影片
电话号码
52171332
开饭介绍
休闲风格的宠物友善西餐厅，室内外座位均宽敞舒适。供应价钱合理的多国菜及生蚝，款式会不时更新，配上葡萄酒会更加滋味。
继续阅读
营业时间
星期一
全日休息
星期二至日
12:00 - 22:00
以上资料只供参考，请与餐厅确认详情
食家推介
今日去左元朗另一间西式餐厅，叫做简.聚。佢位置喺元朗广场附近，佢有少量室外位置，可以带埋毛孩过黎食饭。今晚未够7点佢已经满座，可见佢几受欢迎。佢夜晚有dinner set menu,有餐汤／沙律+appetizer+main course，仲包饮品，人均大约二，三百蚊。佢呢排仲做紧promotion,如去餐厅庆祝生日或周年纪念，该月可享免费法式甜品一客及免费写字服务（记住要提前预订先有）。我地今日叫左： 🔸️生蚝拼盘 （银堡垒×2 + 特级圣马田×2）（$68／each， 8／10）生蚝都几新鲜。银堡垒比较鲜甜，清新口感；圣马田，入口带有浓郁既海水味，口感爽身。两只口味各有特色。 🔸️西班牙火腿田园沙律配意式黑醋配餐包 （set, 8.7/10）好大碟沙律，沙律菜好新鲜，配埋带微甜既黑醋好开胃。特别赞下个餐包，焗热左又好软熟，好香黑糖味，又有一粒粒麦好有咬口。 🔸️ 烟三文鱼蟹肉他他配凯撒沙律汁（+$78, 8.8/10)呢个几好味，好多蟹肉好有鲜味，蟹肉同烟三文鱼之间既味道同口感都好配合，推荐。 🔸️ 香煎老虎大虾冬荫公意大利面（$158，8.8／10）我觉得呢个冬荫公意大利面有惊喜，首先佢𠮶两只老虎大虾超级香超级好食，意大利面既冬荫公味好特出又惹味，有少少微辣，十分好食！ 🔸️ 烤加拿大猪鞍扒配蜜糖芥末籽汁（$228，8.6／10）劲厚肉既加拿大猪鞍扒，中意食肉同蛋白质既朋友一定中意呢个，厚肉得黎一啲都唔肥，配埋焗蒜头一齐食更加滋味。 🍨是日生日甜品：Opera Cake (FREE, 8.2/10）食完饭仲有甜品，满足😁。仲系一个惊喜既生日celebration! 个甜品外型好靓，仲有生日歌听😁 🍹冻鲜果茶 (+$22, 8.3/10)唔错，唔会太甜，仲有好多桃肉添。 🍹洋甘菊茶 (+$18, 8.3/10)
继续阅读
同老公结婚14周年，简简单单系元朗揾间小店静静渡过，位于旺中带静嘅西菁街隐蔽西餐厅，静静享受二人时光。🔸西班牙银堡垒 Ostras Del Castillo肉质肥厚爽脆，轻微海水味，鲜味之余有口感。法国圣马田 Saint Martin蚝肉肥美爽口鲜甜，海水味更浓，鲜味十足！前菜🔸烟三文鱼蟹肉他他蟹肉鲜甜，配上咸香烟三文鱼，为主餐揭开序幕。🔸香辣蒜片煮蓝青口辣汁爆蒜片，沾上每只饱满鲜甜蓝青口，啖啖刺激，辣味十足，嗜辣者必试。主菜跟黑糖餐包，外脆内软。主菜🔸香煎日本带子大虾龙虾汁意大利饭超厚肉日本带子，两面微微焦香，七成熟肉质刚好，肉质嫩滑。大虾爽口配上软中带硬米饭，多重口感。🔸纽西兰牛肉眼扒并香煎鹅肝配露丝玛莉烧汁牛扒熟成拿捏得刚好，焦香脆皮，切开肉汁爆发。鹅肝有画龙点睛之效，丰腴油脂香气四溢，完全不觉油腻。🥰最后老板精心送上歌剧院蛋糕，openrice 订位仲有免费写字✍️鲜果茶及热情果特饮，材料十足，生果满满😄九月起得悉餐厅将会推出三送一优惠，适用于午餐及晚餐时段，非常抵食。
继续阅读
