米走雞 (昭德大廈) (已結業)

今日同朋友出開長沙灣附近 夜晚想食得豐富啲 佢又好耐冇食芝士雞煲 所以就決定食呢間啦！今次我地揀左個小既黃金芝士雞煲 記得佢啲雞都係啖啖肉既 所以都好夠！啲雞依然好入味 雞件好多肉又好滑 夾住啲芝士同洋蔥 真係幾惹味🤤但其實咁樣食都有啲熱氣既 所以我地都嗌左支竹庶茅根 見到佢裡面真係有竹 蘿蔔等材料 好足料既感覺😆食得差不多 我地就加清湯轉邊爐啦~睇落重好黃金！要左碟特級雪花肥牛 雪花分佈好平均 厚度剛剛好 食落牛味好重 肉質好嫩 好味道🤤鮮炸響鈴都係必嗌既！好大一卷 感覺又係好新鮮炸出黎 但又唔怕太硬 吸曬啲芝士 啖啖都好夠味🤤要多左個咩都有既手打五寶拼盤 貪佢咩都有得試~佢包左鮮墨丸 鮮蝦丸 鯪魚丸 豬肉丸同鮮牛丸 我最中意都係墨丸同蝦丸 打得非常彈牙 同真係有墨魚同蝦味架！

我第一次寫評同屋企人一齊食飯叫咗芝士雞煲第一次食咁難食嘅雞煲個雞煲全是用急凍雞俾肉做一D肉味都冇超難食每人食咗一兩舊就埋單走人以後唔會再去真係唔明點解有咁多人話好味

是日為友人慶祝生日，選了這間在長沙灣有分店的雞煲！這間店在長沙灣地鐵站行過去只需幾分鐘，地點上尚算方便！我和同行友人首先坐下叫了黃金芝士雞煲再慢慢選其他火鍋配料！雞煲一上菜真的很驚喜，我們只是選了普通多份量的芝士已經超澎湃，實物看到至少有兩款芝士混合做成拉絲效果！味道咸淡度也滿適中，不過如果選激量芝士要注意可能會太膩或偏咸！雞件方面應該是大大隻的雪藏雞脾，吃起上來啖啖肉不過個人覺得如果如坊間其他雞煲店用上原隻雞的雞件應該會沾上更多芝士醬，不過無可否認雞脾肉是很肉厚嫩滑！吃完雞煲後可自行選加清湯或芝士湯，我們就選了清湯，火鍋配料方面沒什麼特別驚喜，都是常見的火鍋配料也沒什麼值得推薦！倒是見到隔壁桌子叫了火焰麻辣雞煲很吸引，有機會很想試！吃完火鍋後我們叫侍應上蛋糕作這餐完美的句點，不得不提是這間店店員人手有點不足，態度也比較冷淡！

一個月一次雞煲癮又起一早聽朋友講佢地既芝士雞煲好正門口古色古香，有類似木製屏風既大門非常易認餐廳主打雞煲，可以揀芝士雞煲或者火焰麻辣雞煲我同朋友都係愛辣之人，當然要試火焰麻辣墊檯紙清楚說明食雞煲既步驟以及推介食法1. 大火煮滾，切勿開蓋2.侍應會幫你點火，加辣醬炒香3.等佢滾一滾，就可以食雞4.加清湯，打邊爐右下角就係個辣醬，今次叫左小辣但同朋友都覺得佢地既火焰麻辣唔係講笑小辣已經係出面其他餐廳既中辣🔥🔥😋😋配菜有紫洋蔥、蔥炒香配埋辣醬，非常惹味身為食肉獸，今次order左4人份量既雞 $238餐廳用上全雞比肉，每一啖入口都係厚身既雞肉，完全無咩骨，食得好過癮！而且雞比位置非常嫩滑，比起普通雞件更索汁👍🏼👍🏼蜂巢冰豆腐 半份 $24午餐肉 半份 $24非常欣賞餐廳可以半份半份咁叫人少黎食就可以試更多配菜五香鮮牛肉 $98份量很多而且牛肉新鮮，肉味濃郁由於有預先醃製，肉質較淋牛肉切得厚身，口感一流🥰手打五寶拼盤 $88一碟有齊牛丸、豬肉丸、蝦丸、墨魚丸、鯪魚丸全部調味剛剛好，不會過鹹丸類size大大粒，性價比幾好牛丸加了黑椒，好香口，亦帶微辣，正

