筷子記

营业中

休息中

澳門既豬扒包出左名好多年，但係我真係唔明白佢既獨特之處到底係邊反而我覺得辣魚包真係好味好多！嚴重被低估！！！係香港連連鎖快餐店都有豬扒包食，但係辣魚包我真係唔知道除左筷子記邊度先有得食！本人有家人係澳門居住，成日都要求佢地上船黎香港前先買一個辣魚包，但係佢地話個包拎到黎香港再送到我手上都已經凍曬，一定唔好食，所以屢次拒絕我既要求ANYWAY講返個包先烘熱既包熱辣辣椒唷，好香麵包味呀我真係好耐無食辣魚包啦！！雖然個包真係好熱，但係都要拉一拉開佢望下個餡先好靚仔呀！我最鐘意既辣魚呀呢個包真係無得講，好香又好味或者好多人無食過辣魚包唔知係咩味，其實辣魚係沙甸魚整碎再加蒜蓉同埋咖哩，係咪想像到個味道係點呢～咪係好味囉！呢個包真係好好食，唯一可以挑剔既係餡唔夠多，如果爆餡就正囉

筷子記是我最愛的茶記之一，因為它車仔麵配料多元化又特別，調味適中，性價比很高，簡直是中環食店清泉！！！而我每次必點就是沙爹汁或咖喱撈粗麵，加蕃茄仔，辣蛋或腐角，咖喱蘿蔔。醬汁非常濃郁惹味，而我最喜歡的配料便是辣蛋，它是包了沙嗲汁的蛋角，香口好味，蘿蔔炆得入味和軟身，也是必點配料！最後，因為太喜歡辣蛋，再點了個辣蛋包。好像吃太多(掩面)

中環有好幾間出名的港式食店，筷子記就是其中一間家人嚐過招牌澳門平民車仔麵，定價份量。這天忙碌一番後身軀疲憊，寧願速速解決晚餐也不想捱著餓回家。店內格局狹小，唯保留著六、七十年代的裝潢，牆上貼了報刊雜誌的餐廳介紹。我們到達店鋪時，儘管已經是晚上八時半，沒有中午時段的座無虛席和長長的人龍，但依然是下午茶時段。 我點的三拼麵是小辣湯米線。由於不想晚上吃太油膩，撈麵便留待下回。有幾款配菜也是具澳門特色的，其中一款就選了配澳門包心卷，以魚肉包豬肉，其餘我就挑了咖哩魚蛋和冬菇，另外熱飲檸檬水再加三元（$ 37）。六粒魚蛋爽口有嚼勁，辣度十足，令原本比想像中辣的小辣湯底更濃。包心卷跟魚肉腸味道相似但比較天然。米線份量軟硬適中。冬菇也燜得夠軟和入味。口中麻辣由開始吃麵到吃完仍揮之不去，心中很需要杯冷甜飲。筷子記的車仔麵不算是很驚豔，但以中環區地段來說，可作為便宜又帶點特色的一餐。

路過中環每次都會忍不住來筷子記吃東西，吃過一次就上癮了 喺中環來講佢係算好平好平好平，所以因為咁成日都好多人迫爆晒間餐廳。本人好喜歡吃車仔麵 這個價廉物美又抵食，他們有湯麵或者撈麵，不過我每一次都吃湯麵🍜覺得湯麵都係最正的 他們家的辣魚蛋是十分入味，好辣！麻辣豬頸肉也OK，不過有啲乾身，硬硬地，他們家的自製既麻辣辣椒🌶️醬超級麻辣，值得一試！次次都食到流晒鼻涕，哈哈哈😄不過就成日都好多人，好迫，要遷就一下

喺中環周圍行見到呢間舖頭門面比較懷舊同有特色所以就入咗去39蚊一碟撈麵再加杯嘢飲分量夠大算係抵食不過味道真係好一般般叫咗個沙嗲撈麵三款餸就揀咗澳門包心捲，沙茶醬魷魚同埋澳門魚片頭個麵黎到賣相唔係好吸引 而味道都真係唔係好吸引 啲麵有啲林淋二而個沙嗲醬就太稀 撈完之後都好似好水咁 過個澳門包心卷嘅味道似係打邊爐材料嘅味道 唔係太好味魷魚同魚片頭都只係正正常常嘅味道冇乜特別整體嚟講係below average回頭指數係零

早早黎到，無乜人叫左麻辣豬頸肉，脆皮芝士腸，沙茶魷魚撈粗麵，要沙嗲汁豬頸肉份量都算多，不過我嫌佢乾身左D,都有少少麻辣味既魷魚好淋易咬的，芝士腸正常味沙嗲汁唔辣的上網講到甘好味，一黎食完，我覺得味道無話特別好食，無一種食完好回味既感覺，只係好普通的一個撈麵不過中環黎講，簡簡單單食個三送撈麵加杯野食都係$39,填飽個肚都好既如果特登排隊黎食就唔太值了

