米走雞 (昭德大廈) (已結業)

人氣嘅芝士雞煲，今晚長沙灣再試過！上次試麻辣，今次試cheese sin~因為平日weekday,諗唔到都仲係好多人😁好在book定左檯~店員好快安排我哋入座，嚟到呢度，當然要試吓佢哋嘅芝士雞煲啦🤤因為我哋鍾意食芝士，所以我哋叫咗特濃，佢新鮮滾熱辣送到，然後喺個爐度加熱返，半溶嘅芝士食落，真係好香口🧀加上雞塊都好多，好鮮滑，🥰食到底，仲有清新嘅洋蔥🧅食完左雞煲，仲可以加埋芝士湯底打邊爐🥢我哋都試咗下佢哋嘅🥩肥牛，同埋雜丸同樣好豐富，好滿足😍想打邊爐，又想食雞煲，呢度當然係一個好選擇~

今晚同爸爸出街打返個靚邊爐。同爸爸黎呢間米走雞，呢間餐廳都好多間分店，其實都食過幾次架啦。不過我地好鍾意佢個芝士雞煲，所以間唔中都會返黎再嘗嘗回味一下。一入座時間關係先點返個雞煲先，因為雞煲送到都仲要加熱，所以可以再慢慢睇食咩火鍋料。呢個岩岩送到既黃金芝士雞煲，份量唔少架，見到好多芝士鋪係面tim...仲可以自己揀要多少芝士既份量，我哋選左普通量。等了又等，好快芝士已溶了，正呀，黃金鋪滿了整個鍋，每件雞都被芝士包圍住。好豐盛。一件又一件既雞件慢慢食，雞件又香又滑，而且包著芝士好濃好creamy,真係味道一流。雞件份量都唔少架，而且雞件都切得大件，吃起來啖啖肉好有口感。記得食到咁上下就開始睇下想食咩火鍋料，再下單。呢度好多材料都有，因應返自己口味點選。食曬個雞煲後，再叫店員加湯，湯可以選普通清湯或芝士湯。我們點了普通清湯，因為怕再加芝士湯會太膩。正呀，之後開始round two....打邊爐。點了好多唔同菜式，有大大卷既響鈴，夠曬份量，好好味，呢個響鈴好大好飽肚，吸曬d湯汁，超正。仲有菜，可以選半份或一份，我們點了一個半份既油麥菜。仲有點了一碟蒙古羊肉片，賣相好靚，羊肉切得薄薄的，一放入

我一向鍾意食麻辣，尤其麻辣雞煲完全上咗癮一樣，應該係因為太好食啦😂仲要係我屋企樓下附近就有間米走雞，呢度個雞煲仲要特別正，成日都來開餐！一坐低二話不說立刻叫了火焰麻辣雞煲，呢度個麻辣煲落足料，除咗配料有齊辣椒乾洋蔥芹菜芫荽，仲再加入玫瑰露，點火炒一炒雞腿肉，唔單止提香，仲令麻辣更突出惹味，一食嗰陣個會麻到個嘴唇有啲震下震下，好爽架😍加上雞肉非常嫩滑，全部係啖啖肉嘅雞俾肉，最鍾意食雞鎚位，輕輕一咬骨肉分離，份量又多，絕對係CP值極高㗎！次次嚟都會食埋手打鮮蝦丸，因為真係堅好食！食到淡淡蝦肉，就算配麻辣湯都掩蓋唔到當中嘅鮮甜😋識食梗係叫埋豆腐同豆卜啦！滑捋捋豆腐食起嚟好似豆腐花，而且豆卜吸收晒麻辣湯，吃起來甜甜辣辣的，好滋味！次次嚟都食牛頸脊，今次試吓新意思，叫咗滑牛肉食，原來都幾好食，又抵食！牛肉唔單止新鮮，食起嚟仲好鮮甜，雖然冇脂肪，但係食起嚟都好嫩滑，加上牛味濃郁，個人認為口感好過雪藏嘅高質牛肉添！

