米走雞Deluxe (已搬遷) 新店位置

食過觀塘果間之後一試難忘，於是今次同朋友再戰銅鑼灣分店（因為其他分店full booking左）。今次叫左麻辣雞煲，因為朋友嗜辣所以叫左兩隻辣椒。本身都驚會太辣，但出奇地又受得到，因為佢係偏甜既辣，好易入口但又惹味。呢間分店最特別既係：會噴火！影完相打完卡就可以開動了！雞同第一次食一樣咁滑。食到咁上下就加湯食配料（湯都可以選辣湯同清湯，如果一開始覺得太辣就可以加清湯食配料了。）我地叫左好～多～配料⋯⋯兩個女仔黎講係太多的。叫左碟中價位既雪花牛（冇影到），已經係好好味；加左碟牛脷，都係好食。特別要強調既係公仔面，呢個湯底由於真係太好食，當面吸收左個湯底後係無與倫比既美味，必食。（同樣道理，加娃娃菜都好好食）至於芫茜，其實係可以唔洗嗌，因為本身已經有⋯⋯（除非你需要大量xd）同埋叫左壺銀菊露，都好好飲，感覺下火一點。同場加映係，我地兩個去到時電話都得返十幾percent電，膽粗粗問有冇得借尿袋，居然係有！（每部要比一百蚊按金）於是自己同電話都食飽飽離開，超級滿足！

今日朋友遠道而來，當然盡下地主之誼，訂了公司附近食肆，米有鷄Deluxe其實呢間食店已在旺角已幇襯過，不過上次只是打便爐。不過對它的出品有信心。地方寬敞，坐得舒服，沒有侷促感為了彌补上次嘅遺憾，也知朋友喜歡，叫了火焰細鷄煲（BB辣），吃完還可以加湯打邊爐。鷄煲上枱，隔住透明蓋看見非常疑惑，這麽多，是否來錯了，問了侍應，原來沒有錯，這煲足夠三，四人份量，鷄煲滾了，侍應非常細心，幇忙揭開煲蓋，點上火，藍色的火焰在煲內跳躍，朋友開心立即拍下。雞煲份量足，調味剛剛好，非常入味，鷄，也十分嫩滑，少少麻辣，帶出雞的鮮香味，再加上芫茜，洋蔥，味覺和嗅覺一流。吃完雞煲，其實已有十分飽，但要招呼朋友，另外加湯打邊爐。點了雪花肥牛，雞仔，油麥菜雪花肥牛，脂肪分佈均勻，入口融化，牛味濃郁，太好味了，飽也要吃吃吃雞子非常新鮮，我朋友摯愛朋友吃到讚不絕口，我也放下心頭大石，起碼讓他在香港的食物留下好印象。這餐廳相對來說在銅鑼灣性價比都高。一個雞煲已經滿足了我們的口福。

今晚我地去左銅鑼灣「米走雞Deluxe」嘆雞煲，每間分店都食過幾次，水準穩定有質素，唔洗擔心會中伏坐位舒適，環境乾淨衛生火鍋配料選擇多，部份更有半份選擇，岩曬兩口子打邊爐除了芝士同辣雞，亦有多款湯底可以揀酸梅湯好抵飲，大大壺，一人飲到好多杯，酸酸甜甜好開胃主角雞煲出場喇雖然係細雞煲，但份量超多成煲都啖啖肉，超夠味呀洋蔥又夠多，雞肉又夠多必食響玲，唔食一定會後悔非常有口感，超鬆化，未加湯前浸一浸更加惹味珍珠帶子鮮蝦雲吞雲吞口感豐富，蝦肉爽口，珍珠帶子鮮味哈哈中蝦中寶勁正！非常多蝦，蝦仁蝦膠包住原隻爽口鮮蝦，超大粒，必試！整體由雞煲到配料都依舊保持到高水準

