簡單廚房 (已結業)

尋日同老婆去睇變形金剛2 21:30, 睇戲之前要醫一醫肚見未食過呢間, 就諗住試吓其實早前行過, 都知道間舖郭少芸有份, 會落手落腳幫手第一次試, 我就叫個肉眼扒 五乘熟而老婆就order個軟殼蟹忌廉汁軟飯個肉眼扒水準合格, 而個軟殼蟹忌廉汁軟飯雖然份量偏少但係味道唔錯之後我哋見其他人order嘅洋蔥圈 好靚於是又叫咗一個, okay喎, 之不過多啲人share會好啲最後就叫個益力多芝士餅, 其實因想試呢個餅先入嚟食好味! 好益力多整體都okay, 但係成日漏單, 要改善改善!!另外, 郭小姐笑容多啲更好

同朋友睇<少女香奈兒>>見有成個鐘就去左食match too 個fd好有趣咁同我講間店係一個明星開咖..可惜我一早知道xd...係唔係明星都冇關係..最緊要係d質素姐..我覺得唔係好多野choose囉..見到menu上有一道菜..馬來西亞喇沙..有3支辣椒..其實唔係好食得辣..不過呢個係最平咖喇..一送到來..聞下先..冇辣味既諗住辣到狂吞口水咖ma..食落..真係一d都唔辣-____________-被騙了..omg!服務幾好..呢樣值得讚..

其實此遭遇已不是第一次發生. 想俾多次機會呢間服務態度勁差o既餐廳, 但都係令人極之失望!!!!!!昨天晚上到這簡單廚房想幫襯. Waitress 問我地幾多位, 我地話兩位. 佢隨即帶我地去一張坐到出晒街o既枱.我地就問佢可唔可以坐第2張. 個waitress即刻面黑, 跟住叫我地出去再排過!!但我見到明明有張2人枱係o係間舖入面! 佢竟然話果張2人枱俾出面排緊隊果兩個人!!!?嘩!超奇怪!跟住我地叫個manager 出嚟. 因為明明有好多枱, 所以好唔"鋸"!個 manager 話係公司o既規舉.就算你2個人o係度等緊, 有2人枱拍埋o既4人枱, 都唔可以拆開做兩張2人枱.佢話如果之後冇4位客人等, 佢地就永遠唔會俾人坐果d 4 人枱!!又佢吉o係度!! 勁變態!!!真係火都嚟!!唔洗錢都唔會食!總括嚟講呢間餐廳o既服務態度極差, 以後都唔會再俾機會佢!!!!!!

之前黎過幾次都有食軟飯，今晚再食，仍然係甘好味！蒜香牛柳黑松露菌軟飯 ($82)：個 sauce 又香松露味又creamy 到無得頂！飯既軟硬度適中。但蒜香味比較淡，牛柳有些靱。日本豚肉咖哩菠菜軟飯 ($82)：豚肉肉嫩 juicy，加了七味粉煎過，好野味！個 sauce 和飯都係甘正！但我覺得黑松露菌軟飯香 D。另外，我地加左兩個小菜，石窩豆豉鯪魚油墨菜 ($26)和凱撒沙律 ($28)。它們味道也不錯。環境方面，我覺得呢度用位用得太盡了，客人坐係路邊門口食飯怪怪的。

我一早黎攞位....個侍應就同我講, 小姐, 一個鐘頭交枱有冇問題???我都下都猶豫左一下, 一個鐘......會唔會太趕???因為朋友仲未到, 只好SEND SMS催促朋友快D快D.....食物方面, 我食個龍蝦汁海鮮天使麵, 味道尚算可以, 但係唔夠熱, 同埋麵多, 餸好少.....至於朋友果件肉眼扒, 佢話味道淡左D, 飯太少感覺唔多好.......好似返學LUNCH TIME.......趕頭趕命.....

