筷子記

营业中

休息中

同朋友一齊行開中上環，行到一半超肚餓但係又未到食晚飯時間，唔上唔落禁，好彩朋友突然醒起附近呢間澳門🇲🇴筷子記，好似出出地名，即刻狗衝去試下☺️☺️☺️其實鋪頭就細細地的，位細細，但係幾懷舊我地一行四人就聽鋪頭呀姐講豬扒包最正，所以叫左四個豬扒包，包埋野飲26-29$$，係呢個地段真係超值☺️ 最重要係出餐快，岩哂果陣餓到癲o即我地！豬扒包d豬扒超香又娕，又唔會太肥利，又唔係紙禁薄果d豬扒，講真呢個真係高質，最重要係佢加埋黃芥末醬，酸酸地又甜甜地加多個juicly豬扒，再加埋個焗到脆脆地o既包，真係好好食呀😭😭😭對於下午茶黎講，一份豬扒包同杯野飲，岩岩好。佢好似仲有其他車仔麵野食，下次一定會再去食過！！🤗🤗🤗

中環筷子記食過好多次，又是一間中要老店，經常大排長龍，因為在中環地區，這間筷子記真係算平靚正，在中環打工仔，邊度仲有30幾蚊，食得飽又好味的餐廳🍴車仔麵形式，但是有很多特別的配料俾你選擇。很特色的澳門風味

冇辦法既，鬼叫你喺中環賣車仔麵、賣多士，呢類受歡迎的香港地道食物，仲要唔貴，咁我地咪要久不久黎幫趁下囉😂呢間澳門風車仔麵最大賣點係兜麵上面的秘製醬汁了，沙茶係我至愛，沙嗲同咖哩我覺得太辣了，餸方面同其他車仔麵有的不同，但只可以話ok，不算太突出，反而奶茶咖啡就幾好！有時都會叫多份多士食下，不過水準有人飄忽，主要係包皮烘得時脆時淋。今日中午去食，2個人叫左2碗3餸麵，其中一碗加底，2杯飲品，一份多士，都係$95，喺中環黎講算係好好啦！

中環無人不曉的筷子記真的是一個平價午餐的好地方。不過由於店鋪比較迫，所以通常都是叫外賣。幾乎每次都是點3餸米線撈，沙爹水魷、辣魚蛋和馬交魚肉，都只是三十多元，真的很划算。筷子記的沙爹汁和辣汁都做得很出色，而且足夠撈全部米線。魚蛋細小但有足足5粒，水魷跟魚肉份量亦適中。米線還有熱飲免費附送，簡直是中環窮人恩物。所以說筷子記能在中環屹立多年，並不是沒有道理的。

車仔麵勝在配搭多元化, 筷子記不單止可自選麵類, 餸菜同醬汁, 更可以選擇湯上或是汁上撈~ 我點了魚片頭、瑞士雞翼及冬菇, 油麵配甜甜的洋蔥汁(汁上撈)🤗價錢便宜 但份量絕無偷工減料👍🏻魚片頭(3顆)爽口彈牙😍😍😍瑞士雞中翼(2隻)和冬菇(5~6塊) 又淋又入味😋😋😋油麵不過不失, 配上甜甜的洋蔥汁開胃又美味👍🏻Lunch時間只是$37 而且連飲品, 實屬中環區平價美食之選~ 👍🏻👍🏻👍🏻

去到中環想搵間平少少既餐廳都冇，誤打誤撞見到筷子記，價錢只係三十幾蚊，就入去試下！筷子記原來係澳門餐廳黎，入到去見到成幅牆都係唔同報章既推介，都知道唔會伏既三餸麵餐（＄36）：澳門包心卷，墨魚丸，唐生菜，沙茶醬依款係撈米線，份量係多到一個成年男人都食到飽！澳門包心卷好特別，佢質地有啲似獅子狗，但食落有咬口啲，好食三餸麵餐（＄36）：麻辣豬頸肉，芥蘭，路環香腐角，招牌豉油另外一碗我地叫左湯米線，招牌豉油味又鹹又甜又香，令人食完一啖又一啖豬頸肉就有啲太un，食落係辣但唔係好好食。豆腐就食落似扁左既豆卡，都幾香口～以30幾蚊既價錢可以係中環食到餐唔錯既晚餐都幾滿足