同幾個同事放工去食，6點鬆啲唔多人，5個人坐卡位都坐得舒服👍🏻。因為得1位男士👦🏻，所以就唔揀啲任食既，咁就可以自己就住慢慢叫野食。雞煲叫BB辣所以唔算好辣，都多雞件🐓，同埋唔係淨係得骨，有啲洋蔥🧅幾香，通常食到後半就會好入味好正😌。打邊爐雞煲又點少得響鈴卷！上網見過話打邊爐最邪惡既係響鈴，所以少食左好多😂，不過有新鮮炸起既真係要試下，比起平時街市買一盒盒嗰隻好食好多！但個人留意通常都係單點式雞煲或者放題先有🧐。第二樣打邊爐必備既係蜂巢冰豆腐！(或者豆卜)，都係索晒啲汁再食就超正。建議一開始就落定，打邊爐食到咁上下就應該入晒味超正🤤。不過都係好邪惡😈，單點就限制住自己唔會瘋狂叫，任食就…🤯其他都無咩特別，菜都新鮮，魚皮都脆，整體而言都唔錯，同埋幾個女仔散叫分分鐘仲平過食任食，食到7成飽左右啱啱好🙌🏻。

朋友推介位於長沙灣的推介的火鍋店 - 芝士雞煲專門店-米走雞，終於有機會一試！火焰麻辣雞煲（少辣）雞煲到咗之後，員工即時點火炒一炒，芫荽香味撲鼻，大概有二十幾舊雞，份量十足！每一舊都啖啖肉好有咬口，配上自製麻辣汁，越食越麻辣，鍾意食麻辣嘅朋友一定唔可以錯過！差不多食晒啲雞後，就放湯打邊爐啦！手切新鮮牛頸脊牛頸脊每一塊都好厚身，牛肉味濃郁，脂肪分布均勻，唔覺肥膩，鍾意食牛嘅朋友必點！竹笙墨魚滑外表平平無奇其實內有乾坤，淥熟咗之後竹笙吸晒麻辣湯汁，配以內裏嘅墨魚滑，好有趣嘅口感！好味又新穎，推介！鴨血 鴨血外層吸晒麻辣湯底嘅汁，咬落去內裏軟滑，襯麻辣火鍋一流！竹蔗茅根（壺）我哋嗌左一壺竹蔗茅根，兩人飲啱啱好，飲得出係店主自家製，味道亦唔會太甜好fresh，打邊爐啱晒！兩人食左$512，雖然唔係叫咗太多食物，但係已經好飽好滿足啦！推介⭐️⭐️⭐️⭐️⭐️

行到入餐廳見到每枱人都打緊邊爐 咁我哋就即刻揀咗個激量芝士雞煲😏😏😏等緊啲雞熟嘅時候就聞到好香芝士味🥳🥳雞嫩滑 大大件 好多都起咗骨 係食到有雞髀肉 芝士拉絲、口感幼滑 芝士味濃但不會覺得肥膩😻😻芝士見到落咗超過兩種 差唔多食哂啲雞個陣 可以選擇加清雞湯或芝士湯 視乎個人口味喜好 鮮炸響鈴響鈴好大條 咁大嚿沾埋湯底同醬汁簡直一流👏🏻👏🏻 仲有佢哋嘅響鈴炸得都好鬆化👍🏻手打五寶丸一碟試哂五款丸 滿足我多個要求😂😂 丸類口感紮實 咬落好彈牙 我幾鍾意食個蝦丸同黑椒牛丸鮮製餃拼盤粒粒水餃都大大粒 脆肉鯇清熱銀菊露

雖然今個夏天特別熱，但都無影響我對雞煲嘅熱情。今次同朋友來食呢個招牌火焰雞煲。一解我對雞煲嘅相思之苦。我哋揀咗中辣，半隻雞準備起火啦服務員叫等一陣先食得，但聞到啲麻辣香味口水流緊起鍋食得啦，麻辣好香中辣對我哋來講岩岩好。正啊。雞好入味同埋幾嫩滑，再加支啤酒更加爽啊。食完雞煲就加湯打邊爐，咁當然唔少得牛肉啦，我哋點左牛頸脊好嫩滑。我中意呢個肥瘦比例。再加個手打五寶丸同埋水餃。今餐好滿足，兩個人都食再捧住個肚走啊。

今晚朋友同我慶祝生日，又想方便大家番屋企，所以去左長沙灣食我最愛食的雞煲!入店後點左二人份BB辣雞煲。辣度即使系BB辣但食到嘴唇都麻痺，份量真係超多，啖啖彈牙雞脾肉，洋蔥依然係超爽甜，煲極唔都唔會淋。大大件香脆既炸響鈴，可以直接食，亦可以點辣雞汁食，十分適合食火鍋既時候搭配黎食啊。彈牙蝦丸大粒造成個蝦球咁，煮熟後澎膨到成個乒乓球咁大粒。少骨既脆鯇片淥出來後內卷成一舊。超級頗有咬口彈牙，咬下去清脆聲響。

