米走雞Deluxe (已搬遷) 新店位置

火焰麻辣雞煲每次嚟都要食！今次挑戰中辣失敗真係好鬼辣但係又真係好刺激⋯⋯令人欲罷不能嘅麻辣 雞件大大件 肉質非常嫩滑 而且吸晒湯汁好入味慢慢嘆完個雞煲之後就可以加湯打邊爐今次試咗佢哋嘅招牌手打丸分別有梅菜豬肉丸牛肉丸蝦丸墨魚丸同埋鯪魚球每一款都各具特色 非常滋味特別係蝦丸非常爽口彈 而梅菜豬肉丸亦都好特別！手切肥牛顏色鮮艷奪目 品質高尚食落去肉質都非常鮮嫩而且肉味都幾突出喎 有驚喜有驚喜打邊爐一定要有脆響鈴食落口感鬆脆 而且吸晒湯汁

身邊總有一兩個雞煲控，雞煲癮發作無論任何天氣都話要食雞煲，而我又啱啱好想食黃金芝士雞煲，大家一拍即合。黃金芝士雞煲 米走雞的黃金芝士雞煲出名邪惡，味道特別濃郁，而且係自創口味，怪不得人氣長期高企。小煲二至三人份量已經食得飽飽，當中配料洋蔥、中芹、芫茜，加上柔軟嫩滑啖啖肉的雞件，吸收晒整個芝士美味精華，好味到不得了。這裏最可愛是激量 芝士碎不用附加收費，芝士迷簡直開心到大叫，勁濃郁的芝士香味，激量拉絲的感覺，非一般筆墨可以形容，私心推介一定要食！食飽飽雞件之後，仲可以繼續加芝士湯就可以打邊爐。秘製牛坑腩滋味無窮的秘製牛坑腩，不是每一個地方都可以吃到這種味道，秘製香味回味無窮，牛坑腩肥瘦適中，肉味濃郁，加上芝士湯的精華，味道得以提升，層次感豐富。手打五寶拼盤個人覺得手打蝦丸最有驚喜，香味濃郁而且突出新鮮味道，口感爽滑彈牙，墨魚丸又有咬口，鮮牛丸更加係不能錯過的香濃滋味，最貼心就係可以叫半份，兩個人食又可以試多幾款口味。鮮製五拼餃又係另一個經典之處，一次過試晒唔同餃嘅口味，鮮牛肉餃和菠菜豬肉餃最啱我心意。鮮炸響鈴放入濃郁的芝士湯底，輕輕滾幾秒，吸收了芝士湯的美味，滋味無窮。

喜歡吃芝士的我一定不能錯過任何有關芝士的食物，今晚來到銅鑼灣渣甸街的(米走雞)食番個芝士雞煲，地方環境舒適，食物質素很有水準，大家一至認同冇走雞到。黃金芝士雞煲$178，用了大量芝士、洋蔥粒、芝士醬等，賣相十分吸引。芝士溶滲透雞件裏裏外外，誘惑非常。當煮滾後大量芝士溶入每件啖啖肉的雞件，令到本身已十分嫩滑的雞肉更加提升口感。手切鮮牛頸脊(大份$318)，牛肉粉紅色嫩，雪花平均分佈，只需要滾2秒牛肉便食到味濃肉滑。手打蝦丸$78，肉質爽口彈牙，就是手打的廚藝。波菜豬肉餃$78，大廚精心手打，皮簿餡靚。

「米走雞」主打「自創芝士雞煲」，極具人氣，雖然愈黎愈多地方有得食芝士雞煲，但我始終都係最鍾意米走雞。經過數年，味道仍然，而且仲係唔知幾時，加入左激量芝士呢個選項，同一美食，更具芝味。米走雞擁有三間店，分別係旺角 (太子)、觀塘，以及銅鑼灣。黃金芝士雞煲 ($178/小/2-3人用): 芝士碎揀左「激量」呢個選項，真係多到成個煲都鋪滿曬，細煲都只係$178，真係抵到爛，配料有大量洋蔥、中芹、芫茜，當然唔少得嘅就係滑雞件，數量同樣多，細煲都有10幾20件，基本上我地三個人都食唔曬啲雞件。先煮十零分鐘，等芝士熔曬先好攪拌，隨時轉最細火熱住個煲慢慢食，由於底部有大量洋蔥，所以可防止痴底，但都要小心，需定期攪拌。激量芝士，超級芝味，味道極之濃郁，單係呢個芝士煲已經值門票價，極具特色，雞件均採用了雞脾肉，滑嫩得黎，又啖啖肉，食起上黎非常方便，未食過真係要試下!!!食完雞煲可加芝士湯/ 清湯開始打邊爐......酸梅湯 ($68/壺): 味道酸酸甜甜，梅味幾濃郁突出，又唔會有一種死甜嘅味道，所以飲落唔會太膩，幾好飲。手切新鮮牛頸脊 ($318/大): 色澤紅潤，脂肪比例適中，淨係賣相都覺得吸引。而且

