米走雞Deluxe (已搬遷) 新店位置

今次第一次黎米走雞呢間銅鑼灣分店食！！今次都係第一次食辣味！！我地仲叫咗中辣！第一啖食嘅味同平時嘅重慶雞煲嘅味道有d唔同 呢隻係偏甜嘅味 可能有d洋蔥🧅掛你都唔好講笑都幾辣架好彩我地落咗一半辣椒炸如果唔係我地會辣死同埋我地食到已經分唔到係件雞辣定係件雞熱，呢個感覺幾得意！佢地一如既往都係用雞髀肉做雞煲架！d肉好嫩又有彈性又唔會有太多肥肉！我哋再接再厲加咗麻辣湯底睇到個湯底好似蕃茄湯咁！！個人覺得紅薯粉配麻辣湯底比較夾！佢都有好多唔同麵類可以點手打墨丸！呢個好推薦因為好彈牙好鮮味 咬落去仲有汁！當然有我鐘意嘅午餐肉同芝士腸呢2樣係我打邊爐必點嘅！佢地芝士腸都幾正爆芝士汁架，辣親個嘴！呢個豚肉198架 睇睇肥瘦均勻食落唔會覺得好肥膩！而且好掛汁！又唔會好韌 放落去1-3分鐘到就熟哂最最最最後 都係我最愛嘅響鈴！鐘意佢夠大條吸哂d湯！好入味不過都好肥！但吃貨就係咁了冇辦法！1次2次算啦😂哈哈埋個靚單

今日難得放假，就同一個兄弟去食芝士雞煲呢樣嘢我從未食過所以十分之期待。地理位置10分方便銅鑼灣一出地鐵站行7分鐘就到。係喺一座商業大廈入邊。座位與座位之間都好闊落而且裝修十分日式感覺。之後開始點餐首先點左一個芝士雞煲半隻，芝士雞煲嚟到之後比滿滿嘅芝士蓋過住成隻雞，望到已經流口水急不及待去試，之後把芝士同雞混合一起，雞件炒得好香，而且加上芝士簡直冇得彈而且份量都好多，仲有洋蔥芫荽等等配菜，之後開始點火鍋配料有手切肥牛，牛柏葉，響鈴，蔬菜，仲有我至愛嘅墨魚滑，肥牛大概淥1分鐘已經好入味而且脂肪比例好平均係我自己喜愛嘅肥牛，牛柏葉好爽口都係30秒就已經食得，之後有響鈴同蔬菜都係合格冇乜特別，而墨魚滑食落去爽口彈牙，而且好足料，而且呢度嘅服務質素都好好店員會不停為你添加湯底而且會為你講解用幾多分鐘去品嚐菜式。而飲品方便我哋叫咗罐可樂，下次一定會再試。

係屋企食左好多日煮家飯，終於可以同朋友食返餐好嫁啦！黎到銅鑼灣一間咪走雞，食雞煲加打邊爐！地方幾大，坐得幾舒服。而呢間雞煲有2個選擇，芝士或麻辣。對於食左好耐清淡既煮家飯，我決定叫芝士雞煲，試下比濃濃既芝士淹沒我既感覺。鐘意既仲可以叫爆多芝士。待應上既芝士雞煲無令我失望。見到一層層既芝士醬同芝士碎後，已經挑起左我既食慾！等雞煲滾十分鐘左右，溶化左既芝士鋪滿每件雞，夾起時仲呈現拉線既，就知到芝味十足！本身嫩滑既雞件配上濃郁既芝士味，轟炸住我口腔既味蕾。芝士味道不單調，因為由幾種不同既芝士混合一齊，所以每件雞都係一種享受濃而不膩。當你食完雞煲後，可以加湯變火鍋。店家好貼心，有芝士湯或清湯揀。如唔岩，仲可以另叫其他湯底。芝士湯底下，我地另叫左公仔面，自己做芝士撈面。有撈面又點少得午餐肉。滾完個公仔面，夾起，再淋d芝士汁，正呀！佢地有自家制既手打肉，墨丸蝦丸鯪魚丸豬肉丸。手打丸夠彈牙，用料新鮮，食得出味道。用蔬菜配搭芝士一絕，茹類吸收左芝士味，濃郁香醇帶點清新可口。最後推介一下，一定要點響鈴！輕輕浸一下芝士鍋再食，口感一流！

