影片
更多
2017-09-08
565 浏览
由尖沙咀嗰邊搭天星小輪,大約五分鐘左右船程就嚟到灣仔碼頭嘅築地山貴水產市場,幾方便.呢度係由日本東京築地市場嘅批發商經營,落戶香港約一年左右.入面嘅海鮮係由日本同世界各地直送,一直好想嚟試,呢日終於成行.入口附近係零售區,售賣唔少日本產嘅食品同飲品,另外仲有啲外賣壽司.再行入少少就係用餐區域,分別有浜燒海鮮區,海鮮丼區,梅酒區等等.不過我呢次嚟嘅主要目的係最入嘅壽司區,三面都係向住維多利亞港海景嘅落地玻璃窗,加上特高樓底,幾開揚.呢個位仲可以睇到隔離嘅會展新翼,如果遇啱煙花匯演嘅話,應該係個唔錯嘅觀賞位.同埋聽講呢度開業初期只有立食,但呢日嚟到見佢已經加咗高身吧凳,相對而言比企晌度食來得舒服.有見呢度係由日本東京築地市場嘅批發商經營,所以呢次主力試刺身同壽司.檯上面已經預先放咗餐具同醬油壺,筷子係即棄嘅,不過用料就非常高質.先試呢款叫縞鰺嘅刺身,即係深海池魚,厚切三片口感爽甜,魚香味足又唔會過份濃重.另外試咗兩個壽司盛同兩件散叫壽司,由上而下,左而右嘅係Set A, Set D,左口魚裙邊同炙燒左口魚裙邊.Set A即係吞拿魚盛,分別有大吞拿魚腩,中吞拿魚腩,赤身,炙燒吞拿魚腩,香蔥吞
由尖沙咀嗰邊搭天星小輪,大約五分鐘左右船程就嚟到灣仔碼頭嘅築地山貴水產市場,幾方便.
呢度係由日本東京築地市場嘅批發商經營,落戶香港約一年左右.
入面嘅海鮮係由日本同世界各地直送,一直好想嚟試,呢日終於成行.
入口附近係零售區,售賣唔少日本產嘅食品同飲品,另外仲有啲外賣壽司.
再行入少少就係用餐區域,分別有浜燒海鮮區,海鮮丼區,梅酒區等等.
不過我呢次嚟嘅主要目的係最入嘅壽司區,三面都係向住維多利亞港海景嘅落地玻璃窗,加上特高樓底,幾開揚.
呢個位仲可以睇到隔離嘅會展新翼,如果遇啱煙花匯演嘅話,應該係個唔錯嘅觀賞位.同埋聽講呢度開業初期只有立食,但呢日嚟到見佢已經加咗高身吧凳,相對而言比企晌度食來得舒服.
有見呢度係由日本東京築地市場嘅批發商經營,所以呢次主力試刺身同壽司.
檯上面已經預先放咗餐具同醬油壺,筷子係即棄嘅,不過用料就非常高質.
縞鰺刺身
19 浏览
0 赞好
0 留言
先試呢款叫縞鰺嘅刺身,即係深海池魚,厚切三片口感爽甜,魚香味足又唔會過份濃重.
壽司
34 浏览
0 赞好
0 留言
另外試咗兩個壽司盛同兩件散叫壽司,由上而下,左而右嘅係Set A, Set D,左口魚裙邊同炙燒左口魚裙邊.
吞拿魚盛
23 浏览
0 赞好
0 留言
Set A即係吞拿魚盛,分別有大吞拿魚腩,中吞拿魚腩,赤身,炙燒吞拿魚腩,香蔥吞拿魚腩蓉軍艦各一件,大吞拿魚腩幾乎入口即化,魚生下嘅壽司飯壓得啱啱好,而且係一啖一件嘅大小,食得幾方便.
Set D就有油甘魚,三文魚,海膽,三文魚子,香蔥吞拿魚腩蓉軍艦,海膽幾creamy同鮮甜.
油甘魚食落柔軟,三文魚就爽口.
左口魚裙邊, 炙燒左口魚裙邊
13 浏览
0 赞好
0 留言
左口魚裙邊有嚼勁,同埋有魚油甘香.炙燒左口魚裙邊經火槍輕輕燒過,幾香口.
呢度冇免費茶水提供,於是就叫咗杯熱焙茶,溫度暖暖哋咁.同行嘅人就叫咗蘋果汁,味道甜甜哋幾解渴.
张贴
