筷子記

营业中

休息中

今日出開去中環百年兌yen, 自己一個人走左去位於威靈頓街嘅筷子記食lunch! 中午12點幾去到門口，已經見到有十個八個人喺門口等位！因為我得一個人，所以唔使等，即刻有位！入面都好迫下，差不多背脊貼背脊，職員嘅態度當然好極有限...哈哈（預左！）幾年前食過一次，已經唔記得左食過d乜野！睇下個餐牌，發覺選擇都唔少，不過見其他食客大部分都係叫麵食，所以都跟嗌！ 叫咗個撈粗麵，咖喱豬皮蘿蔔豬大腸同埋香腐角，要沙爹汁再加中辣！飲品要左一杯熱無花果蜜！盛惠39個大洋！平心而論，個人覺得質素只係一般，個沙爹汁冇乜味道對於我呢個辣妹來講，中辣係一啲都唔辣！咖喱豬皮蘿蔔超普通，香腐角只係口感好「鞋」嘅豆卜類物體，最好味係個豬大腸，用滷水汁來鹵，入晒味又夠淋！另外粗麵嘅份量都好多，男士都應該夠飽！無花果蜜甜甜地都唔錯！雖然整體冇乜特別，不過喺中環可以唔使＄40就夠飽而又仲有杯飲品嘅餐廳唔多，經過開都可以試吓嘅

朋友住中環推介筷子記嘅車仔麵，今日公眾假期座位9成滿。朋友推介澳門包心卷為必點餸，我們兩碗車仔麵都有點包心卷，包心卷是以魚肉包豬肉，食落有煙韌口感，味道不錯。兩個車仔麵唔同湯底，一個沙茶湯底，一個招牌豉油湯底。本身以為沙茶湯底會有少少辣，實質湯底沒有辣，但的確幾惹味！而招牌湯底較為清淡，下次食會再點沙茶湯底。另外，朋友推介奶油麥多，烘底多士與牛油及煉奶係奶油多的經典配搭，但筷子記的奶油麥多味道較為普通，沒有驚喜。筷子記嘅環境較為狹窄，我們的座位附近有些雜物較為迫。雖然當日係公眾假期，該時間亦沒有人在等位，當我地剛食完麵及麥多，職員便立即催促我們結帳，及收走我們未喝完的飲品，令我們感到有點愕然及有點趕客的感覺，員工服務態度有待改善。

同朋友喺中上環四處閑逛遊走，走累了隨便到一家餐廳醫肚，最後我們被門口大字「下午茶2-10時」幽了一默，吸引我倆入內試試。知道這裡的撈麵聞名，於是我叫了：「路環香腐角+咖哩辣魚蛋+鹽香車厘茄+咖哩汁撈米粉」配凍檸檳，埋單只需$36，抵！第一口咬的是香腐角，個樣有啲似蛋角，放入口...無味嘅...而且「鞋烚烚」，心裡想像佢索哂啲汁咖嘛...失望（不過好彩！）之後食車厘茄，一咬即刻果皮果肉分離，好多汁，但味道就冇乜特別。魚蛋呢...少少魚味啦，咖哩味好重好香，但好腍唔彈牙。咖哩撈米粉，份量好多，頭幾啖食得好開心，係咁撈呀撈，之後知道出事，越食越辣，標眼水好刺激，朋友問「點解你啲米粉食極都咁多？」我想話佢知：其實我夾吓夾吓都冇乜點放過落口...好彩今次叫凍飲，加上腐角冇索到啲汁，唔係就好似狗仔咁要伸脷散熱...但好奇怪，食到後尾幾啖又唔覺好辣啦喎。至於凍檸檳呢，夠凍！檸味十足！檳味嫌少左啲... 朋友食：「豬大腸+墨魚丸+麻辣豬頸肉+沙嗲撈粗麵」，配熱杏霜，$33 我試左佢啲豬頸肉，味道幾特別，好香濃入哂味但唔會好辣；肉質又係好腍，其實澳門人係咪鍾意食腍啲嘅食物嘅呢？

很少機會帶囝囝在中環逛，都想同佢分享一下飲食路線，當然要搵以學生都能接受既價位。筷子記可以話每隔三幾個月都會去一次，環境其實麻麻，但食物就幾有特色。肥牛沙茶醬魷魚蘿蔔配粗麵可能是童年回憶，個人幾喜歡撈麵，加上店方的湯底，喝起來感覺有點像肉骨茶，自然多添了幾分好感，肥牛沒特別，只是覺得抵食，沙茶醬魷魚辣辣地又爽口，差不多每次都會叫，而蘿蔔夠甜又無渣，粗麵條沾上醬汁後更惹味。沙茶醬魷魚豬皮生菜配粗麵囝囝的口味跟在下的有點似，同樣是粗麵及魷魚，抽水取了一片豬片試試，幾爽口彈牙。各人一杯凍飲，凍檸檬茶感覺似糖水一杯，算了吧，有水準的畢竟不多。

