簡.聚 (已搬遷) 新店位置

好好食好享受嘅一餐🥰位於元朗西餐廳《granjero簡聚》店員非常有禮款待☺️餐廳近排做緊一個優惠，生蠔買5送1，我又覺得幾抵食。咁就叫嚟試吓先‼️✨👍🏻仲有我最鍾意食嘅Gillardeau😍今晚佢哋推介兩款🦪Castillo🦪Gillardeau全部都係N1. 級👍🏻非常大隻✨由Castillo開始食👍🏻Castillo🦪清甜海水味，肉質非常之厚！勁滑！好清新Gillardeau🦪生蠔味比較濃郁👍🏻入口超細滑。2者生蠔都非常新鮮出色！佢哋每天提供嘅生蠔款式都唔會好多！因為確保重質不重量👍🏻品質行先！飲品我哋揀咗水果茶✨熱情果特飲✨呢個夏天飲啲特飲就啱晒啦！蕃茄南瓜忌廉湯。creamy 濃郁西班牙黑毛豬火腿沙律鹹香味適中，店家特製醬汁👍🏻紐西蘭一級肉眼扒配紅酒燒汁厚厚的香煎的，牛味重，😋其實都幾大份 ，兩個人食，set dinner ，叫一碟生蠔，再加多樣小食，絕對夠食😮👍🏻食到最尾梗係要來一個甜品啦😍法式甜品朱古力慕絲蛋糕呢個好有驚喜嘅一個甜品，好重咖啡味道👍🏻喺出邊都好少食到咁有質量嘅飯後甜品！

今次嚟到呢間隱世元朗小店，好好彩，聽老闆講每個月第一個同第三個星期六都會有歌手駐場唱歌，令餐廳好有氣氛同情調，好relax同好舒服首先我哋就叫咗每人兩款生蠔，店員好細心咁介紹每款生蠔的產地，口感和濃淡程度，會建議我地先食邊款淡味先再到濃味。Ostras Del Castillo $48 pc來自西班牙，肉質比較creamy ,肉肥厚爽口，海水味比較淡Gillardeau $68pc來自法國，海水比較濃，肉質比較結實另外我哋嗌左兩個set dinner首先黎咗兩杯飲品，熱情果特飲，係咁熱嘅天氣之下飲番杯酸酸甜甜嘅飲品特別開胃前菜：無花果西班牙火腿沙律+燒聖子($38 add on)無花果加上黑醋汁，沙律酸酸甜甜好開胃，Parma ham 鹹香味好濃蟶子好新鮮配埋特製嘅醬汁好惹味主菜：香煎日本帶子黑松露意大利麵$168有兩粒大大隻的帶子，煎香左嘅帶子外脆內軟，意粉好香黑松露味之餘，亦有淡淡的龍蝦湯味，意粉亦煮得軟硬適中紐西蘭一級牛肉眼配紅酒燒汁$208我哋叫左六成熟，生熟程度剛剛好，廚師控制火候控制得非常好，牛扒肉味濃而且多汁最後我哋個set dinner包埋甜品，今日係Cappuccin

💖 簡.聚 (元朗)✨元朗西菁街10號好順泰大廈地下59號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️下次一定會再嚟‼️今日諗住落雨唔算話好熱三隻試吓坐下佢哋餐廳嘅室外位置，點不知比我見到好多小昆蟲🤣除咗烏龜我最驚就係蜜蜂🤦🏻‍♀️佢哋老闆見到我咁驚就即刻幫我換咗個位超級細心💖香煎日本帶子龍蝦汁意大利飯🦞 $98有紅椒黃椒就係冇我最怕嘅青椒🤣實在太啱我了🙆🏻‍♀️龍蝦汁相對清淡啲，平時出邊食嗰啲鹹好多食完之後要係咁飲水，我反而覺得呢個啱啱好💖原粒帶子好新鮮，竟然有彈牙口感🤩淨係外皮煎得比較乾身，入面仍然係非常軟身😝平時好怕食帶子食到痴晒牙😵‍💫呢個就一定唔會啦😎香煎盲鰽魚柳配蕃茄莎莎🐠 $118盲鰽魚柳真係好少地方有得食，喺餐廳職員介紹我哋一定要試吓😏經過香煎嘅外皮非常脆口去買肉質嫩滑嘅魚柳😌最緊要係佢唔會有腥味😝蕃茄莎莎帶點香辣，配搭埋一齊更加開胃😆旁邊嘅薯角炸得啱啱好，唔會有大量油分。👆🏻以上兩款餐點已經包含咗餐湯同埋黑糖餐包餐湯係好少有嘅甘筍湯將甘筍打成茸😍超香甜嘅甘筍味，愛了❤️另外仲有佢哋個黑糖餐包，勁重黑糖味焗到好鬆軟‼️一啲都唔硬👍🏻檸檬蛋白批🍋佢有少少似超級酸檸檬糖嘅嗰陣味