香煎法式鹅肝多士 Toast With Pan Fied Fore teo $88非常经典，而且正宗嘅鹅肝多士，鹅肝甘香软滑，多士非常酥脆！夹埋一齐非常好食，而且鹅肝份量都有4旧，非常抵食！香辣蒜片白酒煮蓝青口 $88青口份量适中，但系青口就非常大只。最值得一提系佢嘅汁，香辣惹味，将青口鲜味引出黎，仲几开胃！烤加拿大猪胺扒配蜜糖芥末籽汁 $218 呢个小便非常推荐，嚟到一定要试一试。猪鞍软嫩仲几juicy，熟度真系刚刚好，脂肪位唔会好大，但甘香！酱汁都值得一提，用咗蜜糖芥末酱，但系质地就冇咁浓稠，味道亦唔会太浓烈，非常岩小编口味！夹埋非常好食！银堡垒Ostras Del Castillo $68小编比较钟意食呢款西班牙生蚝，海水味唔重，但蚝味浓郁同非常鲜甜！特级圣马田 $68而呢一款法国生蚝就会比较饱满，海水味较重，中意啖啖肉嘅可以试试！歌剧院蛋糕歌剧院蛋糕即系咖啡蛋糕，咖啡味香浓，但唔会太苦，可以同时食到咖啡同埋朱古力彼此嘅苦味！鲜果茶热情果特饮
继续阅读
今次系二访简聚了 庆祝朋友生日🎂难得元朗会有精致既西式小餐馆上次新开张仲未有好多人发掘到今次要预约先有位 好爆场要坐室外位置😌不过都有冷风机几凉爽 室外位置pet friendly架🐶其实唔难揾 熟元朗既就系千色后面果条街相隔一年 食物水准依然出色👍🏻叫了两款蚝🦪两款main courses同白酒🥂跟烟三文鱼沙律🥗同餐包🥖我地系OpenRice订位庆祝生日会送埋蛋糕!!📍银堡垒 HKD68来自西班牙🇪🇸既生蚝🦪老细叫落食左银堡垒再食日之雪花口感好顺滑 味道清甜爽唔会腻📍日之雪花 HKD68来自日本🇯🇵既生蚝🦪蚝味再出啲 沾少少柠檬汁已经好鲜甜📍烟三文鱼田园沙律配黑糖餐包🥗配上搭凯萨沙律酱格外开胃既前菜黑糖餐包有惊喜 质地好松软个包暖暖地配埋冻冰冰既牛油好好味🧈📍鹅肝多士 HKD88为左影相 块多士好热都照拎上手🤪鹅肝煎到好香 劲重油香味但我地好中意多士好香脆 成个口感都劲丰富配上黑醋同沙律菜减低个油腻感📍香煎三文鱼柳配柚子汁 HKD188三文鱼柳煎到好干身唔油腻👍🏻鱼皮煎到好脆但鱼肉湿润又滑配柚子汁 味道好balance配菜有翠肉瓜🥒同埋牛油焗薯仔🥔翠肉瓜充满水份简单烧过几好食💦牛油焗薯仔外皮好脆焗到薯仔味好甜📍香煎羊扒配红酒烧汁🐑 HKD228上次都有食过羊扒 觉得好好味大约5成熟 好容易切开羊肉好粉嫩又无骚味羊扒好出色 一定要嗌啊🩷📍白酒Chenin Blanc 2021 HKD56杯老细见我地饮完仲free多左杯比我地好好人🥂依款白酒好易入口唔会太甜配生蚝同主菜都非常夹
继续阅读
今日同男朋友庆祝🎂，近近揾番我心水餐厅❣️，位于元朗西菁街简聚，餐厅于街角一隅，老板好热情泥庆祝周年当然要蚝一蚝佢！叫咗餐厅推介生蚝- 日之雪花，肥厚爽口，海水味极浓头盘叫咗香辣蒜片白酒煮蓝青口，香辣汁非常开胃，辣辣地又带阵阵白酒香味，蓝青口爽口弹牙香煎三文鱼柳配柚子酱油，三文鱼皮煎得金黄香脆，加埋柚子酱油几开胃，配菜翠玉瓜有少少焦香，薯茸够哂香滑！香煎纽西兰羊扒配红酒烧汁，羊扒处理得好好，唔会好大阵膻味，配埋红酒汁将羊肉提升更一个层次饮品简咗蜜桃红茶同埋鲜果茶🍹，红茶茶底适中，配合埋鲜果甜味，食完美食解腻无负担最后餐厅送咗Operate cake🥃咖啡和巧克力的绵柔醇香，夹杂蛋糕的松软，在嘴里层层化开！最开心餐厅会写埋字🥰
继续阅读