第五街冰室 (西洋菜南街) (已結業)

呢間旺角第五街冰室 裝修走工業風，座位寬敞，播住流行歌。今次真係選擇困難症發作，。中菜小炒、碟頭飯、西餐、常餐、懷舊冰室三文治小食全部有齊！連即炸BB鴿都有得叫。$38/隻，$70/2隻大部分餐已包含熱飲及湯。叫了3款食物剛好試勻忌廉湯、羅宋湯及例湯。 西湯屬正常水平，但個老火例湯好好飲，好香果皮又清甜，真材實料。奶油多士$20 好耐好耐無食過，好滿足！煙三文魚沙律頭盤紐西蘭西冷牛扒 意粉$128 （配煙三文魚沙律、湯、熱飲） 西冷煎得剛好，色澤粉嫩有油香，仲好厚身！海南雞飯 （連湯、油菜、油飯）$65油飯做得好好，軟硬適中,雞份量都不錯。魚香茄子斑腩煲配湯、白飯、熱飲$88整煲色澤鮮明吸引，斑腩唔會好厚粉果種，順帶一提呢度個老火例湯好好飲，好香果皮又清甜，真材實料～ 價錢親民、款式超多，食物算有水準，誠意推介！

和朋友需要一同前往旺角， 餐廳位於旺角與太子之間，距離鄰近地鐵站，路程需要五分鐘左右，還算方便快捷。餐廳主打的食物，當然就是港式食品， 而我最欣賞的食物 就是他性價比極高的 生炸雞髀， 果然和網路上的朋友推薦一樣， 分量極多， 雞髀有如面那麼大，看到這樣已經十分震撼。 味道方面 ，也適合香港人口味， 不太油膩也不太鹹， 還帶點淡淡的冰鮮雞的感覺， 但最有趣的就是完全沒有冰鮮的味道， 但又不像 新鮮雞， 加上炸到外脆 內裏肉汁鮮嫩， 更是一絕， 絕對是一個令我意想不到充滿驚喜。

我最喜歡上港式冰室，懷舊風味的擺設，加上經典吸引小食 ， 尋回兒時的味道，令人再三回味 ， 餐廳裝修簡潔明亮。德國咸豬手配燒汁$138粉葛中餐湯， 真材實料， 清熱去濕， 有益又健康。德國咸豬手份量十足， 切片的豬手， 上枱時， 香氣四溢， 豬手皮充滿骨膠原，皮下的薄薄脂肪，咬下去油脂豐盛， 肉質肥厚，沾上燒汁，甘香惹味， 仲有熱燙燙的薯角伴碟，軟糯無比， 沾上茄汁，越吃越過癮。海南雞飯$65帶骨海南雞， 黃色的雞皮， 油光亮麗、彈牙緊緻， 雞肉嫩滑，沾上兩款秘製醬汁， 帶出雞的鮮味，金黃色的油飯， 香軟可口，仲帶啖啖雞油香， 不消一會， 已經吃完整碗油飯。大蝦沙律千島醬$90大蝦味道鮮而且彈牙，伴上鮮甜紅、黃椒及爽脆沙律菜， 十分健康飽肚， 配上千島醬汁 汁，清新惹味， 令人胃口大開。第五街三文治$45三文治表面焗至微脆，夾著豐富材料，炒滑蛋、生菜、雞扒、豬扒及蕃茄， 賣相吸引 ，配上惹味開胃沙律醬汁，大啖咬下去， 沙律醬汁從口中瀉下來， 風味迷人， 雞肉和豬扒軟稔，加上清新蕃茄和嫩滑炒蛋，豐富和滋味。一口西多$36 一口size 的西多， 上枱時，香噴噴 ，把糖漿塗在熱呼呼的西多士

