米走雞Deluxe (已搬遷) 新店位置

The best chicken pot in town I was so used to the poor spicy chicken pot in town And not a fan of this dish at allUsually the chicken is extremely dry and full of bonesThe flesh taste dull and roughThis restaurant completely changes my view towards itExcept the firework show before servingThe flavour and aroma of the pot is simply amazing that I have to encore from time to timeI have never taste such tender chicken pot elsewhere !

今個星期天氣乍暖還寒，最近趁疫情好轉，心思思想食雞煲，於是放工同男朋友嚟到銅鑼灣嘅米走雞醫肚🐓-火焰麻辣雞煲（小）(走芫茜)（ $168）🌕🌕🌕🌕🌕一坐低我地二話不說就點咗火焰麻辣雞煲😋過咗冇耐，侍應就連雞帶煲咁上枱，先用大火煲滾，呢個時候，已經隱隱約約聞到一陣酒香！隨後侍應就為雞煲點火，加埋麻辣濃湯再即場炒香，就咁睇都已經口水流🤤-由於我哋驚會愈煲越辣，所以只係叫咗bb辣，愛麗絲覺得小辣都可以應付到😛雞煲係for 2-3人食，份量足料，雞肉嫩滑，骨肉比例正常，洋蔥索左醬汁嘅味道好好食😋😋由於佢用火炒過啲雞，啲酒味完全入哂落每舊雞入面。所以每啖都食到好香嘅玫瑰露味，辣味酒味互相平衡，呢一點做得唔錯！-食完雞煲就打邊爐喇，餐廳都提供好多唔同種類嘅邊爐配料，但耐何我哋只有兩人，所以就只係叫咗四款過下邊爐口癮～-鵝腸（ $53 ）鵝腸本身就冇味嘅，所以只係食佢爽脆嘅口感。值得一讚嘅係，餐廳提供嘅鵝腸都幾大條，淥完之後唔會縮到好細塊，爽脆嘅口感就更強烈，值得一點👍🏻-脆鯇腩（ $98 ）食左咁多肉，叫番啲魚黎食下😀魚肉有六塊，都幾新鮮，肉質結實爽脆～叫脆鯇腩好處就係就算淥過左時間都唔怕會爛哂嘛

由長沙灣到銅鑼灣 我簡直係米走雞既忠粉，今次又再黎幫襯啦！ 又係黃金芝士雞煲出場既時候～呢度啲芝士量可以自己揀，身為芝士控嘅我當然要揀佢哋嘅激量啦，佢哋呢度雞煲所用嘅雞件係用上啖啖嘅雞髀肉，有豐富嘅肉汁，肉質都好嫩滑，配埋奶香味濃郁嘅芝士真係好夾！除咗雞煲，我地仲叫左特級雪花肥牛蟹籽墨魚滑同烏冬～呢度嘅肥牛油脂分布平均，肥牛嘅新鮮度高，肉色呈鮮紅，肉質軟滑，肉味濃郁，而我哋呢次兩個人所以叫左細份，但係份量都比預想嘅多。蟹籽墨魚滑：呢度嘅墨魚滑入面仍然有墨魚肉，令到原本都好彈牙爽口嘅墨魚滑變得更爽口，而表面嘅蟹籽除左為雪白嘅墨魚滑增添上一點嘅色彩外，將其混入墨魚滑中，令到口感更豐富，鮮味更為突出。稻庭烏冬：呢個烏冬爽口彈牙，加埋雞煲中嘅濃郁嘅芝士，用嚟做芝士撈烏冬就最啱。

打邊爐愛好者係唔會嫌多😆有人問我做乜呢排密密食雞煲，就因為鍾意囉😄今次搞搞新意思，黎銅鑼灣米走雞食✨黃金芝士雞煲😋以前芝士火鍋就食得多，芝士雞煲真係第一次食， 估唔到個味道會係咁match，呢度有得揀芝士嘅份量，我哋揀咗普通量已經覺得好激😁個底鋪咗好多紫洋蔥🧅，咁樣唔會黐底之餘，仲有份清香。每件雞件夾出嚟，都有強勁嘅拉絲效果，食落嫩滑，芝士迷堅不容錯過！凍盤: 涼拌木耳絲伴海蜇 ～凍冰冰非常開胃，木耳絲爽口，如果海蜇量多啲就好了！食完之後，店員會加清湯，俾我哋打邊爐我哋叫咗特級雪花肥牛&魚皮餃，芝士加埋紫洋蔥嘅湯底滾起好清甜，令其他火鍋料更加好味，而且佢哋嘅份量樣樣都大大份，食完已經非常滿足了！

