等等HEA

营业中

休息中

已經超耐無去台灣，見到「等等HEA」有台式放題就好想去試下😍.飯麵🍜小碗手工滷肉飯、萬華街小碗蚵仔滷肉飯🍚滷肉偏瘦，醬汁香濃帶甜😋台式川辣紅燒牛肉刀削麵🐮牛肉入味嫩滑👍🏻仲有蘿蔔🥕阿等麵線🍜麵線爽滑，裏面有好多豬大腸🐷.香菜芫茜系列🌿香菜香菜香菜鹽酥雞🐔香菜香菜芫茜基隆蛋餅🍳餅皮包住芫荽醬同芫荽，啖啖濃郁芫荽🤤.小食🥢臺式芝士流心蛋餅🧀蛋味相對突出🥚帶少少芝士味，但口感比較厚🥺等等蚵仔煎蛋🦪點埋酸甜醬汁好開胃😙大腸包小腸🍴將烤好的香腸包進糯米腸，再夾上酸菜、生蒜片🧄煙韌滋味🤪另外叫咗基隆市甜不辣同麻辣鴨血🌶🦆.芋圓仙草豆腐花、椰奶芋圓仙草🥣196芋圓每粒人手製作🧑🏻‍🍳芋圓大粒煙軔😌咬到有少少餡，配上椰奶紅豆、仙草豆腐花🥥軟滑豐富.飲品🥤奶蓋四季春同蜜芋鮮奶相對普通🥺芒果綠茶同水蜜桃紅茶就幾好飲🥭🍑茶濃得尼唔會遮晒果味

前日趁住阿媽放假，就同佢嚟到九龍城呢邊搵好嘢食～對上一次去旅行已經係一年半前去台灣，好掛住台灣菜，所以就揀咗呢間台灣餐廳～餐廳而家做緊任食台灣菜嘅放題！一個人只需要$200到就可以食盡唔同嘅台灣小食，主食，甜品🍮飲品等等～幾抵食！蛋餅台灣出名嘅有唔同款式嘅蛋餅🥞有芝士流心蛋餅，香草芫荽蛋餅同埋三星蔥餅～幾鍾意香草芫荽蛋餅，表面有甜甜嘅醬汁，夾心餡係有好多芫荽蔥，好適合芫荽控！三星蔥餅都好好味😋油酥皮鹹鹹地幾正～古早味烤魚放題再每人加$18就有一大條烤魚！仲可以無限添加，一條已經好夠食，古早味係酸菜魚，仲有蕃茄味或者麻辣味，因為我唔食得辣，酸菜魚酸酸地，有好多酸菜，芽菜，木耳等等嘅配菜～擺喺蒸爐上邊蒸熱，有好多魚肉，而且唔會覺得腥，調味幾香，感覺食極都食唔完😂因為真係好多肉，原價要$248一條，放題超抵食！飲品類叫咗四種飲品，蜜芋奶有幾香嘅芋頭味，甜甜地，唔錯～仲有古早味冬瓜茶，飲得到地道嘅冬瓜茶味道，仲有水蜜桃梳打，幾香蜜桃味🍑甜甜地，仲有奶蓋可可，超級多奶蓋，朱古力味🍫幾香濃163椰汁仙草手工芋圓芋圓大大粒，有兩種唔同嘅味道，食落好彈牙，煙煙韌韌，幾有嚼口！仙草大大嚿，仲有好香嘅椰奶

因為屯馬開通真的很興奮～去咗九龍城睇吓有咩好食😋試咗呢一間嘅晚市套餐，$260兩個人食，有一個小菜兩個餸兩個麵（可以加錢要滷肉飯）同埋兩杯嘢飲。價錢方面台灣野來講算係中等，份量都算幾多，兩個人食就好夠飽。不過我覺得佢嘅雞翼完全唔入味，另外小菜就有啲鹹，三杯雞都冇我想像中咁香。佢哋係需要收+1服務費，但我覺得冇乜服務可言😆如果下次去食應該要試任食同埋芫荽嘅系列，晚市套餐就唔使專登去食～