平時普通嘅雞煲真係食得多，今次揀咗一個好特別嘅，就係爆多芝士嘅雞煲。爆多芝士雞煲首先俾你睇吓出嚟嘅樣，就知有幾多芝士啦！鍾意芝士嘅一定唔好錯過！侍應會幫你睇火，食嘅時候千祈唔好反面，因為爆多芝士嘅關係好容易癡底！個雞好嫩滑架，細布啱兩至三個人食我哋兩個女仔其實都食唔晒！雞煲完咗好似就一定要打邊爐，周圍都係咁！哈哈！咁當然我哋都唔執輸啦，打個邊爐先！其實佢嘅手工餃同埋鮮蝦丸，真係非常有驚喜。蝦丸做得好好彈，真係半盤唔夠食！韭菜餃亦包得幾出色！朋友覺得芝士湯底同鴨血有啲唔夾，但我覺得OK喎！佢一盤鴨血真係好多大家可以睇到啦！超大份量，我自己就幾鍾意啦！不過呢啲見仁見智啦！

（長文）昨晚同老婆去左呢間店到食，住得近，平時又見佢人少，又好耐無食雞煲決定試試揀左麻辣雞煲 bb辣 我老婆唔食得辣都話鐘意不過餐廳係用全雞脾肉 唔係半雞 有人可能會唔鐘意打邊爐環節材料用料係唔錯豬頸肉 相當靚 食落好爽口響鈴 廚房自己炸 仲要大大卷 好特別 要讚既食物質素好好樓面兩位呀姐態度正常有heart廚房都非常乾淨————————————主文——————————但係點解星期六晚 呢啲黃金時段 可以坐唔滿人其實本人經過呢間店幾似7點都係坐唔滿人直到琴晚去食終於知點解 亦係今次打食評既目的就係一位帶眼鏡貌似經理既樓面哥哥 麻煩檢討下態度第一 我地無訂枱 入黎態度已經同喝狗一樣就咁講 坐呢到 無尾音 我以為去左澳牛 仲要俾個門口位我地 呀姐醒目兜圓場 先同我地講坐入黎呀 門口熱呀第二初頭以為哥仔性格cool唔係 我懷疑佢係真心唔想做 態度真係好趕客第一次黎 唔知佢餐牌價錢點計 問下湯底係咪要另計 已經hea答 趕住走咁 唔想答可以搵其他人答我既 唔使咁既態度最後食完埋單 可能就黎埋數收工啦 但你埋數你既事 你無理由逼個客一定要俾現金 我睇住其他台明明係可以俾卡好在我地有禁cash姐

朋友生日，佢話想過來試下呢間芝士雞鍋，反正我都未食過，幾個朋友就約埋一齊去食下👍🏻👍🏻😊😊Book 左3位6pm, 去到仲未有好多人，但差唔多7pm 就真係full house , 真係幾好生意。3個女仔都係第一次食，唔係太知點叫好，後來有姐姐同我地講，食個個雞煲係會加湯打邊爐嘅，咁我地就叫左半份雞，芝士揀左普通份量，係呀，其實我地都係會怕肥嘅🤣🤣來到嘅時候，其實半份都唔細份，個芝士又真係幾好食，完全唔漏，都幾香，啲雞都滑嘅，食完之後我地加左海鮮湯再打邊爐🤣🤣 本身其實可以加芝士湯，不過我地都係怕肥，好在加左海鮮湯都唔錯👍🏻👍🏻👍🏻 打邊爐我地叫左勁多嘢，因為唔知半份同一份嘅份量係幾多，問完個哥哥之後我地再決定個份量，不過來到先知中伏😅😅😅好似響玲咁，哥哥話半份係三條，一份係6條，咁我地3個人就叫左一份，點知。。。。一條打開仲大過條面巾😅😅😅😅😅 叫2個烏冬來左4個。。。真係不得了。。😅😅😅其實打邊爐啲食材都okay , 不過真係要留意下份量，食到人都反艇🤣🤣🤣