一去到都晚上9點幾喇....其實佢地都就閂..一坐低就好快嗌野食..我嗌左個【荷蘭園辣魚包】18蚊係,無錯,賣相有點樣衰,但個包熱到辣口咁食落去!會滿足左澳門罐頭沙甸魚以秘製辣汁煮過!辣度只屬輕微!但鹹鹹辣辣又ok wo ,,之後再嗌左個撈面.....我嗌左米粉..撈沙茶醬...有有豬腸..雞亦同魚付...嗯雞亦好硬..不值一提.....最值得提我諗係個汁同埋豬腸...豬腸好好味..好腍身..好入味....同埋唔會話太多肥膏...讚...個汁...好重沙茶味...同時亦都唔會話比得太小汁我...撈埋一齊...再有小小輕微辣....令我仲回味緊....^^

撈麵一般多以蠔油作為醬料, 而筷麵的韌度、口感都極有嚼勁子記就用上沙爹醬去代替蠔油, 而沙爹醬內有花生椰汁等,味道滋味鲜美，口感獨特, 之於撈麵既麵, 靱度不錯, 有口感, 同沙茶醬十分之夾, 餸菜方面, 有馬交魚羮同炸魚片, 馬交魚羮就是普通的魚肉, 但口感入口即溶, 好鬆化, 炸魚片炸得外皮黃金, 好香脆, 配沙沙醬更是一絕!!

撈麵 叫左澳門包心卷、豬大腸同咖哩豬皮蘿白。蘿白豬大腸好冧好入味好正必叫，包心卷係魚肉包豬肉，好彈牙, 食到好2個唔同的層次, 好唔錯。但咖哩汁真心辣到噴火，唔食得就諗下好唔好叫。同埋佢啲汁唔濃味，所以油麵好似無咩味咁，唔係太掛到汁, 都只係屬於一般般。聖保羅豬扒包 豬扒包外脆內軟，個豬扒煎得好香而且啖啖肉, 加上用牛油烘過的飽, 都好有舊式茶餐廳既味道，好味，但唔知同澳門豬扒包有咩關係。

撈麵（$34三餸包熱飲）叫左澳門包心卷、豬大腸同咖哩豬皮蘿白。蘿白豬大腸好冧好入味好正必叫，包心卷係魚肉包豬肉，好彈牙唔錯。但咖哩汁真心辣到噴火，加埋少少醬油味，同埋佢啲汁唔濃味，所以油麵好似無咁味咁，一般般。聖保羅豬扒包（$26加熱飲）豬扒包外脆內軟，好有舊式茶餐廳既味道，豬扒都好冧，加埋應該係沙律醬，好味，但唔知同澳門豬扒包有咩關係。

今日中午去左筷子記食見到門口好多人以為等好耐點知全部都係外賣所以唔洗等就入左去唔知係咪啲老店都係咁 店員啲態度奇差黎到一定試下佢個撈面我叫左個沙嗲撈米線肥牛炸魚片澳門包心卷？姐係魚肉包豬肉果個但我覺得包心卷無咩特別 沙嗲撈米線又真係幾好食朋友食左個豬頸肉魚腐包心卷撈烏冬魚腐好食！朋友都話覺得唔錯份量岩岩好我就食唔哂😂😂😂加埋杯凍奶茶盛惠39中環呢個價都真係唔錯下次多野做可以買外賣返去食😂😂😂

每次經過呢條街，都見到門口滿滿嘅人，不但是等堂食的人，還有不少等外賣嘅人，我真係很好奇，所以今日親身試下解開我嘅疑問舖頭裏非常之擠逼，一路食經過嘅人會不停撞你，食到非常之不舒服，枱面有張落單纸填好就可以交俾樓面d姐姐我揀咗三個餸，馬交魚羹(即係魚肉)，青春魚肉腐皮卷同豬大腸，沙嗲汁撈米粉，佢個汁好好味，但d餸其實冇咩特別同埋份較小，腐皮卷炸到非常之乾，點解咁多人呢…………