🚩簡聚又黎到同@ 拍拖嘅日子，我哋今日嘅活動範圍就係喺元朗，第一間嘅位置好就腳，落車行5分鐘到就到啦！餐廳有分室內同室外位置，都過夏天室外蚊蟲就較多，朋友們要注意下啦～〰️〰️〰️〰️〰️〰️〰️〰️〰️〰️〰️〰️〰️〰️〰️🌈甘筍湯配黑糖麵包 甘筍湯真材實料，除咗紅蘿蔔之外仲好似放咗少少番茄入去，所以飲晒成碗都唔覺得濟！另外黑糖麵包超級好食，鬆軟得黎超香黑糖味，好想瘋狂encore～🥹🌈香煎盲鰽魚柳配蕃茄莎莎 $118先講配菜先有車厘茄同埋薯角，薯角預先用香草醃製過，入口就係淡淡的香草味～魚肉超級新鮮係一節節嘅，佢唔似比目魚嗰啲咁多油脂，不過就有一種佢本身嘅香味～廚師煎到外脆內嫩，火候岩岩好！試完就咁食之後，就試吓加番茄莎莎一齊食，莎莎醬食落酸酸辣辣，夾埋魚肉一齊食，即刻惹味左！🌈香煎日本帶子龍蝦汁意大利飯 $98飯面有兩粒大大粒嘅帶子，而且煎得啱啱好，半熟狀態～飯有好濃嘅龍蝦汁味，入口好creamy，不過食得多可能真係會有少少濟🤔佢龍蝦汁唔係m記個啲味精味，所以唔會話好重口味！除咗帶子之外，佢仲落咗紅黃椒同埋大量嘅菇，增加飯嘅香氣！🌈熱情果特飲濃濃嘅熱情果醬配上梳打水，呢個天氣飲真係一流！不過略厭就有少少過甜

元朗是一個匯集多國美食的地方，今次和朋友到一個位置較隱秘的西餐打卡。由於開業不久，還不是很多人，可以慢慢享受。位置：在大棠站走去千色店方向，走到西菁街，看到太興店，再轉入小巷就到了，小店的對面是籃球場。環境：分開室內和室外，室外有一張打卡座位，牆上掛上油畫和假草，營造了一份法式的典雅，我和朋友本來是坐在室內，看到這個靚位都忍不住調枱，幸好下雨後天氣微涼，仍可坐在室外享受用餐。而室內呈長方形，近門口是收銀櫃和酒櫃，所有座位都是卡座，坐得舒適，只是燈光較暗。服務：有午市套餐提供，送是日餐湯、餐包和飲料。午市：餐包是黑糖包🍞，送上兩盒牛油，但我們都沒用，因為浸湯汁已經很好吃了，麵包鬆軟，不是法包的質感。餐湯是南瓜湯🥣，甜甜的，隔了渣，質地順滑。🥢墨西哥香料無激素雞扒🥩配薯菜🥦 $78賣相吸引，表皮煎得相當焦香，原來是先煎後焗，所以皮脆肉嫩，再淋上醬汁，很惹味，薯菜亦焗過，很香很軟熟，值得推介這款主食。🥢香辣茄茸汁三文魚意大利麵🍝 $78這個麵的份量挺多，蕃茄醬汁帶點辣味，在春夏時節吃會感到特別開胃，酸甜中帶辣勁，醬汁沾滿意粉，啖啖吃到三文魚碎。🍴法式提子鬆餅🥞配雪糕🍦 $68第一次以鬆餅為甜