米走雞這是我第二次到這家火鍋店，原因是我真的很喜歡他的食物非常新鮮。今次叫了芫荽豆腐湯底，我好喜歡吃芫荽，而且豆腐超滑。新鮮之選一：虎蝦，又大隻又鮮甜，新鮮得令人垂涎欲滴。第二：手打牛肉丸，好少吃丸會覺得他似牛肉一樣軟綿綿，而且牛肉味非常鮮甜。第三：脆肉鯇魚，我一向很少吃這些魚肉，但沒有想到火鍋的魚肉會這樣爽脆。下次一定再食。這裏的氣氛也不錯，上次吃過雞煲，今次就沒有吃，但聞到其餘枱的人客在吃，也覺得香噴噴的。

今日第一次去試呢間雞煲，入到去環境都可以，啲位都幾舒服。之之後嗌左麻辣雞煲可以小辣小麻辣。嚟咗之後啲雞嘅話食落好入味同埋好大件小骨抵讚。在嗌左隻牛，牛肩隻牛味重手切肥牛甜啲比較入味各有各好。最驚喜係有隻芥辣墨魚丸未試過幾好味。之後等左一陣冇冇嚟過鵝腸，最後有啲飽飽地取消咗冇黑面😌👍🏻傾計吹水最佳之選。除此之外雞煲入邊啲雞住得好入味，每一隻雞件都有汁，加上配料洋蔥芫荽一齊食簡直係冇得彈，而服務方面服務員都非常專業，會不停為你添加水。

We tried both spicy and cheese chicken hotpots. Both were outstanding and yummy. Chicken were soft and juicy. Cheese sauce was creamy. 响玲 was super nice, big, crispy and fresh compare to other hotpot restuarants, so highly recommend. If go for hotpot after the chicken, then better stick with the spicy one, otherwise will be too full after the cheese one. Staff are attentive and polite in general. Even we stayed till late, no one came to 趕客. Restuarant is clean and hygiene. Good option i

有時候,心情就是想吃雞煲,邊路,要兩件事一起做就更加滿足到我。店員先送上醬料盤，讓我們隨意拿自己喜歡的醬汁。然後我們立刻選了麻辣雞煲BB辣煲。店員細心的安排，幫我們把雞煲即時炒好，就像表演一樣，點火，火光藍紫色的。燒了差不多30秒，驚險吸睛。洋蔥，芫茜，薑蔥，炒起更惹味，雞肉嫩滑，2人份量有半隻。配料方面，我點了邪惡的芝士2塊和1包出前一丁。煮好麵，直接把芝士撈好，製作極濃郁的芝士撈麵。另一邪惡的軸心，芝心丸，也是必吃的！手打五寶拼盤，有蝦丸，牛肉丸，鯪魚丸，豬肉丸，墨魚丸，全部新鮮手打，足料彈牙。黑蟹子墨魚滑，看上去黑色的蟹子是第一次見，自己用勺子決定顆粒大小，煮熟後，黑蟹子變了青色，十分有趣。

閒時走過銅鑼灣渣甸街，發現竟有不少火鍋餐廳，令人花多眼亂，與朋友相量一會後，決定去到位置渣甸中心的米走雞Deluxe，我之前已經感受過芝士雞鍋既威力，所以想推薦比同行朋友，等大家都唔好走雞！上到門口，發現原來這分店只在晚上六點後才營業，果然夠巴閉。坐下諗都唔使諗當然點了芝士鍋底，仲可以根據原同人口味調整芝士份量，而我地亦當然點了最大份的激量啦！見到表面的大量芝士已經令人流晒口水，而雞既份量亦都係一貫既足料大份，多肉少骨，令人食起上黎可以大口大口咁，啖啖肉。當然，芝士雞鍋之後，梗係要繼續食火鍋料，唔少得仲有餐廳大推既邪惡芝士泡面！

米走雞deluxe- 惹味火焰雞煲門面銀色突字的背光招牌，配上紅色背景白色的公雞圖案，今天的主角是雞煲，和一般食店不同，內裡裝潢比較西式化，高背的梳化椅子，特色牆身，豪華雞煲的體驗。火焰麻辣雞煲名符其實的火焰雞煲，海量多的大大件雞件，嫩滑多汁，採用雞髀肉啖啖肉，醬汁以辣椒乾、洋蔥、芫荽配製，既麻既辣又惹味。特級雪花肥牛雪花紋理非非靚，油脂比例剛好的肥牛片，牛味濃烈，肉質腍身。包心丸火鍋必食丸料，爆漿的包心丸。津路烏龍茶、王老吉消濟解膩的茶品。