環境4分：Ｄ枱間到全部最少一點五米距離，好夠空間，個個Ｄ煲滾住都唔覺熱，証明冷氣夠，卡位最好坐，又唔嘈，可以畀四分。衛生5分：地方比之前乾淨，門口位同洗手間都有乾濕紙巾，餐枱上有消毒洗手液，消毒用品任你用，包保乾淨又衛生。同隔離枱又有塊簾隔開，電子爐衛生又安全，唔怕彈到隔離或者比隔離彈到，畀五分。服務 5分：服務員快手快腳唔囉唆，加單一講即有，食到中途見Ｄ碟有骨仲即刻換，態度十分之好，服務滿分。味道5分：1)     响雪櫃拎出黎Ｄ豉油同調味醬料全部都好新鮮同好夠味。拎完即刻收走，唔會比客人整污糟。2)     個黃金芝士雞煲裝滿芝士，望住佢慢慢溶呢就最過癮同最期待。Ｄ芝士同雞肉嘅份量超多，大胃王最愛。芝士雞肉滾住嚟食呢就最熱辣同香口，雖然大大嚿但都好滑好嫩。個煲底仲有好多好爽好脆嘅洋蔥片，令個雞煲更加之嘢味。3)      食完芝士雞煲可加清湯或芝士湯變打邊爐。4)      手打豬肉丸好爽嫩，本身味道足夠唔使落豉油。5)      個蜂巢冰豆腐煮熟左之後夠鬆夠軟腍。6)      翡翠苗新鮮，煮佢幾秒就搞掂，好爽脆同嫩。抵食5分：芝士雞煲份量夠，件件雞都大大嚿，份量同出面其他果Ｄ真

今日約咗朋友去銅鑼灣食飯，朋友提議去米走雞，因為我哋兩個都好耐冇去嗰度食嘞，所以我哋就去嗰度打邊爐。因為之前兩次幫襯都係食佢哋最出名嘅芝士雞煲，所以今次決定試其他湯底。以前我會鍾意食鴛鴦鍋，不過有得揀美人鍋的話，我一定會揀，因為食咗哩個鍋會變美人🤣🤣。我哋叫咗：手切新鮮牛頸脊 - 打邊爐我真係好鍾意食牛頸脊，因為佢真係好重牛味，又唔會好似肥牛咁肥🥰🥰響鈴 - 即叫即炸，好新鮮同埋好脆竹笙墨魚滑 - 見咁特別就叫嚟試吓，又真係幾好食喎，竹笙口感爽，墨魚滑亦都有爽脆嘅口感，所以佢哋好夾!白鱔片 - 白鱔新鮮，如果唔想食鯇魚片，哩個都係一個好嘅選擇烏冬&生菜 - 用美人鍋做湯底的話，呢兩樣咁普通嘅食物都可以食到舔舔脷😋😋總結就係，米走雞嘅打邊爐真係冇得輸！

我和友人簡直是米走雞的超級粉絲，幫襯咁多次，咁多都好有水準！雞煲底一定要揀芝士！餐廳做得最貼心的地方是加湯底不只是加水，反而有芝士湯加！味道不會因為加芝士湯而變淡！加上餐廳職員非常細心，不時會為我們留意煲的溫度及幫我們翻伴食物，以免我們走神令到食物癡底。食物方面，有得選擇半份或一份，不需要擔心食唔曬。食物都非常新鮮，特別是我和友人最愛的響鈴！炸得鮮脆又大大舊，結果我地食左半份之後再追加多半份。蟹子墨魚滑都非常新鮮彈牙，一碗上檯的時候感到非常興奮，份量十足之餘賣相亦非常討好！

星期日同老公出去老銅行sogo, 舒舒服服行了幾個鐘，買左大包細包，已經到左醫肚時間，去到附近就記得米走雞，雖然食過幾次，但每次都係食到好滿足😋疫情關係，入到食店要量體溫，而每抬都擺放好消毒用品👍🏻而且落左亷，食店做足防疫設施，食客都安心好多👍🏻攪掂晒就揀埋醬料，呢set真係好方便👍🏻之前食過芝士雞煲，今次就揀左火熖麻辣雞煲😋有不同辣度可以選擇🌶🌶🌶🌶🌶🤣終於雞煲到左，我地只係揀bb辣，夠熱果陣，侍應就拎啲酒在側邊倒落去，即時起左火熖效果，然後侍應會幫手將成煲雞煲撈埋一齊，我地就可以動動筷子開餐雖然只係半隻雞，但非常之足料，每件雞件都好嫩滑👍🏻而且辣度岩岩好，配埋洋蔥一齊食，真係無得頂👍🏻食完雞煲，可以加湯水變為打邊爐，因為個雞煲已經食到6-7成飽，所以只係叫左幾樣打邊爐😅豬粉腸，都幾大件，但係好爽口👍🏻特級雪花肥牛：呢碟真係好抵食👍🏻大碟之外，塊塊都好大件，又唔鞋口👍🏻👍🏻無花無假，真係好大塊🤗兩碟菜吸晒煲內既精華，所以食落好甜😋