💛米走雞·我地個日本身想食大排檔架 但係間間都full曬 所以就搵左呢間雞煲🐤·火焰麻辣 $228(大) $168(小)我地3個人本身想嗌個細既 但係姐姐推介我地嗌個大既多D雞 抵食D 果然無介紹錯😈佢呢度D雞超大舊 而且佢炸過個外皮 所以雞肉超嫩 佢上完個雞煲會黎點火添 超有型 唔知大家係相睇唔睇到🔥之後佢個麻辣超過癮 可能因為我地嗌BB辣 我覺得佢係麻多過辣既 但係都會辣到想伸俐 一路飲住啤酒一路食 超爽🍻·西班牙黑豚肉$198 l 蟹子墨魚滑$88 l 竹笙墨魚滑$48午餐肉 l 生菜 l 娃娃菜 l 蜂巢冰豆腐 $24鮮製韭菜餃 l 鮮蝦雲吞 $43之後佢D野食都唔錯 我自己最中意我地誤打誤撞嗌既竹笙墨魚滑 佢係將墨魚滑釀左係竹笙入面 出面既竹笙索曬湯 配埋入面既滑 口感超好🤤🤤之後佢豬肉既肥瘦比例都好好 墨魚滑都唔錯 推介大家要嗌個蜂巢冰豆腐 佢索曬麻辣湯 超正 口乾好好😍😍雲吞同餃子我就覺得一般D 佢個皮比餃厚 而且分量比餃少 嗌其他野食開心D🥟🤣·#rbyeat#rby港式#rby💛#rby長沙灣 #rby旺角 #rby銅鑼灣 #rby觀塘·📍長沙灣青山道379號昭德大廈

<米走雞>真係食極都唔厭，上次食過麻辣雞煲令人回味無窮，今次再次光臨長沙灣的<米走雞>，一嘗招牌芝士雞煲💕。黃金芝士雞煲（小）$178終於食到這裡很有人氣的黃金芝士雞煲，芝士碎份量可自由選擇✌🏻：無、少量、普通、激量，另外仲有洋蔥、中芹、芫荽配料，令雞煲更加惹味！ 我只是選了普通份量，已經勁有香濃芝士味😌，唔單只每一件雞件都被芝士包圍着，夾起雞件還有拉絲效果😍雞肉非常嫩滑，滲透着滿滿芝士香味，無得頂👍🏻。食完雞煲，可以加湯變打邊爐添♨️！ 湯底有芝士湯和清雞湯選擇，朋友係芝士控所以選了芝士湯。估唔到芝士湯唔會好漏，而且令食物非常入味，完全不需要再點任何醬汁。西班牙黑豚肉 $198朋友唔食牛，所以選了黑豚肉，估唔到有驚喜🥳！擺盆已經好靚，豚肉好挺身，食落去肉身好腍，同芝士湯好match，好好味。手打五寶拼盤（半份）$48五寶丸有鮮蝦丸、先墨丸、鯪魚丸、豬肉丸、鮮牛丸，自家手打鮮制，十分足料👍🏻！鮮炸響鈴（半份）$28 浸完湯後滲透晒香濃芝士味道，又脆口，真係好好味，超大條好抵食🤩翡翠苗 $34鮮嫩爽脆，清甜美味，夠晒fresh!

.🔺 米走雞 傳說中嘅芝士雞煲🙉一直都好想嚟試下.黃金芝士雞煲 (小)🐣超多芝士鋪係個雞煲面🎉有兩種唔同嘅芝士 賣相超吸引😍雞件夾起上嚟拉絲可以拉到超長雞件食落其實都幾滑 而且舊舊都大大舊 .特級雪花肥牛🐄擺盤都幾靚仔👍🏻肥牛紋路都有板有眼 質素都唔錯👏🏻😋.手打五寶拼盤🍡有五款唔同嘅丸 可以一次過試哂佢嘅手打丸 都係蝦丸最好味🙈.哈哈蝦中寶😄超大舊蝦滑 感覺好似食緊巨大版蝦餃🤪😋😋

雖然天氣熱，但阻唔到我食雞煲嘅！我仲要食火焰麻辣雞煲，夠哂刺激！地方光猛整潔服務仲幾好，撈醬攪拌一一有店員代勞，我坐喺旁邊欣賞，「逢」一聲點起火，慢慢聞到香味撲鼻。超級惹味，雞件量多，靚洋蔥同蒜炒半熟勁好食。食飽加雞湯，打埋邊爐認真爽！新鮮靚脆鯇片，大大塊蝴蝶形，份量多口感幾爽脆抵食。必叫手切新鮮牛頸脊同竹笙墨魚滑，牛頸脊牛味濃郁纖維口感較幼細，咬落有少少肉汁。原來墨魚滑釀入竹笙好好味，食到竹笙吸到湯汁又食到墨魚滑嘅爽，好高滿足度。食埋打邊爐唔少得嘅生菜、粉絲、稻庭烏冬，雞煲邊爐一tick過滿足哂！