限聚令嘅關係，同朋友早啲去食晚餐。去到太子見到呢間第五街冰室，餐牌好多選擇，有鋸扒🥩意粉🍝中式小菜🥬...飲品都有好多款 最後揀咗兩份Set Dinner頭盤係煙三文魚沙律 🥗 x2新鮮沙律菜配上煙三文魚，煙三文魚嫩滑美味，正 紐西蘭西冷牛扒意粉 🥩 $128成吋厚嘅紐西蘭西冷牛扒，肉質嫩滑相當唔錯，夠哂juicy，仲有香脆薯角🥔 + 西蘭花🥦做配菜，仲配埋一大碟意粉，份量勁多，好豐富 忌廉大蝦海鮮燴意粉 🦐 $78勁大隻大蝦，蝦肉爽脆；海鮮配料勁多，魷魚🦑蟹柳、鳴門卷🍥洋蔥🧅；每一口意粉都食到香濃嘅忌廉汁同芝士🧀意粉食落煙煙韌韌，好味道 餐湯🥣就配 羅宋湯 及 忌廉湯，其實仲可以揀是日明火例湯 跟餐飲 🍹凍奶茶 + $3 及 熱柑桔蜜 + $3 揀咗個小菜 (可配飯 / 意粉)上湯魚腐浸勝瓜 🥒 $68 (不配飯)鮮味濃郁上湯，配魚腐 + 爽口勝瓜 另外點多一隻BB乳鴿 🕊 $38即叫即炸，皮炸到勁香脆，熱辣辣，肉質嫩滑 第五街冰室 (旺角)旺角西洋菜南街194號地舖

太子旺角區這一年大洗牌 原先熟悉既食肆都轉手/轉型，今日行完波鞋街，係附近搵食，見到呢間靚裝茶記。餐廳感覺是新開了一陣子，裝修好新淨，坐位都算寛敞，小菜價錢由$80左右起跳。小菜跟餐有飲品+例湯送，例湯可以擇中/西湯。.▪️黑椒茄子牛仔骨$95最中意係出面食茄子🍆炸完後夠紫色 咬落口唔會食淋 係外脆內淋 .▪️西蘭花炒青斑片$98斑片肉質爽口彈牙 亦有薑片磨菇😬幾中意個蒜蓉炒得好香 帶到西蘭花好蒜味 .▪️黃金鮮魷魚$98充滿咸蛋香 炸粉夠薄 魷魚份量也不少 👍🏻 重口味既必點.▪️馬拉盞炒時蔬$60呢個價錢幾平 仲有白菜仔 菜心 西蘭花 有獲氣既炒菜特別好食d 😏 . 以茶記黎講價錢ok 夠獲氣 位置直成好方便😁

今日放假到旺角剪頭髮, 完成後會合剛收工既老公, 原本PLAN好🚶行去大角咀食晚飯, 但因為我地兩個都好肚餓, 老公仲要開左成日會只係食左份三文治, 所以我地決定係附近搵餐廳簡單食。睇OPENRICE見紅橋同第五街冰室食評都唔錯, 睇門外MENU, 老公話想食咖哩炒河, 加上就咁係出面望, 第五街冰室既裝修光鮮寬敞一點, 仲有卡位, 所以就揀左第五街冰室。點左咖哩炒牛肉河粉餐湯揀羅宋湯+$8可樂, 海南雞飯餐湯揀例湯+$7凍檸檬茶。可樂係大支樽裝, 檸檬茶糖水落得太多非常甜。羅宋湯例湯好多湯料足料, 不過好得意都係甜味較重。海南雞飯 - 估唔到$65呢個價錢唔止有一碟份量充足既海南雞加一大碗油飯加一碗足料例湯外, 竟然仲有碟份量也不少既蠔油菜心。真係好抵食呀。海南雞質素OK, 有骨厚肉有入味。油飯落足調味料去煮, 好濃味。問老公覺得佢嗌既咖哩炒牛肉河粉點, 佢話都係好重口味不過煮得好味。總括黎講, 第五街冰室價錢化算, 份量充足, 味道也不錯, 但其實要煮得好食調味料都唔需要落得咁重手。

限聚令又再收緊，放工拿拿淋去了落去旺角食飯，這間第五街冰室食物款式至少過百款，有中式小菜及飯麵，亦有西式的飯及意粉，還有懷舊鐵板扒，真係睇到我眼花撩亂。羅宋湯比較稀，反而中湯較甜。炭燒鐵板美國肉眼扒超級大份，有兩件肉眼，因為鐵板上，所以要了五成熟，中間還有粉紅色，肉質嫩腍又夠juicy，牛肉味濃郁，另外還有些炸薯角及西蘭花伴碟。海南雞飯送油菜，菜心都幾大碟，海南雞煮到剛熟，肉質嫩滑，雞皮亦都唔算太多肥膏，油飯煙韌又香。另外再加了個帶子扒西蘭花，帶子煮到剛熟，唔會韌，西蘭花翠綠爽脆。最後飲埋杯超大杯既凍檸茶。

