影片
咁我见未到6点叫下午茶，上年有食过焗猪扒饭，𠮶阵啲饭都ok,今日去到坐低，想叫个下午茶，佢好似赶住收舖咁款，又话差唔多过六点，冇下午茶，吹我快啲，见个钟45分，洗唔洗咁做生意，咁我叫左滑蛋牛肉饭，同埋杯热柚子茶，佢又冇同我讲杯柚子茶系特饮，杯柚子茶根本就系落咗好多料落去，饮咗两啖完全饮唔落，见唔到有柚子渣，摆明系落啲蜂蜜落去加几包糖，之后个滑蛋牛肉饭，牛肉有橡胶味，完全食唔到，佢个滑蛋唔知去咗边，同我想像中完全唔同，又话唔可以多饭，点知佢啲牛肉得𠮶几粒又冇乜味，之后食完搞到想冇胃口，绝对唔会再有下一次，况且入到去见到其实得两台客坐咗喺度，可想而知呢间嘢有几差。
继续阅读
半年前曾去过呢间旺角分店，当时店内有位后生嘅女服务员好有礼貌，心谂d食物不过不失，今晚见冰室有位咪再次帮衬。。点知那位有礼貌嘅服务员已不在，换咗个戴口罩、著短裤嘅高瘦落单兼收银嘅中年女侍应，呢位女士态度好差，除讲嘢大大声、粗声粗气外，放杯饮品和食物时又大大力咁放低😳，心谂乜料😡？我哋又无得罪佢，感觉好差劲！😤再望吓，原来呢位女侍应对其他客嘅态度都系咁，佢是将碗、碟、椅子发脾气，大大力咁摆放，仲企在冰室中间位置同另一女服务员倾计时讲埋粗口，隔两张枱都听到。。。呢位收银女侍应嘅态度吾掂，连洗手间d衞生都超吾掂，个心一早预咗d卫生麻麻地，但无点过差成咁，我老公都话d尿臭味臭到想呕🤮😵💫。。。。呢间冰室d员工一定同老板有仇，简直是帮老板倒米！！！
继续阅读
超好食！好味！里面只收现金～💰咖喱牛腩饭72～咖喱超浓郁！饭超多！分量大，根本食不完！！意式焗鸡趴72～番茄味浓浓得，鸡趴大大的，靓晒啦！超顶好食😋任何人不来吃我真的会难过的！！！冻鸳鸯同冻奶茶都好好饮！应该点冻柠茶的，后面有点小腻！
继续阅读
师父教落,冇人牌嘅餐厅伏嘅机会比较大,不过今日见佢有位,一心谂住茶仔衰极有限, 点知入到去环境还可接受,不过伙记态度唔太好,尤其是那个男的高瘦阿叔,飞餐牌飞单据牌, 起初以为佢好似街坊般熟络的,但看见每张枱都系咁样不礼貌地飞丢在枱上, 感觉其实不太好！去到食物,大致上算ok,可取的是全碟饭都系热,汤都系热,叫了洋葱鸳鸯扒午餐,鸡扒一般茶仔水准,猪扒(得半块)又咸又硬,唔好谂住切开,咬都有难度！已经用茶仔水准去看待,但系个人来说:冇下次早知去对面华星或者出面𠮶间康年啦！顺带一提,此餐厅只收现金！有一女客人给500蚊纸,阿叔眼睥睥态度不好,客人话真的没有散纸,又没有电子收费或八达通！
继续阅读
其实d 野食系ok，少少创新，多士烘得唔错，沙嗲汤都好味，鸡翼即炸所有野都热辣辣既但就系一入到门口闻到有朕唔似野食既酸味，搞到我食得好唔自在老板娘讲野冇尾音，态度系一般架啦，不过佢对个个都系咁，同熟客都系咁卫生系麻麻，我见到有纸巾喺地下都冇人扫枱面有纸巾提供抹餐具都ok
继续阅读