米走雞 (昭德大廈) (已結業)

唸住係黃店所以支持下 見到張相咁吸引 又有半價 突登book枱唸住食座位好逼 每枱都隔好近 張枱放完雞煲都無咩位放其他食物個雞煲好有芝士味 頭一啖覺得好正 食多幾啖覺得d雞只有雞味 一d咸味都無 愈食愈溜 好難食 但不得不講d雞係好滑既職員服務好好既 問佢拎水會主動加冰 經常留意我地煲野d芝士夠唔夠既但係叫左其他配菜都唔係太乾淨 金菇未洗乾淨 生菜成抽咁上 都唔知點分開比2個人黎食 其實切開都唔係好難半價來講算好抵 但係唔會再有下次

由佢開第一間分店開始，已經好鍾意食佢嘅芝士雞煲，真係正到爆！新分店地方幾乾淨，不過就唔係好多位。推介必食芝士雞煲，兩款芝士撈埋一齊好濃味！ 真係拉絲的，芝士控不能錯過！除咗例牌嘅牛肉、響鈴之外，芝士雞煲一定要叫啲可以吸晒啲湯嘅食物！牛肉好靚仔，切得夠厚，牛味濃！大大件嘅響鈴吸晒芝士嘅汁。。。肥到不行，但真係好好味！仲有豆卜吸晒啲芝士之後真係好正最尾都好健康咁食咗啲蔬菜！依家長沙灣分店有啲折扣，所以都好多人，要食就記得訂位啦！

聽聞米走雞長沙灣重開有優惠 諗住試下 點知中左伏.帶定頭盔先，本人並非美食專家,只係屋企人有做廚師.所以用平時食慣嘅口味評價下賣相:5分係有噱頭嘅。又識著火又盛，環境同整潔程度其實OK，影相打卡一流，未食已經想send定個story先味道:1.5分老實講，噱頭唔係問題，你火焰麻辣雞煲有火都唔係問題，問題係，好燃大陣酒精味，你一開始點火唔係應該等酒精揮發曬再冚蓋？結果出黎好似食緊酒精消毒gel撈雞咁，同埋我叫嘅bb辣，本身我比較食得辣，但係呢兜嘢得酒精味同麻味，我一度以為食緊消毒gel。我唔知係得我地呢煲失準定點，我又費事問隔離檯客，你地煲雞係咪都係咁？最後，黎少左兩碟菜，冇下次，完。

黃金芝士雞煲🧀最近米走雞做緊優惠，只要姓氏有C/S/W就可以有雞煲半價優惠，但只限雞煲***其他野食就要比正價我就叫左一個細份嘅黃金芝士雞煲（2-3人分量）由於叫左激量芝士嘅關係，食曬啲雞之後都膩膩地同飽飽地食曬啲雞就可以加湯變打邊爐，湯有雞湯同芝士湯兩個選擇，我就揀左芝士湯，芝士味道冇原本咁濃但都算有味野食方面就只係叫左蜂巢豆腐、響鈴同稻庭烏冬，因為食曬啲雞已經開始飽飽地響鈴係即叫即炸果啲，大大舊，半份有三塊，浸完芝士湯就變得更膩，所以半份都夠曬蜂巢豆腐就唔推薦，食落冇咩味道，吸唔係好到湯反而烏冬就好令人驚喜，好似食緊芝士撈烏冬都幾有味埋單$187都算係幾抵

咁啱有優惠，雞煲半價，所以黎試下。叫左芝士煲，味道較似白汁，芝士味唔夠濃，其他食物正常。侍應姐姐既服務態度其實正常，不過食到差唔多最後，有個中等身型既男員工走過黎同我地講「你地唔好食得咁斯文，8點要交枱！」但係嗰陣只係7:42，仲有成18分鐘，我地已經差唔多食晒台上既食物，而且個場係有空枱！呢位男員工非常冇禮貌，劣評。況且食物只係普通，唔講得上好味。4個人六百幾蚊，冇得碌卡。雖然有優惠，但性價比低。唔建議大家去食。