我自己本身就係芝士嘅狂迷！面對住芝士真係咩抵抗力都冇曬！今次就試下長沙灣青山道呢間米走雞，地點又方便易去，最適合剛剛收工約埋朋友仔去食！一來到坐底就諗都唔諗叫咗個芝士雞煲！芝士份量有個比大家自行揀少量，普通定係激量！好似我呢D芝士迷都係揀個普通份量就夠啦！芝士雞煲：呢個芝士雞煲最大嘅吸引之處就係呢雞都係用雞腿肉多，唔多骨！最適合D鍾意大大啖食肉嘅朋友仔！大份肥牛：食完雞煲可以加湯當打邊爐咁食，可以自行選擇加清湯定還是芝士湯！咁打邊爐又點可以少得肥牛呢係咪！除咗肥牛，仲叫咗我最愛嘅魚皮餃同埋響鈴仲有炸魚皮！個響鈴size比起一般出邊果D嘅size真係差好遠！！！好正！魚皮餃呢就大大粒，皮薄餡靚，正！炸魚皮好大舊好脆，絕對唔係腍滋滋！

忙咗10多日終於可以休息一下喇，細佬訂咗長沙灣一間雞煲火鍋店，名副其實是食完雞煲再食火鍋，雞煲可選芝士或麻辣，之前試過芝士所以今次選擇了麻辣煲，麻辣味好出色調教得好有水準，又香又濃配料雖然很簡單但已感受到師傅的心機！再加上雞肉好滑啖啖肉，份量又足，真的很滿意！食得咁開懷當然唔好停馬上接著就是食火鍋，我們選擇了好幾款火鍋配料包括雪花肥牛、西班牙黑豚肉是我必選，還有其他如紫薑流心皮蛋、蟹籽鮮蝦滑、大大件的響鈴、蜂巢冰豆腐、脆鯇腩、手打五寶拼盤等等配料相當新鮮，而且侍應態度殷勤執嘢快手，好有service!

天氣凍，又突然朋友想食雞煲。搵搵搵。見到米走雞就試試。店內乾淨。環境不錯。先點了火焰雞煲店員會介紹配料再教你先吃了雞煲先。雞肉全部是雞肶肉。所以細煲都飽肚😋😋😋😋😋😋😋小辣岩晒剛剛吃到辣的朋友。帶小小甜。洋蔥好味。當吃了一半就可以加雞湯。手切肥牛，脂肪分佈都好平均，大約十秒左右。就攪點，肉汁鮮味。淋。唔鞋。好正。凍豆腐都係推介之一。當所有肉味雞煲溶入晒煲內。再加上豆腐放了十分鐘左右。每啖豆腐都帶有雞味。好正。呢樽竹庶水，好清甜。唔會甜到糖水般。解渴之選。值得一叫。2個女仔叫了不太多。但好滿足。會再食

最近天氣又開始冷了，我們離不開吃火鍋及吃雞煲，這樣可以令到身體保持暖和。所以前幾天我們就有去吃了雞煲。這裏有麻辣雞煲及芝士雞煲，我們選擇了比較容易入口的芝士雞煲。整個雞煲都充滿著芝士，可以清楚看到有2種不同的芝士，每件雞肉都爆滿着濃濃的芝士，雞肉肉質比較結實，而且骨頭也沒有很多。我們還叫了蝦丸，這裏的蝦丸比外面的火鍋店大很多，而且真材實料，充滿着蝦肉及蝦膠，味道爽口。我最期待的就是這裏的芝士出前一丁，煲內已經有滿滿的芝士，再出前一丁上再加多兩片芝士，芝士味更加濃厚。

與家人做冬，今年決定去>>>米走雞<<<打邊爐，「烚吓烚吓」。選擇了長沙灣分店，雖然餐廳位置不太接近港鐵站，然而附近有不少巴士與小巴站， 交通尚算方便。 湯底是皮蛋芫茜(HKD78)，也挺足料啊。這夜品嚐了米走雞很多美食，選擇幾款和大家分享一下。 炸魚皮(HKD48)很巨型，但仍脆口。因為魚皮非常大片，如想將之浸在湯底中淥一淥才享用的話，需要稍稍調節時間。 鮮炸響鈴(HKD52) 和炸魚皮一樣非常巨型。巨型鮮炸響鈴確實抵食，但與炸魚皮的情況相同，需要調整淥湯的時間。 手打鮮墨丸(HKD78) 和Wasabi鮮墨丸(HKD88) 兩碟同時上菜，賣相幾乎相同，侍應甫放下兩碟鮮墨丸，大概一分鐘後，全檯人均已忘記兩碟鮮墨丸是甚麼跟甚麼了😢 唯有待咬開墨魚丸，方能確定，皆因兩者區別在於藏在墨魚丸中間的wasabi餡。味道偏咸，令wasabi味道不算太突出。但彈牙口感，仍是最吸引之處。 飲清水未免太寡，叫了一jar竹蔗茅根(HKD68)，清一清熱氣。除了竹蔗茅根水，內裡還包含很多材料，有貨真價實的感覺。