最近屯馬綫的宋皇臺站開通了，到九龍城覓食就更方面。新派台式餐廳【等等HEA】最近推出了「台式經典美食放題」，百多元就可吃盡40款台灣道地小食，飯麵小菜、飲品甜品，就和朋友來試試。放題限時2小時，除了大量台式美食，亮點是「沒有香菜東西怎麼會好吃系列」，提供7款由芫荽醬特製的食品。加$18 還可任食3款口味鐵盤烤魚，CP值超高。朋友是芫荽控，見到點餐紙上有香菜鹽酥雞、香菜基隆蛋餅、香菜吐司、爆茜茜雞排、臺式鴨血拌香菜手工麵、芋香香菜茜鮮奶、台式綠茶香菜芋圓，雙眼發亮。"香菜香菜芫荽基隆蛋餅" 即叫即做，酥軟的蛋餅皮包裹著芫荽醬及糖心煎蛋，吃下口感豐盈，濃郁芫荽味充斥整個口腔。餅皮上繞上微鹹的醬油膏，更添層次感。"台式鴨血拌香菜茜茜手工麵" 滷水鴨血入味，口感煙韌彈牙。手工麵線拌勻秘製芫荽醬，麵面舖滿大量新鮮翠綠芫荽碎，輕輕一凑荽香撲鼻，味濃而食感清新。"大腸包小腸"以烤過的糯米腸包裹Ｑ彈多汁的台式香腸，口感獨特。夾上生大蒜及台式酸菜，味道濃重卻又不會掩過各種食材之味道。蘸些阿宗辣椒醬同吃，辛香醒胃。甜品點了"椰奶芋圓仙草"，芋圓選用人氣芋圓網店196之出品，三色芋圓芋頭、地瓜及紫薯三款口味

我一進入「等等HEA」光顧享用台灣菜期間，無意中發現「等等HEA」有專門為「芫茜」食品而推出的「芫茜」限定食品餐牌價目表，當中恰巧又有「芫茜」類炸雞食品，成為我星期五晚餐裡面的「雞肉」食品餐廳之選。結果我在「等等HEA」的侍應面前，總共點了一杯「水蜜桃紅茶」飲品，一客「香菜香菜香菜台式蛋餅」，還有一客「香菜香菜香菜鹽酥雞」。我選擇為「水蜜桃紅茶」飲品減冰塊，所以即使「水蜜桃紅茶」飲品的實際甜味程度不算非常濃厚，但是還算是剛剛好喝到基本的「蜜桃」甜味跟「紅茶」濃度而已。相對「水蜜桃紅茶」飲品裡面中等程度甜味而言，「等等HEA」「香菜香菜芫茜蛋餅」裡面的「芫茜」餡料有一股非常強大的氣味，幸好我自問試食完「芫茜蛋餅」，覺得還接受到「芫茜」裡面的氣味。另一方面，或許是因為我頗為喜歡「芫茜蛋餅」實際製成品裡面的「雞蛋」甜味，所以即使個人不是非常喜歡「芫茜」裡面的氣味，個人仍然能夠很快食完「等等HEA」整份的「芫茜蛋餅」。至於「等等HEA」另一款加入大量「芫茜」的台式炸雞扒食品「爆茜香菜香菜雞排」，單是台式炸雞排的表面，就已經被餐廳廚房鋪上大量「芫茜」。至於「爆茜香菜香菜雞排」裡面的雞肉，原來也都

呢餐台式經典美食放題絕對可以頂一頂條台灣夜市癮😍食物和飲品各多達四十款，更有芋圓作甜品😋，真的誠意十足，食到幸福滿滿🥰 🌟 黑松露黃金花枝丸外皮炸到金黃色，好香脆惹味，內裡花枝足料🌟台式烤香腸有紅色同黑色腸，2款烤得好脆皮同味道香濃🌟傳統手工滷肉配時菜滷肉肥瘦均勻，油脂甘香，口感軟腍，味道咸咸地又濃味，好適合配烚菜🌟三杯雞超香勁惹味，雞肉又嫩滑😋🌟蒜香麻辣豬耳麻辣小辣，又香又惹味🌟芝士奶蓋 珍珠飲品類別中的芝士奶蓋打得好香 質地濃厚珍珠都好煙韌，口感十足 可惜的是台式芝士流心蛋餅的蛋餅有點乾和硬，芝士沒有流心也沒有拉絲🥲；鹽酥大大雞扒的炸粉過厚實，不過雞扒本身好嫩滑👍🏻