我之前試過着買呢間外賣芝士雞煲返屋企食好好食， 所以今次就去試吓佢嘅辣雞煲，首先呢一間米走雞第一樣要講嘅一定係佢嘅價錢同埋份量，係超平同埋超大份，食雞煲加打邊爐兩個人$500係飽到好似食buffet咁。 雞煲非常香，已經係叫咗小份，但係都應該有一隻雞。 雞肉嫩滑， 超入味。 五寶丸一定要嗌，真係全部手打，真材實料，爽口彈牙。 虎蝦都超新鮮，唔知係咪游水貨， 但係真係大隻又彈口。 又係只係叫咗小凡嘅肥牛竟然大碟過其他舖頭嘅例牌。 牛肉仲要係高質，有牛味，入口即溶。 只係$98

雞煲專門店 米走雞主打黃金芝士雞煲 火焰麻辣雞煲 見到成煲芝士 完全抵受唔住佢既誘惑 黎到最近重開既長沙灣分店 環境整潔舒適 設有卡位⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀▪️黃金芝士雞煲 $178/小 (2-3人份)芝士雞煲既芝士碎 可選小量 普通 激量自以為好鍾意芝士既我地當然揀激量啦夾住雞件卷呀卷呀卷 直至成舊雞裹滿芝士 真係超級邪惡 雞肉嫩滑 濃郁芝士味店員提醒要由面食到底 唔好撈埋 雖然底部既芝士汁無面頭咁杰 但食落芝士味同樣濃郁 真心食左幾舊已經好漏 食到一度懷疑自己係咪咁鍾意食芝士 如果可以雞煲鹹啲同加小小辣味解膩就好啦轉火鍋既時候可以選擇加芝士汁或者清雞湯 由於太膩既關係 就揀左清雞湯 估唔湯底依然充滿芝士香氣 每一樣食材都吸滿芝士湯底 淡淡芝士味✔️哈哈蝦中寶 $63/半份蝦中寶比想像中大！勁！多！超足料！蝦膠包住原粒蝦仁 質地彈牙 啖啖都係蝦 一個人食一粒都飽左唔少✔️手打五寶拼盆 $48/半份五寶分別係 鮮墨丸 鮮蝦丸 鯪魚丸 豬肉丸 鮮牛丸手打鮮牛丸 有別於平時食開既牛丸 食落牛肉味道非常濃郁 不過質地就比較軟腍 唔似平時個啲咁彈牙手打墨魚丸 質地彈牙之餘

之前一直想試呢間芝士雞，襯住呢幾日有丁點兒涼意就衝左黎試米走雞有幾間分店、今次就揀左重開既長沙灣店、貪佢少人啲、好坐啲__________________________🔹 黃金芝士雞煲 (小) $178招牌既黃金芝士雞煲有得揀芝士份量、不過食得呢個煲都一定叫激量架啦.激量真係唔講得笑，成個煲都係芝士，芝士味幾濃厚得黎，又唔會好漏，不過想打卡既朋友就留意下，佢啲芝士唔算好牽絲.雞份量都幾多，食極都重有，仲要唔係好多骨，啖啖肉，雞肉肉質好好咬，唔係放係雪櫃度梅dum the 個種，幾彈牙下.調味料除左豉油其他都要錢，分開計$8一份，開頭覺得好屈錢，食落先知係佢啲芝士都已經好夠味，根本唔需要加.加湯係可以揀芝士湯 / 雞湯而店員會好殷勤咁留意個煲同埋過爐嘅狀態非常值得鑽.🔹 鮮炸響鈴(半份) $28好多野都可以半份半份咁叫、啱晒我地呢啲二人組合.響鈴半份有3條、但老鏈咁大條呢個係絕對絕對絕對一定要叫，自家制，超大舊，重點係勁脆，我地影相影左好耐都仲keep到脆，而且一啲油益味都無拎左黎點芝士，不得之了！.🔹 蒙古羊肉片 $148唔係切到好薄、但都嫩身羊味溫和、一啲都唔羶.🔹 竹笙墨魚滑(半

