米走雞Deluxe (已搬遷) 新店位置

平時一般般芝士既我，今次係朋友介紹下食過米走雞既芝士雞煲真係一試難忘。。。餐廳似係新開張，裝修幾grand幾新淨，我同朋友share左個2-3人雞煲加配料打邊爐，味道十分正，cp 值高。雞煲十分pro, 有得點芝士既份量（小量，普通，蛋量）而唔駛加錢，侍應好細心會問你要唔要走蔥，莞茜等等。都可以另上架。雞煲既雞件完全係用雞脾肉煮成，加上芝十分match, 令我地突然靜哂食完又食。。芝士味真係真係分香濃，加上滑滑既雞肉另加左一壺酸梅湯和冰豆腐，風味十足 ，一試難忘。因為呢個雞煲會令我回頭再食。。最後店員推介原來可以外賣帶回家食 。。

天氣轉冷，又係時間食雞煲，貪佢食完暖笠笠之餘，仲好夠惹味添，喺呢間餐廳叫嘅雞煲，就算叫細size,份量都好大，大大隻雞件，再加埋可以提供自己選擇嘅辣度添餐廳職員點火一刻，非常之amazing呀，之後再加醬汁去炒，點過火之后，令到雞嘅肉非常之入味，辣辣地，麻麻地，非常之惹味之後雞煲之后，食埋其他火鍋配料，我最鍾意就係佢哋嘅手丸物，鮮蝦丸同埋牛丸，肉質細緻，口感q彈，肉味香濃另外就係佢啲海蝦，有六隻$128,蝦真係非常之大隻，最緊要佢肉質非常新鮮最後點選左牛頸脊，肉質好滑，但不失咬口，肉味香濃

去銅鑼灣米走雞，先食左個麻辣雞煲，叫左小辣，麻香味濃郁，後勁辣度都幾足夠，洋葱吸哂味，好正又惹味！雞件非常多而且啖啖肉，肉質夠嫩！keep到肉汁，幾入味！之後再加湯打邊爐， 鐘意食牛既我當然要叫牛啦，手切牛頸脊細份都幾大碟，色澤紅潤帶光澤！一望就知係新鮮貨色，雪花紋理超靚仔，輕輕放湯20秒就食得！質感夠嫩又濃牛味，唔使任何醬汁，食番原味已經超正。虎蝦不得不提，又大隻又新鮮！熟左之後既蝦既粗度 keep到，有手指咁粗！而且非常爽彈，夠哂鮮味，鐘意食蝦必叫！不會失望。竹笙墨魚滑， 墨魚滑已經孃入竹笙內層，外層清爽輕身，夠爽！內層蝦滑又彈牙，口感層次超豐富，好好食！非常難忘。其餘丸類餃類都可叫全份或半份，變相可以試多 d唔同種類既配料！價錢公道！而且店員都好nice好 service, 讚呀

🍃🍂天氣漸涼又係🔥火鍋季節，今晚同囡囡去到銅鑼灣渣甸中心嘅米走雞🐓🐓 烚下烚下。呢度最出名食芝士雞煲同麻辣雞煲，不過細煲都2至3人份量，驚同囡囡食唔曬，所以就點咗囡囡最鍾意嘅蕃茄粟米湯底。餐廳環境好舒適，我哋兩個人都獲安排咗四人座位。手切新鮮牛頸脊（小$228）肉質上乘，紋理細緻，肉味濃郁。白鱔片（$98）都係我最愛， 每次打邊爐必點，超爽滑，好新鮮肥美😋😋下次叫埋老公，再試下佢哋招牌菜芝士雞煲。

