米走雞 (太子藍馬之城)

营业中

休息中

麻辣雞煲呀、香蒜雞煲呀、藥膳雞煲都成日食到！特別天氣凍打邊爐意慾重～ 雞煲就真係好好嘅選擇～ 食完d雞加個湯就打特邊爐～何其爽！不過對於唔食辣嘅人就好陰公囉！朋友實會同你講「唔係好辣嫁咋食到嘅、唔辣嘅雞煲邊好食嫁⋯」等等無人性說話！今日QT嘅介紹係會大家都開心！食唔到辣嘅人都會歡喜～ 雞煲友講要雞滑嘅會滿意～ 芝士迷嘅大愛！「米走雞」嘅「芝士雞煲」！！！ 成煲滿晒芝士！睇住佢溶～ 芝味岩岩好！雞都入味同滑～ 提提大家必點烏冬！而且要加湯前食！芝士撈烏冬！好味到點！ 其餘火鍋料同新鮮～ 份量調中！價錢都合理～ 是晚QT同朋友4人同學 叫一隻雞嘅芝煲～ 每樣少少～ 好滿足！平均連加一每人$260有找～

到太子附近行街，看到米走雞開了分店，之前在長沙灣食過一次，覺得不錯，所以即興去食雞煲! 這間是樓上店，八點去到已差不滿座，只有大桌無人，等了數分鐘就可入座。在芝士雞煲同麻辣雞煲之間，還是選了火焰麻辣雞煲，因為想吃點辣! 三個人點了個小的火焰麻辣雞煲，蠻多雞的，小辣已夠麻及辣，雞肉及雞皮都很入味，非常香口，平時不吃雞皮的我也照吃。朋友覺得有點濃味，但我很喜歡這種麻辣的味道，間中想吃點重口味的食物!食完雞煲，叫店員加湯，有清湯及辣湯選擇，我們選了辣湯! 之後就開始盡情打邊爐!我是個很愛海鮮的人，點了這個蝦中寶，第一次食，是蝦滑包住原隻蝦，一件要分三至四啖才吃完，啖啖蝦肉，很鮮味!再來就是虎蝦，比我想像中大隻，$88的價錢有6隻算抵! 煮熟後，沒什麼蝦膏的，剝殼後也算大隻，要分兩啖食，肉質很彈牙!想點牛肉，在肥牛與牛頸脊間，還是想試牛頸脊，肉質夠新鮮，不算太肥，平時不愛吃肥膏的我可以接受，小的份量也夠食。這響鈴是鮮炸，比平時買的盒裝更脆，炸得蠻乾身的。因為少人食，不能點太多，又什麼都想試，所以點了四拼餃，餃吃得出是新鮮包的，蠻大隻的，但有某幾隻的皮比較硬，個人認為最好食的是韭菜餃。我們還了點

有朋自遠方來，當然要好好款待，每次都食煲仔飯，都有點悶，所以來點突破，食香港特式芝士雞鍋 (因為我唔食辣，所以唔食麻辣雞煲)，聽聞係參考韓國的步隊鍋，再加入香港人熱愛食雞煲既習性，加點創意，研發出黎既，都係聽屋企人講幾好食，所以一齊試一試。早一日就BOOK左太子店，本身諗住食第一間主店長沙灣，但唔近朋友既酒店，所以都係選擇地點較方便既太子店。好易揾，太子站E出口2 分鐘到，我朋友早過我到，台灣人找到地方能力超強。座位既間格唔錯，原來仲可以BOOK 房，不過我地得三個人就唔得LA。我地食6點，可能早都未FULL，不過到7點半就開始有等位既人龍。一坐底就立即點左個芝士火鍋，原來仲有好多配料可以點呢個黃金芝士，雖然我唔知用左幾多種芝士，但好濃味，又唔會好濟，D雞好嫩，我好中意食有骨既肉，真係好正，我諗食左6-7件....之後我地就跟店員推介叫左好多，朋友遠道而來，要食就食好D黑松露蟹子魚面, 呢個係店員推介，最新出，138蚊有D貴，但估唔到真係好好食，應該要一開始落，成個煲都有黑松露味，之後既食物都濃味左。魚面好彈牙，比一般既更有咬口，食得出有好多料，估有墨魚，蟹同魚，好豐富既味道，旁邊既黑