早前友人說起想想吃雞煲，第一時間就想起米走雞，之前已經到過不同分別，唯獨沒有來過銅鑼灣的米走雞deluxe，一於訂位來吃。芝士及麻辣兩款雞煲我也喜歡，這次跟愛吃辣的友人當然選擇火焰麻辣雞煲。落醬玩火後，一道香濃雞煲味撲鼻，就可以吃了。點了二人份量的雞煲，雞件大大件而且份量不少，件件厚肉入味。吃完雞煲後便加麻辣湯打邊爐。打邊爐不能沒有牛，點了手切新鮮牛頸脊，的小份量，份量已經不少。牛頸脊肉味濃，而且肉質鮮嫩。還有我喜愛的蟹子墨魚滑，軟彈鮮滑，而且份量不少。好味又抵食！

之前係太子食過米走雞，覺得芝士雞煲好正，今日行開銅鑼灣亦有分店，就決定再去吃。一坐下，我們便即點了一個雞煲。睇住芝士在煲內慢慢溶化，口水快要滴下來了。芝士濃郁，每一件雞都沾滿了芝士，非常邪惡。煲內有大量洋蔥，店家選用的全是雞髀🍗肉，食起上嚟啖啖肉，正！水餃大大粒，脹卜卜，新鮮豬肉，彈牙鮮蝦，再有木耳絲，餡料豐富，食落爽口彈牙，鮮味十足。牛柏葉大大塊，再蘸上䜴油和鮮磨蒜蓉，唔係蒜粒，蒜味特香特濃，好滋味蔬菜翠綠新鮮，爽口清甜。這個挺特別，墨魚滑釀竹笙，口感又爽又彈，好食。魚片份量足，新鮮，魚肉爽脆。打邊爐熱辣辣，又點少得了一枝冰凍啤酒呢🍻

麻辣雞煲嘅魔力好難抗拒，好難忍到唔食，仲要係食過返尋味。之前食過太子米走雞，今日來到銅鑼灣shopping，點都要試一試Deluxe師傅的功力。店內環境整潔乾淨，很喜歡牆上的香港畫作。醬料會先由客人調教好選擇好，如果有需要，店員會再奉上醬料盤，枱面都足夠位置放火鍋料。今次挑戰麻辣雞煲小辣，試一試自己再上一層樓的感覺。今次有心理準備，店員過來幫忙炒起啲雞，亦友善問一問我們準備好未，點火喇，玫瑰露燃點起來，好精彩的一件事， 整個過程，最少有20秒，大家攞定手機一定影到同火焰雞煲的靚相。雞煲配料包括洋蔥、芫茜、辣椒等等。麻辣雞煲(小)一點兒也不細，這店的雞件真係要讚，又大又滑又多肉，麻辣味道滲入雞肉，越食越滋味。特級雪花肥牛~牛肉件件靚，叫得雪花，脂肪一定平均分佈於每件牛肉上，淥大概十多秒，大大塊慢慢享用。炸魚皮~ 水準一樣高企，食到最後，依然脆卜卜。即炸響鈴~ 非一般size，好大件，落湯約五秒好了，掛滿湯汁，內裡位置依然脆卜卜。油麥菜(半)及翡翠苗(半)~得兩個人叫半份好了，吃點蔬菜，吃點纖維，罪惡感冇咁大。整體來說確實不錯，怪不得朋友試過返尋味，次次出街都話想食。