連續幾個禮拜日都沒有外出用膳！其實香港係我地的家！見到香港而家咁嘅形勢！心裏不好受⋯⋯我覺得應該要大家支持番大家！所以我哋一定要外出用膳支持本地經濟💪💪⋯⋯第一個想去嘅地方梗係銅鑼灣啦⋯⋯銅鑼灣係心臟地帶！位於銅鑼灣渣甸街50號渣殿甸中心3樓🍲🍲🍗米走雞芝士雞煲專門店🍲🍲火焰麻辣雞煲🍗🍲火焰喺呢度獨家嘅創作！超級惹味仲充滿酒香添！而且呢度雞件大部份都係用咗雞俾肉🤩🍗啖啖肉又鮮嫩又好味！而且份量超巨型⋯⋯一啲都唔孤寒！佢嘅麻辣😋辣中帶點麻！非常出色！黑蟹子墨魚滑墨魚滑做得非常彈牙！鮮美無比！每次都會點🤨特級雪花肥牛油花分布均勻！口感唔錯！帶點咬口！肉質鮮美🈶彈性！而且每件都有一定嘅厚度！超值！午餐肉丶油麥菜丶生根這裏有全份或半份😬我哋選擇半份🤩份量都唔少啊😬其實一餐窩心嘅食物！可以彌補我哋心裏嘅空虛！令我哋會快樂啲！香港我支持你💪💪💪💪

表姐剛從韓國公幹回來！🔟分想念香港嘅美食⋯⋯尤其麻辣雞煲！所以特意叫我陪佢擦翻餐勁嘅！咁岩我又要去銅鑼灣買手袋！所以就約喺銅鑼灣食！～～米走雞Deluxe～～位於渣甸街渣甸中心3樓地點超方便！這間餐廳我已經去過多次！食物質素高而且份量十足！價錢又好實惠👍火焰麻辣雞煲分量十足！雞件鮮嫩多汁！店員放上玫瑰露酒然後點火！紅紅嘅小火焰飄出陣陣嘅酒香！配料🈶️辣椒乾🌶️洋蔥丶芫荽丶中芹🤩味道超濃郁！惹味十足！特級雪花肥牛呢個唔同普通一般嘅餐廳！厚度十足！份量等於其他餐廳兩碟🤩而且肥瘦均勻！牛味濃郁！👍鮮炸響鈴一客有六件！炸得超鬆化！鳳城水餃🥟一客有八件！好香冬菇味！材料又豐富！蝦肉爽脆！打邊爐點可以少得超甜粟米和生菜🥬⋯⋯兩樣都超新鮮囉⋯⋯真係deluxe

朋友心情不好。話傾下計。觀塘一帶雖然好多食市，但地方大。又傾到計我諗大家十下十下慢慢傾就最好。米走雞係得獎食堂就當然試試。地方大。乾淨。湯底選擇了蕃茄粟米湯底，夠甜又好味特級雪花肥牛，脂肪分佈平均，細碟都好大份，碌了十秒左右就攪點。入口淋，咬口不錯，肉汁豐富。價錢合理脆肉魚片。鮮甜。唔腥，朋友最怕食魚，但一試都食多2片，爽脆脆好好味手打烏冬，煙靭最好放入湯耐時間長，因為可以入晒所有精華，烏冬味吸收晒，放上2片肥牛，簡直一流豆腐，蜂巢冰豆腐，比較硬身，所以放湯時間要長小小。但時候最好等一等，因為會吸晒所有湯，一咬所有湯會彈出來。蕃茄加粟米再有肥牛及魚想像到精華已經係豆腐吸收晒，好甜好味地方好，食物靚。店員招呼又好。正