我第一次寫食評就比左佢地里間店！！！一個字，差🙀👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻所有order 不停漏單，叫左十樣野。永遠得一樣或要客人乾等長時間，嘢食又唔係特別好食又冇台灣味，要乜冇乜，重要不停要客人吹單。D大媽一係話八點個場好full ,一係話做緊拉等下。八點開飯，叫咗三輪嘅食物，十成只嚟嗰三成食物上枱，食到一肚火，之後啲單全部重複晒，都仲未飽。成9:30先來第一張單嘅嘢食，之後仲不停亂比D奇怪嘢食上檯，大部分都係我哋冇點過，濫竽充數!仲有個大媽之後叫我哋再重點，到我哋重新點嘢食嘅時候，要乜冇乜，想食雞翼冇雞翼，想食魚羹冇魚羹，全部想食嘅嘢乜都冇晒，食黎食去得果幾樣嘅嘢，走單走到離晒譜，影真搵笨！！在場的客人應該也有我們相同的感受！因為我見到我前面一台的客人也是不停催促店員上菜，他們的菜很耐也沒有來，佢哋都有啲嬲喎！以上全部係真相！！十分過分！今次係慘痛的經歷，嚴重反對大家光顧這間地獄食店

好耐冇去台灣心掛掛台灣地道美食添，這間位於九龍城的台式料理《等等HEA》就啱晒我了😛兩小時台式小食放題，有超過40款道地台灣食品😍蚵仔煎蛋，整得好有台灣夜市風味喔！大腸包小腸，大腸是用糯米做的，煙煙韌韌幾特別芝士流心蛋餅，so cheese 好好味麻辣雞翼，麻辣味好香，又唔會太辣👍🏻三杯雞台式麵線各款台式飲品、甜品更可無限任添芋圓仙草豆腐花唔會太甜又幾好味😋另外想特別推介+$18就可無限追加烤魚，有蕃茄味、麻辣味和古早味（酸菜），我選的麻辣味烤魚，整得好入味又香口，麻辣味十足，而且還有很多配料有雲耳、芽菜、酸菜、芫荽等等，好足料！大大條烤魚，非常抵食😋！其中一個卡位的牆上，更寫了「你等的人，等你的人都是懂你的那一個❤️」的燈箱，很有意思呢！原本想試下這裏的魔王級芫荽放題系列，可惜叫了幾次都沒有來到，唯有下一次再來試啦！

自從開咗屯馬線，去九龍城真係方便好多！ 放工去咗bookmark好耐嘅等等hea 食放題，我哋網上訂位$168 一位，而餐牌上絕大部份小食、主食、甜品、飲品都已經包括，cp值真係超高！難怪現場見到好多男士黎食！飲品普遍都唔錯，唔會太甜，好似黑糖仙草奶茶嘅茶底幾香醇！另外檸檬冬瓜茶亦好清新！ 冷泡茶消暑解膩，每人限取一支。小食選擇好多，黑松露黃金花枝丸好食到encore, 花枝丸彈牙，炸到好香脆，而且黑松露醬好香濃！另外台式烤香腸亦是必點，紅黑香腸皮脆肉鮮，食到一啖接一啖！鹽酥雞調味亦剛剛好，夠惹味香口！而芝士蛋餅就麻麻地，個皮太厚，餡料太少，有進步空間。蚵仔煎味道正常，蔥油餅大大塊夠油酥鬆化，好有台式風味！三杯雞份量慷慨，但調味稍鹹。我哋仲叫左大腸包小腸，真係好耐無食過，好有夜市嘅回憶！糯米腸外皮脆卜卜，香腸夠厚夠脆，口感真係好正！除左榨菜蒜頭，仲要配埋阿宗辣椒醬，辣度有層次，好過癮好夾！而主食就叫左蚵仔滷肉飯，蚵仔滑溜溜又飽滿肥美，加上甜甜哋嘅滷肉醬，好送飯！仲有久違嘅大腸麵線，同樣配上阿宗辣椒醬，味道即時更提鮮，雖然無台灣食到嘅湯頭咁鮮甜，但麵線嘅味道係唔錯嘅！放題仲可以每位加$1