習慣用筷子當作髮髻，紮起頭髮所以我嘅網頁名就叫“頭上插著筷子, 到處吃!” 筷子是一種起源於中國的食具，將食物夾起並送入口中比用刀叉方便。今日嚟到中環筷子記，係睇飛扑 Favspot C君介紹認識到，食材配料由澳門送到，令味道更加地道！餐牌以車仔麵形色選擇，配料就廿五款選擇咁多，埋單都係40蚊以下包飲品，仲要好滿足tim !餐廳有羅漢果水，天氣凍飲落暖暖地感覺好窩心！三餸麵+飲品$38我就揀咗福麵，因為由細食到大去到邊都揀佢 嘿嘿，配料就有馬交魚羹、澳門包心卷、青春魚肉腐皮卷等等，各有特色，鍾意食車仔麵，又想試下澳門特色配搭嘅朋友可以試下呀！再加埋辣醬好惹味，食到好飽喔筷子記 Chopsticks Kee星期一至日: 09:00-22:00中環威靈頓街85-89號群英商業大廈A1號舖Tel: 2854 9969

店名：筷子記地址：中環威靈頓街85-89號群英商業大廈A1舖好味指數：8／10價錢：三餸加粉麵 $34 （凍飲加$3）(上)三餸撈米線（沙嗲汁）：馬交魚羮，沙茶醬魷魚，咖哩魚蛋(下)三餸撈米線（咖喱汁）：豬腩肉，澳門包心卷，香菇魚片扒（前）凍奶茶（後）凍美祿（上）米線爽滑，份量足夠。沙嗲汁味道很特別，甜甜地，有點像沙茶醬。馬交魚羮就是普通的魚肉，不是很特別。沙茶醬魷魚很鮮味，咖哩魚蛋不夠爽口彈牙，味道亦不算入味。（下）米線爽滑，份量足夠。咖喱汁不夠濃味，夠辣。豬腩肉入味易咬之餘也很滑。包心卷有點像札肉，吃上來有點像豬肉丸的味道。香菇魚片扒有點像魚片頭，吃上來也有點像肉丸的味道。飲品方面兩杯都不夠香濃，而且冰塊溶得太快。 

點左三樣餸 瑞士雞翅 沙茶醬魷魚 馬交魚羹一碗麵（$33）份量都比較足。瑞士雞翅同馬交魚羹夠入味，湯料夠辣。沙茶醬魷魚雖然幾大條但無乜味，辣魚包有D腥，不過個包都幾鬆軟，熱辣辣食都幾好味，至於辣度，因為食左麵再食包，所以唔覺得幾辣。+$3叫左無花果蜜，第一次飲，覺得比較甜。

J先生是日放假, 提議遊走中環半天...到達已是下午二時, J先生想食午餐, 被"澳門平民食麵茶檔"所吸引 - 筷子記豬大腸 $36咖喱豬皮蘿白辣豬腩肉 + 粗麵J先生食到出汗, 份量少!淨餸上碟 $26澳門包心卷冬菇路環香腐角全部無味聖保羅豬扒包 $18麵包軟身; 豬扒薄而乾; 竟配上熱狗醬凍奶茶 + 熱檸水 (沒有影相)筷子記 總結: 可以不試!

鐵皮屋撈(三餸$36)，餸揀左瑞士雞翼、澳門包心卷同青春魚肉腐皮卷，個青⋯卷簡稱「春卷」，幾得意幾好味，唔知點解食落有d似芋頭卷包心卷係魚肉包豬肉，中意食！雞翼就ok啦幾入味但唔厚肉，個麵係油麵加「窮人洋蔥汁」，佢係真係咁叫，窮遊兵團去到梗係諗都唔諗就嗌啦，都唔馬虎架有洋蔥，撈落其實真係唔差，聽聞撈福麵會更正，下次再試下！仲有免費加澳門招牌勁辣咖哩油，嗌左小辣都辣到飛起，過然勁辣！好味指數：7/10荷蘭園辣魚包($18)，其實佢個價仲平過澳門某幾間，上碟餐包勁熱，完全拎唔到上手，新鮮整起，辣魚碎份量好多，啖啖都食到魚，味道有d似紅圈牌，幾好味！好味指數：7.5/10奶油麥多($13)，抵食奶油多，但嗌果時完全估唔到係提子麥黎，1號唔太食提子，食左1/4味道都唔錯，友人話好好食！好味指數：8/10麵跟餐有野飲，飲左凍美祿，好耐無飲過，食完辣野飲好正。辣魚包連野飲$28嗌左羅漢果茶，見到成杯可樂咁都知有幾濃啦，甘甘甜甜，健康又好味！窮遊指數：8/10