築地‧山貴水產市場 (已結業)

看見這水產市場在Openrice的評分都麻麻地，跟老死說看來也是puff up了的熱潮，而這熱潮連初步受眾也未討好到，真的不敢抱太大期望，但聽說現在完全不用排隊甚麼的，就儘管一試吧。然而，山貴市場對我倆來說是挺達標的新鮮魚市場，價錢合理、食物新鮮，真的可以！我們是星期日的晚上六時多到的，去到時有師傅打鑼打鼓說快有劏吞拿魚我跟老死都好開心，全場在看的只有不足十個，師傅還是聲嘶力竭的大叫搞氣氛，欣賞。更欣賞的是劏魚後的即場試味，肥拖超正，這是我在日本的市場都未吃過的新鮮，開魚後五分鐘內賞味呢。老死忍不住額外買了幾件最肥美的部分，不便宜呢，但日本魚生是吃新鮮魚油吧！接著我們便到了立食區吃壽司填填肚，選擇算是挺多，而且質素其實很不錯。$88六件壽司來看，我想在香港沒有幾多比它好多的，師傅們的手握技巧與飯的份量都好合心意。我們再加點了一客，最後再從外面超市區外帶了三文魚刺身到碼頭繼續吃呢。說實的，這地方真的ＯＫ，個人覺得比上引水產好吃。看見它星期日晚上仍是這樣冷場，希望它其他日子生意會好一點吧，這市場對我們來說，真值得支持的！下次再試試燒食物的部分吧！

一早知道灣仔開咗一間築地水產市場，朋友叫咗好多次去試吓，所以星期一放工就由尖沙咀行去碼頭搭天星小輪，直去灣仔碼頭一落船行幾步，左手邊就係山貴水產市場，超方便！一入到去就好似台北上引水產市場咁樣模式，最前邊係買啲日本產嘅小食水果等等，行到中間左手邊食魚生飯右手邊食串燒，行到最入係食海鮮例如生蠔、鮑魚、龍蝦、阿拉斯加大蟹！可能我哋七點半去到，時間尚早，數埋都冇10個客人，到我地食完晒走啦，全間餐廳都大把位，好靜！食完之後會覺得，咁嘅價錢咁嘅質素，早知去食日式放題仲好，真係好後悔，浪費晒自己Quota真係無下次！佢同日本築地比較，真係天堂與地獄，就連台北嘅上引水產都好過佢真係無人，都7點半喇

飯前經過築地，入去逛一圈，裏面好像Aeon般，有剌身、壽司、醬料，再行入啲被個包吸引住，一共有三款包，龍蝦、海膽及帶子包，三款係一個套餐。我只係試咗帶子包，因為仲要食晚飯帶子用牛油香煎一下，加上沙律菜，最特別的是那粒蕃茄干，甜甜酸酸的裏面有其他餐廳，下次可以試試

呢間勁野黎左香港都好一段日子了，終於到我黎試!睇相真係以為去左日本呀~~沿灣仔碼頭一段路行過去，沿途冇其他野行，感覺有D似跟左旅行團去左間野買手信咁~~D海鮮好新鮮呀~好多人買外賣返去~而我就揀左喺店入面食~感覺好味D~堂食區有分海鮮丼區同立食壽司區，我就選左有得坐的海鮮丼區了~睇MENU, 菜式同價錢其實同出外差唔多，就選左個極上的魚生飯~有10種魚, 好新鮮飯是暖的，很日子地道風味，可惜件龍蝦唔係好新鮮，覺得有點美中不足但整體是好味的~~呢度冇水供應, 要自己加錢, 8蚊杯綠茶, 我認為服務可以好D, 至少俾杯水...