天氣凍又係時候約麻甩姊妹打邊爐~今次大家都係揀咪走雞，不過都無食芝士雞煲，大家都想食辣刺激下暖下身，今次食麻辣雞煲7點半來到，全場坐滿，等到8點先有位~一坐低咩都唔好理叫左個麻辣雞煲中辣先~火焰麻辣雞煲(小) $168 中辣又靚又香既雞煲十食已流口水，轉頭店員會即場製作火焰效果~呢度雞煲唔係原隻雞，而係全雞脾肉，所以件件都啖啖肉，非常嫩~麻辣都好夠麻好惹味，但呢度既中辣唔算好辣，下次可以叫揀大辣~新鮮牛頸隻(小) $208牛頸隻必點，好靚既雪花紋路，食落又嫩又有牛味~鮮炸響鈴 $52店家鮮炸既響鈴，新鮮香脆，放落個湯度吸哂d麻辣雞湯，太邪惡，只能放開懷抱，食左先算~鮮製四拼餃 $884款唔同款，可惜比班昌狂姊妹食哂，我只食到呢粒，入面有蝦的，都幾鮮味~鯪魚釀豆卜 $58陵魚滑釀入豆卜之中，又係吸湯名物，邪惡野~生菜(半份) $24食太多肉有d膩，叫半份生菜清下味蕾~汽水 $12當然唔少得汽水解喝解膩~

夜晚同屋企人過咗長沙灣食飯，今晚決定打邊爐，去咗米走雞。餐廳喺地舖，雖然同地鐵站有啲距離，但招牌好搶眼，都算幾易搵。米走雞最出名嘅係佢嘅黄金芝士雞煲， 不過同行有屋企人之前試過，今晚想清淡啲，嗌咗一個皮蛋芫茜湯底。佢哋打邊爐嘅食物，都幾有特色，其中最深印象嘅有以下幾款：鮮炸響鈴：同坊間嘅響鈴有啲唔同，佢哋嘅非常大卷，巨型響鈴第一眼見到係有啲被嚇親， 由於做得比較大卷，淥嘅時間同平時食開嘅有啲唔同，會淥得耐啲，要自己調節一下， 而因為響鈴比較厚身，食完竟然有啲飽肚感覺。五香鮮牛肉： 平時打邊爐，通常都係食肥牛，一般嚟講都冇話特別醃製；而在米走雞，比較特別嘅係佢哋嘅鮮牛肉，並唔係 一般肥牛，而係經過大廚精心醃製， 味道特別香濃，亦都唔需要額外調配豉油、大蒜等醬汁調味，非常惹味。 鮮蝦雲吞： 雲吞嘅大小，已經可以睇得出用料絕不欺場，真材實料，好夠份量， 分分鐘仲大粒過響雲吞麵舖食到嘅雲吞！ 少少可惜嘅係調味略嫌偏鹹， 唔算太過適合個人喜好。Wasabi鮮墨魚丸： 睇見個名已經好吸引，因為坊間非常之罕見，就叫咗一碟嚟試。 wasabi味唔算太濃，小小嘅擺咗響墨魚丸嘅中間；墨魚丸同雲吞都係偏鹹，

記得《米走雞》有多間分店，朋友們食過都食過話好食同埋推介，見到長沙灣有一間分店，就急不及待入去醫肚。餐廳環境舒適寬敞，還有卡位坐，店員就安排我哋坐近門口嘅卡位位置，出面仲可以泊車，非常方便。隨即叫咗一份「火焰麻辣雞煲」，賣相非常吸引，而且遠處都聞到好香、好惹味嘅雞煲味道，醬汁creamy加一點辣更為滋味。而每一件雞都是多肉少骨，雞肉入味，最驚喜就是雞件呈現火焰，非常新奇特別。而豉油醬料都比較多選擇，最重要有我鍾意嘅紅辣椒絲，醬汁可以自由配搭。鮮製韭菜餃非常新鮮，配料亦都很充足，再配埋一些豬肉，相當好味嘅餃。另外，午餐肉可以索晒火鍋湯底嘅精華味道，食落去質感好林同埋入味。手打鮮墨丸食落去每一啖都有墨魚肉，而且口感相當彈牙，有好濃郁嘅墨魚味道。還有蟹子鮮滑，同樣新鮮美味。飲品方面都多款選擇，隨即叫咗一罐可樂爽一爽喉嚨。食咗咁多野最後埋單都只係$500左右，最重要係火鍋配料非常新鮮，值回票價。