朋友推介元朗有新開張隱世高質餐廳，今個月生日有大假入去chill下🤭餐廳裝修佈置浪漫，好適合作為拍拖，記念日或者慶祝生日🎂我去嗰日係平日晚上，人唔算多，但侍應嘅服務好體貼，由生蠔到小食至主菜同甜品，佢都一一介紹，連我平時唔多食生蠔，食完我都覺得叮一聲，原來靚嘅生蠔係好鮮甜 🦪 生蠔- Castillo & Gillardeau Castillo $48 - 西班牙珍寶蠔，creamy厚身，好鮮甜😋Gillardeau $68 - 法國嘅Rolls Royce生蠔，海水味重，鮮甜結實有咬感，加配埋侍應推介嘅白酒，好balance!前菜-無花果西班牙火腿沙律同燒聖子$38🥗 加入黑醋嘅沙律好開胃，估咁到無花果同Parma ham又幾夾🤭聖子燒得好香，但一隻唔夠喉😂餐湯-磨菇濃湯🥣 未擺入口已經超香磨菇味，飲落口真係好濃嘅菇菇🍄 主菜-加拿大豬鞍扒拌日本帶子$268🐷 份量十足🤩！！係厚切豬鞍是厚切，熟度恰到好處，肉質嫩滑，簡單調味已經食到豬嘅原味😁加少少燒汁已經好足夠帶子香煎過，配埋車厘茄勁夾😛甜品-焗蘋果金寶$38 🍎 熱辣辣即焗嘅甜品加埋雪糕一定係perfect match! 上面嘅脆

今日去咗位於元朗「簡·聚」食晚餐，去到時見到有歌手在門口演唱，從老闆口中得知每月會安排當中兩個星期六有歌手演唱。我們坐在靠近門口的位置，可一邊用餐一邊聽歌，十分chill 的感覺。首先叫咗餐湯。烤蟶子: 蟶子非常新鮮好味，烤得剛剛好唔會韌。鮮無花果西班牙火腿沙律配意式黑醋 : 新鮮無花果及惹味的西班牙火腿配合意式黑醋，能有效的提昇食慾。烤紐西蘭一級牛肉眼配紅酒燒汁 : 肉眼扒大大塊而且夠厚身，牛肉肉質鮮嫩，油脂分佈均勻,配合紅酒醬汁非常滋味。香煎盲曹魚柳拼老虎大蝦配番茄莎莎 : 大蝦夠新鮮,魚柳外皮煎得香脆魚肉鮮嫩，和微微少辣的蕃茄莎莎汁非非常夾。熱情果特飲 : 熱情果特飲好好飲,裏面有藍莓，士多啤梨及橙片，不過如果可以大杯一點就更加理想。

朋友係要見㗎❤️ 相約在小店Happy hour尚早 叫啲小食配酒casual talk😉老闆幾有耐性介紹wine list 最後揀日本沖繩啤同紅酒啤酒得呀 小麥味重 高質啤👍🏻紅酒就按老闆推介 好fruity又易入口的啱哂喜歡淺嚐的lady 如我😂小食就order 脆炸魷魚圈 同炸芝麻雞翼首推魷魚圈😋口感好好 真正外脆內軟👍🏻雞翼都唔錯 雞翼尖骨都炸到好鬆脆😉最後單叫一個dinner set 就食到飽了😌Starter 鮮無花果西班牙火腿沙律配意式黑醋一人份黎講都算多 材料新鮮😋Main course 烤紐西蘭一級牛肉眼配紅酒燒汁無overcook 保持中間粉嫩又唔會出血水👏🏻配有烤蒜頭🧄 更香😋😋最後加埋自家製朱古力心太軟❤️完滿的一餐小店唔大 設有室外位置👍🏻 都坐得幾舒服又無限時 可以同朋友慢慢吹水❣️位置唔吸引的小店 多數臥虎藏龍 努力發掘下一間🙆🏻‍♀️

