米走雞 (昭德大廈) (已結業)

一眾人來食芝士雞，芝士雞還可以，但加了水之後味道就偏淡，我們叫了肥牛蟹子丸腐皮白菜蘿蔔， 淥熟咗這些食物之後，幾乎似係滾水淥熟咗啲嘢食咁，得少少鹹味我問了員工可不可以在煲裏面加辣醬，他們說不可以，調味料全部都要散叫。然後我就再放餐具的櫃裏面拿了辣椒醬，跟住就有個中年男人説：攞過嚟！話啲辣椒醬係比中午下午嘅時候用嘅夜晚唔可以。我想講，你將啲調味料放喺餐具旁邊，又冇告示話唔可以用，咁我點知，跟住仲要行埋來講， 唔可以用不過啲姐姐幾好嘅。

最近搬左黎長沙灣住 周圍發掘下野食 成條青山道都係野食好難揀🤪🤪今日口痕想食揀翻雞煲火鍋 係附近做完gym就見到依間店都幾靚 就入去食嚕佢可以揀芝士雞煲或者麻辣雞煲 平時出街都係食麻辣 所以今次決定揀特別少少既芝士雞煲🥰等左一陣熱辣辣既雞煲就上枱嚕😆我地加左少量既芝士已經好香濃 每一舊雞都比好多芝士包圍住 一咬落去啖啖芝士啖啖肉🥳🥳 配合埋d洋蔥 好好食其實食完個雞煲都飽飽地 佢幫我地加左d雞湯 比我地加少少配料打邊爐依份羊肉既份量都ok 一開始好驚得幾塊 口感都不錯既仲叫左個五寶丸 雖然就貴左少少 但都幾好食 👍🏻👍🏻

原來長沙灣都有好多好嘢食㗎！今日行行吓就發掘到一間都幾有特色嘅芝士雞煲。事緣係今日同老公去長沙灣買嘢，買完之後行行吓見到間野叫米走雞，好似幾得意就去試吓。格局似茶餐廳，初頭諗住質素一般，點知食落有驚喜！我哋叫咗個黃金芝士雞煲（2-3人 $178），芝士碎重要揀左激量🥰🥰 見到個雞煲真係「嘩」一聲，因為真係好大煲同賣相好靚！店員仲好細心咁教我哋點樣食，芝士味極濃，起碼落咗兩種芝士，每舊雞肉肉質嫩滑多汁，啖啖肉，而且均勻地沾上芝士醬，質素極高👍🏻👍🏻而且份量十足，食到大半已經飽飽地☺️之後仲叫咗：手切新鮮牛頸脊（小 $138）- 肉質一般，牛肉味亦不濃，不過勝在分量算多。手打五寶拼盤（半份 $48）- 呢個可以一試，因為粒粒都大粒，而且爽口彈牙，尤其特別推介蝦肉丸，絞碎蝦肉撈埋原條蝦肉，有雙重口感！❤️鮮製五拼餃 （半份 $58）- 餃子感覺冇丸咁特別，不過質素尚可，可以一試。響鈴 - 同出邊一般嘅響鈴唔同，超大條，塊皮較一般厚同韌，但又好脆，好特別呢！😋

由於《米走雞》長沙灣分店係同 《嘆得起》香港冰室 Crossover 的，所以去到我都搵咗一陣先留意到！😝😝😝雞煲控朋友話好耐都冇食過雞煲了，所以叫我陪佢去食，而我所認識比較好食啲嘅雞煲就係 《米走雞》了！今次同樣點了中辣嘅火焰雞煲，喜歡呢度嘅雞煲全是雞脾肉，食落啖啖肉，而且個雞煲醬汁又好惹味！其實兩個人食半份嘅雞煲已經有啲飽，所以都唔點得太多火鍋配料，精選了帶子、鴨血、淮山及雜菌！帶子好大粒同鮮甜，鴨血比想像中大份，而且好厚實！食到尾聲簡直飽到反艇！想再添食都唔得！哈哈！😝😝😝