由於一直都好鐘意食雞煲同芝士野，有日係OPENRICE禁禁下道見到呢間係長沙灣有好多正評，但太子好似方便D，所以就同個FD去左試。。一試就好難忘，飽到反肚之餘D野食仲要有質素間野係太子地鐵站大馬路對面。要上樓～～都幾易搵一上去就一發不可收拾。。呢芝士雞煲。。正到無敵D雞好入味。。好多舊都係雞脾位～～因為我好怕食到D好"鞋"既雞撈埋芝士真係好香。。（不過朋友聲稱唔夠咸。。我覺得OK啦！唔係就好"流" ）清晒D雞就開始叫野食。。。好多選擇。。响鈴配芝士雞煲真係無得頂。。吸晒D芝士D湯。。。蝦同牛頸脊都好新鮮呢碟鮮尤求其飛飛芝士湯。。爽口鮮甜呢個四拼餃應該係自家製每款2粒。。起碼叫樣樣都有得試叫到一台都係。。唔夠位擺食到9點幾都仲全場爆滿。。埋單900幾2個人係有D貴。。但睇埋張單見到食左幾多野就知得人驚呢到應該係4人份量～～

好耐末試過排隊食野，openrice見到芝士雞煲又好評如潮，即管試下，我同老公2個人食，去到攞位，佢話等兩張枱，以為兩張枱好快有，點知d位俾唒大枱，結果等左9個字!眼見咁多人幫襯，應該好食，點知期望越大失望越大! 一坐底叫左芝士雞煲，牛頸脊，虎蝦，炸响鈴，紫菜等等。首先，我同老公本身好鐘意食雞煲，食慣重口味，亦好鐘意芝士，亦食開fusion,contemporary 菜式，芝士同雞可以好夾，但呢間野唔識整! 放芹菜完全唔夾，芝士濃但唔夠咸香，應加入其他種類芝士如cheddar cheese, Emmental cheese ，paprika,仲有黑胡椒!火鍋配料質素可以，除左炸响鈴唔脆身。牛頸脊細碟份量夠大，但同芝士唔夾! 芝士湯底太簡單，唔夠咸香，我同老公好想搵盬，胡椒 去吊味都無，味道好唔夠喉，浪費左碟牛肉。如果只係芝士雞煲味道還可以改進，但放湯變火鍋，味道好牽強，不過眼見咁好生意，我諗大部分食客都因為新鮮感而黎， 假如掀起熱潮，要做得好過佢地唔難，唯一讚嘅係refill洋蔥芝士湯幾好飲。

我係一個超鍾意食雞（煲）同芝士嘅人，由知道自己會轉工到附近開始，就plan住一定要黎食一次，到依家又要轉去第度返工喇，先真係成行。呢度出名芝士雞，咁梗係嗌芝士雞啦賣相好吸引呀，但一食落口真係好失望囉……芝士味唔係好濃，得個死咸d雞唔滑嘅…………😱同埋唔知佢用咩分大細，我平時食開就半隻同一隻咁分嘅黎呢度叫咗細。係我錯，我 expect 細會有半隻，如果其他人諗住食半隻而叫細，我想請你停一停，呢個細雞煲的雞絕對少過半隻。而且呢度d雞件同我平時食開果d唔同，見唔到雞脾雞翼果d。食到成舊大大啖肉ge唔多，反而雞丁咁ge size ge肉有好多。我同男朋友sad住咁食到咁上吓，叫侍應加湯，因為一開始仲叫咗d配料（早知食咗雞先決定叫唔叫配料）。加咗湯冇咁咸，洋蔥好食咗，芝士出前一丁ok,都係果d味。另外想提一提脆魚腩，好貴，78蚊6片……一直覺得一品雞煲的配料應該係最貴，估唔到天外有天人外有人。但一品雞煲個雞係好好味………如果想打芝士邊爐我覺得都ok ge，想食雞就咪搞喇。以後唔會再黎。一次就夠。