#為食妹日記 #瑩瑩周圍食.天氣涼左就想打邊爐🍲，講起打邊爐一直想試吓芝士雞煲，機會嚟啦！！米走雞Deluxe 係疫情期間出咗優惠，星期一至四全日午市晚市，外賣自取堂食，雞煲及鍋底類都係半價🈹，咁抵梗係要去試下。.去到第一件時梗係叫🧀🐔黃金芝士雞煲先，另外再加咗手打鮮墨丸、珍珠帶子鮮蝦雲吞🥟同娃娃菜🥬。.🧀黃金芝士雞煲，自己選擇芝士碎份量多與少，配料洋蔥、中芹、芫茜同樣隨自己加減。芝士迷點可以唔加料，加多咗芝士落去真係好正好澎湃。👨🏻‍🍳大廚用咗五種不同芝士🧀打造呢個火鍋底🍲，當火鍋慢慢加熱🔥果種濃郁嘅芝士香味四散，令人垂涎欲滴🤤。雞件嫩滑又大件，🥢一夾起上來就有芝士拉絲效果。.🥟珍珠帶子鮮蝦雲吞超足料，入面有唔少粒帶子同大隻鮮蝦🦐。手打鮮墨丸大大粒好似一粒乒乓波咁，而且又有墨魚香又彈牙爽口。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 米走雞Deluxe (銅鑼灣)📍銅鑼灣渣甸街50號渣甸中心3樓

小份大辣火焰麻辣雞煲，份量大，約有30件雞件，大部分雞件約手掌大，加入大量辣椒乾、洋蔥、中芹、芫荽炒製，配料食落好香口，味道正宗，雞件肥瘦適中，肉質嫩滑，肉汁飽滿，好入味，食落啖啖肉。小份特級雪花肥牛，雪花紋路均匀，肉味濃郁，脂肪部分入口即化，口感厚肉。牛柏葉，食落好新鮮，口感爽口。秀珍菇，口感鮮嫩。半份海膽丸，口感外Q彈內脆爽，食落鮮味十足。半份蘿蔔，口感腍身、無渣，味道清甜。紅薯粉，口感爽滑、煙韌，容易掛湯。生雞蛋，食落蛋味濃厚。醬料，包括有辣椒、芫荽、香蔥、炸蒜、蒜末、豉油。麻辣濃湯湯底，味道多麻少辣，飲落好惹味。津路烏龍茶2枝，茶味濃香，飲落不苦澀。

米走雞Deluxe (銅鑼灣)銅鑼灣渣甸街50號渣甸中心3樓▪️▫️▪️▫️▪️▫️▪️▫️▪️▫️▪️▫️▪️▫️▪️▫️💛米走雞招牌係黃金芝士雞煲和火焰麻辣雞煲兩者都好吸引最後我們選擇咗火焰麻辣雞煲🤤(小辣🌶）雖則是二人份量但是雞件都好足料，大部分是雞脾肉tim啖啖肉😂非常入味它的麻辣醬汁麻香味較重🌶食到差不多我哋就加了清湯開始打邊爐🍲大部份火鍋配料都可以選擇半份或者一份點菜啱晒我們這些咩都想試下嘅朋友仔😃可選擇多款🍢手打五寶拼盤-分別有牛肉丸/豬肉丸/蝦丸/墨魚丸同鯪魚球👧🏻最愛就係蝦丸🦐和墨魚丸🦑口感非常彈牙而且唔會成粒丸都係粉😃值得推薦👍🏻🦑竹笙墨魚滑就是將墨魚滑釀入竹笙裏面，墨魚滑非常新鮮彈牙已再加上竹笙非常掛湯😃夾埋一齊食幾得意😃😃👍🏻🌟由即日起至2020年10月30日，米走雞(觀塘店)外賣自取或經CALL4VAN送貨，消費滿$500，加$50即可送貨，滿$800更可免運費。

最近天氣轉涼食雞煲/火鍋就啱晒。今次去咗「米走雞」試咗佢哋嘅「黃金芝士」雞煲 (細，夠2-3位用)，配料有芫莤、洋蔥、中芹。大廚用咗5種唔同嘅芝士嚟整呢個雞煲，份量仲可以自己揀㗎。我哋個雞煲係普通芝士份量，已經覺得好多(自己睇相和video啦)。雞件份量一啲都唔少，以呢個價錢(HKD178)嚟講好抵食。最驚喜嘅就係賣單嘅時候個芝士雞煲原來有半價優惠 (只限星期一至四午市和晚市)，真係抵上加抵！⁣店員好細心幫我哋將啲芝士同雞件搞埋一齊，確保每件雞都吸收晒啲芝士，芝士控絕對唔可以錯過😋⁣點餐時可以叫埋火鍋材料，食完雞煲之後同店員講聲，佢哋會好快手咁將個雞煲變成火鍋，仲會問你要清湯定係芝士湯底呀🤤見到個湯底滾嘅時候真係流晒口水🤤🤤🤤⁣我見另一款「火焰麻辣雞煲」都好受食客歡迎。店員話我哋知呢個雞煲係用咗30多種香料炮製，雞件係用玫瑰露點火炒㗎～好吸引！下次再幫襯嘅時候一定會試吓呢個雞煲😋😋⁣由於兩款雞煲價錢實在太抵食，當晚餐廳裡面坐滿晒人。大家去之前一定要訂位呀，仲有優惠只限星期一至四，唔好記錯呀😀😀

