好食冰豆腐食晒芝士湯底都好好食但我地叫左野飲兩枝啤酒加埋咸檸7結果全部人都是好口渴口渴到我地落去樓下飲左成枝烏龍茶都是好辛苦口渴到係唔飲水講唔到野咁我明出面味精一定有但未試過渴到咁辛苦所以應該唔會再食芝士底食辣底同埋傾唔到計 隔音好差喊係比過量味精