築地‧山貴水產市場 (已結業)

自從灣仔築地開幕後，一直都很想朝聖，今天終於有機會和同事一齊吃午飯。來到灣仔碼頭上一層便到築地市場，彷彿走到另一個世界，富有日式水產市場的格局，地方很大，分多個區域，門口設零售區，走到盡頭便是立食區，午飯時段更供應午餐，經濟實惠。特上壽司定食配烏冬烏冬超滑嫩，壽司有我最愛的海膽及吞拿魚蓉，每款都鮮味非賞，海膽沒有任何腥味。望著維港嘆壽司，一生一大享受也。在立食區結帳後離開，我和同事都被隔離浜燒區的海鮮吸引，決定到浜燒區就餐。阿拉斯加蟹蟹腳蟹腳超大條，比平時在酒店的蟹腳大。肉質爽滑鬆軟，蟹味突出。原隻波士頓龍蝦廚師即場生劏龍蝦，保留了龍蝦鮮味。燒好的龍蝦已切好，吃得方便之餘也感受到龍蝦滋味。帆立貝入口鬆化，一點也不韌，加點檸檬汁，增強其鮮味。南非鮑採用五頭鮑，食材名貴，燒熟後更散著陣陣鮑魚香，令人垂涎欲滴。

築地·山貴水產市場都開了一段時間，今日終於約到朋友黎到呢到食晚飯。我們選了市場最入面的壽司吧食壽司同刺身，沿途經過超級市場，有不同種類的產品售賣，亦有食海鮮丼、浜燒海鮮及其他美食的區域。壽司吧環境舒適，而且樓底高空間感強，望埋個靚靚夜境，夾啱時間仲可以睇到幻彩詠香江，真係 good feel。先叫了個龍蝦海鮮泡飯暖暖胃先。賣相靚，材料又豐富，主打的龍蝦，食落肉質爽口又有彈性，味道亦鮮甜。除了龍蝦，還有大大隻的蠔肉和蜆肉及其他配菜，而且湯好清甜，又熱辣辣，食落令人回味。想不到這個泡飯咁有驚喜！另外叫了 Set A 吞拿魚壽司盛和海膽手卷。一次過可以食到五款不同的吞拿魚壽司，由上至下有大及中吞拿魚腩，當然唔少得赤身啦，還有炙燒吞拿魚腩及香蔥吞拿魚腩蓉軍艦，件件都咁好食，令人食指大動呀！吞拿魚新鮮肥美，食落有口感，而且肉質嫩滑！而海膽手卷啲海膽好鮮甜，份量超多，每一口都食到美味的海膽！十分期待的山貴刺身盛、珍寶北海道牡丹蝦同三文魚腩，件件都厚切又閃令令，睇見都想食，好正。刺身盛有鮮甜的海膽、入口即化的吞拿魚腩及其他美味的刺身。不容忽視的牡丹蝦，味道甘甜又大隻，食落啖啖肉，令人想再encore

This place is very convenient because you will see it right after you leave the ferry. It's got great sea view and the design is very modern. I have to say the sushi set is at quite a reasonable price. I ordered a tuna sushi set which is $148 for five pieces of delicious tuna from Nagazaki. It contained five different types of tuna: Prime fatty, semi fatty, seared fatty, mixed tuna belly and just plain tuna. The presentation was nice and looked fresh. These tuna sushi tasted sweet and deliciou

