米走雞 (昭德大廈) (已結業)

一直都想食好耐，聽朋友講到個芝士咁神～鍾意食辣既可以叫辣雞煲，我呢d芝士控一定叫芝士雞煲，仲好期待個芝士湯底！老實講，價錢中上，但係堅好食，食物質素有保證！未融曬既芝士，好靚，記得聽侍應講唔好搞或者撈勻佢，因爲怕搞勻痴燶底望可雞肉，唔好望大大舊，肉好嫩，一d都唔老，又沒好肥既雞皮肥膏位，勁！起碼唔會咁快膩食完店內姐姐好有禮貌，好主動咁幫我地加湯，原來係期待已久既芝士湯，好香濃，仲有甜香味唔使多講，齋望我張圖都識分呢碟牛有幾靚，我叫左個細size！d紋路好均勻！超級欣賞呢個手打五寶拼盤，分別係陳皮鯪魚丸，豬耳肉丸，墨魚丸，蝦膠同牛丸（已我食後記得既味道），好鮮甜，完全食得出係鮮制，並唔係街市凍肉賣個款好假既彈，$88蚊呢個抵！好足料既咸檸🍋七喜，解渴消膩6點半坐得好舒服，人潮仲未來，七點開始多人，好快坐滿！總結，都係價錢屬中上，但係食物質素好高，絕對值呢個價錢！

今日同朋友嚟到長沙灣嘅米走雞打邊爐，雖然天氣仲係好熱，但無阻我地對打邊爐嘅熱情。米走雞之前好似受到大家嘅吹捧，但近排雞煲熱潮減退唔知仲係咪咁好食。餐廳環境寬敞，坐得幾舒服。餐廳最出名嘅係黃金芝士雞煲同麻辣雞煲。朋友唔係好食得辣所以我地就揀咗芝士雞煲。墊枱紙上有列明雞煲食法，而且仲有推介芝士雞煲嘅配料配搭，不過我地就冇跟足佢叫。極度邪惡嘅芝士雞煲佢有得比你揀芝士嘅份量，我地就揀咗正常份量。由於芝士比較容易燶底，所以要儘量不停攪拌。芝士份量多，每件雞都沾滿芝士，而且雞件大到有啲驚人😂兩個人其實唔係好食得哂。雞件食到七七八八我地就請店員落湯。湯底有清湯同芝士湯揀，不過店員就建議我哋要清湯，因為芝士湯會太heavy. 其實本身覺得芝士湯底有啲奇怪，驚同d配料唔夾，但最後發現原來都唔會唔好食。特級雪花肥牛(小)雖然話係小份但其實份量都好多。個肥牛脂肪分布均勻，脂肪唔會太多，牛肉味香濃，煮出嚟又唔會太硬，好食手打五寶拼盤有牛肉丸、鯪魚球、墨魚丸、蝦丸同豬肉丸。手打丸口感彈牙，其中牛肉丸入面有黑椒粒所以有少少辣，不過幾好食。墨魚丸同蝦丸入面都有d大粒d嘅肉粒。雜菇拼盤同娃娃菜都幾新鮮

天氣轉涼，吃火鍋的心癮又起。今天來到長沙灣搵食，最後選了這間專吃雞煲的食店，食店最出名的是芝士雞煲，但由於我不吃芝士，所以點了一個小辣雞煲。雞煲甫到，香氣撲鼻，一試更是美味非常，簡直欲罷不能，一件接一件，停不了口。吃完雞煲後，便加入清湯食火鍋，由於只得兩人，所以我們只點了肥牛、四寶丸和響鈴。火鍋配料新鮮，響鈴蘸上雞煲的濃湯，份外美味。若有多幾個朋友一起來會更理想，可試更多的款式，一間會再encore 的食店。

同事farewell dinner當然要食好d啦！由於時間比較近，好難Book位而且油尖旺比較吸引既餐廳唔係Full咗就係要限時2小時內交枱，成班同事約出來食飯，趕頭趕命，食得來傾唔到解，同時亦明白飲食業想做多輪客必需有所取捨。所以我哋book咗無咁旺既長沙灣，同時食到美食，而且唔怕被趕，邊傾邊食，無諗過食材新鮮，最特別黃金芝士雞煲，濃到漏既芝士，鍾意芝士朋友一定要來試下，另外火焰麻辣雞煲，辣中帶麻，唔怕辣既朋友一定會上癮。價錢唔貴，而且非常足料，抵食👍

舊同學搬左去長沙灣住，邀請我到他家參觀，同學好客氣請我去食晚飯，佢話附近有間食火鍋雞煲的米走雞，都好抵食，味道不錯。食店地方整潔、座位舒適，冷氣又夠凍！食火鍋前先來一煲黃金芝士雞煲。芝士份量有得選擇多或少，我們選了最多的激量，芝士多到可以拉絲，雞是用雞肶，啖啖肉，配埋芝士好惹味。食完雞煲就加湯食火鍋。白鱔片大大片，新鮮爽口。手打鮮蝦丸，除了蝦膠外還加入蝦肉，除了鮮味彈牙。重有爽口的口感。鮮蝦雲吞，這個必食，大大粒雲吞，饀料有豬肉和蝦，肉質夠味，蝦肉爽口。