這陣子，有感而發，明白人生真不應顧慮太多，及時行樂，人生得意須盡歡，正確無誤，若做什麼都想得好清好楚，便會錯失許多沿路風光。近來發現身邊人原來喜歡食雞煲喔，於是帶了他去吃，知佢想吃嘛！從來去米走雞，都係去食佢有名的芝士雞煲，就是從未嚐過它的辣雞呀，愛辣二人組，今天就佢啦。總係認為打邊爐一定要夠凍，係冬天打先夠過癮，先有氣氛，而今回更是首度同愛人去火鍋，感覺特別期待同興奮，希望佢都滿意，食得開心啦。細辣雞煲（大辣）138店員在我面前像表演雜技般的，灑上中國白酒，邊起火，火煥紅紅，漂亮如私房菜，接著又淋上一碗辣醬在煲內拌攪，香氣撲鼻。雞的份量也真不少，雖然二人就只叫了個細煲。炒香了的雞塊，混入大量洋蔥，蔥段跟辣椒，令人口水大吞，未吃先聞香。雞肉入味，雞皮不肥膩，肉質肥美飽滿而結實，嫩滑非常，辣雞煲的辣度普通，是香勝於辣，是不錯的麻辣新嚐試！特級霜降和牛288食火鍋的原則，一碟靚牛係絶對絶對唔少得既，薄又鮮嫩既肉紅色，雪花紅白分明，誘惑雙瞳，單是賣相已知新鮮美味，格外令人唾延欲滴，不得不叫。如我所想，牛肉塊厚薄適中，做到入口即溶，細緻幼滑，脂肪分佈夠平均，相當鬆化，果真是和牛才有的牛香跟濃濃

今日同d friend行完旺角，想係冰冷既天氣完結之前，食番餐火鍋，烚下烚下～ 為食既我一開openrice就搵到呢間主打食芝士既火鍋～ 既然未試過就試一試啦^^7點鐘入席以為餐廳好空虛，點知平日7點半都已經坐無虛席，看來是不錯的餐廳啊！ - 黃金芝士雞煲（大）呢個係大煲，份量都好多。雞上面有好多芝士同洋蔥，煮左一陣，芝士味撲鼻而來😍芝士味好濃，個雞煲唔洗撈暈已經好入味，而且啲芝士又唔會搞到好濟，越食越上癮👍而且雞既份量都好多，啖啖肉又冇乜骨😍而且肉質好滑，幾新鮮 👍加上有好多洋蔥平衡翻啲芝士味，簡直perfect 👍雖然一開頭食好驚係伏，但食完之後真係會上癮👍 - 新鮮牛頸脊（小）脂肪唔係幾多，而且好新鮮。放落去冇幾耐已經食得。肉質好嫩，加上浸入芝士湯到味道仲濃😍芝士味又唔會蓋過晒牛既味道。而且啲牛頸脊又唔會切得太薄，啖啖肉👍雖然呢一份係小份，但分量都好多，4個人都食唔哂😂 - 金菇雖然金菇好普通，但金菇配上芝士就更上了一層樓😍出面食既金菇通常都好清淡。但呢間既芝士湯加上金菇真係好好食好入味，食落去啖啖濃郁既芝士，加上爽口既金菇，不錯不錯👍 我叫了兩份來吃

今日約左朋友食飯，朋友話想食芝士火鍋，跟住我上網search，見到呢間最出名芝士雞煲，又幾特別，咁就黎到呢到食😋😋😋 咁佢張枱就有人氣排行榜食既野，咁我地就叫左手打五寶拼盤，哈哈哈蝦中寶，虎蝦同牛頸偏脊🍴🍹黃金芝士雞煲 （大）$188 首先，佢黎左芝士雞煲先，哇！！正 d芝士鋪哂係面！勁多芝士！好開心呀😝個雞煲入面d雞撈埋d芝士係特別d。因為平時多數聽芝士火鍋，芝士雞煲真係第一次聽😂而咁樣既配搭都唔錯 食落去啖啖芝士，芝士味唔會太濃，因為加左少少芝士湯底。哈哈蝦中寶 $118 之後哈哈蝦中寶隨之上枱，咁梗係即刻擺落個鍋入面😂😂龍蝦丸包住粒蝦，同西芹，食落去好似蝦餃😗😗都幾好味牛頸脊肉（細）$188 打邊爐點少得食牛！🐮🐄牛頸脊細份都好大碟，好煙un,好好味，肉質呢個價錢都差唔多，都唔錯👍🏻👍🏻新鮮虎蝦 $88/6 跟住之後，我地就食虎蝦🍤🍤🍤，我覺得虎蝦超抵食，因為$88就6隻蝦，而且每隻蝦都有我手掌咁大，平均一隻都係$15左右，仲便過係長洲食，味道同係長洲食嘅差唔多，鮮味十足，而且肉質嫩滑，好值得一試。 但係食的時候有啲麻煩，因為會整到隻手都係汁。我建