男朋友生日, 我專登簡左有香港小築地之稱既灣仔碼頭山貴水產同佢食Lunch.去之前已經睇過其他人既食評, 大部分都係覺得麻麻, 不過對我地黎講始終有一份新鮮感, 所以仍然決定一試. <交通>山貴水產既位置係灣仔碼頭, 之前既食評有人提到去尖沙咀搭船會比較方便, 因為地點唔近地鐵站. 不過我地又覺得轉船其實係地鐵站都要行一段路, 所以我地都係灣仔站行過去. 前人真係講得無錯, 灣仔海旁一帶真係整緊路, 繞道, 上落天橋樣樣齊先到到目的地, 前後行左約半小時. 離開時有嘗試行去中環AIA, Google 預計半小時, 食飽消化下都唔錯, 可惜整路封路實在太大範圍, 好難行, 最後放棄. <預約>我地去既時候係星期一中午, 都有擔心附近打工仔食Lunch 會唔會無位呢. 閒日去大家真係唔洗擔心, 而家勉強坐滿一半, 有點兒冷清, 相信整路影響太大, 太唔方便. 假日就要參考其他人既食評. <環境>首先, 第一印象同好多人一樣, 有D失望. 因為地方唔大, 有D 冷清, 唔好幻想到係築地咁熱鬧. 入面分左幾個區域, 立食區, 海鮮丼, 灸燒區,

Yamataka 築地• 山貴水產市場 was built on the 1st Floor of Wanchai Ferry Pier to emulate the Tokyo Tsukiji Fish Market experience. Initially when news was announced of their bold plan to re-create this experience by the Hong Kong Harbour side, I was a little apprehensive as to what they would achieve in the end. It turns out that they have been successful to an extent as it is quite popular with Locals and Tourists alike within the last few months and interest doesn't seem to be abating... Very Nice View

跟男友的記念日，又係吃貨出動嘅時候啦，今次男友就同我去咗位於灣仔碼頭嘅築地.山貴水產。男友係一星期前就Book咗位，不過Book唔Book都無分別，只係當入埸人士太多時有得入去搵食而己。整個水產市埸的設計佈局的確係花盡心思，一甫進就看到大大個地圖，把劃分了那幾個區域都列得清楚，超市、丼、浜燒、清酒，立食區等。刺身魚生等只供外賣，不可以堂食，但是對於附近的打工仔來說，也算是多一個選擇。醬油跟平日的有些不同，是用掃為壽司掃上醬油，這樣能較易控制份量。立食嘅海景位，可惜玻璃很污糟，難以睇清楚海景，不過能看到海景也是小樂事來。生蠔海水味足夠，口感爽脆，但略為偏咸味，不過勝在after taste豐富，吃起來也相當不錯，值得一點，價錢屬於中價價位。這個壽司set A個人認為非常抵吃呢，因為一客有5件壽司，每一件都很新鮮，特別要讚的是大吞拿魚腩壽司，不但沒有筋，它的油脂香氣著實迷人！先說說赤貝刺身不夠鮮甜，相比很多日本餐廳的為遜色，老實就有點失望。另外，餐牌上寫明是2隻，但送上碟的是2片，沒有看錯吧？！如果是2片的話，我認為餐廳應像其他刺身一樣好好列明！鯛魚薄切刺身尚算新鮮，可惜刀工就有點失色，切

澳門的朋友過來，話想黎試下，咁就陪佢地啦。其實之前入過黎，兜個圈覺得好細，無食野就走了。今日（星期六）六點幾黎到，無之前咁多人喇。我地揀海鮮丼果間，要排隊，不過前面都係兩三個人啫。我地有三個人，叫左兩個海鮮丼，一個龍蝦泡飯。入到去先發現連熱茶都要另外俾錢先有。雖然綠茶$8唔貴，但唔想另外俾...海鮮丼都二百幾差不多三百，免費熱茶都唔提供有點兒那個...好在龍蝦泡飯有d湯，我地飲少少都無咁口渴。海鮮丼其實都好食，飯上面滿滿的刺身和海膽，係會幾滿足。不過唔值咁貴，出面好多差不多質素的比佢抵食。咁我都知係貴在"築地"個名嘅。澳門朋友都係咁諗，話下次帶我去澳門食d更抵食，更好味的! 如果因為佢名氣想試下的，其實唔試都不打緊。而且佢裡面坐得好逼呀，其中一邊望出去係海景，但有遮擋的。慳返d錢買張機票直接去日本食啦！