🌟涼風陣陣又係食雞煲既季節，麻辣雞煲就食得多，今次搵左間比較小見既芝士雞煲，睇下能唔能夠一決高下🤨——————🐽 黃金芝士雞煲由於得我同朋友2個人食，為咗可以之後再打邊爐，我地按耐着自己嘅慾望，芝士份量叫左普通😣雞煲一揭起蓋，芝士香味四瀉，濃濃既芝士醬包圍住大大舊既雞髀肉😍🐽 五香鮮牛肉由於食完個雞煲已經有小小飽制，所以就無叫到平時打邊爐必點既肥牛🙃但估唔到甘樣反而有驚喜！鮮牛肉每一塊都切到厚厚的，店長亦將牛肉醃製到好滑嫩😝🐽 哈哈蝦中寶（半份）餐牌上印左幾張食物相，蝦中寶就係其中一樣😋佢比平時食開既蝦丸更加大粒，食落完全唔覺落左粉，啖啖都係蝦肉，真材實料！🐽 娃娃菜，辛辣麵店家將娃娃菜切開左4份，另到放落爐到煮既時候會自己散開，非常貼心😁最後用辛辣麵加芝士湯底作結，真係好滿足🤣

好耐冇食過雞煲啦，今日黎到米走雞。我哋一行六人，點咗兩個煲：🧀黃金芝士(大) $238 - 米走雞叫得自己做芝士雞煲專門店，嚟到就梗係要試吓個芝士雞煲。個煲本身嘅配料有洋蔥、中芹、芫荽同落咗少量芝士碎。黎到嘅芝士好澎湃😂啲雞好滑，同芝士勁夾，呢個煲係勁啱啲芝士怪😂食完個鍋，其實仲可以加湯同加個面咪整芝士湯麵，但因為仲有其他餸，驚會食到好飽，所以就冇咁樣做，但想像下都會覺得好正🤤🌶另一個鍋係叫咗火焰麻辣鍋(大)$228，配料有辣椒乾、洋蔥、中芹、芫荽 - 我哋叫小辣。個麻辣勁夠味，麻辣同雞煲永遠都係最佳拍檔😆其他配料我哋仲叫咗：🟡響鈴全份$52 - 啲響鈴勁大隻，好少出街食飯，會見到啲咁大隻嘅響鈴⚪️蜂巢冰豆腐半份$24 - 呢個只係okay, 下次就未必會叫🐮手切新鮮牛頸脊$228 - 新鮮又嫩！🐑蒙古羊肉片$148🦆鴨血$43 - 鴨血建議一開始就落，去到最尾先食，如果唔係就會唔夠入味🥟鮮製五併餃$108🍄雜菇拼盤$44🐟炸魚皮$48🐟脆鯇腩$98🟡豆卜半份$20🟤木耳$34整體質素都好唔錯，配料都好新鮮。如果食雞煲，呢間都係一個唔錯嘅選擇！

打邊爐一向是香港人的最愛，這間食店的名稱叫咪走雞，十分之有趣，究竟大家值唔值得來食咪走雞呢，今日同大家介紹一下.食店環境佈置十分之光明舒服、這食店主打的是芝士雞鍋及火焰雞鍋，火鍋配料選擇也十分之多，有海鮮丸子，餃子等.這個雞鍋十分之好味道，雞肉十分之香滑，不得不讚員工控制火候，令雞肉加了不少的分數.這個脆肉魚，刀工十分之好，魚肉十分之爽脆，並沒有半點泥味.手打的丸子也十分之新鮮,牛丸十分之爽口x充滿了啖啖肉咪，蝦丸真是真材實料，充滿了淡淡蝦肉，墨魚丸也真的是有墨魚的.自家製的雲吞也是充滿了廚師的愛心.竹笙加上墨魚滑也是一個美好的配搭.

呢兩日天氣突然涼返少少，即刻把握最後機會食雞煲。呢間米走雞話自己係芝士雞煲專門店，我點菜時即刻打消叫麻辣雞煲既念頭，叫左一個細既芝士雞煲。雞煲好快就上枱，等咗大概5至10分鐘就食得。雞件全部係雞脾肉，啖啖肉，雖然雞味唔算重，但芝士非常香濃，拉絲可以拉到勁高，加埋洋蔥同九層塔既香味，真係勁正，而且價錢只係百幾蚊，3-4個人都夠食，抵！食完雞店員幫手加芝士湯打邊爐，當時已經半飽，只叫多左幾碟野食。脆鯇腩勁脆，脆到嗦嗦聲，而且份量好多，推薦。手打五寶拼盤超大粒，味道真材實料，不過偏咸少少，適合重口味人士。娃娃菜同蘿蔔新鮮。竹蔗茅根幾大壺，肉眼可見既足料。同埋呢度環境好乾淨，餐具地板都唔油，廁所都乾淨，有質素👍整體黎講雞煲好滿意，其他材料都有水準，食得過。