呢幾日feel到秋天既涼意係時候食啲暖笠笠既野每年秋冬我都會黎米走雞 @食佢地既招牌芝士雞煲最鐘意餐廳既雞煲只採用雞髀肉舊舊都咁滑咁好食煮滾左芝士溶曬就食得芝士味勁香濃食完雞再加清湯或芝士湯就可以打邊爐啦特級雪花肥牛（半份）雖然這本份但係份量超多夠2到3個人食牛肉大大舊又切得厚肉味香濃高cp鴨血一碟有8件軟滑又高質配麻辣湯底會再吸引啲脆鯇片脆肉鯇切片起骨食起上黎好方便肉質爽脆唔易煮散啱曬打邊爐呀蟹柳（半份）有6條用既係偏貴既蟹柳油麥菜打邊爐必備菜好新鮮原來配芝士湯底都幾夾呢間雞煲已經幫襯左5次以上食過咁多次都keep到個質素

早排上網搵到米走雞 有一個創新雞煲好多人推介🤩早幾日就約咗個 friend 一齊去試下佢嘅黃金芝士雞煲😎.黃金芝士雞煲(小)🐔雖然只係揀咗普通份量嘅芝士碎，但一打開個煲蓋，係勁澎湃嘅芝士😱芝士味好香濃🧀雞肉係用咗雞脾肉🍗肉質大件又滑😋拉絲芝士加雞肉味道幾夾😉底下仲有中芹、莞茜、洋蔥🧅食完就可以麻煩職員加芝士湯落去打邊爐啦🍲.五香鮮牛肉🐮牛肉嫩滑，牛味重🤤.鮮蝦雲吞(半份)🥟蝦肉爽口🦐豬肉質感唔錯🐖但就鹹咗啲😔.鮮炸響鈴(半份)💛響鈴好大條，浸咗落啲湯到半脆半腍😆但芝士味唔濃🥺.蟹粉丸(半份)🦀一咬落去就爆曬啲湯汁同蟹粉就爆出尼😬配埋彈牙嘅外皮就啱晒😜.紅薯粉🍜質感QQ，掛汁力強👍🏻不過配辣嘅湯底應該好味啲🤔.醬料🥄有麻醬、葱花、莞茜🌿辣椒🌶炸蒜、蒜蓉🧄可以先調配適合自己口味嘅醬汁🥰.七喜、Zero🥤打邊爐唔少得

突然間好想食雞煲！聽朋友講銅鑼灣有間雞煲幾好食，一於去試下～間餐廳叫「米走雞」，都幾得意喎～個煲可以揀黃金芝士雞煲同火焰麻辣雞煲，兩個都好吸引呀～不過都係想食D惹味D既，所以最後揀左火焰麻辣雞煲中辣～配料都有好多野揀喎，真係花多眼亂呀～又有得自己整下調味料～食麻辣要叫定啤酒先～中辣火焰麻辣雞煲到左啦～要等佢滾起，然後店員會用秘制麻辣濃湯撈勻，個雞煲即刻又香又辣呀～呢個雞煲個味幾特別，係又甜又辣架，而且都幾多雞件，兩個人差D食唔晒～中辣都幾辣呀，好惹味～配料加左竹笙，都有十條八條，全部都白雪雪仲有半份蜂巢冰豆腐，大大舊，吸左麻辣汁仲好味～半份鮮制五拼餃，有雲吞、水餃、牛肉餃同韮菜餃當然唔少得鴨血啦～麻辣鴨血大大件，正呀～好抵呀，原來個煲有半價，兩個人都係400蚊咋，正～