Not super easy to get to with all the construction in the area but worth checking out as it's quite impressive how they've taken over the whole upstairs of the Wan Chai ferry pier and have multiple mini-restaurants in one space. There's standing sushi bar, a soju bar, a cooked food area, a chirashi bowl area, another place that serves lobster and uni rolls, and a japanese food market area.Lobster and uni rolls were just okay, but the Canadian uni at the standing sushi bar was to die for. So fres

築地，聽到、諗起呢個名都覺得肚餓，所以一知道佢係灣仔碼頭開業，我就做足功課，即刻網上預約。我book左四五點果輪，有預約就隊都唔駛排。一入門口，E supermarket 呢既 ! 我啲水產呢？即食sashimi 呢？地方唔算大，行入啲，開始有啲餐廳可以排隊等入坐，有龍蝦包、海鮮丼、燒物等等，但睇睇個menu同賣相, sorry真係打動唔到我。行入多小小，終於見到有小小吸精既野，就係暢泳梗阿拉斯加蟹，再行過兩步就係立食區，人不算多，但門口帶位員都有點慌亂，開業兩日都可以原諒 （ 立食區有咩食大家可以睇睇個menu）我地被帶到窗邊的位置，望住個海景食係心情都唔同啲（但都係水平角度甘望），我地order左個拼盤$368、壽司盛B$88同北海道海膽$258，係現場既師傅唔算多，等左個三四個字先出到啲野食。拼盤：賣相***（我睇雜誌時係兩層，而家係一兜）味道****（帶子無味、其他好新鮮，要讚）抵食****壽司盛B🍣🍣：（其中一款係廚師推介）賣相***味道*** （新鮮但食材普通）抵食****北海道海膽：賣相***味道****抵食***綜觀整體，築地·山貴水產食正東京築地市場個名，真係唔食日本

好友來自遠方，當然要睇下維景。灣仔築地出名海產新鮮，所以專程睇下係咪真係咁鮮味！兩人唔想琳太多，叫左個lunch set，一邊過下手癮，選擇自己燒(可選廚師或者自己燒)，朋友知道自己好鐘意食龍蝦，叫左龍蝦set，不過得半隻，份量太少唔夠喉，但加左龍蝦泡飯填下個肚，仲有帶子，鮑魚等，係新鮮，都仲有海水味既！不過，有蜆就燒左好耐都唔開口，廚師立即比過一隻我地，效率都算係咁。補番新鮮蜆：埋單六百幾蚊，係貴既，但如果想體驗一下，又可以望下海，試下無防！（但大食人士建議打定底先）

放假日子，玩樂過後都要祭下五臟腑，由中環走到灣仔，想到碼頭看看人氣的築地‧山貴水產市場。既然一場來到，價錢偏貴都要嘗一下吧。一共有四五間食店的市場，串燒及壽司較多人排隊，而我們最後選了海鮮丼飯那間店。座位不算多，但叫做價錢實惠少少。一人叫了一碗丼飯，特級山貴丼及香蔥鮪魚腩蓉海膽丼。特級山貴丼---龍蝦肉爽甜彈牙，魚子好大粒，魚生粒包括三文魚、吞拿魚等等，一共有十款海鮮。鮪魚腩蓉海膽丼───海膽鮮甜味美，但又不會蓋過鮪魚腩蓉的香濃魚味。此外，桌上有餐牌介紹「海鮮丼三吃」，直接品嚐、紫菜包著變為手卷、加入高湯變茶漬飯。我覺得包作手卷食用時較為不便，女朋友就喜歡吃荼漬飯，熱湯清清的，泡上米飯有另一番風味。後話：築地主打的是新鮮海鮮，但始終價錢較貴，有機會才試其他食店吧