米走雞嘅芝士雞煲喺我嘅to-eat list好耐，一直都想試😌.因為我哋得兩個人食，所以就叫咗個小size嘅黃金芝士雞煲，芝士份量就揀咗普通。如果想要多啲芝士，其實可以揀激量芝士try try佢！雞件雞肉都好嫩滑，陣芝士味係似平時焗飯嗰種芝士白汁👀食完覺得冇想像中咁溜嘅😌.加湯有得揀加雞湯或者芝士湯，我哋揀咗加雞湯。配料方面幾鍾意佢哋嘅哈哈蝦中寶，非常足料，每一件入面都有好多隻蝦。另外手打丸都唔錯，今次叫咗五寶拼盤，所以我五款手打丸都試到，最後我覺得手打豬肉丸最正😝打邊爐一定要叫份牛肉😌牛頸脊肥瘦得宜，不過豉油同埋火鍋配料要加錢，我今次就冇加，所以牛肉同丸我都係就咁食🙈.整體覺得都OK，都可以嚟一試。不過始終平時食開嗰種麻辣雞煲就會惹味啲😌唔想食芝士雞煲嘅話，呢到都有平時嗰種麻辣雞煲叫㗎！另外呢到亦都好似普通茶餐廳咁，又好多粉麵飯小菜叫。

睇咁多comment都講到咁好，就專程走去長沙灣試下係咪真係咁好食先。一入到去就問係雞煲定小菜。老公愛雞煲，咁就先叫個2人份量雞煲（小辣）先。其他配菜係散叫，睇menu都覺得好似幾抵咁。雞煲來到，再加兜醬。阿姐會主導成件事，我地就繞埋雙手等食……去到滾時，阿姐叫我地坐開d，然後點火 d香味四溢，聞落好惹味，勁期待即使2人份量都唔少，雞都好滑又入味，而雞煲味道又香又麻，有點追住食既感覺。叫左呢碟手切特級霜降和牛 入口即溶，牛味濃，估唔到份量都多。手打肉丸勁大粒，我將佢一開二咁灼。好食菇盤d菇新鮮炸響鈴超鬆脆

今日早收工，陪女友去荔枝角行街，先去D2 Place ，之後就在附近揾下有咩好味道，見到有芝士雞煲，我第一次食咋。有芝士雞煲同麻辣雞煲，女友選了芝士。因為第一次食，所以問了店員推介芝士雞煲選後仲可以選碎芝士的量（無/少量/中等/激量）我女友當然選了激量，所以圖中看到都很多，因為未食過以為分量唔多，原來兩個人食已經超飽，佢都好多件雞，加上厚厚的芝士，大滿足牛頸脊係店員推薦，佢話性價比最高，當然信佢點了一客，牛的色同分佈堅靚，好味道，可能清清地食已經好好味，加上芝士又有另一種食法。竹笙墨魚滑好少咁食，竹笙吸晒芝士味，而墨魚滑都幾彈牙，不過只有3條，但我地兩個人試一試都夠手打五寶丸比平時食的大粒，但我試左其中兩粒，鯪魚丸同豬肉九，都算彈牙，而且感覺十分足料鮮炸響鈴店員同我講好多人會點，原因為勁大條，woo~ 堅大條，而且仲好脆，浸芝士後，吸晒芝士湯的味，好好味呀，一定要點如果你鍾意食響鈴咸檸7個檸檬都幾好味，但如果可以跟2罐汽水就好啦整體而言，無論芝士雞煲同配料都好好味，大家有時間的話可以一試😬不過我個人認為人多可以點多少少不同種類的食物