調味料一開始見到幾開心🥳好多野可以加但係埋單見到收三十幾蚊位醬油錢就O左嘴⋯⋯ 要求左大量芝士半隻雞 比想像中多有洋蔥墊底同芝士味道都好夾好味道，雖然係冰鮮雞。真係可以3個人食。牛肉都好靚！好好味！響鈴果然係新鮮ge，豆味濃過 普通盒裝ge款washabi 味道的墨丸 我一般⋯⋯雖然唔係好嗆，但係真係enjoy唔到d丸係靚，下次食其他口味先紅薯粉 發得好好，煮一陣就食得啦！有預先浸泡。下次兩個人真係唔好咁貪心完全食唔曬XD

叫左個(小)既芝士雞煲，其實本人對芝士麻麻，因為吾太中意食，但冇辦法啦，出名既得芝士同麻辣鍋，所以就叫左個芝士，但食落去之後，真心一流，啲雞又大舊，又有少許芝士味，因為菜單上可以揀要幾多芝士，我就揀左要少量。但服務就麻麻地，我叫左3次杯咸檸七都冇上到枱。激心。

唔知幾多年前由得長沙灣嗰間舖開始食依間連長沙灣間舖都摺埋雖然佢依家有埋麻辣雞煲，但我都係鐘情佢嘅芝士雞煲其他地方食唔到嘛黃金芝士雞煲(小) $178芝士味好重好香好濃郁又唔會太漏 (帶返個頭盔先⛑係對我來講)因為我好鐘意就咁食啲芝士汁我仲會未加湯前落個響鈴，咁就可以有一層好濃好杰嘅芝士包住成舊響鈴食落去係好正嘅感覺依到係用咗幾款唔同嘅芝士，所以食落幾有層次同埋芝士同雞真係好朋友嚟，兩個放埋一齊好夾雖然係細份，但我覺得都已經夠3-4人食快啲食完雞可以打邊爐嘛手打新鮮牛頸脊 (大) $318少少覺得牛同芝士唔係咁frd雖然牛肉幾靚，但配平時打邊爐湯底應該會好食啲不過打邊爐一定要食牛，所以點都會嗌返碟蟹籽墨魚滑 $88依個好好味真係好爽口彈牙再加埋啲蟹籽巧巧食-竹笙 $44原來竹笙可以咁入味咁好食覺得以後嚟都會嗌-蜂巢冰豆腐 (半份) $24、鮮炸響鈴 (全份) $52依兩樣都係我嚟到必食吸晒啲湯，好正斗-手打鮮蝦丸 (半份) $43都唔錯😛幾彈牙-午餐肉 (半份) $24芝士+午餐肉 = 輸嘅理由404 not found -鮮製韮菜餃 (半份) $43ummmmm🤔都幾難食仲食到麵粉味-

哩次係我地第一次食米走雞🐓🐓，一個唔小心嗌到成台餸🤫🤫，飽到上心口🤰🏻🤰🏻🤰🏻。（如果兩個人食，可以半份半份咁嗌）🧀黃金芝士雞煲🐔 （小）（$178）雞煲有兩款：芝士🧀、麻辣🌶。我地就嗌左芝士雞煲，雞煲用左兩種芝士：應該係車打同mozzarella👀👀，仲有得揀濃度添。食@之前店員特別提醒唔好攪均芝士🤚🏻，要直接夾🥢🥢🥢起黎食先最好味。果然食到超濃芝士味，而雞肉全部都係用雞脾肉🤓，食落啖啖肉口感又滑，超滿足。～👧🏻：食到後面都有少少漏🤔食完雞煲之後緊係要加水打邊鍋，不過加左水，味道淡左好多…🤭配料：👉🏻🦐🦐蝦滑（$88）非常出色嘅蝦滑，食到材料好新鮮，有鮮味仲又滑又彈牙👅👅👅。👉🏻💡鮮炸響鈴（$52）即叫即炸，超脆超大舊點湯食一流🌞。👉🏻🐄🐄特級雪花肥牛（小 $158）& 🥬生菜（一份 $44）正常發揮啦，肥牛大大塊，菜都新鮮爽口。👉🏻❄️蜂巢冰豆腐（半份$24）同樣地都係好大舊而且好吸湯，如果個湯可以再濃味啲就好了。👉🏻🍠紅薯粉（$16）份量比想像中多，口感彈牙，唔洗淨係食餸咁單調🤪🤪。飲品：🎍竹蔗矛根🎋（壺 $68）非常清甜🧃，啱哂食熱氣野飲同解膩，十分推介🌟