是日天氣唔錯，做完野到附近行下睇下有咩食先，見有間新餐廳開左喎，叫Granjero 簡聚，就試下佢先。天氣唔熱，加上外面環境幾靚，今日就揀坐出面啦，坐低後店員好快送上水同餐牌，午餐包餐湯及餐飲，價錢由$78起，豐儉由人。外面坐位有風扇又有風機，仲有斜路上落，店員話唔少客人帶同寵物同寵物車坐㗎，幾好喎，又多間動物友善餐廳可選擇。先上了餐湯同餐包，是日餐湯係雜菌湯，店員話主要菇菇係冬菇，再加入其他雜菇打成湯，飲一下個冬菇味又真係幾出喎，用冬菇做西湯好得意，菌味香濃好飲呀。餐包係黑糖包包，很軟熟呢，塗點牛油超正啦。主菜要咗安格斯牛肉芝士漢堡配薯條，上枱時熱辣辣香噴噴，個漢堡超大個仲非常厚身添。中間嘅漢堡扒係100%牛肉嚟，大約五成熟左右保持肉汁同肉嫩，咬多果然多肉汁，仲肉味濃郁添。麵包塗了牛油，仲夾左生菜蕃茄同芝士，呢個無得輸嘅配搭勁好味。唯一要挑剔就係個人唔多鐘意黃芥末醬，不過只塗了少量，唔影響味道。餐飲叫了杯凍mocha，啡味同朱古力味比例拿捏得好，香甜中帶少許苦澀，加上夠冰凍，超好飲。好味好味，悠閒度過下午很寫意。

係Openrice睇睇下見到呢間新開餐廳就黎試下，位置上係大街轉入巷中，環境較靜，遠離吵雜大街，門口都有座位，見到有人帶寵物一齊食野🥰係Pet Friendly 既餐廳好耐無食生蠔🤤店主介紹每日新鮮送到，所以只會供應當造生蠔，今日就有呢兩款，口感都夠飽滿👍🏻🦪Castillo $48/pcs個人較喜歡呢款，海水味較濃，更帶出生蠔鮮味🦪Gillardeau $68/pcs朋友較喜歡呢款，覺得口感更實在，淡淡海水味+生蠔鮮甜味2個Dinner Set選擇左前菜-鮮無花果西班牙火腿沙律-另一個餐加$38 食烤蟶子正餐就選擇🦐香煎盲魚柳併老虎大嘏配蕃茄莎莎煎香左既魚皮，加上彈牙魚肉，沾上微微辣度蕃茄莎莎帶出魚肉鮮味🍗墨西哥香料烤雞皮脆肉嫩，經醃製後調味料滲透雞肉，挾埋經橄欖油烤製過既蒜頭，味道100分！完美配搭🥰配埋熱情果特飲&水果茶☺️滿滿既生果加上不會過甜既茶香為呢個晚餐增添不少最後覺得店主真係好貼心，唔單止環境舒適，為左保護客人唔受蚊滋影響，仲預備左蚊怕水俾我地🥰🥰小確幸

在元朗千色後面的地方有一間新開的西餐廳，因為比較遠離主要馬路，餐廳的環境寧靜舒適，還有pet-friendly的戶外座位，喜歡較chill氣氛的你，完全可以一試這間浪漫西餐廳～生蠔🔺Castillo ($48pc)：來自西班牙的肥美生蠔，入口鮮甜而且海水味重，口感厚身creamy。🔺Gillardeau ($68pc)：這隻法國生蠔的肉質肥美結實，口感比較爽脆有彈性。前菜🔺鮮無花果西班牙火腿沙律配意式黑醋：鹹香的火腿配上新鮮的無花果和沙律菜，加入少許黑醋更加提升這道開胃前菜的味道層次。🔺煎鵝肝多士(+$68)：非常精緻的前菜，鵝肝的厚身和熟度剛好，外脆內軟，另外還配上開胃的甜醋醬。主菜🔺香煎日本帶子黑松露意大利麵($168)：黑松露醬汁能夠掛在意粉和菇類上，香味撲鼻。帶子鮮嫩多汁，熟度剛好，入口甘香。🔺烤紐西蘭一級牛肉眼($208)：牛肉眼的肉質軟嫩，油脂分布平均。而且牛肉味濃郁，亦可以沾上餐廳配搭的紅酒燒汁，令肉的味道有另一番風味。甜品🔺自家制朱古力心太軟配雪糕 (+$48)：餐廳老闆非常推薦的自家製甜品之一，用上意大利名貴朱古力，令心太軟裡面的巧克力醬口感濃郁，甜而不膩。

