米走雞 (昭德大廈) (已結業)

上次試過芝士雞煲後，心思思想試埋呢個火焰麻辣雞煲！加上最近天氣凍所以就約埋朋友一起去長沙灣的米走雞。長沙灣的裝潢是典雅的中國風，比較起其他分店有特色。座位都很寬趟坐得舒服。 我地叫左一個小辣的火焰麻辣雞煲！如果第一次食的朋友可以參考枱面貼住的食用指示同推介。上面的指引好清晰。火焰麻辣雞煲：上枱時店員提醒我們先不要打開蓋，過了一陣店員將辣汁加入再用火槍點火，即變火焰雞煲！我地看到哇哇聲。雞煲内的配料有姜，洋蔥，芫茜等，一打開蓋就聞到香味四溢，非常惹味！！而且雞件分量一如既往分量十足，啖啖都係肉。雞件嫩滑！加上醬汁惹味令人食唔停口。麻辣的辣度適中不算太辣，不過有後勁。食完雞件我地就加左清湯打邊爐鮮製四拼餃：裏面有4款不同的餃子，全部都皮薄餡靚。其中我最喜歡的就是韭菜餃和鮮蝦雲吞，韭菜鮮嫩崔綠，鮮蝦雲吞爽口彈牙。西班牙黑豚肉：黑豚肉味道令人驚艷！豬肉味道重並帶有濃郁的橡果香氣味 ，肉質香甜唔蘇。鯪魚釀豆卜：豆卜盡吸雞煲的精華！加上 鯪魚確鮮甜可口。係打邊爐不錯的選擇。竹蔗茅根：唔甜，飲得出係自己煲的！！！ 而且好大(楂)，打邊爐下火最好。 

由佢幾年前啱啱創業，得長沙灣依間分店，到依家有咁多分店，就好似望住個仔大個左咁😂😂😂堅持每年冬天都要嚟食一次，仲一定要嚟返長沙灣食芝士雞煲轉眼間就有煲雞響鈴同出前一丁原本已經係打邊爐既好朋友，但佢地同芝士雞煲係更加好既朋友兩樣都可以吸晒啲芝士響鈴同街買既唔同，依到既響鈴食落好厚實既感覺😂可以吸到更加多湯另一個打邊爐既好朋友食得芝士一如既往，超濃郁，啲雞又大件又滑就咁食啲芝士都好正之後再揀左加芝士湯繼續食芝士成兜都係芝士芝士芝士牛頸脊—小 ($208)蟹子鮮蝦滑 ($88)依個蝦滑好彈牙食到好足料，好多蝦豬頸肉 ($78)娃娃菜 ($44)被啲芝士湯淥到淋晒雜菇拼盤 ($44) 朋友嗌既，可惜我唔食菇😂蜂巢冰豆腐 ($24)又係另一樣好吸湯既嘢食午餐肉($24)芝士配午餐肉3個人食到勁飽

米走雞有好多分店，一直都想試，見依家天氣涼涼地，所以就約左兩個朋友一齊食。鋪頭的門面好新淨，入邊好光猛，座位好闊落。知道米走雞出名係芝士雞煲，但又有D擔心用芝士黎打邊爐會唔會好漏，爭扎左一陣，都係決定試下芝士雞煲，揀左個小。店員送上極度邪惡嘅芝士雞煲，會等芝士溶哂之後幫我地開蓋，提醒我地唔好攪伴會更惹味。芝士的份量多，一路煲出濃郁的芝士味，令每件雞都係滿滿的芝士，雞件都好多，雞肉滑，仲有洋蔥等配料，份量一D都唔少，食完都飽飽地。食員店員會加湯打邊爐，但我地唔敢挑戰芝士湯，揀左清湯。火鍋料揀左手打五寶拼盤，有牛肉丸、鯪魚球、墨魚丸、蝦丸同豬肉丸。蝦丸口感彈牙，牛肉丸黑椒味重。由落單開始就擔心炸魚皮芝士係咩味，其實都唔太大分別，而魚皮脆卜卜，好香囗，重要勁大兜，食極都仲有。牛頸脊份量都係揀少，但一D都唔少，牛肉味濃，肉質滑，好新鮮。仲叫左廣島蠔同菜苖，最後都係食唔哂，哈哈。