雨後的夏天下午，有點悶熱，要做的事情已經做完，正好來個下午茶放鬆一下。每次從灣仔碼頭下船都好想試、可惜因回程路不同而無緣的築地‧山貴水產市場，終於今天特意走回來，吃到滿足的一餐。門口是超市區，沒什麼空調，溫度跟室外差不多，怕熱的人會很難受，直走到最後食肆的部份，才感覺舒適點。是日的目標是立呑壽司區，地方寬敞，三面落地玻璃窗採集自然光，面向維港的一排位置尤其明亮。用餐的桌面上已經備有餐具和特調醬油，雖說是立食，其實也有椅子，但不怎好坐。剛好卡在午餐和下午茶中間，不想等那麼久，吃正價也無妨。點了幾件壽司和一份套餐，是個人必吃之選，帆立貝原隻奉上、肉厚味甜，中鮪魚腩脂肪比例平衡、入口軟腍細滑、脂香魚味兼具；壽司套餐內的三文魚子鮮味十足，海膽清甜順滑，香蔥吞拿魚腩蓉軍艦完美結合蔥的清新和濃郁的魚香，都很值得推介。下午就開始喝酒雖然不太好，但還是敵不過誘惑，最後點了1/2pint的麒麟生啤解解嚵。雨後放晴的天空特別美麗，一邊欣賞風景一邊品嚐美食，心滿意足矣。

同朋友去完hong kong arts centre嘅jazz concert後因為太肚餓所以去左碼頭呢邊食左少少嘢先。灣仔碼頭附近有好幾間日本菜，有燒烤、丼飯同壽司&刺身。最後我地揀左食壽司&刺身，又可以欣賞吓碼頭嘅景色😆👍🏻我地大概7點入座，全部座位都係 high table，環境乾淨企理，menu有得叫set 壽司、或者散叫壽司/刺身。因為全部價錢都比較貴，我地7個人只叫set A-D各一share食🍣，之後打算去朋友屋企食第二輪同飲cocktail😋🍸set A-D係一齊上，基本上每個set只有5件壽司，魚生非常新鮮，完全沒有腥味。醬油方面唔係平時沾嗰啲而係用個醬油掃搽上壽司上面。壽司入面已經放左少許wasabi，但可以因應你口味而決定洗唔洗再放多啲。埋單有加一服務費，我地每人大概$65。如果要食得夠飽嘅，建議budget需要預多啲，maybe at least $300 per person。以下張相少左2件壽司因為有朋友太肚餓所以攞左黎食😂🍣

由尖沙咀嗰邊搭天星小輪,大約五分鐘左右船程就嚟到灣仔碼頭嘅築地山貴水產市場,幾方便.呢度係由日本東京築地市場嘅批發商經營,落戶香港約一年左右.入面嘅海鮮係由日本同世界各地直送,一直好想嚟試,呢日終於成行.入口附近係零售區,售賣唔少日本產嘅食品同飲品,另外仲有啲外賣壽司.再行入少少就係用餐區域,分別有浜燒海鮮區,海鮮丼區,梅酒區等等.不過我呢次嚟嘅主要目的係最入嘅壽司區,三面都係向住維多利亞港海景嘅落地玻璃窗,加上特高樓底,幾開揚.呢個位仲可以睇到隔離嘅會展新翼,如果遇啱煙花匯演嘅話,應該係個唔錯嘅觀賞位.同埋聽講呢度開業初期只有立食,但呢日嚟到見佢已經加咗高身吧凳,相對而言比企晌度食來得舒服.有見呢度係由日本東京築地市場嘅批發商經營,所以呢次主力試刺身同壽司.檯上面已經預先放咗餐具同醬油壺,筷子係即棄嘅,不過用料就非常高質.先試呢款叫縞鰺嘅刺身,即係深海池魚,厚切三片口感爽甜,魚香味足又唔會過份濃重.另外試咗兩個壽司盛同兩件散叫壽司,由上而下,左而右嘅係Set A, Set D,左口魚裙邊同炙燒左口魚裙邊.Set A即係吞拿魚盛,分別有大吞拿魚腩,中吞拿魚腩,赤身,炙燒吞拿魚腩,香蔥吞