最值得一提的，莫過於呢個店裡招牌黃金芝士雞煲(小:$178)。落單果時有好幾款芝士碎的份量俾你選擇，分別喺小量、普通和激量，我地叫咗激量，估唔到餐廳真喺俾得好足，除咗雞肉多不勝數，遠遠超過二人份量，芝士味非常濃郁！餐廳不只是用單一的芝士材料，除了面頭大量的芝士碎外，仲加入濃厚的芝士湯底添，唔怪得可以拉出芝士絲喔！當雞煲上檯時，師傅已經將雞件煮到半熟，上檯後再焗5-10分鐘就食得！師傅早將雞件切成細細件，肉質本來已經非常嫩，再加上細小吸味，食落含濃郁的芝士味，濃而不鹹！之後，我地轉火鍋湯底打邊爐，店員問我地想加芝士湯定普通雞湯。我地兩個芝士控當然二話不說地選擇芝士湯底，不過就有額外收費約$30。二話不說，我地即刻叫咗碟手切新鮮牛頸脊。師傅係解冰嘅過程非常有心機，一盤牛頸脊完全無冰鮮嘅雪氣，更加唔會拎出黎嘅時候有成攤水嘅情況。牛頸脊食落更加係入口即溶，因為牛嘅脂肪比例分佈得好均勻，牛既味道配合濃濃的芝士湯底，整個味道非常突出。我地仲試咗魚皮餃，皮薄餡靚嘅魚皮餃咬落去果陣，肉汁豐富，真係由舌尖慢慢地流入喉嚨，而且吸收埋湯底嘅精華，真係食到停唔倒口。

因為有外賣自取半價優惠，加上又好耐無出街食飯，試下買返屋企食喇。半價優惠$84有一大碗雞件，另外仲有一大盒生洋蔥、芫茜、芹菜，仲有一杯湯，一杯辣汁。拎到返屋企原來要再煮一煮，因為配菜都係生。之前買過一品係煮好哂一大個膠鍋，返到屋企就可以即刻食。不過我就比較鍾意米走雞既方式多啲，因為佢既份量都幾大份！係For 2-3人，但我係一條友食。所以佢分開裝就好岩我喇，我可以落一半材料，另一半擺雪櫃第二再煮多餐，真係好抵。

點了黃金芝士煲（小/ 2-3人份）雞肉很多，看似已熟，本已蓋滿芝士醬，還可以選再加芝士份量（無、少量、普通、激量），也可以請服務員另上。醬汁還沒完全沸騰起來 陣陣的芝士混雞肉香就撲鼻而來。雞肉又嫰又滑 芝士味道濃郁 我們停不下來。把大部分的雞肉都吃了 就可以加湯 雞煲便變身為火鍋。。。。。。我們點的配料也陸續而上，有：1. 特級雪花肥牛 - 點了小份，份量對於2個人還是很多，很值。牛肉很滑 味道不錯。2. 雞脾菇 - 放進湯裡煮久一點 菇肉會成嫰嫩的 有點彈牙 很好吃。3. 油麥菜 - 鮮甜的菜，在沸騰的湯汁裡晃兩下就能吃，爽口開胃。4. 豆卜 - 很能吸湯 很入味 每次都會點5. 牛肉丸 (x4) - 肉特別軟 煮的時間比較長 所以吃的時候肉湯很多 非常好吃。6. 芝士丸 （x4) - 煮了一下 咬進丸子時裡面的芝士料是半融化的 料不少所以很香濃。吃得很飽 很滿足。芝士煲太令人上癮了

最近家人說想吃雞煲，於是今天帶他來到銅鑼灣分店的米走雞吃晚餐餐廳環境舒服，座位很寬闊，枱與椅之間有間隔，有提供手部消毒酒精，注重衛生我們首先點了一個涼盤，非常清涼開胃，好吃然後，點了一個火焰麻辣雞煲，最喜歡看店員點火的那一刻，很壯觀。麻辣雞煲非常惹味，雞肉香滑，味道濃郁。這次我們也是點了BB辣，不過好像比上次吃的辣了一點，家人完全吃不到。於是另外點了一個湯底是給他吃的。這個湯底十分足料，就這樣看下去已經看到很多粟米，紅蘿蔔，而且非常大件。湯底非常鮮甜，帶有一點芫荽的清香味，很健康。然後店員見到我們有兩個鍋便提議我們可以把紅薯粉放在麻辣湯底，然後芫荽皮蛋湯便用來打邊爐。我們覺得這個建議相當不錯，於是便開始點火鍋配料。紅薯粉煮好之後味道很似重慶酸辣粉，熟透後及吸收了麻辣湯底的紅薯粉，咬下去非常有彈性，麻麻辣辣的，非常美味。手打丸有墨魚丸、蝦丸，魚丸，牛丸，豬肉丸。全部都很新鮮，手打的更加彈牙，吃下去有肉汁，味道鮮甜可口。牛柏葉爽口新鮮，浸了芫荽湯底之後味道更加清新。最後當然要點竹蔗茅根清熱下火一下甜甜的，非常解渴。