今日一早要係中環做野所以就約埋同事一齊食早餐中環既老字號都有唔少筷子記比較近工作地點所以就選擇左呢間由於今日唔係假期同埋時間尚早餐廳內既人數都唔算太多店內都散發著和諧既氣氛同事間都會傾下 笑下好開心店內既裝修都散發著一種「舊」味道仲有唔少雜誌報導店內放左唔少舊式飲品自己想食咩就自己圈有分湯都撈麵叫幾多個送都得仲有唔同汁可供選擇價錢就$27開始 係呢區黎講非常吸引最後 我就點左唐生菜墨魚丸沙嗲沙米粉黎到賣相已經好吸引喇啲沙嗲汁都比較結身隨麵仲附上炸蒜添蒜味加埋落湯撈埋將成碗升華至另一個層次呢到既沙嗲汁同我地平時食既有啲唔同無乜花生 但係味道都係非常濃郁好好味飲品方面我就點左美綠記得細個既時候每年學校都總有一日有免費美綠飲個種濃郁既味道同埋幸福感到依仲記得啊

車仔麵我地由細食到大，但撈嘅車仔麵你地又食過未？依間位於中環嘅茶檔，就係主食車仔麵嘅，叫法同一般嘅車仔麵店一樣，都係有一張紙比你自己揀想食嘅餸😚 但分別就在於佢有得比你揀撈麵架！！有咖哩、茄汁、沙茶、洋蔥、沙嗲仲有蠔油！而且d餸都幾特別架，例如有魚羹、香菇魚片扒、澳門包心卷、就連芋絲都有😱今次我就叫左個金菇、咖哩豬皮蘿白仲有豬大腸嘅幼麵🤤至於個汁就揀左咖哩汁！佢d蘿白好甜好淋又入味，重點係無渣😍大腸唔韌，瀂過👍🏻加返d金菇健康d！ 幼麵彈牙 好正 而且價錢合理，真係會返去再光顧呀😆😆😆 (8.7/10)

是日變番窮食-⠀中環筷子記嘅撈烏冬記得對上一次去食已經係兩年前嘅事會經過嗰頭係因為嗰陣中環間H&M執笠大清貨呀叔好唔執輸咁特登去打個冷然後就去左附近醫肚今日再嚟到中環就口痕痕好想再去食過撈烏冬⠀話說間野嘅賣點係澳門特色嘅小食同味道但澳門特色姐係咩味？呀叔我真係答你唔到⠀叫左碗三送撈烏冬(豬大腸、勿演、豬肉丸+沙嗲汁) 包野飲$35⠀豬大腸好入味好淋 但就好似少左種大腸嘅味(唔係便便味呀唔該)而啲丸仔就都係咁啦 無乜需要特別介紹整番熱又係個種味⠀而佢個沙嗲汁嘅味道同港式沙嗲牛嘅味唔同佢個種係甜啲嘅撈落啲麵到都幾好食 整體不過不失⠀唔知係咪回憶總是美好的記得明明係好好味嘅野變得平凡了⠀今日食完之後呀叔覺得大家行過附近嘅不妨一試不過就唔需要專程去食啦⠀

終於有時間去周圍食下野專登黎食筷子記，門口伯伯叫我地入去坐已經感覺親切對呢間店有好感我地一坐低，伯伯就教我地點叫野食😆叫左一個洋蔥汁撈粗麵、一個湯麵洋蔥汁甜甜地好特別，同粗麵好夾另一個湯麵都好味，有炸蒜粒，成個麵更加香餸就叫左魷魚、瑞士雞翼、馬交魚羹、墨丸、包心卷（應該係，叫完都唔記得😂）啲澳門餸係平時出面啲車仔麵店冇既，就梗係試下啦雞翼幾林，老公中意食，其他既都好岩口味一杯咸檸七一杯無花果蜜咸檸七好飲～連平時唔好咸檸七既老公都好中意飲無花果蜜唔會勁甜但又好夠味呢餐唔單止好味，而且好平，兩個人叫埋特飲又加餸都係$80唔洗（早餐時段），仲要係中環～下次係中環唔知食咩一定食佢！

星期日，一個人走出街四處逛，想吃東西但又不想吃得太飽，就跑到筷子記吃車仔麵。這裡除了車仔麵，豬扒包也很有名，除了車仔麵，許多枱客都有多點一份豬仔包。這裡的下午茶時間特別長，下午2時開始到晚上10時打烊，而且價錢實惠，所以不時見到附近名單的職員來這裡開飯。平時吃車仔麵，多數都是魚蛋、蘿蔔、菜、墨丸、牛腩、雞翼尖 ......之類的配料，再加腩汁或清湯底，聽到也有一點膩。這裡的車仔麵，配料跟一般的有點不同，但又好好味。尤其是青春魚肉腐皮卷、路環香腐角、咖喱辣魚蛋、蜜糖豆，更是我心目中的招牌配料。今次我選了青春魚肉腐皮卷、路環香腐角、脆皮芝士腸、蜜糖豆配油麵，另加凍無花果蜜。一般的車仔麵，甚少可以選配蜜糖豆，喜歡這裡的蜜糖豆脹卜卜。青春魚肉腐皮卷雖說是炸春卷，香口但不是脆口那種，也不油膩。每碗也配有一匙的炸蒜，在點餐紙上可以選擇要不要。無花果蜜和羅漢果蜜也是這裡的招牌飲品，清甜不膩。今次我選了無花果蜜(少冰)，這裡是少能能做到真少冰的食肆。以中環區，這個價錢是價廉物美，食物質素亦好。要挑剔的，是空間較窄，坐位較迫。而店員都是較年長，他們說話會稍大聲點。