一直都知道勝香園既茄牛通係十分出名，但位置有d唔方便，所以一直都無去食。而係中環既筷子記一樣咁多人講，雖然都要等但就比勝香園等既時間短好多。今日難得成班同事都咁有興致，就去左食la.唔知係咪我地早得濟，中午11點幾就到左，唔洗等就入得，如果唔係大熱天時等都幾辛苦下。宜家佢樓上都有得食，位置多左，唔洗點等。雖然樓上坐係用外賣盒裝，但無乜所謂啦。雞翼肥牛魚肉米線沙茶汁小辣。真係唸返都流口水呀！連凍飲都係39蚊咋！正

揾食途中，見到個名幾得意，筷子記。個名都好澳門下，睇餐牌此餐廳提供澳門美食同車仔麵。價錢以中環地段來講又不算貴，就試一試好難唔好食嘅車仔麵啦。未食先興奮，下午茶時間2:00-10:00？張點車仔麵的餐單都幾搞笑，叫左個青春（蔥？）魚肉腐皮卷、咖哩豬皮羅白（蘿蔔）、沙茶醬魷魚加粗麵，另叫特飲熱羅漢果茶。＊青春look，其實咪就係一條炸春卷。蘿蔔夠甜加腍，豬皮亦入味，魷魚爽加沙茶醬味濃，青春好普通，整體車仔麵多料而味道唔錯，但個羅漢果茶太甜。結賬：$37 有點奇怪，個牌寫$33，加特飲$3，點解收多一蚊？原來姐姐講麵要加$1。

門面係非常舊式的小店，環境極窄，絕對唔好坐，仲要好大機會，店員係會催你走。點餐係自助形式，一定要圈好哂先好比店員阿姐，否則佢地係會丙你一獲的。食物方面主打係車仔麵，撈車仔麵響香港實在買少見少， 筷子記既醬幾惹味， 配料特別，除左有一般魚蛋、羅白之類， 仲有沙茶醬魷魚既魚腐等等。但係我真係唔鐘意佢個撈麵，個麵好濕，痴住哂個嘴咁，口感有D核突。36蚊三餸車仔麵係平，但服務真係九流：食個麵食到一半，店員阿姐已經催住你「食快少少啊，出面有人等緊」，而我自問食野係快的，平生第一次比人催食快D就係呢度！咁嘅服務，仲要等位，又唔係好食，真係唔會再黎。

呢間野簡唔中會幫襯，估唔到服務咁「好」，一定要分享！食完野，漏低咗部手機，返轉頭好彩哥仔幫我執起咗！但收銀要我「打賞」全店店員，佢既「行為」已即獲負評！俾咗$100收佢皮兼大大聲講，希望其他店員聽到，以免收銀私吞！

抬頭望雨絲，夜半翻openrice，食家筆跡轉處，談論昨日往事，如何讓你知，食得開心真寫意，最寂寞夜深人靜陪念掛時.....唔洗念掛啦!直情走去食咪得囉!我帶著情義，一絲絲悽愴，來到筷子記，大家可能心諗，食碗粉啫洗感慨!錯!哩碗粉，唔係普通嘅粉，而係.....想當年，做𡃁時，都十年前，係中環打等，堪稱中環古惑仔，周圍R撈，同大佬並肩作戰，日日筷子記，有日，心血來潮問大佬:點解要撈粉?大佬:R撈，得左，就要撈得起。嘩!大佬!實在太感動喇!太有寓意喇!太好喇!於是每日如是，九唔搭八之中又好似知佢講乜，或且哩種就係叫默契，之後跟佢，齊齊做粉人，直至轉左工。今日再食，唔食粉食米線，唔係因為做線人，純粹口味轉左，始終要成長。環境:一字記之曰小。下午茶餐三餸，$33，瑞士雞翼、豬大腸、馬交魚羹+米線。沙茶醬撈米線，大量沙茶醬，米線滑，每一啖都食到豐富沙茶醬，個沙茶醬好香，少辣，少鹹、少甜，隱匿有花生及鮮味夾雜，好美味呀!瑞士雞翼，我鍾意食，滷水入味夠甜咬落鬆化，正!條蕩氣迴腸嘅豬大腸， 口感蔫韌，滷水入味夠甜，讚!馬交魚羹，一野啪落食，鮮爽，掂!凍咖啡，踉餐+$3，茶記味道，香濃味!回味+食記又砌