米走雞Deluxe - 久違的麻辣雞煲最緊外出的次數真的少了很多，今天難得和朋友逛街，一逛就逛了整個下午，記得之前在銅鑼灣附近試了一間不錯的雞煲，就決定再去試試手勢！火焰麻辣雞煲加入大量香料炒香如辣椒乾、洋蔥、中芹和芫荽，麻辣程度有五款選擇。店員首先會加入少許酒到雞煲中再點火，名符其實的火焰雞，雞件大多是雞肶肉，又滑又嫩。特級雪花肥牛雞煲過後的火鍋一定要有的雪花肥牛，鮮紅色色澤，油花靚，入口即溶。午餐肉火鍋必食的午餐肉，厚切的肉塊，肉質腍身，入口溶化，超正！貢丸口感扎實有咬勁的貢丸，至愛的丸類。生菜新鮮的生菜，青綠色爽脆得很，又可以解解膩。最後加多一罐冰凍的王老吉。

打邊爐真係打極都唔會厭 喺呢個咁悶嘅情況之下好想刺激下味蕾 於是約咗朋友去米走雞開餐嚟到米走雞可能好多人都會選擇食雞煲 但係我今日嘅目的係食海鮮 同埋食新鮮嘅火鍋配料 所以我選擇咗打邊爐 火鍋配料選擇多 而且價錢合理 仲有多款飲品提供醬料架乾淨整齊 已經分門別類 而且新鮮四川麻辣湯$78 可選大/中/小辣 湯底又香又麻 有多種不同種類的辣椒 所以辣度層次並不單調 越滾越出味 越滾越刺激湯底中預先放入豬皮(是附送的) 這個配搭 非常棒 豬皮可以吸收湯底嘅精華 食落有爆汁效果虎蝦六隻$118 超級巨型嘅虎蝦 隻隻大過手板 呢個價錢有呢個級數 係抵食嘅向來喜歡食海鮮嘅我 一食就知虎蝦好新鮮 肉質結實而且爽彈 鮮甜無比 蝦殼唔會黐住 好新鮮美國桶蠔$168 體積非常巨型 蠔肚位置軟綿綿 啖啖肉又多汁 裙邊帶點爽口 口感真係好滿足 蠔味濃沃在口腔中久久不散鵝腸$53 清洗得乾淨 沒有內臟的腥味 而且鵝腸肥瘦度適中 帶點油脂 食落特別肥尾又香口 仲要灼完之後 唔會縮水縮得好勁 好吃好吃環境乾淨又企理 燈光亮度不會刺眼非常舒適 牆上的壁畫可以增加空間感 樓底有高 在這裏用餐很舒適

琴晚約左朋友去銅鑼灣既米走雞食芝士火鍋，好耐冇去過，有啲掛住芝士雞啊！醬料每人$16，另有加一服務費。黃金芝士雞煲：份量有人數選擇，當日我們是二人份量；而芝士份量也有選擇，就揀左普通份量。吾好睇少普通份量芝士，溶左之後也能蓋過全部既雞件，每舊雞好大件又啖啖肉，肉質吾會鞋口，因有芝士醬令整個味道帶少少咸味！之前店員會為我們加入湯底：清湯／芝士湯底；如果加入左清湯會令咸味減少，個人比較喜歡這個。如果是芝士愛好者就加入芝士湯底，味道會更濃。鮮蝦雲吞(全份) $88：全份雲吞只有８粒，每粒SIZE同樣大粒，當中包有原隻蝦和鮮豬肉；蝦口感好爽口，但鮮豬肉味道較咸。鵝腸 $53：鵝腸帶有少少肥膏，焯後也易於整掉。口感略爽，份量也很多。手打蝦丸(全份)$78：同樣一共８粒，每粒蝦丸也是大大粒，當中真的包了蝦；令整個口感帶爽的口感，個人好推介啊！稻庭烏冬$21：特意叫左烏冬放入煲中，令味道帶少少芝士味，而稻庭烏冬口感好滑身。