黑洞成日見到人介紹呢間早幾日終於去咗一戰🥳雞煲口味有好多款👀但今次目標明確 黑洞係要食芝士雞煲😎-🔸黃金芝士雞煲（$178/2-3人份）雞煲有得揀size 2人份雞件都好多 😲每人分到10幾件🤟🏻最正係有得㨂埋芝士碎份量🤗黑洞就梗係要揀激量😬值得一讚 芝士唔算太鹹/濟胃仲有拉絲效果 打卡一流📸-🔸手打五寶拼盤（$48/半份）墨丸 蝦丸 豬肉丸 牛丸 鯪魚丸手打丸口感煙韌😗私心推介蝦丸 食到粒粒原隻蝦肉🦐-🔸蜂巢冰豆腐（$24/半份）呢款豆腐蜂巢狀 夠晒吸汁用黎打邊爐岩晒✅-🔸雜菇拼盤（$44）估唔到咁大份 咩菇都有食咗咁多肉 真係要食返菜中和下👅-🔸芝心丸（$24/半份）黑洞自己都覺得好變態😂食芝士火鍋仲要揀芝心丸👻味道不過不失 相對無手打丸咁出色😛-🔸炸魚皮（$48）2個人share真心食唔晒😖清咗一半已經覺得油膩建議多人食先叫呢款🙊-🔸出前一丁（$16）識食就梗係邪惡到盡😏用淨低嘅芝士醬撈出前一丁 perfect池👏🏻-🔸清熱銀菊露（$68/壺）食雞煲必飲涼茶下火🔥一壺兩個人分都有好多杯黑洞鍾意佢無落太多糖 清清地唔錯☺️-P.s 餐廳另收醬油費$16/位同加一服務費⚠️

仲記得好多年前嘅莊聚黎過呢間同莊友食芝士雞煲，雖然依家同莊友各散東西，但有時都會想再回味一下呢到嘅芝士雞煲。今日就同左一位莊友一齊黎食啦。芝士雞煲（2-3日份量）$178好大煲，一度懷疑佢比錯左4人份量我，但見其他人都係咁大煲，就即刻放心翻。表面嘅芝士碎份量係有得揀嘅，熱愛芝士嘅我地揀左激量，於是每一件雞都被滿滿嘅芝士包圍住，啲芝士仲可以拉絲。雞肉有好多都係雞髀位，所以食落好滑。雞煲底下有啲洋蔥同芫荽等，一路煮嗰陣一路都聞到芫荽味，食落有芝士味之餘，都會食到啲芫荽味。雞肉仲會有淡淡嘅蒜香味，幾好。食完雞煲之後已經好飽，但既然佢有得加湯打邊爐，而我地聽到有得加芝士湯，即刻雙眼發光，又叫多幾個餸打邊爐啦。加完湯之後都仲係橙黃色嘅湯底好吸引。特級雪花肥牛（小）$158好大碟，每塊牛肉都大大塊，食落有好濃嘅牛味。生菜（半份）$25打邊爐唔可以唔食菜，半份都唔少，索完啲芝士湯之後塊菜好滑。生根（半份）$20半份都有七粒，估唔到同芝士湯都幾夾。鮮炸響鈴（半份）$28有三大條，淥幾秒就食，外軟內脆，正。出前一丁$16明明好飽，但覺得出前一丁配芝士湯一定好夾，所以都叫左，食完飽到上心口。

米走雞 係青蛙其中一間最愛既餐廳全因佢地有超邪惡既芝士雞煲採用既係全雞腿肉每件都咁香滑🧀黃金雞煲芝煲上枱既時候煮溶啲芝士就食得㗎啦由於揀左增量芝士碎所以芝土鋪滿左成個煲冇得頂呀雞脾肉相當多食完已經半飽🥘之後就可以加芝士湯打邊爐啦🥳🥳🐮五香鮮牛肉牛肉好新鮮，口感非常嫩滑食過返尋味🐟脆鯇腩脆肉腩既口感特別爽身彈牙一啲最啱打邊爐🥬生菜爽脆既生菜同芝士湯底意外地夾口感甚佳又芝味無比咁豐富邪惡既火鍋只係人均二百幾雞煲同火鍋配料份量都好大絕對物有所值😋😋