之前食過米走雞對佢既食材同環境都好滿意所以決定食多次今晚同朋友黎唔食雞煲主力打邊爐我地叫左沙爹湯底 脆鯇腩 日本廣島蠔六隻手切新鮮牛頸脊 (小) 竹笙墨魚滑生菜稻庭烏冬沙爹湯底有豬皮非常入味手切新鮮牛頸脊雖然係(小) 但其實兩個人食已經好夠牛頸脊好嫩滑入口即溶 好香濃既牛味日本廣島蠔六隻粒粒都大大粒 漲卜卜好新鮮竹笙墨魚滑係上一次食過一直念念不忘想再食原來咁樣既組合係好夾竹笙索哂湯底汁墨魚滑勁彈牙 口感一流其他食材都係好新鮮係一間有質量保證既火鍋

見到半價芝士雞當然要放工即刻去叫雞啦🤣只要like 社交平台就可以半價叫雞！拿我地叫雞就俾錢既唔似其他人咁芝士雞煲 (2-3人) $178 🈹折後$89呢個價真係好抵食🤪雞肉件件嫩滑加埋秘製芝士醬食唔停口😋芝士控可以叫重量級芝士但為左唔好咁膩食唔哂就決定要普通份量已經好足料好香😋😋-火鍋配料🍲⚠️有半份選擇推介竹笙墨魚滑第一次食好特別竹笙口感爽口加埋滿滿墨魚滑大滿足‼️另外哈哈蝦中寶都值得一試大量蝦滑包住一大隻鮮蝦🦐每啖都好重蝦味正😋😋

今日同朋友去左食芝士雞煲，黎過食芝士雞煲既朋友都讚口不絕，係黎之前就已經十分期待。入到餐廳店員好快就安排到位置比我地，餐廳地方都幾寬闊，坐得好舒服。黃金芝士雞煲$178叫左個期待以久既芝士雞煲，有兩個份量可以選擇，大的4人份量，小的2-3人份量，我地選擇了一個2人份量的雞煲，而芝士碎份量都可以自由選擇。芝士雞煲真係相當足料，雞件上鋪滿金黃色芝士醬 ，上層有大量芝士碎同已切粒洋蔥，真係色香味俱全。雞件每一件都好大件，唔會斬到又細又多碎骨，咬落啖啖肉，好值得一讚 。香濃嘅芝士醬加埋嫩滑的雞肉，鍾意食肉同芝士的話，絕對能感到好滿足 。芝士醬鹹香味突出，仲有拉絲效果，加上甜香的洋蔥粒，令整體味道更昇華。食完個雞煲都已經幾飽肚，所以係打邊爐配料方面都叫得比較少，我哋叫咗個腸仔 魚片頭同出前一丁。食個芝士撈丁，每條麵條都吸收左芝士湯的精華，無用原本出前一丁的調味粉同麻油都已經夠哂味。另外打邊爐湯底可以揀芝士湯定係清湯，如果覺得味道太濃的話可以叫加清湯調味。整體來講雞煲真係性價比高，價錢合理雞件大件又好食。

食雞煲必選米走雞，除了大大件雞肉份量多，其他單點配料樣樣新鮮，價錢便宜，還能以半份為單位，同樣適合少人數享用。黃金芝士（小）平日米走雞必點火焰麻辣底，最近火氣較大，點選了芝士雞煲配搭普通份量芝士碎。芝士高溫融掉化在雞肉堆，香而不膩。特級雪花肥牛（大）肥牛色澤鮮紅帶降花白，每片厚度較薄，份量滿多，脂肪平均分佈，入口爽口彈牙，牛味香濃。鮮製韮菜餃（半）韮菜餃即叫即包，餃子皮似雲吞皮，質感薄滑柔韌，韮菜餡新鮮飽滿圓潤，豬肉餡香而韮菜爽中帶辛。蟹籽鮮蝦滑驚喜配料，蝦滑膠質豐富，蝦滑里夾帶整隻蝦仁，爽口彈牙，肉質緊緻。蟹籽再作點綴，值得點選。娃娃菜（半）雜菇拼盤菜類均鮮甜爽脆，質素高。鮮炸響鈴（半）整體來說，價錢合適而質素不錯，吃雞煲及火鍋的好選擇。