平時通常食雞煲都是普通麻辣雞煲，沒點新意。聽到有芝士雞煲，即雙眼發光！芝士一直都是我最愛，但芝士夾雞煲真的未嘗試過。我叫了兩人份量芝士雞煲，一放上枱，好香芝士味，雞煲看似很濃郁，包圍每塊雞件，已經叫人垂涎三尺。我二話不說，立即咬了一口雞，芝士汁隨即從雞肉裏溢岀很入味！真心覺得芝士雞煲比平常的雞煲吸引！除了食雞，我還叫了特級肥牛，鮮炸響鈴，魚歡喜，魚皮餃，虎蝦，這些都是店員特別推介的。肥牛入口即溶，雪花分佈平均。魚歡喜即是墨魚滑，外型十分可愛吸引，真的有點兒不捨得吃😂😂不得不讚虎蝦，放到芝士湯中煮熟後，除了蝦彈口外，蝦味和芝士味的配合度十分高，芝士味十足！基本上我個人覺得芝士與任何的食物配合十足，食厭了傳統式的雞煲真的值得一試👍🏼

新年前幾個朋友相約食團年飯，凍凍地嘅天氣，有人提議食雞煲，有人推介米走雞，反正位置就腳，再上open rice 望望，食評不錯，一於試試！可以用whatsapp訂位，好方便！按時到達都要等一陣！之前已看定叫什麼吃！ 先來火焰麻辣雞煲$138一到先焗一陣，店員䦕蓋點火，燒一燒後，再加埋麻辣醬攪拌均勻，便可食用真的急不及待，整體雞件啖啖肉，大大嚿，鷄肉肉質軟嫩，可能不是太吃得麻辣，邊吃邊流汗！ 鮮炸響鈴$48薄薄脆口，一浸即吃口感更佳而火鍋配料就叫了 虎蝦$88有六隻，隻隻都好大隻，而肉質爽口彈牙 鮮製四拼餃$88 一次過滿足晒，最好味都係鮮蝦雲吞，爽口彈牙，重有鮮牛肉餃，皮薄入口似牛肉球嘅感覺 手打五寶丸拼盤$88牛肉丸加左陳皮，墨魚丸超爽口，彈牙鯪魚丸真係各有特色！ 豬麥午餐肉半份$20致愛嘅午餐肉大大塊，正！浸了一陣子麻辣滲透到午餐肉，真係又愛又恨！ 粟米$28超甜粟米！入口爽口 炸魚皮$48脆卜卜，又香囗嘅炸魚皮，浸湯又好就咁吃都好好味！ 真係食到飽飽！

一向聽聞過,其芝士雞煲十分出名因而冒名而來賣相十分吸引自家創,而且味道濃郁而不膩不鹹,調得很好我地2人點了一個HKD148(小)2~3人份量味道香噴噴芝香味十足芝士一絲一絲的吃完雞煲,當然打打邊爐來個花膠HKD88十分彈牙有嚼勁 新鮮牛頸脊(小)HKD188確實十分新鮮牛味濃烈放入芝士雞湯滾一滾,吃入口十分滋味牛肉及芝士味同時出現口腔內十分好吃另外呢款蜂巢冰豆腐(半份)HKD18亦十分特別放入湯內味道完全滲透芝士汁好像吃著芝士雞湯豆腐呢款豆腐口感比一般豆腐較硬但豆味感覺亦較濃頗特別有得食亦要有野飲仲點了竹蔗茅根HKD68大大壺仲係鮮煲的味道鮮但唔會太甜十分解渴解膩呢度的食物質素不差,味道好好又多選擇唯獨係二人先來了個雞煲,其實已夠7成飽,想再吃其他都不能吃太多如果你專程來吃雞煲,不妨多些人點個小的,再另外點一個湯再打邊爐會更好但今次確實意猶未盡,下次又要再來!