今日白色情人節，又同女朋友簡單食個雞煲慶祝下。黎到渣甸街嘅樓上雞米走雞，上到黎店外有支燈柱同招牌。之前去過觀塘店比較大同有live band有人busking，銅鑼灣店就細少少比較別緻。米走雞招牌有黃金芝士同火焰麻辣，我地比較鐘意食麻辣，所以叫左2隻辣椒仔(我諗係中辣)。一陣後店員就拎住雞煲過黎，煲一陣後店員會為雞煲點火，真火焰雞煲黎喇！=============================火焰雞煲(半隻) $168落埋辣汁撈埋後可以食喇，連埋洋蔥賣相好靚呀！雞件好嫩好多肉，建議洋蔥煲淋d入味d。不過2個人叫唔到好多餸，再建議落湯之前可以叫個牛柏葉撈辣汁食好好食！ 牛柏葉 $43加湯可以加清湯/麻辣湯，我地加左麻辣湯，辣辣地幾正。再嗌多左幾個餸打邊爐。 特級雪花肥牛 $158牛唔係好肥，牛味濃郁，正！  蟹子鮮蝦滑 $88蝦滑好彈牙，有啖啖蝦肉，唔會有腥味蘿白 $39最後梗係要叫份蘿白吸收哂d辣湯嘅精華 ，正！米走雞Deluxe📍銅鑼灣渣甸街50號渣甸中心3樓

上次去「米走雞Deluxe」嘅黃金芝士雞煲之後😬終於去試埋佢哋嘅火焰麻辣雞煲🤔.火焰麻辣雞煲(小)🐓雞煲上咗枱煮一陣之後，職員會過嚟點火同攪拌🔥整體香辣惹味🌶食到條脷麻麻哋，雞件size適中😋肉質依然好嫩滑☺️配料有洋蔥🧅中芹，芫荽🌿.手打五寶拼盤(半份)🥢有牛丸🐮貢丸🐷墨魚丸🦑鮮蝦丸同埋鯪魚球🐟食落都有彈性，唔會好實😆鮮蝦丸仲有原隻蝦肉🦐牛丸牛味亦好重.鵝腸🦆洗得好乾淨，口感爽彈👍🏻蘿白(半份)🥕蘿蔔清甜，略有小渣🥺.海膽丸(半份)💛少少湯汁，個餡幾足🤤.芝心丸(半份)🧀芝士鹹香，拉絲力強😙.紅薯粉🍜紅薯粉吸收咗麻辣湯底，非常美味😉.清熱銀菊雪(壺)🌼清香帶甜😌清熱解渴

/米走雞💛🇭🇰/#sa銅鑼灣篇 #sa良心小店篇➖➖➖<邪惡拉絲芝士雞煲+邊爐🧀>➖➖➖平時都幾鍾意食芝士野Cheesecake、芝士奶蓋、拉芝pizza 等等見之前都有啲人介紹過呢度有芝士雞煲～而且仲可以揀芝士嘅份量～激量都得🧀🧀食完雞煲芝士汁仲可以轉做芝士湯底打邊爐！雖然係好肥 但依家都少左夜晚出去食就當係偶爾放縱自己😂➖➖➖1️⃣芝士雞煲 (2-3人) $178 || (4人) $238 (𝟟.𝟡/𝟙𝟘) 唔鍾意芝士鍾意辣都可以揀另一款麻辣雞煲芝士可以揀小量、普通、激量 🧀🧀配料有洋蔥、中芹、芫荽上枱見到個煲有好多芝士碎！大概大火滾十分鐘就有半溶芝士效果就食得由面食起會最濃 芝士有拉絲效果 而且雞肉都會份量都好多 差唔多有半煲都淨係雞肉同芝士😂 去之前唔好食太飽 如果可能會好膩～➖➖➖2️⃣湯底食完雞煲啲汁唔好浪費🤓可加清湯底/芝士湯不過有點膩 就加清湯！ 隱約都食到芝士嘅味但就無咁濃 ➖➖➖3️⃣ 特級雪花肥牛 (小) $158 (𝟟.𝟝𝟝/𝟙𝟘) 每次打邊爐一定要有牛❣️無諗過佢細份量都有咁多塊～食完真係飽啦！ 不過牛嘅質素都幾不錯紋理清晰🤍🤍肥瘦參半幾有咬口 牛味再濃啲

