筷子記

营业中

休息中

筷子記🍴中環既必去景點😚超級中意呢到既裝修，真係超級Hong Kong style ☺️勁地道有有feel!叫左個撈面餐：有雞翼，蜜糖豆同澳門包心卷～其實味道我覺得還好～不過份量真係超足🤞🏿撈埋啲汁都好食總知勁香港味啦😂奶茶都係奶味重啲，唔係好甜，但凍奶茶就係要多甜先好飲😂😂仲有個聖保羅豬排包配熱飲 hkd26 💸食豬排包其實最主要係食佢個醬！同出面啲沙律醬唔同，偏啲豬排都好食！😍想搵番啲香港味一定要黎呢間！

車仔面OK嘅，我食lunch唔會要求太高。如果唔係企門口個阿姐咁嘈，我會幫襯多啲。佢企係門口，下下大叫入廚房。我食個快lunch都頭痛。就算企係佢面前，佢都係大聲同你講野。唔係有冇禮貌既問題，而係。真。係。好。嘈。

lunch time一諗唔到食咩就是筷子記了因為快 靚 正 識食一定係食豉油撈烏冬 不過今日想試試第二款麵 所以點了幼麵 都一樣好吃 雞翼好入味 必點 魚蛋都好有魚蛋味 又夠辣 凍檸茶就是正常茶記應有的味道 夏天飲凍檸茶真的很解渴。環境就唔好諗住會坐得好舒服 普通港式麵檔咁服務都係港式服務 雖然侍應阿姐表面說話大大聲聲粗粗魯魯 但佢地其實好有heart 這也算是另一種人情味吧最後聽聞佢d多士都好好味 下次試下先 會繼續幫襯DDDD

係中環返工既，必定試過中午去食，印象一定勁差，因為中午人多，迫到死，食完又會趕你去門口等，目的就係做多2轉生意！所以我都係叫下午茶多，但今日分享既係我放工時間去食，唔知大家有無留意，佢既下午茶係由2pm-10pm，換言之，放工時間去食晚飯，都係下午茶餐價！！今日去打波前，就帶朋友黎呢度！所有職員既態度超好，唔會催促你落單，又會推介下野食!！做開遊客生意既佢地，有中英對照既餐牌。呢張就係俾你畫，要湯定撈，要咩食送，要咩汁。車仔面食法，無人會唔識啦😂！我個人好獨沽一味，每次無論堂食定叫外賣，都係一款😂就係...講埋我杯柚子蜜就話你知😆係一般韓國柚子蜜，但一啲都唔小家，有好大pat柚子蜜！正！野飲跟餐，唔洗加錢。介紹下我既必食，就係沙茶醬撈烏冬！食撈面，最怕啲面索哂啲汁，乾爭爭，而撈烏冬就無呢個問題，每次推介同事食，都話正！今次好貪心，揀左4個食送，有澳門包心卷，沙茶醬魷魚，瑞士雞翼同麻辣豬頸肉。包心卷只係呢度食過，外面無見過！魷魚只係我鍾意食😆雞翼同豬頸肉好入味！

好耐無黎食💞平時迫爆人，假日下午時間無太多人，入黎即刻有位貪心既我次次都叫超多餸春卷、腩肉、雞翼、墨丸、腸仔、米粉再黎多個羅保羅豬扒包簡簡單單講左個豬扒包先，真係大失水準呀！塊豬扒勁dry,乾過我荷包🤦🏼‍♀️超失望「本來今天高高興興的，你為什麼這樣乾」心情跌到谷底汁又不夠，唉食番碗麵算永不失望又必食既一定係雞翼，春卷、腩肉，鹵水咪係入味到唔淨係肉淨直入哂骨，啜下骨都好入味湯底加辣汁簡直無得輸，麵既份量都算多，飽哂，爽番

時間：星期一 1:05pm人數：2<< 食物 >>墨丸 芝士腸 唐生菜 幼麵 + 熱檸水 ($36) (食食下先記得影相)三食送麵，湯上汁上都係 $36。今次叫咗湯上，加洋蔥汁，甜甜地幾好味。墨丸 2粒。芝士腸 2條。唐生菜一小棵。麵份量幾多。男仔都應該夠。喺中環，呢個價錢食得飽，算係咁啦。<< 服務 >>😊 呢排曬，餐廳有提供傘俾排隊嘅食客用。😊 餐廳滿座，門外約8人排緊隊，有等外賣嘅有等堂食嘅。我地前面有2人堂食。我地等咗~8分鐘。(今日算少人)🙁 我地仲飲緊餐飲，老闆娘已經好心急走埋黎收錢，好似趕人走咁。😊 上菜快，只係等咗5分鐘。<< 環境 >>🙁 地方淺窄。我坐咗喺四人枱外面果個位，有幾個員工迫喺吧枱整野，有個員工喺佢地身後窄窄嘅走廊行黎行去，手臂不斷擦到我個頭 @@""" 我要側埋一邊。