本人對台灣野食情有獨鍾，尤其無得去旅行，台灣夜市小食完全係我杯茶止住癮先呀所以一知道九龍城有間台灣放題二話不說要即刻book位～等等hea全新台式經典美食放題唔單止有小食揀，仲有飯麵、甜品、小菜，種類都算豐富～超過有40款揀，如果係togetda訂仲有優惠大腸包小腸 - 估唔到保留到台灣正宗個種風味，有蒜片正呀，仲有連埋阿宗辣椒醬上檯，好有 heart小碗蚵仔滷肉飯 - 其實一啲都唔小碗，啲蠔大大粒好飽滿，飯用珍珠米，滷肉夠入味，如果唔係想試多啲野想嗌多碗阿等麵線 - 原來𥚃面有好多大腸㗎，味道夠濃郁，都不錯麻辣豬耳 - 唔太食到辣嘅我都覺得ok，好惹味，一開始做開胃菜啱哂溏心蛋 - 賣相已經好靚，做到半熟流心，仲要個汁浸得入味，無得輸台式烤香腸/黑松露黃金花枝丸 - 墨魚腸個隻好好食，花枝丸黑松露味超勁，入口彈牙，露可encore魔王級芫茜放題芫荽蛋餅 - 最等別嘅係呢間餐廳有大量芫茜料理，叫沒有香菜 東西怎麼會好吃系列，雖然我唔係芫茜控，但都忍唔到嗌左樣試😆入面係大量芫茜醬，如果唔鍾意青草味嘅就未必啱食，但我覺得呢個組合都幾新鮮甜不辣 - 食到呢到都好飽，甜不辣係炸得外脆內軟，不過

泰式餐館林立的九龍城出現了一間文青台菜小店，店名完全走網紅路線，內店裝潢不乏一些似是而非的網絡心靈雞湯金句。但在急速的香港地，我們還有hea的空間？寸金尺土店面，枱面偏細小，枱與枱之間的通道能省就省。當晚和友人兩個對坐在細小的二人位，我們買了$268烤魚套餐，包括：1份烤魚、2碗麵/飯、2杯台式飲品和1碗手工芋㘣。爐頭一方，桌面已經完全沒有空間放其他東西。魚其實不算特別大，大概是男生手掌大小，有麻辣/番茄/ 古早酸菜味等3種味可選。我們選了麻辣味，湯汁上漂浮著紅彤彤的辣椒油，魚身上還塗了些類似桂林辣椒醬的醬料，味道咸辣咸辣的，配有荳泡和極少量荳芽等配菜。一開始吃，味道還算可以，魚預先炸過，外焦內嫩，只是味道欠缺了一些層次和香味，但吃到後面，可能因為沒有添加其他配料，越吃越咸，到後來竟咸到難以下箸。跟餐的主食，牛肉刀削麵是免費的，另外加了$10把飯換成蚵仔滷肉飯。蚵仔看上去看正，小小的但很肥美，吃上去也確實新鮮，但醬汁很甜，感覺不是很搭。牛肉麵很讚，湯頭藥材味適中，清清的喝著很舒服。牛肉軟腍，好吃。另外一樣很好吃的是網紅芋圓，有芋圓、蕃薯圓、鮮草、寒天和蜜紅豆。芋圓軟硬剛剛好，蕃

等等HEA推出咗晚市台式經典美食放題，仲有魔王級芫茜放題——沒有香菜 東西怎麼會好吃系列！有超過40款台灣道地小食，平日晚市只係每位$221，好抵食呀！難怪全場爆滿，建議大家必須訂位呀！麻辣味烤魚 每位加$18魚皮香脆，魚肉挺身，麻辣味岩岩好，好惹味！其他台灣道地小食及飲品都好正！而且上菜速度夠快，食到捧住個肚返屋企呀，性價比高！