今日同朋友來到聽聞以久的米走雞，看看是否真的咪走雞。由於非常肚餓，今日在餐廳一開晚市的六點已到達，亦都一支箭已坐低等叫食。題外話，座位非常寬敞，而長卡位中間亦有廉分隔著保持私隱度，店員亦非常有禮貌，甫坐低已送上調味料供食雞煲用，雖然未去過其他米走雞分店，但舒適度上這裡對得住「米走雞Deluxe 」這名字。當然，餐廳最緊要都是食物質素。這裡第一步是先選擇哪款招牌雞煲 - 黃金芝士雞煲 和 火焰麻辣雞煲。唔食辣的朋友竟然話想挑戰一下小辣的火焰麻辣雞煲，好辣的我當然暗爽。原來我朋友是第一次食這類先雞煲後邊爐的食法，但不怕, 檯紙上都有教食法。而對於已經第七百三十二次食雞煲的我來說，當然已在想邊爐時叫什麼配料，這裡有頗多選擇，而我選了些手打自家製或比較吸汁的 手打五寶拼盤, 竹笙, 鮮炸響鈴等。說時遲哪時快，雞煲已上檯，職員純熟地用火在雞煲上燒一燒，不要以後這步驟純粹是為表演(當然也有吸引食客拍張靚相的成份) ，更重要的燒過後雞煲的香味更濃郁，亦令兩隻餓狼更餓。雖然只是小雞煲，但雞肉量十足而且骨位不多，啖啖肉，肉質亦算鮮嫩。味道方面由於只是叫小辣，朋友食得高興，而我覺得叫中甚至大辣應會更完美，

這天下班後和同事到渣甸中心米走雞Deluxe 吃雞煲及火鍋。西餐廳般的裝修，確實有點情調，那位腼腼典典的年輕的女侍應，不但很有禮，而且服務也很殷勤周到，值得一讚！調未的醬料是自由配搭的。火焰麻辣雞煲看著雞煲上藍藍的火焰，不禁食肉大增。選了BB級辣度，以大件的雞脾肉入鍋，肉質頗滑，起初只覺有點麻和微微的辣度，誰知道那種辣是越吃越精彩的。朋友不喜歡芫茜和芹菜，下單時要求兩者也不下鍋，若非如此這雞煲必定更香氣撲鼻。吃完雞煲後轉戰清湯火煱。選了黑豚肉丶雞腿菇和唐生菜西班牙黑豚肉 豚肉肉質軟滑香腍，肉汁豐富，肉味是是香甜的，一試難忘，雖然價錢接近二百元一份，但吃過後感覺物有所值。唐生菜新鮮翠綠。鹹檸七鹹檸檬加冰凍的七喜汽水，既消暑又可替我解辣呢！

依家打邊爐都鍾意食散叫嘅火鍋店，因為覺得放題式唔抵食，食物嘅質素唔高，而且又個限時限刻，食得唔夠盡興同埋價錢好貴！ 呢間咪走雞deluxe嘅食物質素、環境同埋服務都真係做得非常之好，所以要大力推介，希望多啲人都試到！我個朋友因為麻麻地鍾意芝士，所以就冇叫佢嘅招牌芝士雞煲，反而點咗個火焰麻辣雞煲(bb辣)，另外點咗一壺酸梅湯，火鍋配料就有牛柏葉、豬頸肉、手打五寶丸拼盤、炸響鈴、蜂巢豆腐、生根、生菜、娃娃菜同炸魚皮...佢嘅麻辣雞煲啲雞好滑好嫩口，麻辣程度啱啱好，而且有好香嘅八角味帶得出佢麻辣嘅香...雞煲份量非常之多，兩個人食細嘅雞煲都食唔曬，洋蔥煮淋咗之後索埋啲醬汁非常好食，不過建議雞煲要盡快食，因為當啲雞再煮耐咗之後就冇咁好味...火鍋配料首推嘅一定係佢嘅五寶丸拼盤，裏邊有墨魚丸、蝦丸、鯪魚球、豬肉丸同埋牛丸，食得出每一種丸都真材實料，非常彈口同埋好鮮味，因為係手工肉丸，同平日機製嘅好唔同，好有口感，一定要試！另外佢嘅牛柏葉，炸魚皮同埋響鈴都好新鮮，好大份，好爽口！至於其他配料，尤其是係蔬菜類都食得出係新鮮嘅！由於冇估到佢每一碟嘅份量係咁多，所以我哋兩個人食都叫多咗，食完之後好滿足，