朋友係中環番工 介紹我如果黎中環行街 一定要黎食下呢間 平靚正 既中環打工仔車仔麵。 見我朋友成日推介,今日我就特登黎中環同佢一齊食下午茶。 我嗌左沙茶醬撈粗 配料：澳門包心卷 —> 好有新意 值得一試沙茶醬魷魚—> 魷魚我的最愛 所以點都要嗌 哈路環香腐角 (豆腐)—> 個人認為冇咩特別佢地整既凍鴛鴦 都係好好飲 好有港式風味不過其實真係幾好食 同埋佢好多配料都好吸引 普通車仔麵檔好少好似佢咁有特色。真係恨不得一次過叫哂黎試 所以我係絕對會再黎食架 ，因為我要試埋佢既豬扒包 咖哩魚蛋 等等等等 。 好後悔冇嗌埋豬扒包 啊 好想食呀宜家 附上一張豬扒包先

一直都想食筷子記好耐喇 又唔會專登去澳門都食平時返工中環個邊又咁多人撞岩假日去大館既時候 終於都可以一嘗筷子記係地鐵站行過黎要5-10分鐘到唔知係咪weekend既關係雖然店內人頭踴踴 但係都叫做係5分鐘到就可以入到去我地坐到最入 環境有小小逼唔緊要 我地黎係食野 唔係坐係到歎 我係絕對係唔會受佢既環境而有所影響坐定左之後 望下個MENU (其實主要係車仔面既紙仔)我地2個人就每人簡左3款唔同既車仔菜當中 我覺得必食既有:1. 馬交魚肉2. 澳門包心卷3. 沙茶魷魚4. 澳門魚腐依4款係比較特別 同埋出面都好難食到D車仔菜就絕對絕對夠晒好食 特別係佢指明寫澳門既野食點都一定要叫依幾款 唔食就等於冇食過筷子記!*留意返 佢既湯底都幾spicy下 食唔到既記住講返少or 走spicy野飲方面 我地諗住試下佢d 特飲下圖紅色既就係 fruit punch其實叫左之後都有小小後悔黎得筷子記 點會叫雜果賓治呢結果黎到既時候 就好似圖入面咁紅色一杯 好似飲糖水食生果咁完全係好一般 建議大家飲野既可以簡返其他普通既飲品最後 我地仲叫左個澳門豬扒包 黎做結尾冇記錯佢個包唔貴 好似$18左右佢係即叫即整

還記得第一次食呢間車仔麵，是壓力下的外賣，只想快食完，快工作完，快d完。.到今日weekend第二次食，輕輕鬆鬆，真好。到店前，覺得招牌的設計和小燈泡都有點可愛。哈。.車仔麵的選擇很多，餸，麵，湯定撈，醬汁，辣唔辣，蒜唔蒜，以至上碟既方式，都由你決定。以下係我今次既選擇：一。冬菇 - 每次車仔麵必選，入味。二。唐生菜 - 純粹懶健康。三。青春魚肉腐皮卷 - 個名幾頂癮，感覺上係調左味既南記春卷。四。脆皮芝士腸。五。米線 - 不會吸湯，食好耐都唔會變大碗。六。沙茶+沙嗲 - 剛好，味道很搭，沙茶沒有很辣。七。湯上。PS. 重口味人表示，醬汁是可以多選混搭的。加左辣黎講，上面都只有很薄的一層油，整體並不油膩。.HAHAHA,, 報告完畢。只能說，是少數高分不求其的平民車仔麵，值得一試。

我都幾鍾意食車仔麵，見到有咁多餸揀就好開心。已經聽過好多朋友推薦呢間車仔麵，見經過又冇咩人等位就入去試下。入面唔係好大，好有舊式茶餐廳感覺。入正題，其實都幾抵食33蚊有3個餸又包野飲，價錢黎講的確唔錯。我就叫左咖喱辣魚蛋、青春魚肉腐皮卷（比個名吸引左)同埋沙茶醬魷魚，配幼麵、沙嗲汁，我係揀左撈麵。先講魚蛋，都幾彈牙唔會好淋，但就唔係好辣同埋冇咩咖喱味；魷魚都唔錯，一咬就咬得開，同個汁都幾夾，可惜個腐皮卷就麻麻，炸得太耐，有啲乾，唔太符合個名。而麵底都可以，撈個汁就啱啱好，唔會太多/太少。同行朋友叫左湯麵就話味道略淡，但總體黎講都唔算太差。以33蚊黎講性價比算係不錯，仲要係中環黎講。PS：雖然個麵望落去唔太多，但食完呢餐之後我到晚餐都未覺得肚餓😂😂😂都幾抵