成個月之前book左位，諗住今晚一家一行六人去食餐好嘅。一入去就直入立食區諗住食omakase，因為當中有老人家，所以要求門口位姐姐比張凳我哋，點知位姐姐堅持話冇得比，如果要凳就唔可以入去立食區。我心入邊已經講緊粗口！OK，爸爸話一場黎到，佢可以企一陣，快啲食完就走。好啦，叫佢比六個omakase位我哋，點知佢又話唔得！叫我地兩個食omakase，四個去其他枱(冇得食omakase啲枱) ！WTF? 我哋一家人你叫我地分開坐？呢個係乜嘢邏輯？而且我哋係話全部都食omakase，你叫我地四個去無得食嗰張枱做乜？因為佢話omakase冇連住六個位，因為多數係兩個兩個咁去食，一有人食完就要即刻比下一批入，所以係唔會有連住六個位！我心入邊再次講粗口，大佬我book咗位個喎，你啲人食完走咗點解一定要即刻比其他人入，唔可以留到有6個位俾我哋？同個阿姐理論完一輪佢都係話唔得！總之啲人一食完就要比下一批入...... 佢話六個人就一定係坐側邊嗰啲枱先可以一齊坐，但係側邊嗰啲枱又唔比我地食omakase，咁你即係趕客姐？奉勸大家，如果有老人家同埋一大班人就唔好嚟呢度啦，因為呢度根本唔係做你哋生意嘅。收咁

肥髀攞成績表嘅日子，唔使返學，剛好朋友收工約我去呢間人氣漁市場食下午茶！約在門口等，地點真係唔方便，附近全是地盤，左兜右兜一輪先到，門口好氣派，齊人入內！好似入咗個高級超市咁，有晒籃及手拉車購物！我同肥髀揀咗啲食物，去到尾先至見到餐廳，店員講番原來出面嘅刺身魚生只供外賣唔可以在餐廳範圍食（但出面又無人指示，最後我哋要放番去陳列架再到餐廳區！幾間餐廳分別試下！Rise:外賣店格局，有高櫈坐，餐牌食物唔多！落單見住店員整，好快做好！墨汁海膽包（$88）好迷你嘅包，放在一個紙兜，其實係個餐包挖洞加啲菜同忌廉，上面放兩塊大塊海膽！所有食物砌埋賣相靚，麵包鬆軟，不過無乜墨汁味，忌廉滑，蔬菜都新鮮！海膽好嫩滑，有海膽甘香味道！整體好味，不過$88可以買到兩片海膽，而家呢個包只有一片，即$44蚊買啲包、忌廉同菜！感覺就唔抵食！🤔立食區：最入嗰區只可立食，無敵大海景，不過一開始覺得好煩，店員要一輪解釋，要食廚師發板（Omakase）又要入座前決定！因為座位位置唔同！入座企得耐都幾甘！快食嘅又同店內環境唔夾！嘆下酒吹水我都係喜歡有位坐！Omakase A（$430）見住日本師傅整，佢每件都會用廣東話講番

開幕時掀起嘅築地狂熱漸漸減退，終於都嚟到試食嘅時候喇。因為喺網上預訂咗嘅關係，可以準時入座⋯啊唔係應該係入去企至啱場內環境乾淨企理，近門口位置賣嘅乾貨零食都冇乜特別，係一般返日本進口貨嘅鋪頭都會有嘅貨色，價錢仲會比佢平添見其他區域都要排隊，壽司區比較少人又多位，就先去佢個壽司區，好快就俾咗個海景位我地，塊玻璃又污糟又反光當然睇唔清楚個海景啦⋯⋯咁啱仲要係風口位吹住個頭可以點嘅食物選擇唔多，一眼睇哂。點咗個set F壽司盛$88，龍蝦泡飯$68，同山貴刺身盛$228（共五款每款兩件）本身肚餓又咁遠行到嚟，等食物嚟都等咗好耐⋯龍蝦泡飯可以用無味嚟形容，只係得兩細舊龍蝦肉，真係好唔抵壽司同刺身都算新鮮嘅，但比想像中嘅「好正」有一段距離，可以話咁嘅價錢香港有大把日本餐廳嘅質素同新鮮程度好過佢原本諗住叫少少壽司頂肚就去試濱燒區，點知7:45仲排咗10幾人，8:00就會截單喇，所以都放棄咗走為上著每人洗咗兩舊水好似完全冇野落過肚咁⋯嗯⋯其實咁小型嘅水產市場，如果可以好似白濱tore tore漁市場咁一條龍服務，一次過買哂你要嘅食物先至坐低慢慢食，唔洗要人分四次排隊先食得哂唔同食物，對食客嚟講節省時