這次到來連同兩個日本人用餐，這餐廳在這附近算比算便宜的了，老闆娘很急促，日本的朋友還沒懂得菜單上所說的是什麼，就急著要他們選擇，其實我們當中有人懂得日文，打算幫手翻譯的，但老闆娘不停要他們決定吃什麼般，最後還因溝通不良，給他們一罐可樂，幸好還沒打開，飲品才可以退回。不過這裡的食物是不錯的，有地道風味，可以選擇不同的醬汁味道，麵食也有不同的，我比較喜歡沙嗲味，不辣的比較好，撈麵的方式是比較特別的，多數的車仔麵都是湯麵的嘛，我也很喜歡那杯薄荷朱古力，很少地方有得喝的！這個價錢來說，性格比還不錯的。

係中環行完，想食少少嘢先走，朋友介紹我試呢間澳門平民小店車仔麵，車仔麵有湯麵或撈麵，我中意撈麵多D，要左一個魷魚金菇芥蘭撈麵，味道OK，勝在餸菜麵條醬汁全部可以自選，埋單都係30蚊右左.

經常經過中環威靈頓街，看見一間名叫筷子記，標榜<澳門平民麵食>，地方細細充滿懷舊風色彩的澳門裝修，感覺平民，價錢經濟實惠又特色。這𥚃以撈麵爲主，地道特色澳門包心卷、魚肉腐皮卷、豬大腸和咖哩魚蛋最為出色，配以寬麵或油麵，同時供應十多款撈麵以及澳門才有的特色小吃。自選咖喱魚蛋馬交魚羹加雞翼粗面及朋友自選時菜金菇魷魚配粗面。魚肉壯實，咖哩微辣吸引。自選醬汁味濃略嫌咸些。這裏挺多外國人前來品嚐。在中環區食到特色便宜的餐廳已不多了。

外賣豬扒包，等候廿分鐘仍未到問阿姐，阿姐黑面不理會，另一個阿姐問我做乜，黑面阿姐同佢講"佢等外賣唔洗理佢"，繼續唔理我。要求退款佢叫我報警。職員非常無禮! 忙碌平價唔係大曬，我都有俾錢，外賣不是食客嗎?

行街完之後揀jor 呢間食個下午茶,嗌jor 一個奶占同一個奶醬多,味道正常,不過不失,奶茶就嗌jor 一杯茶走！奶茶唔錯 不會覺得苦. 店內裝修比較特別,而因為人多,所以比較逼

今日約左啲friend 去行下太平山，慢慢行，都行左個零鐘兩個鐘。落返山都開始肚仔餓喇。就是但搵左間餐廳坐低食。真係是但搵。呢間野可以話係無裝修，好聽啲講咪真懷舊style 。間野叫筷子記，一聽落同澳門個地方筷子基有啲似，點知睇下個menu真係食豬仔包同辣魚包個啲野。我個朋友嗌左個豬仔包餐，我嗌左個辣魚包餐，我地兩個互相交換左半個包俾對方，咁兩種包都可以試到。成個餐跟茶，都係廿零蚊，係中環呢個地方來講算好好好平啦。有哏餐熱飲，凍飲汔水加錢。咸檸七解渴又消！正！我打開左個包影俾大家睇，所以睇落有啲核突。左邊係豬扒包，個豬扒呢薄乾身又細塊，劣。右邊辣魚包，沙甸魚有小小辣味。唔腥，俾想像中好食。兩種包都係用甜餐包來夾，個包幾軟淑。我同朋友都一致覺得辣魚包好食，豬仔包就唔值一試。

加班加到九點行到落街心諗九點幾嘅中環仲有啲乜嘢食見到有鋪頭未關價錢又平平地就走左入去食鋪頭啲枱都擺得幾密中午時間黎食應該幾逼見到佢哋牆上面啲剪報好似好多遊客來食咁周圍望張張紙反轉再反轉都係搵唔到價錢問吓個阿姐佢話三十六蚊三餸包野飲中環來講又好似幾抵喎加多一個餸加五蚊左邊嗰杯係羅漢果茶比較特別唔會太甜仲好似有美綠飲三餸車仔麵肥牛 魚肉腐皮卷 香菇魚片扒味道冇乜特別魚肉 沙茶醬魷魚 瑞士雞翼見到其他幾台客都係叫撈麵好似吸引啲

放假食個下午茶，2點後3餸車仔麵加熱飲33元，好抵又好食。叫了2客車仔麵餐。加1客豬扒飽，18元1件豬扒飽，好食。我推薦食。撈。個隻，沙嗲。豉油撈好正。中環地區有咁嘅價錢又有質數嘅食店，真係要支持，店員又好禮貌。

要喺中環諗諗食D平民好味地道野？其實很難。午餐，晚餐$40蚊以下重要包野飲更難。 想慳慳地食車仔麵或撈麵我心目中必定係筷子記 去銅鑼灣食車仔麵唔飲野都唔只呢個價錢呢間真係多年唔加價嘅良心小店我很醜，但其實內心很美～ 美女與野獸係最貼切去形容呢碟餸。美麗的價錢，味道良好，怪獸樣子呢度最一定係撈麵！我最喜歡濃味，黎親一定揀咖喱汁+小小辣嘅沙茶醬 撈麵同抬陌生人點了麵，冇點飲品，阿姐都友善提一句 「送㗎喎！」良心小店絕對值得支持