又一個與醫生會面的下午, 過到對面海梗係搵啲好評多嘅食店幫襯吓啦, 咁搵到筷子記, 近醫務所。叫咗3餸麵, 有瑞士雞翼, 路環香腐角同埋咖哩豬皮蘿蔔米粉(加沙茶)+凍奶茶少甜。食物一到, 首先發現無沙茶醬, 咁算啦見個底有啲色, 應該夠味就費事加啦。瑞士雞翼 - 味唔夠, 但就好夠淋路玾香腐角 - 普通豆腐味, 似扁咗嘅豆泡咖哩豬皮蘿蔔 - 普通車仔麵料, 勝在蘿蔔無渣凍奶茶 - 茶味夠, 真係有少甜, 值得讚嘅**好似幾重味精, 食完個胃有啲反應, 本身係對味精比較敏感, 所以都應該無下次。但有個疑問, 餐牌上註明兩個下午茶時間, 都係2點開始, 但點先可以食到平嘅價錢呢?? 我真心係諗唔明, 求解答。(有諗過問架, 但啲阿姐鬼死咁忙, 咁就唔好打攪人啦)

呢排食得太多好嘢洗大左，就想揾翻啲平民啲嘅餐廳幫荷包慳下錢。見車仔麵平平地，而且不嬲對車仔麵有童年情意結，見到舖頭個門面的的骰骰，幾有特色，就決定入去試下呢間。裏面嘅裝修都真係幾懷舊，最鍾意呢種老香港的感覺入到去坐好就諗住叫阿姐嚟點嘢食啦，點知原來係用點餐紙嘅，一睇就知我哋唔係熟客喇叫三個餸就最抵食：芥蘭，瑞士雞翼，咖喱豬皮蘿蔔(辣)，配油麵 - 熱菜蜜（$37）食飯時間等左5分鐘就有得食，非常快手。份量啱啱好，油麵加$1加埋杯熱菜蜜都係$37。瑞士雞翼唔算入味，(林)就幾(林)，但係咁嘅價錢都唔好要求咁多啦。蘿蔔都有啲水準。豬皮就冇咁入味啦。路環香腐角，咖喱豬皮蘿蔔(辣)，沙茶醬魷魚配米線 - 鹹檸七 ($36)叫鹹檸七仲抵飲，淨係罐7up都抵翻啦。中環黎講有麵食，有三個餸仲有嘢飲，都真心沒幾間。食物方面，個人認為湯底唔係特別鮮味，普普通通。值得一提嘅係，我同我朋友都係食開小辣，但係呢度嘅小辣同平時食開嘅相比有少少重咗未。有興趣食辣嘅，又唔係太食得辣嘅朋友可以試吓溝少少辣椒醬試試味先。服務方面，佢哋唔係好假果隻有禮貌。講嘢麻麻甩甩但係其實幾有人情味，手快腳就會收晒用過嘅紙巾，會幫你擺

來到中環吃午餐，基本上很多間鋪頭都沒有最少＄50都落唔到樓，而這間澳門平民麵食茶檔「筷子記」就可以滿足糧尾時平價恩物。這個麵食先讓每位客人都用一張紙來點車仔麵或撈麵的餸菜及圈低要求，我就叫了一個三個餸的米線（$36）連飲品選了咖啡，真的平到你唔信，三個餸包括瑞士汁雞翼、青春魚肉腐皮卷及麻辣豬頸肉，我就要求米線加上少少洋蔥汁，整個湯底甜甜地還有少少洋蔥絲，瑞士汁雞翼有兩隻，而雞翼中的瑞士汁醃得很入味，辣汁豬頸肉很有咬口，青春魚肉腐皮卷很彈牙。而且製作時間很快，點單後不用3分鐘，熱騰騰的米線便送到枱上來。我發現叫三個餸是最抵的（$36），而兩個餸是（$34），四個餸加 $5 則要（$41），這裏真的是中環的平價麵食之選。

今晚放工行左去中環搵媽媽食飯，最鐘意食車仔面既我，梗係諗都唔諗就簡筷子記啦！麻辣豬頸肉、澳門包心卷、蘿蔔豬皮（一個送）、雞翼，福字面、沙茶汁雞翼唔好食、又細隻呢碗媽媽既米線