簡單廚房 (已結業)

迷你甜品$40，有5個呢!! 朱古力慕絲:朱古力味好濃，而d慕絲好夠滑。益力多芝士餅:唔係好多益力多味，芝士味都唔係幾夠，不過兩種味道夾埋又岩岩好!!!意大利芝士餅:好濃既咖啡味，可能我唔中意咖啡味，所以就覺得苦左d!!芒果布甸:味道一般。士多啤梨奶凍:好滑，奶味岩岩好。

平時都好少去旺角..咁岩個朋友話想食呢間好耐,所以陪佢去食入到去就覺得服務態度極差..叫d服務生幾聲..明明行過見到都無咩反應之後叫左個最新出既好似叫芝士粟米咩魚既石頭飯(..名字忘了)幾好味既..芝士夠多都幾飽肚,間鋪最令人谷氣是服務態度..差!!如果正係講食物...是不錯的開飯之選

去到朗豪坊諗唔到食咩...是但揀左呢間...見都有人排隊但好奇怪...其實間餐廳裏面是很明顯有2張空桌子..但staff 又唔serve 你入坐...終於入左去, 揀左鰻魚石窩飯和芝士茄汁豬排石窩飯...明明是石窩飯...但鰻魚石窩飯...魚是凍的,.,飯只是暖的...令人失望...最最最差的是服務...食咁耐無人會幫你加水...都算了...最離譜的是..我地叫兩杯餐飲一樣是熱檸茶第一次叫好耐都無黎..咁咪追下...之後送左1杯黎, 我地就問: " 我地叫左2杯, 仲有1杯呢?"個待應好敷衍的說一陣會黎當然等左好耐都無...又要再追....以後都不會再來...

３１／１２／２００９其實之前食過一次覺得都幾好食唔錯既~但係今次食真係好差ＬＡＷ佢吾止Ｄ食物水準愈來愈差，服務真係差到爆∼要收人加一吾該檢討下Ｄ服務質素sin我一行四人去羅位，禁o岩又友一對情侶去羅位，個staff指住對情侶個面“你兩位呢邊，跟住指住我個面話"你四位，執緊枱轉頭可以入“邊有人指住個人客同人客講野架？佢既推介~蒜香牛柳黑松露菌軟飯之前真係好食既有淡香既黑松露味仲好creamy哇∼今次再食我地叫左３個蒜香牛柳黑松露菌軟飯一個ＸＸ帶子軟飯３個蒜香牛柳黑松露菌軟飯有兩個Ｄ牛係全熟一個切開仲係紅卜卜，Ｄ飯似炒飯上面加兩滴忌簾，多個意大利軟飯ＬＡＷ，又無落洋蔥粒，乾珍珍仲要一Ｄ黑松露香味都無∼可以話一Ｄ味道都無，佢真係收番埋個推介ＬＡ禁既味道禁既服務質素收禁既價＄真係真係令人唔想再光顧ＬＡＷ~希望佢會留意下改善下la~如果吾係遲早摺得∼

上到朗豪坊, 度度都咁多人, 是但啦, 都好耐冇食過簡單廚房喇, 去馬~~~排隊排左一陣, 真係一陣架咋, 咁就入得, 坐響廚房出口既第一張, oh, 睇到阿姐響度洗碗! 好, 專心傾計, 分散注意力, 扮睇唔到阿姐洗碗先.........朋友叫左個燒牛肉石窩撈飯(六十幾蚊)........我就叫左個帶子黑松露軟飯餐(八十幾蚊)~~~oh, 攪錯, 乜我依家睇番張單先知我果飯有黑松露架?! 點解d茄汁會蓋過曬松露d味架!?!?本來想俾高d分既, 唔得, 呢個位一定要扣分!!! 唔怪得我個飯要八十幾蚊啦!!!! 朋友話佢個窩飯好食, 我都試o下佢先, 牛肉味道幾好, 但閹尖既我就覺得ok啦.....我個軟飯一黎到, 朋友已經話我一定唔夠食, 冇錯, 真係細碟左.....講真, 同樣價錢, 可以食得更好.......d帶子口感幾好, 但冇左鮮味, 帶子味都冇乜架喇.....冇感情!! 飯就淡口左d, 要落胡椒粉吊味~~~到最後既熱檸茶, 都係淡茶黎既!!!!唔制呀!!!!睇黎老闆唔可以掛住畢打自己人, 要多巡視業務先得喇~~~睇o下, openrice既分數得2.9咋!!! 點攪呀?!!