當晚考完試１０點幾先出到旺角，同男友買完戲票，先去食野。見無乜時間剩，就係朗豪坊吃飯。知道這間店是郭少芸開的，便來試下。１０點９入座，佢話１１點last order，我地即刻睇下食咩，結果點了海鮮龍蝦汁天使麵（＄７８）和軟殼蟹忌廉汁軟飯（＄８２），均包一杯熱飲，凍飲加＄３。海鮮龍蝦汁天使麵：有青口（好細隻）、魷魚（幾靭）、帶子（幾鮮甜）、蝦（普通）、蜆肉（好細，豪不起眼）。天使麵不太腍，爽口。軟殼蟹忌廉汁軟飯：知道這裡軟飯出名，特意叫一個試下。軟飯即是意大利飯，好腍，有磨菇，幾好味。軟殼蟹麻麻地，唔知係咪炸油唔靚，有陣怪味。

今次食飯沒有見到郭少芸。新開張的時候曾幫襯過一次，也試過經過此店看到老闆郭少芸辛勤地工作，昨晚同失意的ankie共晉晚餐。朋友告訴我，食意大利飯，要半生熟才夠正宗，正宗的意大利飯，我在尖沙咀munch食過，不是我杯茶。Ankie一早幫襯過match too，佢千叮萬囑叫我一定要食軟飯。其實這裏的軟飯亦即是意大利飯。我和Ankie各叫了一個她極力推荐的蒜香牛柳黑松露軟飯，個衰女唔肯share，迫我叫一個一模一樣的。一入口，果然沒介紹錯。軟飯有少少硬度，但不會太過，依然平易近人，絕對是學生讀localization時的一個好example。配上本人鍾愛的忌廉汁，正。初初覺得在這金融海嘯用$88蚊(未計加一)食一碟意大利飯，餐廳似乎自信太高，但食埋主角牛柳，就覺得物有所價了。牛柳有平時第尾牛排三分二塊牛排咁大，生熟度適中(大概六成)，新鮮夠juicy有肉味。雖然不跟餐湯，又沒有甜品附送，但如此質素，亦絕對不會令人失望。剛剛click入來見到有咁多喊咁口，奉勸大家同Ankie一樣入match too最緊要是次次食軟飯，始終做人都是從一而終好既。不過，順帶一提，如果坐在鐵扶手旁邊，真的要小心撞柱

以前佢嘅喇沙都叫做好味, 但今日再食, 完全冇喇沙應有的味道, 椰醬欠奉, 冇辣味, 簡直係一碗海鮮湯麵. 將情況告訴侍應, 佢話會報告大廚跟進, 希望啦!!!

昨日7/3中午行開朗豪坊，朋友打比我咁岩又在附近，所以便相約和朋友去food court食飯，不過見food court太多人，咁就入左去呢間Match Too.....坐低後，很快看過午餐menu，兩人不約而同地點了石頭窩飯，一個黑豚肉另一個牛肉，點了後，只需等約一個多字便上桌，以石頭窩飯黎講速度驚人，不過原來這麼快上到桌背後，梗有一點地方有問題，就係個石頭唔夠熱，連美心MX的石頭窩都熱過佢，不過還幸好窩飯及配菜還很熱，但已失去石頭窩飯的意義喇，再加上服務員遲了上醬汁，淋汁後石頭窩當然不會出煙啦，這點又真係失望。上次黎食過這間的豆腐芝士餅，不過今次黎唔記得左食lu....

上次去同男朋友去朗豪坊食晚飯, 見周圍都冇位, 而Match Too Cafe門口個食物餐牌賣相還不錯, 咁就去門口攞左number 等位,等左10分鐘倒,果時我地係排在頭位,近門口。有人行埋黎,原來係藝員郭少芸, 黑口黑面, 黑衫黑cap帽, 叫左我地個number後,就用手勃開我男友,推佢再遠離點門口 , 把幾火, 我地又唔係企正0係門口或阻人出入, 佢叫左個number後乜都唔講又冇叫人入座就推人埋一邊企咁算點? 我地後面仲有2對情侶在排隊,看到這情況, 他們也說她的態度很差.......我地見周圍都咁多人排隊,等左咁耐就算, 後尾係其他服務員帶我們入座,坐近廚房出入位。他們的態度還算有禮貌, 沒有什麼特別的......食物方面, 我就叫海鮮天使面 , 煙三文魚凱撒沙律, 男友叫了鐵板牛扒+薯條+瑞士雞翼~~~~ 味道一般, 賣相還不錯,上菜速度快,價錢合理。其實其他方面問題不大,只是最憎人的服務態度差,未入門口已經要這樣黑口黑面,面無笑容的臭面來接待食客.....如果當時是其他服務員以笑容來歡迎入座,我想我不會就上次之後就已決定永遠不去這間餐廳。餐廳不只是賣食物和味道, 還要