呢間算係冰室來講食過最高質素嘅！原因係佢款式超多，而且食物質素好好，環境同服務亦都令我覺得呢間餐廳可以再嚟！我哋就嗌左個雜錦扒，有牛有豬，亦都有腸同埋薯角，全部都好大好厚身，尤其是係個豬扒，佢厚度有一隻手指咁闊！而我自己就嗌咗個第五街冰室三文治，三文治入邊嘅種類同平時啲公司三文治唔一樣，佢入邊有雞有豬扒，仲有雞蛋同菜等等，我自己食咗兩個都已經飽哂！之後同屋企人地食仲嗌多咗一個海南雞，啲海南雞肉質好滑身，而且份量好多，尤其係肉身，啲皮亦都唔會好油好肥。最重要係佢哋嘅服務真係非常之好，環境又夠乾淨！價錢方面，個人覺得一啲都唔貴，呢種質素真係可以媲美上其他餐廳！

第五街冰室今日難得去旺角做野, 見到開左間新既冰室當然又係去試下一口一粒西多士西多士兩塊大方包夾起花生醬炸成的！再加咖央醬都幾好味即使飽到「嘔」仍可吃兩粒香葉肉碎豬扒飯肉碎炒得乾身，仲好香洋蔥同香草味，清新開胃！豬扒份量多, 又好好味估唔到去到荼記都有甘高質數既泰菜食啦下次去開都要試下其他新菜色性格比都幾高阿

女朋友好推介呢間新開嘅冰室，今日仲特登帶我嚟食👫。.🔷上湯魚腐浸勝瓜$78魚湯濃郁，甚至有啲稠身，味道鮮甜無腥味。魚腐彈牙之餘魚味幾重。勝瓜沾上魚湯一啲都唔單調。.🔷芝士蝦球炒西蘭花$108蝦球大隻爽口彈牙，西蘭花爽脆清甜。佢哋嘅芝士汁份量剛好，唔算太稠，冇想像中咁膩。.🔷野菌鮑片炒鮮魷煲$98點紅點綠，賣相吸引。菌類包括秀珍菇、雞髀菇、鮮冬菇。拉過油嘅菇菌變成好靚嘅金黃色，裏面依舊多汁。仿鮑片軟腍而鮮魷彈牙，各有特式。值得一讚係魷魚份量好多。.🔷羅宋湯🔷紅豆冰🔷柑橘蜜.💁🏻‍♂️總結環境乾淨，食物質素唔錯。

去完太子花墟買花之後就去搵嘢食，見到開咗間新茶餐廳，望落去係走輕工業風🥰原來啱啱開咗冇耐咋，試吓先😜原來呢度都好多元化，又有得鋸扒，又有小炒，又有常餐😚🔸紐西蘭羊架扒，七成熟，洋蔥汁，紐西蘭羊架係最優質既半，所以每次見到我都會嗌，今次仲要鐵板上，喳喳聲好興奮，三大塊既美羊扒，肉質軟嫩🥰肉味濃郁呀，重點不會太羶，煎得剛好😋伴碟有大量既炸薯角，沙拉🥗同埋西蘭花🥦🔸海南雞飯，皮爽肉滑的海南雞，要配上鮮香飯和伴上兩色醬，薑蓉及泰式醬，雞肉不嚡口，有雞味，好軟腍，相當有雞味，皮下也有啫喱膏，好正呢😍😍🔸燒牛肉沙律🥗配千島醬，燒牛肉的肉質鮮嫩可口，脂肪分佈平均，根據每個人的牛肉生熟度喜好煎香，而且份量好多，有菜又有肉😘 醬汁十分美味😊是我每次也會叫的菜式呢😃上湯浸菜心，好大碟呀，伴底有好多炒香左既菇類，係勁多呀，心心眼🤩每個餐仲可以加配埋嘢飲同湯😙😙