好耐冇得去旅行，好耐冇食過日本嘢同台灣嘢，所以唯有喺香港搵地道嘅日本菜同台灣菜。日本菜就唔難搵，但係台灣野喺香港就好少有。朋友介紹，呢度有間專食台灣菜嘅餐廳，而且最近仲做緊放題，咁就一於黎試吓啦。七點幾八點去到，舖頭已經坐滿人，如果去食嘅話要早啲或者要訂位啊。裏面嘅裝修好適合打卡，有唔少霓虹燈嘅招牌同埋鏡，好啱女仔去啊。佢嘅放題好似平時日本放題咁，有好多張唔同嘅紙仔自己畫，非常方便。佢嘅小食細細碟，可以叫好多唔同類型嘅嚟試。我就非常推介呢個鴨血，因為平時買啲台灣鴨血都要60幾蚊先得幾舊，呢度就可以任食啦。同埋呢度最近出咗芫荽系列，有成七至八款芫荽嘅嘢食同埋甜品可以揀，鍾意芫荽嘅就一定要來試啦。我自己就試咗呢個鴨血芫荽拌麵，好重芫荽味之餘面頭都好多芫荽，真係岩哂芫荽控。佢嘅冷泡茶都係好值得試，因為佢係一大支，平時買都要10幾蚊支，而且佢好夠濃，食飽最啱消滯，又可以再食過啦。呢度嘅鹽酥雞，台灣香腸，滷肉飯，牛肉麵全部都好好食，最特別想介紹嘅係三杯雞，仲好食過台灣食添。

九龍城都有高質台式嘢食。最近開始想念台灣的美食，剛好朋友約左九龍城食飯，就黎呢間食啦。環境方面，呢間台式店走文青格調，好適合打卡。食物方面 $221/人🌟食物方面有好多選擇，仲有芫西料理，今次有朋友唔食所以冇叫到，下次要再試試✨🌟無限追加 +$18 就有兩條大大條烤魚，我地揀左番茄烤魚，魚都好正，冇土味冇腥味，肉質鮮美，加上好多番茄同埋芽菜等配菜， 超級抵！🌟等等三杯雞 唔會鞋，醃得剛剛好，好香口🌟甜不辣，燒雞泡魚乾，鹽酥雞，黑松露花枝都好正，其實一份都好多，我地已經好飽😍整體上野食都好唔錯呢！仲有嘢飲都可以無限添加，正呀，食完可以飲下冷泡茶有助消化😍

等等Hea有晚市台式放題，閒日晚市只係每位$221，就可以嘆䀆各式各樣嘅台灣美食，實惠得嚟仲幾好味添，難怪座無虛席！上菜速度都幾快，落單後約5分鐘，啲食物就陸陸續續出來了！芝士奶蓋系列平時出面賣$40杯嘅芝士奶蓋茶，喺等等Hea係任飲任叫架！奶蓋四季春，茶清香而奶蓋濃郁，正都真係要飲返兩三杯！冷泡茶系列限量供應的冷泡茶，食咁多台式炸物，飲返支冷泡茶清新一下口腔，又可以回復戰鬥力！小食系列等等三杯雞 - 又香又滋味！台式烤香腸 - 除咗有傳統口味，仲有黑腸，口味帶甜，唔錯架！黑松靈黃金花枝丸 - 超彈牙 ＋ 鮮味，必點！燒雞泡魚乾 - 極香口惹味又唔飽肚，可以瘋狂Encore！士林鹽酥雞、鹽酥大大雞扒 - 炸到香脆可口！麻辣雞翼 - 口味好刺激！手工滷肉飯 - 滋味無窮，啲肥肉溶肥晒，香口得黎仲唔覺膩！麻辣味烤魚 每位加$18連埋Gas爐一齊上，麻辣口味夠晒刺激，魚肉挺身帶甜！咁大條烤魚都只係加$18， 基本上食一條已經回本，食到兩條係大賺！