每次食雞煲，個個都爭住夾肉食，今次去（米走雞）就晤駛爭了！🤗朋友住長沙灣，呢到都有分店👏👏晚上六點開店，立刻來吃，不用等👍🏻有芝士或麻辣可以選擇先叫咗個我最愛的麻辣雞煲先，再慢慢選火鍋材料，因為大約要等十至十五分鐘！店員先火焰一下個雞煲，再焗一焗就食得，我選了小辣，辣度剛剛好！火焰麻辣雞煲（小）－＄168全部都是雞髀肉，好入味，因為火焰後焗一焗，雞嘅鮮味都揮發出來了😋😋啖啖雞脾肉，一D都唔韌！虎蝦－＄108大大隻，爽口鮮甜👍🏻👍🏻炸魚皮－＄48脆卜卜，好香囗白膳片－＄98肉質鮮美，甘香而無泥腥，淥一淥肉質爽滑，好快就食得！😋

琴日約咗幾個朋友出去食飯，見天氣又開始有啲涼，我哋就去食雞煲同打邊爐。呢度有麻辣雞煲同埋芝士雞煲可以揀。不過因為有朋友唔食得辣，所以我哋就揀咗芝士雞煲。呢個芝士雞煲芝士味真係好香，係煲入面睇到有兩種唔同嘅芝士，仲有啲紅蔥同洋蔥喺入面。雖然我哋係叫咗個細嘅煲，但係份量都幾多。食完雞煲，啲姐姐就幫我地加入左芝士湯打邊爐。所以睇得出個湯底係偏黃色嘅。我哋叫咗個虎蝦，總共有六隻。而啲蝦都好生猛，而且蝦頭都特別大嘅，而且蝦肉好結實，味道都好爽口，連個蝦頭都食得。

天氣開始轉涼，就特別想打邊爐食雞煲🤩去咗長沙灣呢間朋友話好食的雞煲。同友人兩個人叫咗個細嘅麻辣雞煲～店員放上枱之後會點火😍已經聞到好香！等一陣就食得！我地叫左小辣～都辣到噴火😂 🔥但真係好麻，好濃郁！正😋仲有d雞件件都啖啖肉！唔會骨仲多過肉～食完雞煲接住就加湯打邊爐🤪由於我地唔太食得辣，叫咗清湯中和返小小配料方面我地就叫咗牛柏葉，生菜 ，芝心丸～滿滿嘅牛柏葉。仲有呢個鮮製四拼餃，有四種唔同嘅餃。蝦，豬肉等等不同口味，可以咩都試d😋食埋個稻庭烏冬就剛剛好😍個份量都幾多，好抵🤣呢餐真係超滿足！

同事住附近介紹我哋嚟，米走雞 食火焰雞煲兼打邊爐！最出名就係火焰雞煲同埋芝士雞煲，我哋揀咗火焰雞煲小辣！火焰雞煲店員點火再炒，嘩，香味即刻出曬來！真係有得睇又有得食呢度用雞俾肉啱晒我，啖啖肉😍而且雞腿肉特別滑😋新鮮牛頸脊(少分) $208來講份量真的不少而且質素很高！油花分佈很均勻，口感又軟又滑，牛味超濃！😍脆鯇腩亦是另一優質之選！新鮮爽口又夠肥店員姐姐很親切很有街坊嘅感覺，仲介紹我哋飲足這茅根，很清甜很足料，仲好飲過自己褒嘅，飲得出沒有加糖呢👍其他配料也不錯，最喜歡的地方係基本上啲配料都可以嗌全份或半份，乜都可以叫你試吓，正同放題差不多的價錢食到高質火焰雞煲，而且配料同放題的根本冇得比喎！推介推介!