今次特登唔睇任何食評，沒訂位情況下就Walkin入這店，9點左右得幾枱客😨，心魔裏的天使給我說可能沒有做特價關係所以比較靜一些😧。我們點了火焰麻辣雞煲，手打五寶丸拼盤，鮮製四拼餃及蔬菜籃，雞煲很快送上，還跟一碟辣椒油，服務員替雞煲在場加工點火，做到火焰效果然後落辣椒油炒兩下就話食得，全程好Hea下😓，當我一看啲料頭就知中伏，其他嘢可不試，料頭裡的洋蔥還是原個的，一些焦香也沒有，找不到花椒之類嘅香料，接著再看一看雞件，原來全部喺用雪藏雞髀斬件，咬一口瀰漫著濃濃的奄料味，伏上伏😤，同雞煲完全不夾，雞煲只得辣味無麻嘅香味😤五寶丸及四拼餃過鹹😓，同個雞煲鹹鬥鹹，這個Gimmick嘅雞煲喺我食雞煲以來最差嘅一個👎🏻👎🏻👎🏻，我自家用麻辣火鍋湯料加麻辣醬去煮雞煲都好食過佢。

好友約食晚飯,天時暑熱之際想找些辣物來過過癮,以提振一下胃口!我在記憶中搜索,很快便想到了米走雞;之後綜合大家最方便的距離,就選定了位於長沙灣的這一家;約定好友七時多在長沙灣地鐵站見面,大家都準時到達,便用了十多分鐘步行至餐廳;餐廳彌漫著濃濃的中國風,貼上了仿青磚的墻紙,小包廂更用上青花瓷式的國畫,配合發出柔光的燈籠,整個氣氛顯得甚是古雅;而餐廳的抽氣系統十分良好,沒甚油煙味與油膩感,只留下撲鼻的香辣味兒!看著餐牌,與好友研商了一會,拿定主義後就立刻落單;細看之下,點菜紙依舊是有著吃雞煲的步驟!打頭陣的小食酸薑皮蛋,以外層爽彈的質感,襯托內裡綿滑的蛋黃,其帶點刺鼻的獨特滋味,再用酸薑作尾韻的平衡,一氣呵成,齒頰留香!吃著小食的同時過了不久,侍應生就端上了我們選了的麻辣雞煲(旁邊配上一小碟中度的麻辣醬汁);登時,一股香料味加上芫茜,混雜著雞肉香味就在空氣中擴散,直撲我們鼻腔!其他配菜食材也輪番上場,包括半份的鮮菌,生菜,山藥,蘿蔔,整份的羊肉與紅薯粉;侍應生之後往雞煲裡倒上料酒,一點火就呈現出藍色火焰,隨之那香味更加誘人!火焰自動熄滅後,倒進麻辣醬汁,蓋上蓋子,開著大火,雞件發出劈劈啪啪

哩間雞煲之前真係想食都食唔到呀，試過whatsapp預約要我排期一個月後先有位，依家分店開多左，終於都唔使等位啦我地嗌左個黃金芝士雞煲。滿滿既芝士，上面仲有D洋蔥碎，睇落去真係好邪惡呀！我地嗌左個小鍋，但係雞肉都好多件噶，配料都十分多，芝士味好濃郁，每件雞都跟著D芝士一齊上來，雞肉好嫩滑，味道唔會十分濟，食完D雞之後店員仲幫你加芝士湯落去可以打邊爐，好邪惡呀真係特級雪花牛肉，牛肉加入芝士既味道，口感也非常之好！

長沙灣店的感覺有點不一樣，較細小，也較溫馨一點 所以服務也較周到的🤔😁今次試一下不食雞煲，轉戰其他non chicken bo湯底！主試海鮮唔記得order辣度🙀 對本人而言，有點過辣🙌🏻🙌🏻🙌🏻廣島蠔性價比高，新鮮！必食之選！！蝦🦐滑好大碗呀！好多蝦，而且食落彈牙，非常足料👍🏻👍🏻整到好多粒鱔片！ 甜甜的！好味快熟唔洗食牛!同場order了菜同午餐肉，可惜我們的湯太辣了，不能完成菜但係新鮮既！總結：還是雞煲好

上個禮拜，又係小學同學既聚會，佢哋話想去食雞煲，所以就去左長沙灣食雞煲。身為芝士狂，所以緊係叫芝士雞煲，仲要叫超多芝士既睇個煲，就知幾多芝士喇真係好香，雖然係叫左細煲，但係雞肉都唔少，芝士味好濃，雞肉好嫩，仲啖啖肉添食完雞煲，就打邊爐lu我哋就叫咗啲粟米放落去呢個係手打蝦丸，呢度啲蝦丸好大粒，差唔多有一粒乒乓波咁大，而且仲好足料好結實，蝦膠入邊仲有一隻隻嘅蝦肉，爽口彈牙呢個就係芝士加出前一丁，本身個煲已經係芝士湯，再加多兩片芝士同埋公仔麵，吸收晒芝士嘅精華