突然想打邊爐， 當然要搵一間乾淨衛生！ 朋友前幾日去完， 話消毒衛生意識做得好好！所以今晚都去左食！叫咗個黃金芝士雞煲，雞件嫩滑啖啖肉， 半融芝士和雞件混為一體， 味道香濃！好香芝士味，夠哂正呀， 見到拉絲嘅效果就知道芝士用料十足！ 食完雞之後再加湯打邊爐！手打牛丸，菠菜豬肉餃都係係有heart之作， 菠菜豬肉餃餡料非常豐富，層次分明！再叫咗個出前一丁公仔麵，芝士嘅湯底，加上出前一丁更加滋味！叫咗兩支青島啤酒，店員主動提供冰筒，值得一讚，而且服務亦非常好。

放假同老公去銅鑼灣祟光shopping，之後老公說要去渣甸中心的米走雞Deluxe食雞煲，佢話喜歡芝士雞煲特別好食。近來肺炎疫情問題，入座前要量體溫，每枱放有一枝搓手液，方便客人消毒雙手食得放心。黃金芝士雞煲(小)：雞煲有分大小，芝士亦有分多少，老公就係中意最多的激量，份量超多，足夠鋪滿雞煲面，還加入洋蔥、中芹和芫茜增加香味。首先以大火煮沸，待芝士溶解，將爐調至保温後先食雞件，芝士醬汁濃郁，程金黃色，包住每件雞件，熱騰騰時還可以拉絲，雞肉鮮嫩惹味！食完雞煲就可以加湯食火鍋，湯可以選芝士湯或清湯，因為我選了激量芝士，煲內還有很多芝士，所以選加清湯，味道剛剛好！鮮蝦雲吞：即叫即包，不是急凍那種，餡料飽滿，用料新鮮，每粒都有爽口的鮮蝦。鴨血：營養價值高，含蛋白質、維生素K和含鐵量高等，口感滑嫩。手打鮮蝦丸（半份）：大部份火鍋料都可以叫半份，方便客人可以品嚐到多幾款，蝦丸用新鮮蝦打成，彈牙又鮮甜。鲮魚肉釀豆卜（半份）：鲮魚肉鮮甜，豆卜吸收芝士湯汁，十分惹味。青島冰凍，老公說配美食不可缺少！

依家落雨又凍呢啲天氣最啱食雞煲又來到呢度食火焰麻辣雞煲😆😆😆😆.呢度嘅小辣已經可以滿足到我次次都好鍾意睇店員幫我地點火嗰一下😂.雞肉好大件 啖啖肉配上麻辣醬汁 令人欲罷不能😍😍😍食完啲雞之後加上清湯然後打邊爐.牛柏葉估唔到呢個咁大份都幾抵食 牛柏葉吸左辣湯汁好入味.雪花肥牛每次嚟呢度都必點牛肉味濃 食落去口感鬆軟.手打五寶拼盤每樣丸類都水準之上有驚喜.油麥菜.紅薯粉.竹蔗茅根呢度啲飲品都好大壺而且唔會太甜 真材實料👍🏻👍🏻👍🏻

火焰麻辣雞煲 $168(細)呢間雞煲雖然唔係第一次食，但係佢d雞既質素係你食完一次，就一定會想返轉頭。我同朋友都鍾意食麻辣，但又唔想食太辣傷身，今次揀左bb辣。最吸晴的時刻就係即席火焰炒雞。雞件好嫩滑又大件，沾滿了麻辣醬汁，極之惹味。雞件份量好多，其實我地2個人食完雞件已經飽左一大半。特級雪花牛粒$148由牛的雪花可見，牛的脂肪分佈均勻，入口的油香十足，煮得耐d口感更軟腍，更可吸收曬麻辣醬汁的精華。鮮製五併餃(半)$58鮮製餃皮好薄，餡料好多，性價比高。最欣賞韭菜餃，韭菜好出，配埋麻辣醬汁更加惹味。當然鮮蝦雲吞都好不錯，蝦又爽口鮮甜。竹蔗茅根 $68食雞煲飲竹蔗水下火最岩，竹蔗水好足料呀。呢間分店的坐位都幾舒服，岩曬同朋友坐係度慢慢傾計食野。

因為疫情問題,已經多個月冇約朋友外出食飯,所以今日黎到呢度打邊爐雖然有一點風險,不過大家衛生意識強左又唔太驚之前食過呢度既芝士雞煲,所以今次揀左食麻辣因為驚太辣,小試牛刀要左一隻辣椒既辣度雞件依舊好多,好入味,辣味唔算好強,反而偏咸魚皮好大塊,好脆芝士腸少少脆皮,入面都幾多芝士味道不錯豬頸肉份量都幾多肉質幾爽口,食到有啲油香味牛肉雪花分佈都算唔錯而且牛味都幾濃郁冰豆腐個SIZE真係嚇親,冇諗過咁大舊完全吸哂啲湯底既味道,真係幾好味