天氣越嚟越熱，但係一啲都冇減低火鍋控朋友對食火鍋嘅熱情，今日佢約我喺長沙灣，就帶咗我嚟呢間火鍋店😋我哋叫咗幾樣食物😋- $168嘅「火焰麻辣雞煲（小）」：雞煲上枱嘅時候嵌着蓋，店員哥哥同店員姐姐千叮萬囑不要馬上打開，要煲熱咗先可以開蓋，然後點火🔥，咁就成為「火焰麻辣雞煲」😆，真係相當吸睛🤩；雞煲味道濃郁，見到有大量蒜頭、蔥頭、芫荽、洋蔥、及其他香料🍀🌿，食落非常惹味，讚😋，雞件嘅份量重好多，我哋兩個人每人都食咗好多件😊食完美味雞件，店員姐姐為我哋加入清湯（可以選麻辣湯），咁就開始烚吓烚吓😆- $58嘅「脆鯇片」：新鮮爽脆好味😋- $138嘅「特選花膠筒（8條）」：好煙韌好有膠質，感覺食緊好多骨膠原落肚😊；我哋特登煮耐啲，等花膠吸收多啲麻辣雞湯嘅精華，更加滋味😋- $28嘅「鮮炸響鈴（半分）」：響鈴有成隻手掌咁長😆，鮮炸非常香口，放入湯底烚5秒鐘，攞返上嚟即食，響鈴吸收咗麻辣雞湯但係依然脆脆地，超級好食，有小驚喜😋- $48嘅「鳳城水餃（半份）」：簡單好味😋火鍋控朋友果然識揀，呢餐係高質素嘅火鍋😋

趁天氣開始乍暖還寒，即刻要食返個雞煲，唔係天氣一熱個feel就無咁正！雞煲我最鍾意去米走雞食！超鍾意食佢嘅麻辣煲。原來米走雞最近益街坊，雞煲及鍋底類都係半價嘆米走雞嘅招牌雞煲🤤二話不說立刻叫了火焰麻辣雞煲，呢度個麻辣煲用了十足，配料有齊辣椒乾洋蔥芹菜芫荽，再加入玫瑰露點火炒斬件雞腿肉，陣陣香辣味四射，愛辣人士不可錯過！ 雞髀肉滲透咗麻辣味，最鍾意呢度個麻辣會由舌尖慢慢一直麻上喉嚨，然後個麻辣仲會慢慢滲透到嘴唇邊，麻辣度非常過癮！加上雞肉非常嫩滑，份量又多，細煲已經食到半飽！鍾意食牛肉嘅我就叫咗手切新鮮牛頸脊和特級雪花肥牛用來打邊爐！牛頸脊肉質滑到一個點，一放入口直接sir入喉嚨，只留下陣陣油花香氣！特級雪花肥牛就肉味香濃，帶少少嚼度，又別有一番風味！次次嚟都會食埋手打鮮蝦丸，因為真係堅好食！食到淡淡蝦肉，就算配麻辣湯都掩蓋唔到當中嘅鮮甜😋

把握冬天既尾巴❤️食返個芝士雞煲先對上一次食已經係好耐歷史了🥲仲要係不能抗拒既芝士🧀 #芝士控 必備‼️今次呢個芝士雞煲有得自選芝士既份量🥰我當然係揀激量🤣佢既芝士唔係瘋狂拉絲果款 食多左都唔覺膩雞件好多都係啖啖肉 骨都比起平時食雞煲少加左洋蔥🧅更惹味～.食完雞煲就可以加湯打邊爐了🍲有雞湯同芝士湯呢2款任揀我就揀左雞湯 加左之後味道會淡返少少😋唔鐘意全程都咁重口味既你可以揀呢款雞湯啊～.手切新鮮牛頸脊賣相超靚 脂肪分布好平均牛味十足 厚薄適中🐂 呢個食完都覺得唔夠喉呀。蜂巢冰豆腐吸左湯汁精華 不可抵抗 大大件好滿足🥔薯仔可以一開始就落左湯先 煮腍左食都好正食完捧住個肚走🤤

米走雞的雞煲真係不能錯過我們諗住雞煲再打邊爐，所以叫了火焰麻辣雞煲。其實都好豐富，好多滑溜到不得了的雞塊，主要都係脾位，啖啖肉都好滑又入味。其實bb 辣即係半隻椒的辣度已經好夠，爆香了紫蔥，洋蔥，中芹，芫茜，勁香又惹味。煮到一陣，店員又點下火，老公覺得好驚喜，原來加了酒，令雞煲更加香味濃郁。細雞煲已經夠2－3人食用，好足料。食完雞煲真係好暖身，我們打邊爐決定要雞湯，都一樣辣辣地。火鍋配料叫了雪花肥牛，碟牛份量都大，油脂分佈平均，牛肉味香濃又大大片。仲有蝦中寶真係好多蝦肉，見到原隻蝦仁，大大粒，比乒乓波仲要大，蝦滑鮮味，彈牙，甚有口感。凍豆腐吸收麻辣湯味，好吸汁，打邊爐必叫。食完火辣雞煲，嘆返杯凍咸檸七下火先，咸咸甜甜好岩我。