晚餐和朋友來了這間簡單廚房之前黎過兩次, 覺得其食物也不錯, 一早想試下佢個risotto首先叫左一個佢主打蒜香牛柳黑松露燴飯細細的一碟, 吃下去陣陣濃濃既忌廉味, 應該有放芝士落去risotto好有嚼勁...好似啱啱熟咁, 我鐘意呢種熟既程度=)牛柳份量雖然唔多, 但質素卻出奇地好, 肉質嫩且多汁絶對唔係一塊敷衍了事既牛扒~另外一個蒜蝦天使麵配新鮮蕃茄汁呢個味道都唔錯, 不過我個人唔算好鐘意食天使麵覺得佢既麵質偏軟, 同埋佢個蕃茄汁好似稀左少少~最後大家都覺得唔夠再叫個軟殼蟹燴飯個飯同蒜香牛柳黑松露燴飯好相似, 不過冇蒜香味但個軟殼蟹就麻麻地, 第一就係佢好細隻第二就係好似唔係好脆咁, 又冇去腮...雖然食物唔錯, 但service就麻麻地啲侍應態度唔係好好, 佢地啲語氣唔太好咁叫人等等每次叫人黎都唔會話即時黎...同埋價錢偏貴~

其實好耐之前食過一次覺得係唔錯既~但係真係不得不講佢既食物水準愈來愈差...蒜香牛柳黑松露菌軟飯算係佢既主打~雖然$82都唔期望會有好香既黑松露味...不過一味落好重既忌廉都未必太是但了吧...瑞士雞翼更加完全唔係個回事......忙緊黎講既服務都算係咁架喇...不過短期內都唔會再光顧呢~希望佢會留意到而改善下la~

已不是第一次來, 因只想簡單吃一頓飯, 選擇來此。 如舊吃軟飯, 叫了鵝肝牛飯, 豚肉咖喱波菜飯及海鮮天使麵, 再加了一客雞翼及cesar salad. 雞翼及沙律都可以, 但主菜飯太軟, 無咬口, 咖喱飯是無味的。 天使麵又油又淡口。waiter 在收拾枱面時把一隻朋友吃完的青口殼掉落另一朋友的碟上, 當時我朋友還在進食牛飯。waiter 表現驚慌, 說了一句唔好意思, 就走開。我們感好彩大家是熟絡, 唔係仲點食個飯。吃完飯order茶, 等了10分鐘都未來, 唉service又差, 食物又唔掂, 下次應該唔會再來。

比店外的海報吸引，走左入去食下午茶order 了豆腐 cheescake 加三款迷你杯個豆腐 cheescake 味道很淡，不似食緊 cheesecake ，個質地似jelly 多D， 不過都有少少豆腐味既，size 好細，方型大既係隔離italian tomato 果Dsize 既一半仲少D迷你杯真的非常迷你，我們揀了芒果 jelly, 益力多cheescake 同tiramisu。味道很普通，完全不吸引，jelly 同我屋企整既無分別，有浪費脂肪quote 的感覺 =_= 果tiramisu 叫做好少少。還有，食具有點殘舊，果膠碗入面花晒 -_-不過咁既價錢又不能期望太高，總之無乜特別求其温度坐下既就 ok 既

星期六係旺角食晚飯, 通常都預左要等位等成粒鐘......咁啱行到去MATCH TOO CAFE見到無咩人排隊, 捻住過去幫襯啦.........點知個WAITER好無禮貌咁講"落左單即刻計時, 一粒鐘內要埋單"..........唔怪之得間野無咩人幫襯啦今日.........半成座位都無人.........你仲要客人一個鐘內埋單?!!!!..........個名叫MATCH TOO CAFE......但係D SERVICE就仲衰過Cafe de Coral............食物質素又唔好.............都唔知老闆郭少芸點做飲食生意的........以後都唔會幫襯呢間"簡陋廚房"