雞煲都算係香港地道特色美食，天氣涼涼地食完雞煲打邊爐，不二之選朋友介紹呢間 咪走雞 已有幾間分店，而且口碑不錯，喺地鐵站附近，幾方便👍店舖裝修典雅，座位都算大，點了火焰雞煲微辣，用雞肶啖啖肉！啱晒唔識lum骨嘅我😂😂😂這裏大多數嘅配料都可以點全份或半份，啱晒乜都想食想試手切新鮮牛頸脊，真係不得了！塊塊厚切，牛肉軟淋松化，牛味濃，好鬼正呀！脆鯇腩 亦是非常值得推介，非常爽脆食得出很新鮮呢！而且一條骨都冇大人小童都啱👍仲有涼伴可以選擇，這份涼拌雪耳有少少海蜇，小小辣口感爽脆！其他配料新鮮雖然叫了半份，份量還是不少呢😆竹蔗茅㮛非常足料又唔會太甜，飲咗兩渣😜😜

米走雞天氣轉涼又係打邊爈時間。 四個女仔鍾意食芝士，就黎呢間位於長沙灣的咪走雞-芝士雞煲專門店。。黃金芝士雞煲，雞大大件， 夠滑。芝士拉絲，好好味，好濃芝士，同法式芝士煲不相上下。食到最後， 大家已經七成飽。附上雞件拉絲個相，真材實料。如果有年糕或麵包就一絕。食完加湯吃火鍋。湯加菜，好靚。叫了菜苗加生菜， 新鮮。鮮蝦雲吞， 飽滿賣相好。食落口都啖啖肉。麻辣木耳加海哲不錯，小辣，無芝士咁濟。炸魚皮好大碟，最尾都食唔晒。烏冬加芝士，有卡邦尼面嘅味道。埋單四個女仔都係500左右，好掋食。

開始有點秋意，所以想打邊爐。朋友介紹了這間餐廳，所以決定試試。我們8點來到，幸好還有位。我們先點了一份小的黃金芝士雞煲，而且選了極量芝士。雖然是小雞煲，但已經足夠2-3人吃。極量芝士果然名不虛傳，極多芝士，而且可以拉到絲。芝士味十分濃郁。雞件也有很多塊，而且很厚肉。芝士雞肉，吃得我們津津有味。我們又點了半份翡翠苗和生菜。蔬菜都十分新鮮，生菜很爽口。我們又點了一份鮮蝦雲吞。鮮蝦雲吞有8粒，而且蝦也足料，皮也夠薄。加上芝士湯底吃，十分夾。我們又點了一份炸魚皮。炸魚皮份量十分多，而且很脆，性價比十足。最後還點了一份稻庭烏冬。一份有兩個烏冬，十分飽肚。今天真的很滿足！出色的芝士雞煲，而且性價比很高，下次一定會再來！

米走雞都食過好幾次，每次都盡興而歸，呢排天氣開始涼，秋風起當然要食雞煲～雖然芝士雞煲都好正，但今日決定食麻辣，點完菜後，大大煲雞煲就出現啦，有大量洋蔥，莞茜，雞件份量好多，侍應即場幫助炒雞，灑下辣汁炒呀炒，好香濃麻辣味，急不及待好想食呀，但火焰雞煲呢個畫面當然係相機先食😎味道方面，醬汁好香濃，雞件洋蔥所有都好入味。份量多到可以打包走呀。我地仲點左蝦中寶，蝦中寶大大件，蝦滑好彈牙，有芹菜好香口，中間有蝦肉，肉質實，感覺新鮮。蜂巢豆腐可以吸收所有麻辣湯汁油麥菜、脆肉鯇都爽脆新鮮餃子拼盤大大粒，有黑椒肉餃、菜肉餃、水餃、雲吞。整體食物質素不錯，無退步，下次仍然會繼續幫襯～