第一次來食感覺還不錯我和朋友每人叫了一個tea set有薄荷朱古力蛋糕, 秘製撈汁公仔面同漢堡扒薯條我朋友食的蛋糕朋友說好吃而我看它的樣子都還不錯有薄荷的香氣另外一個朋友食的漢堡扒薯條真係誓估唔到佢一個鐵板上佢作為一個三十幾蚊既tea set 都幾有誠意起碼唔覺得佢撻皮而朋友都覺得不錯初頭我有點擔心我既公仔面係無餸面(個面都無寫有餸~)但係個面上到黎有驚喜喎有一堆火腿,兩件雞, 一堆椰菜同豆芽真係食得飽人仲要味道都算幾好尤其個兩件雞起碼食落口肉係彈牙, 新鮮我覺得真係正呀下次可以留肚唔食野黎呢度食番個tea set ~

今日同朋友去朗豪坊食Lunch因為佢想試0下所以就去0左簡單廚房我叫了馬來西亞海鮮喇沙在Menu 見到佢有三隻辣椒的Icon以為會好辣但唔辣所謂的海鮮只有2隻蝦+勁細的2隻青口+3塊魚片湯底無味連喇沙最基本的椰漿也沒有d 麵只是油麵+米粉我覺得好怪~因為喇沙應該是用蝦面or 米粉邊有人會有油麵?總之一句到尾~唔好食而朋友個天使麵就ok唯一可以讚的是Serviced Waiter 真係好有禮貌不過我諗我應該唔會再0黎呢度食因為呢個價錢已經可以食到好味d 0既0野

好耐都未試過跟朋友仔去街街啦, 聖誕前夕, 朋友仔誠意邀請, 好啦, 陪你行街街之餘, 肚仔開始餓了, 呢度太多食店, 都唔知選邊間好........哎呀, 睇餐牌, d 食物又好似幾吸引.........可能太肚餓的緣故, 估唔到兩個女仔都可以點了四樣食物 :1. 泡菜煮蜆........唔唔 Yummy2. 辣辣魷魚 ....不錯, 辣辣地, 幾開胃3. 帶子意大利飯 ....茄汁底, 食落又不覺得4. 牛扒意大利飯 .....或者是用白汁整的緣故, 比較溜....下次去朗豪坊又多了一個選擇了 !!

到旺角買牆紙,五點半到了朗豪坊,沒有吃午飯又未到晚飯時間,一轉角便到這裏,不欲再作他選便來吃一個light tea. 下午茶時間到6pm,menu不特別吸引,要了一個芝士碎蛋三文魚牛角包set($28),另外要了一個mini dessert set($24 for 3 choices)先說芝士碎蛋三文魚牛角包 - 牛角包不熱,皮亦不鬆化. 碎蛋三文魚份量少,味道一般.mini dessert set - 選了tiramisu,益力多芝士餅,mango pudding.益力多芝士餅 - 配搭創新,益力多冷卻凝固成啫喱,但芝士味不突出.Tiramisu - 酒味,咖啡味欠奉.Mango Pudding - 沒試熱奶茶 - 欠香滑且苦澀,失望.服務一般,不夠積極(如加水) . 旺角美食太多,暫且較難吸引食客.

2008年12月29日食完意粉屋之後，當然要去食甜品第一時間就走左去朗豪坊睇下有咩芝士餅食...本身想去食星巴克的藍莓芝士餅,,點知賣哂,,好失望所以走左去簡單廚房食藍莓芝士餅`藍莓芝士餅賣相冇咩特別...(食左一啖先記得影相,,嘻)芝士餅上面D藍莓醬有埋D少少藍莓肉`唔算甜~下面芝士餅芝士味唔太濃~食完都唔覺膩!!餅底唔算實又唔算軟~我比較愛實的芝士餅-V-依個餅都唔係幾岩我心水不過有得食就算啦=]去到入去都差唔多11點,,佢地11點收工~我地就入去食埋個餅就要走人!!食個餅唔洗3個字就食哂,,埋單31蚊之後我問侍應,,個餅唔係28蚊嫁咩!?之後佢話加一,,所以要31蚊~~心唸；你幾時有服務過我地=____________=!?不過算啦~~食芝士餅的話就一定唔會黎依到食,,意粉／飯就會-V-`