之前已經食過長沙灣米走雞， 今日喺太子見完客就同佢一齊黎到呢間太子既分店， 食店比總店大 有好多長枱 亦有vip房圓枱。黎到米走雞 當然點佢個重點芝士雞煲芝士雞煲同總店一樣 放喺度滾三五分鐘就食得 芝士味好香濃 濃既程度係拎起件雞 都會有一條條芝士絲痴住嗰隻 仲有洋葱粒吊味 雞肉比較軟身同林 食落去方便 自然骨肉分離。 半隻雞既雞煲亦落足料好多雞件， 以冬天黎食真係好正好好味食雞食到甘上下 就會落湯 值得讚賞既係 落湯都係芝士味既湯 所以keep 住打邊爐 湯底都唔會變淡。跟住就開始點打邊爐料哈哈哈中寶 用蝦滑包住原隻蝦 上面配以魚子 蝦滑爽口彈牙 加埋入面既雞 上面既既魚子 多重口感 而且蝦肉新鮮 值得推介魷魚 原隻鮮魷魚 夠新鮮既關係 其實就甘放落芝士鍋已好正手切牛頸隻 薄切 牛肉軟身 脂肪肌肉比例成37 之比 口感鬆化 配以芝士湯底都唔錯珊瑚蚌 新鮮爽口 新鮮 一個字 好味生竹 淮山 生竹 夠林 盡吸芝士汁 咬落去juicy, 淮山 健康 程粉狀 口感 厚實 係飽肚之選鵝腸 爽口彈牙 大大塊 但比較少肥膏炸響玲 新鮮炸起夠薄夠脆 放3 秒就食得斐翠苗 新鮮 好香青草味 而且爽口有

雖然而家去到二月中，但天氣仲係勁凍同朋友出去食飯一定會想打邊爐或者食雞煲，而朋友上網睇到呢間米走雞好似好正，咁就一齊去試下啦。佢個餐牌都有好多食材選擇，睇返價錢都好抵食。而最後就先叫咗個火焰麻辣雞煲，個煲上枱果陣傳來陣陣花椒味，攪到流哂口水。 之後職員會係雞煲內點火，撈勻雞煲內嘅材料，而食落去真係好好味，雞肉唔乾有豐富肉汁，而表面香脆加埋雞煲嘅辣汁真係好惹味。而食完雞肉就再加麻辣湯打邊爐。 雪花和牛：呢個真係非常抵食，首先牛脂平均，涮十秒左右肉色粉紅已經可以食用，而和牛味道甘香，連沾醬油嘅機會都可以不用。 蜂巢冰豆腐（上）：第一次食呢種豆腐就已經鍾意咗佢，豆腐煮了一陣已經大了不少，原來佢已經靜靜吸哂湯嘅精華，而食落去除咗彈牙，原來仲有蜂蜜的香味。哈哈蝦中寶（中）：一個很特別的菜式，其實佢係將蝦膠包住一隻蝦，雖然同是用蝦來整，但一齊食落去就各有不同口感，一個爽口一個彈牙，而佢共通就是有很濃的蝦味。韮菜餃（下）：剛好一餃一啖，而內裡亦有好香韮菜味。即食麵：最後再用麻辣湯煮麵食，非常滿足，而咁凍嘅天氣食啲暖嘢真係好正。

飢寒交迫嘅狀態最適合打邊爐季節，朋友們說近期開了一間雞煲店。 雖然香港每兩條街就搵到一間雞煲店，不過我覺得創新及服務一流是非常重要！嘩……想試好耐嘅全港首創芝！士！雞！煲！呵！ 細嘅黃金芝士雞煲大約2-4人份量，$148，細胃的朋友一定要搵多幾個戰友上場唔係真係唔使叫火鍋材料！ 大雞煲$188/4-5人份量，呢度自家調配嘅芝士醬汁味道濃厚有層次感，拌少少少少量芹菜同大量洋蔥，食到尾都完全唔覺油膩！雞脾肉真係好滑，而且啖啖肉無咩骨，爆到好香先放入雞煲，醃得勁入味嘅雞件仲掛滿哂芝士香，食完成身暖哂！ 肉類方面: 特級霜降和牛、新鮮牛頸脊及西班牙黑毛豬，和牛顏色已經吸引著我，肉質鮮嫩肥美而且入口即溶。牛頸脊脂肪比例平均，不會太過膩。相比牛肉的黑毛豬要煮耐多一點，但不會太硬。 哈哈蝦中寶，新年食它一定笑哈哈！蝦寶足料，內含蝦膠彈牙而且沒有太粉漿的感覺。韭菜餃總共有8粒，每粒都好飽滿；新鮮材料自己包製不過咸了一點。如果不太咸就Perfect，因為小妹真的超大愛韭菜餃嫁。 濃濃芝士味令人食指大動，打邊爐點少得響鈴.只需浸在湯底5秒已經超入