剛剛入秋，天氣開始轉涼，又是吃雞煲的好時候，不想找新餐廳，於是今天來了長沙灣的米走雞。米走雞招牌芝士雞煲，但今晚回歸傳統吃麻辣雞煲，火鍋配料選擇夠多，價位適中。火焰麻辣雞煲雖然今晚只有三個人，但仍叫了大份的麻辣雞煲，侍者上桌前先燃點起火焰，一股麻辣香氣撲鼻而來，一嚐雞件，舌尖立馬發麻，夠香夠麻夠辣，味道令人上癮，雞件份量多，肉質鮮嫩，注意雞煲會越煮越辣。特級雪花肥牛來一客大份的雪花肥牛，雖然是價位較便宜的一款牛肉，但質素卻絕不馬虎，沒有將貨就價，油脂分布恰如其分，厚薄適中，輕嚼一下，香濃牛味在口腔爆發。鮮炸響鈴店家自炸的響鈴，將之放入濃郁的湯底之中，吸收湯底精華，半軟半脆，口感豐富。鵝腸鵝腸肥膏醇厚甘香，腸身爽脆，非一般街外無味啤水貨色。蜂巢冰豆腐打邊爐遇上優質湯底，必須來一客凍豆腐，早早放入鍋底吸收味道，一口咬下，湯汁在口中蕩漾。

記得好耐之前嚟過食一次，印象好好！所以今日經開附近，有心血來潮想食雞煲，就毫不猶豫揀咗咪走雞。一入到黎即刻揀咗麻辣雞煲，中辣。一想嘅時候已經好期待，焗咗一陣店員就幫我地點火，再等一陣就食得！雞嘅份量方面其實都好足，兩個人一定夠食。但係個汁就有啲奇怪，一開始食落都幾香。但越食越甜，搞到好怪。辣度就夠，但冇乜麻味。相對之後，x品雞煲真係出色好多。雞件方面就只有雞脾肉，個人來講我就鍾意有唔同部位嘅雞件。有雞胸雞翼，多啲骨lun下開心啲。不過如果你係鍾意啖啖肉嘅話，呢度會適合你！之後就係加湯打邊爐嘅部份。配料我哋就點生菜，雜錦菇，烏冬同手打丸。配料嘅話質素都唔錯，而且唔貴，幾抵食嘅！環境都好闊絡！坐得幾舒服！

由於很久沒有和中學同學聚一聚，一於選擇了地點方便的米走雞.座位十分舒服，冷氣又充足，加上店員熱情地招呼.種類選擇很多，有肉，有魚，有海鮮.肥牛香又滑，份量十足，有牛味，一定要試下.脆魚片爽口，冇泥味，愛魚人仕可下單.魚皮餃並不是很油，餃皮是qq的，好味wo .流心的芝士丸子，大家小心，不要原粒丸子食、但會太熱.魚皮十分香脆，冇油味、又冇鯹味，十分香囗.蛙蛙菜洗得十分清潔，並没有沙.油麥菜十分爽口新鮮.

係香港，一年4季都係喜歡打邊爐，打邊爐有分港式，日式，同最近大熱的台式臭臭鍋，養生鍋都已經一一食勻。所以今日同老公選擇回歸食番雞煲。論麻辣雞煲，之前食過觀塘米走雞(以前食開紅磡x品，但d雞件越來越細，因為佢的雞件又大又滑，而且麻辣味道夠重，所以今次都係食番佢，但就另一間分店，因為青山道呢間有位可以將間車泊街(當然係違泊)。呢間係地鋪，位置闊落。一黎order左個細火焰麻辣雞煲(中辣)，一杯咸檸7,一杯凍檸茶。個雞一上場會有呀姐幫手點火，一陣食得就幫你開蓋同攪拌。D 雞又大又滑，淡淡肉，而且唔會見到d雞頸，頭呢d唔係咁好睇的位置，麻辣味:食完個雞煲已經好飽，所以淨係叫一碟細特級雪花肥牛，半份娃娃菜，一份鮮製四併餃。牛肉雪花分佈好靚，牛味重，唔太肥，雖然148蚊有d貴，但質素上值呢個價錢。鮮製四併餃係鮮蝦雲吞，韮菜水餃，鳳城水餃及鮮牛肉餃。 d 餃大大粒，真係即場包，唔係係雪櫃執番出黎，粒粒圓大，好味，雲吞同牛肉餃味道最出色。埋單500蚊，雖然冇食海鮮但都非常滿: