簡單廚房 (已結業)

當晚考完試１０點幾先出到旺角，同男友買完戲票，先去食野。見無乜時間剩，就係朗豪坊吃飯。知道這間店是郭少芸開的，便來試下。１０點９入座，佢話１１點last order，我地即刻睇下食咩，結果點了海鮮龍蝦汁天使麵（＄７８）和軟殼蟹忌廉汁軟飯（＄８２），均包一杯熱飲，凍飲加＄３。海鮮龍蝦汁天使麵：有青口（好細隻）、魷魚（幾靭）、帶子（幾鮮甜）、蝦（普通）、蜆肉（好細，豪不起眼）。天使麵不太腍，爽口。軟殼蟹忌廉汁軟飯：知道這裡軟飯出名，特意叫一個試下。軟飯即是意大利飯，好腍，有磨菇，幾好味。軟殼蟹麻麻地，唔知係咪炸油唔靚，有陣怪味。