呢間米走雞已經食過幾次，質素一直都好穩定又好靠得住真係春夏秋冬都米走雞😂其實夏天又如何，30幾度又如何😎冷氣夠一樣可以食很好爽除左麻辣，重有芝士同其他湯底，不過始終麻辣最深得我❤️份量超多，重有大量洋蔥，超級惹味啖啖肉肉質非常結實嫩滑手打五寶丸$88黑椒牛、鯪魚、豬、蝦丸、墨魚丸，一碟試齊5款一粒蝦丸有成2、3隻蝦，新鮮又爽口黑椒牛丸，口感好結實彈牙，牛味濃，配埋黑椒係絕配蜂巢冰豆腐$24吸曬湯底🤤🤤什菇$44

昨天我和家人一起外出去吃晚飯，商量之下發現我們很久沒有吃雞煲了，而且媽媽特別很想食芝士雞煲，所以我們決定一齊去米走雞我們當然是叫黃金芝士雞煲，我們擔心吃不完所以就叫了一個小的，想不到小的雞煲也有很多雞肉，而且我們叫了最多的芝士，所以整個雞煲就像擁有芝士熔岩般的，香氣四溢，而且雞肉也很滑吃雞煲及打邊爐十分熱氣的，所以我們就叫了一瓶竹蔗水，裏面還有粟米及甘筍等，味道清甜。吃完雞煲後我們便可以打邊爐，店員替我們加了芝士湯，便可以打邊爐。我們叫了烏冬，烏冬吸收了雞煲及芝士汁的精華，所以烏冬十分入味。我們也叫了花膠，份量也是挺多的，花膠吸收了芝士的味道，十分煙韌嫩滑

6-7點嗰陣嘅人流唔係好多，但我有試過打電話落嚟預約，佢嗰陣話full Booking ,我都選擇walk in入嚟，真係估唔到book枱無位，walk in有位。利害利害！大家下次都可以試吓咁做，唔係嘅話到八九點就真系爆場。黃金芝士雞煲 放入很多芝士碎 ，煲一陣，芝士好快溶化了 ，芝士黏在雞肉上， 一陣陣香噴噴的芝士味， 使人為之醒神，加入洋蔥烹調雞煲特別開胃 ， 好味道。終於等到雞煲滾起了，芝士味道很香濃。雞煲內有雞、洋蔥、芫荽、乾蔥，還有大量的芝士。雞肉香滑軟熟，味道夾雜着芝士嘅香味，非常惹味。 食完雞煲還可以加入清湯來打邊爐， 我們叫了花膠及粟米，花膠可以吸收湯底的精華，十分好吃，味道煙韌又滋補養顏！粟米吸收了湯底 ，令到粟米原本更加鮮甜多汁，又夠爽口。吃完雞煲後，侍應生幫我們加入芝士火鍋湯底， 使食物勁惹味，好食。手切特級霜降和牛厚切肉嫩， 肉質新鮮只滾幾分 鐘就可以食得， 非常正。新鮮竹蔗水材料，豐富有竹蔗紅蘿蔔粟米，清熱解渴，是打邊爐的良伴。 這裏環境地方不錯，有足夠的舒適空間，而且打邊爐最重要的是冷氣充足，這裏也很好。

今日放工同幾個同事約咗Happy hour, 飲完一個round 竟然有d餓，所以提議一齊打邊邊。來到呢間位於長沙灣及荔枝角交界嘅米走雞，唔知係唔係落雨同太早嘅關係，竟然唔使等位，仲有卡位。大家都好有默契，乜嘢食都未嗌，又叫多兩支青島！cheers !真係人生一大享受！至強的佐酒小食組合，酥炸魚皮及辣味海蜇木耳，送啤酒一流 。冰凍蜂巢豆腐最啱吸晒火鍋湯底嘅味道！仲有佢個雪花牛頸脊都係信心保證之選，一睇佢啲雪花紋好平均，脂肪比例適中，食落夠軟滑又夠牛味，而且大大碟分量十足，確係正！呢班食肉獸仲好like午餐肉打邊爐！呢到既餃子拼盤好好食，餡料十足，款款唔同新鮮感！

夏日炎炎，仲要天氣唔多好，打風又未打得成，唯有約老友飯局。呢班友10次有11次都係打邊爐。真係冇走雞，所以今次約咗喺長沙灣嘅米走雞！冇黎一排好似裝修左，原來係之前隔離嘅細舖冇咗，呢個舖顯得闊落啲舒服d！仲要裝修幾唔錯！幾有書卷氣息！食物方面仍然保持水準，以前食開芝士雞煲或麻辣雞煲，但今次老友話女士少吃雞為妙，要多吃番茄蔬菜等健康食品！於是叫了番茄粟米煱，估佢唔到又幾好味，香濃番茄湯底！我愛辣嘢，叫了一份麻辣木耳，點知有咁多海哲，正！其他火鍋料好新鮮，特別係碟牛肩脊非常鮮味，牛肉味香濃！食到飽飽，每人都係二百多，仲要可以坐成晚，冇人吹趕還枱！