係元朗好難得搵到一間有水準又用靚食材，仲要價錢親民既餐廳。老闆好nice，會同客人介紹菜式，亦會問下食物岩唔岩胃口。餐廳位置比較隱蔽，座位唔多，大約有4張檯。雖然細細間，但坐得舒服，無壓迫感。仲有個酒櫃，好似係屋企食野既感覺。叫左2款生蠔stras Del Castillo $48pcGillardeau $68pc雖然唔太識食生蠔，但食落口好鮮甜，帶有少少海水味，好肥厚。Starters:烤蟶子 (另加$38)無花果西班牙火腿沙律配意式黑醋用左新鮮無花果，甜甜地，另外呢款黑醋比一般出面食既有少少唔同。呢款黑醋會比較杰身同埋好香醋味，但唔係酸味個種，再配少少西班牙火腿，令整個看似普通既沙律帶來幾種不同層次既味道。是日餐湯：蕃茄湯蕃茄湯應該用左攪拌器將蕃茄娛成糊狀再煮，所以好杰身，蕃茄味好突出但唔會酸。鵝肝野菌意大利飯 $188本身會擔心鵝肝既味道會腥，但佢煎完一d都唔腥。意大利飯好creamy，忌廉味好香濃，內有野菌、黑松露同三色椒，配埋鵝肝一齊食好夾！烤紐西蘭一級牛肉眼配紅酒燒汁 $2085成熟但係無血水，肉眼好大塊，肉質食得出係用左靚既肉眼，仲有少少juicy！切開會見到色澤粉嫩！

今日老公生日，撞正限聚令放寬難得出街食飯。我揀左一間比較有情調同埋坐得舒服嘅西餐廳。元朗市中心西餐大部分都以小店為主，經過見到間新開冇耐，位置比較隱閉，餐牌上主食都幾吸引，所以早一日打去訂位試下，remind餐廳甜品寫生日快樂！(雖然都無咩驚喜)一坐低老闆就招呼咗兩杯熱情果特飲生日外出食飯豪一次：每人兩隻生蠔，分別來自西班牙及法國Gillardeau，新鮮鮮甜！番茄湯：正常發揮，無添加純番茄味。無花果意大利火腿沙律配黑醋，火腿油脂豐腴，醬汁亦好開胃。前菜：煎鵝肝多士，如果稍微再煎脆，焦香味更濃！主菜：紐西蘭一級肉眼扒及盲鰽魚併大虎蝦配番茄沙沙；肉眼扒5成熟剛剛好，有肉味，唔需要調味已經入口牛味香濃。盲鰽魚皮脆肉嫩，主菜煮出水平；擺盤花左心機！最後到甜品，以心太軟代替蛋糕。老闆話用上意大利頂級 venchi 朱古力 ，所以甜而不膩整體餐廳氣氛好適合傾計飲野，老闆招呼殷勤，吹吹水又一晚下次假期會嚟試下Lunch Hea一下

疫情下🚫所有餐廳食肆❌冇得做夜市⚠️真係非常可憐😮‍💨但係如果出街食嘢‼️人多嘅地方又覺得好危險😅😅呢間餐廳位置比較隱蔽😎而且係新開，所以暫時沒有太多客人⋯我們午餐時段過去，只有另一枱客人⋯感覺十分安全😂😂雖然沒有客人不是好事‼️但相信只是因為疫情影響😵‍💫😵‍💫因為老闆非常友善👍🏻👍🏻好好人✅我們兩個入去坐😎主動介紹餐牌食物😍講緊價廉物美💪🏻最令人驚喜😍賣相非常漂亮😘味道好食✅👍🏻👍🏻呢個價錢，有咁高嘅質素‼️真係好好✅所以忍唔住要上嚟寫食評🙏🏻🙏🏻讚揚一下老闆💪🏻💪🏻要繼續努力😍疫情好快會過去🤪🤪祝老闆生意興隆

Just walk around and have a late lunch.Risotto is nice, creamy and full of black truffle flavour.(Forgot to take photo Lol) Milk tea is nice too. Portion of milk and tea is fine.Could have a try next time.