雞煲除咗麻辣仲有好多好選擇呢間位於長沙灣嘅米走雞已經係第四間分店😍😍裏面有雞煲同埋小菜可以任揀上網睇過原來最出名就係芝士雞煲叫咗個小份同朋友分享 份量夠2,3個人食裏面有好多配菜有落重本芝士碎洋蔥中芹一嚟到個煲已經好吸引 芝士仲未溶店員叫我哋要分層食 就唔好一次過攪拌原來逐層食都有佢嘅風味芝士粒粒慢慢溶化變成芝士湯😍😍加埋咁多配料成個雞煲十級正！啲雞仲要每件都啖啖肉而且冇雪藏味少少芝士嘅鹹香吊出新鮮雞嘅味道令人食過返尋味 即刻喺煲面夾多幾舊另外火鍋配料我哋叫咗呢度最出名嘅牛頸脊同響鈴🔔啲牛頸脊雪花均勻 擺盤美觀 令人賞心悅目響鈴仲係佢哋自家製 即叫即整好大碌😆另外薯仔片魚皮餃份量都多 半份就夠飽最後叫買鹹檸七同埋王老吉可以清洗口腔裡面濃郁到爆嘅芝士味🤣食過真係會返轉頭 大家真係咪走雞！

今日嚟到長沙灣，因為阿妹話想食嗰間雞煲，所以我哋晚飯時間就去咗食。我哋一坐低就嗌左黃金芝士雞煲，因為我哋四個人但有一個人話飽飽地，所以嗌左細嘅份量。其實我之前喺太子嘅米走雞都試過一次，嗰陣時食嘅雞煲我覺得係好一般嘅。但係今次，我覺得呢個黃金芝士雞煲係真係好有芝士味，雞都好入味嘅，所以我覺得係幾好食。但之後就出事了。首先食完雞煲之後，店員會問你加芝士湯定係清湯，咁我哋就揀咗芝士湯。而店員幫我哋到芝士湯嘅時候，個色睇落都好濃好有芝士味。之後啲配料都上菜，其實睇落都幾靚嘅。但係一六就出事了！個湯係一啲味都冇，好似水咁，我都唔知佢嘅芝士湯究竟係攞咩撈出來，可以得個色但係完全無味。就算我哋淥完牛肉，諗住有啲肉汁嘅味道會好啲，但係完全幫唔到個湯底。佢個響鈴唔係嗰啲包裝響鈴嘅，但係因為湯底完全冇味嘅關係，佢掛啲汁都係無味，我覺得完全係曬咗佢。佢個火鍋同用水打係冇分別嘅。但係因為個雞煲幾好食，所以覺得兩樣撈返埋我都唔會俾劣評嘅，但係希望店家可以改善一下湯底嘅味道。如果佢冇改善嘅話，我建議大家去到，直接買大嘅芝士雞煲食，食完就走得了。

電話響起，舊同事傳來聲音，今晚食飯呀............這樣便食啦。由同事介紹，雞煲最出名，奈何一點辣也未能嘗的的，試一口後，辣味好食，可惜我不行，加叫一個芝士雞煲，爽呀！芝士雞🐔🐔煲啖啖芝士🧀🧀，筷子🥢夾起芝士絲個個見到嘩嘩聲，口感juicy，雞肉嫩滑，吃了半鍋也不濟。wasabi墨丸咬入爆醬，入口要小心，墨丸彈牙配上wasabi汁，沒有搶味，獨特的丸。丸同餃類可拼，岩晒各有不同需要。重頭戲是碟牛🐮🐮，輕輕一淥便轉色，厚薄合宜，入口有咬口。響玲是附送的，自家整，每條夠大夠長，最重要係夠脆，放入湯內即起，味道更佳😋😋😋最後，吃雞後加湯有很多選擇，芝士、辣、清湯樣樣有。

武漢肺炎疫情嚴重的狀況下, 相約朋友吃飯變得愈來愈困難. 這個時候挑的餐廳比平常更要講究, 除了食物質素外, 會想光顧有注重衛生清潔的食肆. 疫情下受影響較嚴重的必然是打邊爐相關的食肆, 這裡更平常的顧客要少, 但看到店員有做相應消毒措施加上顧客少的緣故, 感覺比其他食肆更加安全, 衛生. 店裡有擺放酒精消毒液供清潔雙手, 另外入座後主動送上厚身紙巾用作保護口罩. 調味配料齊全. 這次來米走雞, 朋友指定要點未試過的黃金芝士雞煲. 雞肉與麻辣雞煲同樣厚肉且大塊, 雞煲加熱後芝士溶化, 濃香的芝士與雞味十分配合.  2人竟將整煲芝士雞吃光而不膩. 吃過芝士雞煲後, 朋友建議點較清淡的湯底打邊爐, 看到皮蛋芫茜湯價格不貴便點來試試. 上桌的皮蛋芫茜湯頗為清甜, 正好用作湯底. 這次看到哈哈蝦中寶可點半份, 正好作2人份量. 最愛這道因為原隻蝦肉配上蝦膠加蟹子質感比蝦膠更加彈牙好吃. 韭菜餃正好也可以點半份, 朋友不吃韭菜正適合我一人獨享. 裡頭韭菜新鮮又香口. 牛坑腩配清淡的皮蛋芫茜湯相信是不錯的選擇. 牛坑腩上桌前已煮熟一半, 牛坑腩既厚肉好吃牛味又濃郁. 鴨血是新配料, 質素可以. 油

食開雞煲嘅朋友，呢間雞煲都唔使我多講，應該點都試過一次啦不過我今次係第一次嚟。呢間雞煲本身舊年book過一次，但係太難book喇，最後都係食唔成。呢排可能大家少咗出街食，我用whatsapp一book就book到今次4個人叫咗兩個2至3人份量雞煲，分別係黃金芝士雞煲 (小) 同火焰麻辣雞煲 (小)其實都驚食唔晒，因為芝士雞煲睇相好似有少少漏。芝士雞煲好快就來到，過咗10分鐘左右就食得啲雞全部係雞脾肉，真係啖啖肉唔會食食下有骨碎，可以放心咬落去，啱晒我呢啲怕骨之人芝士汁好濃，加埋洋蔥同雞肶肉，送飯真係一流，好有住家feel個麻辣雞煲都唔錯，麻得嚟有少少甜，又唔會好辣，亦都唔會好漏下次一定會再同frd嚟食過呀

真係足足一個月無出街晚飯🤦‍♀️簡直史無前例未試過！今晚終於出關，我地揀左長沙灣呢間米走雞，食過幾次，水準有保証，招牌芝士雞煲更加係必試食過返唔到轉頭火鍋配料選擇豐富，最鐘意佢有半份選擇，兩個人都可以叫多d款黃金芝士雞煲水準保持一貫的高，芝士口感幼滑，味道濃厚，係濃而不膩果隻，食曬成煲都唔會覺得漏雞肉大大件、啖啖肉，肉質非常嫩滑半份鮮炸響鈴雖然當晚客人唔算多，但我地點果幾款配料都依然保持新鮮即炸響鈴非常鬆化，吸埋芝士湯汁，真係不得了五香鮮牛肉新鮮，份量很多，底墊一塊生菜，成球都真係肉黎肉質嫩滑，無筋！手打五寶丸一碟可以試足五款口感結實彈牙真材實料，蝦丸入面真係有蝦鯪魚釀豆卜芝士湯底加個出前一丁酸梅湯夠大樽，而且好夠味，甜度適中飲左好多杯都唔會惹痰呢餐質素好滿意另外值得一讚，餐廳好注重衛生，比我地既杯同碗會用滾水碌過，亦有酒精搓手液提供比食客使用

今日同朋友去到長沙灣做啲嘢，去到都唔知食乜嘢好，又想靜靜地食打邊爐，就上左去長沙灣地鐵站附近的米走雞打邊爐了。米走雞主打雞煲，再配以不同種類既火鍋配料，讚好!火焰麻辣雞煲今次叫左佢既招牌火焰麻辣雞煲。估不到十分之足料，香料配料十足仲附上好多件淡淡肉既雞脾肉，真係好似食緊成隻雞咁，咪道香香辣辣，又開胃又有鮮味。淨係雞煲都令大家好食又滿足，正!五香鮮牛肉雖然無要到大份，但其實上到枱都有大大碟厚切。鮮牛肉入口即溶同彈牙，味道方面，十分之香口有牛味，牛魔王首選。手打五寶拼盤又一碟大碟抵食之選，有乜嘢好得個可以一次過食到味道新鮮又彈牙，五款唔同嘅手打魚蛋，很不錯的，正！脆鯇魚腩片脆鯇魚腩味道只有鮮魚味而沒有淡水魚成日有的草味，推介！最後還叫了辛辣麵同汽水，為這一餐畫上完美嘅句號。