米走雞Deluxe (已搬遷) 新店位置

同女朋友突然興起話想食雞煲，結果接完佢收工之後就睇openrice，去咗銅鑼灣嘅一間樓上雞煲火鍋店－米走雞Deluxe雖然呢度嘅黃金芝士雞煲好出名非常之吸引，但女朋友唔食芝士，結果就叫咗個火焰麻辣雞煲一齊食，當然我哋都係愛食辣之人辣度有得自選，店員先會喺你面前將雞煲點火燃起一層火焰，跟住等一陣就食得我同女朋友都一致認為雞煲味道做得非常不錯，雞肉夠軟熟，份量夠，好入味。辣得黎個嘴會有少少麻，十分過癮！食完雞煲之後就落湯打邊爐，湯有得畀你揀清湯同辣味。因為個雞煲本身都辣辣地，所以我哋就揀咗清湯我哋叫咗鵝腸，牛柏葉，美國桶蠔，麻辣豬肉餃同油麥菜值得一讚嘅係配料價錢十分親民，例如一個油麥菜只係廿幾蚊，成餐食到要捧住個肚走，都只不過係五百幾蚊。以依個質素同係銅鑼灣地段黎講，算係十分抵食！值得推介！