呢間食店以前都幫親過好幾次, 感覺好好, 環境OK, D野好食, 服務唔錯, 但今次真的很失望, 一心諗住帶個好耐無見嘅朋友去試吓, 點知一入門口, 第一句唔係問你幾位, 而係同你講一個鐘後一定要交枱, 都算啦! 入去坐低, 比咗兩杯水比我地, 點知隻杯有陣嗅味, 咪同個 waiter 講囉, 佢居然好唔耐煩咁回應: 得架啦, 咁你放番隻杯係枱面就得架啦! 好啦,都算啦, 點知換完都係有個種味, 咁今次咪叫個waitress嚟幫我地換, 順便落單囉, 點知第三杯都係咁!!! 落order 後, 等咗九個字都無野食到 >.<", 原來漏單, 又唔解釋, 又唔道歉, 咁都不特止, 仲比我個friend見到佢喵咀, , 好唔得!!! 一心諗住推介比D朋友, 但似乎係佢地唔多想做你生意咁.........都真係非常disappointed!!!!!!!!!!!

某日返工燥燥地走左去呢間野食喇沙順便又當糕餅月咁試Cheese Cake.海鮮喇沙既米粉同油麵兩溝呢下已經耐人尋味,另外個湯咁清既?雖則豆卜同魚片幾好食…….至於個「豆腐芝士餅」,除左個四方形似豆腐之外完全同一舊普通既軟芝士餅完全冇分別囉@@“喊面就一定ga la,不過我開始明白點解我一直都唔肯食呢間@@"

同朋友捐血前食d 甜野...諗住到朗豪坊有冷氣...可惜依間 d cake 同飲品同服務真係唔得... 超失望...食左一件 chocolate cake, 一件 yogurt cheesecake...件 chocolate cake 冇乜 chocolate 味... 件 yogurt cheesecake 完全唔 cheesecake...竟然可以咖啡都淡到水噤... 完全唔知點形容lor 唔該...雖然只係70幾蚊... 唔應有乜 expectation...但都有 d 覺得笨左去starbucks / McDonald 食佢 d cheesecake好過...

lunch 的時候在這食一客龍蝦汁海鮮天使麵個汁係墨綠色的, 味道都幾腥, 不過食得出係濃厚的龍蝦汁味, 海鮮包括了蝦, 青口, 尤魚, 仲有配角磨菇! 味道係唔錯的, 天使麵就點整都好食了青口連殼, 雪藏貨但係都幾好食, 係歐洲來的貴價野呢, 得! 份量唔係好多, 不過做lunch都差不多夠食, 特別適合OL, 所以女同事大讚, 味道不錯, 下次又多個好選擇

.....一間以為坐落係一個比較好o既商場 就可以收高D o既低級食店 一個SET 包一個 飯/意粉 + 一杯熱飲 (凍食+ $3) 要成 $68-$78, 仲要加一.....以食物質素, 外觀 及 裝修 等 同 價錢 對比, 佢係收得都幾貴,....如果係D CAFE 食, 隨時$40可以攪店, 埋單成 $100 一位....頂 唔好再貴D....今晚食左:韓式香辣八爪魚鬚海膽忌廉汁配意大利粉軟殼蟹意大利燴飯熱ot凍啡埋單 HK$203..5....貴味道: 韓式香辣八爪魚鬚 - 得D辣漿o既味....同d 八爪魚鬚 唔係融為一體, 八爪魚鬚仲希d 硬海膽忌廉汁配意大利粉 - 冇海膽忌廉汁, 份量小 同埋冇乜味軟殼蟹意大利燴飯 - 味道OK, 好果多一隻 軟殼蟹感覺會抵D, 而且女朋友話份量比以前少*女朋友食完, 帶我黎食, 佢食第二次, 我第一次*總結:以$ 100 一位. 實在不值, 食完我都唔飽. 如果可以, 不好一試...帶位果位姐姐仲要講到好多人食, 唔可以慢慢坐, ORDER 後一小時交臺.....到我食完走, 入座率都係 60%左右....