疫情終於緩和咗少少，可以出返嚟食晚餐，餓左幾個月都冇食過雞煲，當然要搵一間好好咁食番餐。見到米走雞銅鑼灣都有分店，兩個人就嚟試吓。我哋叫咗個細嘅芝士雞煲，唔好講笑真係好入味！芝士好濃好多！雞嘅份量都唔少兩個人都覺得好多，係食每舊雞都會食到芝士嘅味道！之後食到咁上下就加咗湯落去，開始打邊爐。鴨血，份量都好多，食落唔會好腥，好大塊，溝埋個芝士湯原來都好好食。澳洲牛舌，唔會太肥， 淥一淥就食得，牛味好勁，唔會太厚，幾好咬口。半份手打五寶拼盤，好明顯真係手打嘅，幾彈，有鮮味，幾好食。鮮炸響鈴，打邊爐一定要叫響鈴，放落去幾秒就上返嚟，脆中帶淋，仲要吸左啲湯嘅精華，真係好正。紅薯粉，食到最尾加啲紅薯粉落去連埋湯一齊食，咁先可以食晒成個雞煲嘅精華，正呀。鹹檸七，食咗咁多咁濃味嘅嘢，飲番杯鹹檸七真係可以gur番哂，入邊個咸檸真係好大粒好足料。

話說筆都好鐘意打binno所以成日都會叫人陪我打呢間既雞煲binno有得揀芝士既首先食左芝士雞先雞肉好多夠2到3個人食食完已經半飽然後可以叫侍應加湯就可以打邊爐啦加左湯既煲仲係勁有芝味但相對地冇咁漏㗎，正可以食到多啲叫左肥牛，鴨血，手工丸強烈推介手工丸超好食又足了特別係蝦丸鴨血放入芝士煲就唔係太夾啦本身冇乜味所以都係叫麻辣先食佢會好啲肥牛都幾好食肉都幾瘦夠新鮮配芝士都係幾夾既飲品飲左竹庶水幾清甜解渴

記得以前第一次食咪走雞係喺長沙灣，嗰陣時啲座位仲好迫😂.今次嚟到銅鑼灣呢間，真係有好驚喜嘅感覺，因為地方寬敞咗好多，坐喺卡位度又私隱又坐得舒服.叫咗一個招牌嘅芝士雞煲，啲雞多到差啲食唔完，肉質鮮嫩，配合埋呢個濃濃嘅芝士味，真係一邊食一邊覺得好爽.食完雞肉就嗌一啲蔬菜、丸類，所有嘢沾上呢個芝士汁，真係好加分！.我同朋友都食到要捧住個肚咁樣走，真係好飽啊，不過買單都只係400幾蚊左右性價比真係算幾高.員工嘅服務態度都唔錯，唔會覺得佢有唔耐煩嘅感覺

記得一開始咪走雞開嘅時候我已經好想去試佢哋嘅芝士雞煲，但後來慢慢又唔記得咗最近見到有朋友食咗個賣相好唔錯一於決定book位去試平時食得麻辣雞煲多，今次終於試芝士雞煲，味道好新穎😂😂仲要點左激多芝士，芝士味好重好濃，完全估佢唔到中式食法嘅芝士雞煲會係咁嘅味道如果入面d雞已經全部炒過晒所以食落特別香而且好入味😍😍😍😍 入口滑嫩惹味，完全令人停唔到口食完雞煲仲可以揀加芝士湯同清湯，食得緊係加埋芝士湯，叫左手切肥牛同新鮮魚片，份量好足好碟！由於限聚，而且地方勁大，坐得勁舒服🐥

A little pot a soon hot話說天氣咁凍 真係要食返啲暖嘢先攪得掂話說前排朋友推介左間芝士雞煲話幾特別話收工去一齊去食我見咁特別既嘢就更係唔放過啦今次要為大家介紹既係 - 米走雞食後感:芝士雞煲: 今次分別叫左個細雞煲係for 2-3人食用個分量都好足 好多係啲雞脾位 而且佢肉質嫩滑芝士方面: 我地揀左增量 果然上菜既時候個煲面係滿滿既芝士 如果唔想太肥可以揀少量�食落芝士係鹹香 同埋奶味較重 所以啲雞更加滑 都唔需要再落調味食完個雞就可以加清湯/芝士湯打邊爐今次叫左豬頸肉 wasabi墨魚丸同出前一丁出前一丁係好有驚喜 因為食落有啲似食韓國芝士撈面 @runningchicken_hk Location: Causeway BayPrice (10 is expensive): 6.5/10Environment (10 is chill): 6.5/10Yummy (10 is delicious): 7/10