先講下環境，算係幾新幾靚！有好多日本小食、水果、飲品同酒等。我試左最入面個間壽司店，佢原本係立食的，而家加左d高椅，叫做有位坐下，不過d位係超逼！仲逼過食迴轉壽司！我叫左3個壽司set，魚生非常普通，唔太新鮮，仲要貴！個人覺得高級超市（例如SOGO、Citysuper、一田）個d質素都好過佢。之前有食過另一間海鮮丼的，叫做好過最入個間，不過都係一般，CP值低！料極少！舊青瓜最大片！呢個叫做正常d，睇得下！整體：可以去行下望下，食就唔會推介。

今次來到位於灣仔碼頭的山貴水產市場，我和朋友大約7點到。入到去都很有身在日本的氣息，入到去是超級市場，各式各樣的日本食品，然後走入去有食海鮮丼既店、浜燒店等等，行左一個圈後我們就選了 海鮮丼😍😍😍我們點了以下2款：特上山貴丼包含有10款魚生粒、三文魚籽、龍蝦肉、松葉蟹鉗和海膽七色北海丼包含了海膽、牡丹蝦、三文魚、三文魚籽、赤身、中鮪魚腩和帆立貝賣相美觀但味道一般，各刺身的分量唔多，覺得這個價錢不值得，不是特別鮮味，試過就可以了。

行開美食節書展呀 梗係唔執輸行過黎碼頭打下卡！去咗立食區嗌咗兩set黎食一set平均五舊壽司 around 100蚊到都叫幾新鮮嘅 但就略嫌唔夠肥美所以抵唔抵去就真係見仁見智！

築地，係香港人的至愛。用築地做名，難怪此店最初開幕，條長龍勁誇張，無耐性排隊的我，一直無機會試。星期六下午兩點左右，在附近尋食諗起佢，行去望下仲有無龍，喜見無乜人。揾個面對維港的靚位坐低，order 最愛的壽司。壽司好新鮮，仲有間八魚、金目鯛等比較特別的選擇，味道唔錯。重點係在天朗氣清的下午，面對無遮擋的無敵靚海景食飯，真係無得輸！美中不足是，行去碼頭條路因為做緊工程，比較迂迴同大塵。要等工程完成，相信仲有一段時間。

服務態度差，落單都沒人理；食材竟然不新鮮，刺身竟然會有酸味，用餐當晚女友和我都有腹瀉症狀。希望各位朋友不要重蹈覆轍，高消費換來不愉快的經歷，中伏，中伏，中伏，中伏

聽聞天星小輪因為築地既租金收入，所以唔使加價。咁惠及大眾，當然要去支持。築地既好處在於「唔使排隊」、「有海景」，「食物質素又唔算差」。筆者同友人點左3個壽司set，加2杯野飲，埋單每人$200。以呢個環境同埋食物質素黎講，我覺得已經係物有所值。極上壽司set滿足港人既口味，有齊三文魚、吞拿魚、甜蝦同吞魚腩蓉軍艦等多款選擇。食材新鮮，入口清新，配上甜薑都幾滿足。壽司鼓油用掃滴上，避免左夾壽司點鼓油時既論盡。晏就啤番杯泡沫麒麟啤酒

呢日真係好難得可以出去上堂，由於中午食飯時間很長而且又順路，所以決定去朝聖一下😎。一坐下，見到個 sea view，心情已經好relax，我們點了兩個燒魚餐，一個鰻魚餐再加一個壽司 set。一食啲壽司就感覺食材好新鮮，好好味，而且食鰻魚飯，條魚即燒當然係好香好美味，反而冇諗過連啲飯都好有口感，軟硬適中，又不會太酸，絕對係 值得推介。

之前食過兩次都好滿意，今日星期六晚再黎食點左set A, 圖中最右係大吞拿魚腩，右二係中吞拿魚腩，點睇到都唔合格，唔新鮮, 中toro係赤身咁，十分失望，去其他地方再食

飯糰質素對於寿司來説, 隨時眼魚生同等重要, 至少於我而言。7月31日當晚約8點多吃到的堂食寿司, 其飯糰質素, 只勉强稍好於在日式超市買到的現成寿司, 以一心來灣仔築地品嚐寿司之心態, 真的有頗大落差。