曾在「米走雞」吃過黃金芝士雞煲店，今次黎打邊爐做節。我們都是楝清清地既皮蛋芫茜湯$78火煱材料選擇：豬頸肉$78   五香牛肉$98     手打墨魚丸$78    稻庭烏冬$21   虎蝦$108    炸魚皮$48   竹笙$44     竹蔗矛根水$68。 很快就滾起到卜卜聲的皮蛋芫茜豆腐湯，像吹哨子：開波了！不過，且慢，我們以竹蔗矛根水代酒，大家飲杯先，冬至愉快呵！ 先食脆到冇朋友的炸魚皮，中段過後，待湯更濃，才吃我喜歡的竹笙。 手打墨魚丸除了夠爽口，味道也很濃郁。                          已經調味的腍滑五香牛肉，不用佐料已經夠味道啦！切得厚厚長條型的豬頸肉有肉味且夠爽滑。大大隻新鮮虎蝦最低食，肉質很鮮美，濕水綿花喔。有肉、有油麥菜、有海鮮、不能缺少滑嘟嘟的烏冬補充澱粉質。簡簡單單的打邊爐做節，渡過愉快的晚上。

一早已經聽聞過米走雞的芝士雞煲很好吃，見今日凍凍地就約埋朋友一起去試下。餐廳全部都係卡位!所以座得好舒服。店員一座低就遞上餐紙讓可以我們揀選食物。餐廳都非常貼心！枱面貼好曬雞煲的食用方法和最佳配搭，而且十分清晰，值得一讚。我地叫一個細的黃金芝士雞煲和一些最佳配搭的打邊爐配料。黃金芝士雞煲：雞煲內有芝士碎、洋蔥、中芹、芫茜、乾蔥等配料！而且餐廳用咗5種芝士混合。如果你係芝士控的話真係絕對不能錯過呢個雞煲。煲左一陣雞煲的芝士開始溶化，一打開蓋已經聞到好濃烈的芝士味。而且芝士仲會拉絲！！！雞煲完全唔溜，味道令我們驚喜。雖然係揀左細的雞煲，但係雞件份量十足！而且全部都係雞脾肉。食完雞煲後可以選擇清湯/芝士湯打邊爐，而我地就選擇了清湯。特級雪花肥牛(大)：餐廳採用了本地牛隻，肥牛雪花紋路都很鮮明！牛肉質鮮嫩，牛味重但不肥膩。鮮炸響鈴：響鈴是鮮炸的都是配搭雞煲的最佳配搭！響鈴皮薄而其且色泽黄亮仲好吸收湯汁。正！手打五寶丸拼盤：手打丸每一粒都用料十足！非常彈牙有咬口，怪不得是餐廳必食之選。餐廳的食物質數相當不錯，下次一定要黎試埋火焰雞煲！！！

小弟已經係第二次光顧長沙灣米走雞，因為地點近外父外母，可能因為天氣凍所以等位人亦好多，原先訂左8pm唸住偷雞7:30pm想拎位。但好嘢係要等嘅。入位後今晚挑戰自己陪女皇食中辣雞煲，無錯一向唔太好辣嘅我最後個咀就變成咁啦除麻辣，呢度仲有芝士可以揀同樣係招牌但老實講米走雞嘅雞煲真係又大塊又滑，而且相當惹味同入味，就算辣到變雙腸嘴都值得尚未火燒賣相已經十分吸引，爐底鋪滿洋葱，緊接惹味又大件又嫩滑嘅雞脾肉，面頭再放滿我喜歡嘅芫茜開火焗咗陣，同事就黎為雞起火，當中嘅表演環節完成係咪睇到都流口水，當送入口唔到3秒火熱感就黎，好辣呀鼻水都跟住一齊流，但又真係好食到停唔到，食到後段頂唔順另外叫個芫茜湯底沖淡吓戰勝雞煲後就到火鍋嘅快樂啦，點解？因為又係相逢牛肋肉時間，看看牛肉嘅雪花油脂分佈，雖然未到入口即溶，亦有脂香蓋口嘅享受。鯪魚釀豆卜有點失敗，因為未能做到我心中魚肉豆卜各占一半嘅比例令口感失色脆魚腩非常厚切，份量也多外父指定鍋料，響響響....令，點解咁響，因為粗條，但唔厚皮，換言之層數多咗，吸湯量倍增題外話點解覺得員工服務有火，因為未入座前在外等位時，員工不停板著口面關起玻璃大門，就似趕客般，但入