今日行開花園街同寵物店，行到餓搵食，見到西洋菜南街有間新開嘅冰室，望落裝潢有啲懷舊工業風格，幾特別咁，睇門口餐牌都幾多選擇，就入去試吓~餐廳本menu好厚、食品選擇都真係幾多，西式有鐵板扒餐、意粉、焗飯，中式港式有鑊氣小炒、湯飯、炒粉麵、一品煲，連泰式越式炒飯炒河、馬來咖哩都有，梗有一款啱食。先叫咗隻【BB鴿】做前菜，BB鴿係即炸，熱辣辣，皮炸到香脆，肉質極嫩。我哋叫咗一中一西套餐，餐湯有中西湯選擇，忌廉湯同老火粉葛湯。西餐叫咗【皇牌炭燒鐵板餐】美國肉眼扒好大塊，好耐未食過鐵板餐，淋汁落去「嗞嗞」聲，香噴噴。 肉質相當唔錯，軟腍兼肉味濃。 配菜有香脆薯角同西蘭花，成個扒餐好有份量～港式小炒就叫咗【黃金鮮魷魚】，食落果然鑊氣十足，鹹蛋嘅鹹度啱啱好，入面係爽彈魷魚，好惹味又有口感。

呢日係旺角想搵間茶記食個簡單既晚餐，見到呢間第五街冰室岩岩新開張，於是就試試佢！見到隔離枱叫左鐵板餐個樣幾好食咁我地都唔執輸叫番份先～～我地叫左兩個鐵板餐，分別係鴛鴦扒同埋豬手！跟黑椒同蒜蓉汁！豬手其實真係可以比美德國餐廳既豬手，係差左d酸菜同mustard😂勁脆同啖啖肉！超正！鴛鴦扒就係豬扒同牛扒，呢個組合真係岩哂食肉獸！兩個鐵板餐都有跟到薯角！夠哂份量，仲交埋餐湯，我地就加左$12轉紅豆冰，紅豆冰既紅豆勁大粒，粒粒分明，d奶都真材實料！另外仲有必叫既乳鴿！三十幾蚊一隻勁抵食，仲要落足料真係好食個下所以係必叫！食咁多肉叫多左個蒜茸炒勝瓜食番d菜～真係大滿足！

第五街冰室+港式+冰室🏠overall/環境/ 服務:+ 完全唔似冰室 似cafe 裝修 牆上擺設幾有特色+ 多卡位 好好坐 又唔會趕人走+ 餐牌真係有勁多菜式 成本書咁厚 聽過有700以上餐式‼️頭盤煙三文魚沙律好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️✅賣相不俗。三文魚嫩滑美味，配上脆嫩嘅沙律同沙律醬簡直係一流！‼️Set dinner 紐西蘭西冷牛扒配意粉 HKD 128 好食指數：⭐️⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️✅件牛扒真係超大，非常俾足料👍🏻！牛扒大約七成熟，肉質算鮮嫩 筋唔算多，整體食落去都唔錯。‼️忌廉大蝦海鮮意粉 HKD 108 好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️✅每食一啖意粉都掛濃厚嘅忌廉汁同芝士💕，而且隻蝦仲係大大隻，食落去又多汁又香甜👅🦐。意粉食落去都好煙韌😀！📍第五街冰室 (旺角)旺角西洋菜南街194號地舖⏰星期一至日06:30 - 00:00☎️ 電話號碼21331283📩喜歡我的文章，可以關注我及讚好以作鼓勵

旺角新開了第五街冰室，雖然環境沒有石門店般闊落，但都坐得舒服，不會迫得背貼背，試業中已經吸引了不少食客，裝潢一樣走工業風，食物選擇跟一般茶餐廳一樣多，厚厚的餐牌由普通的茶餐,午餐到西式鐵板/焗飯，中式小炒，馬來咖哩，海南雞等都有。在選擇困難症下，就點了豉油皇鮮魷炒麵及馬來咖哩豬扒意粉。每款食物都會有餐湯及餐飲奉送。豉油皇鮮魷炒麵的份量都頗多，炒麵雖然簡單，但要炒得鬆散乾身不油膩卻不易，這裡是合格的，用上芽菜、韭王，韭菜及豉油來炒，炒得均勻上色，芽菜韭王還是爽口的，加上爽脆鮮魷令整炒麵變得更加豐富。馬來咖哩焗豬扒意粉，新鮮焗起，熱度十足，豬扒已經細心地切開數塊方便大家享用，雖然比較薄身，但肉質嫩滑。馬來咖哩夠香濃，撈飯撈意粉都很不錯。