第五街冰室 (西洋菜南街) (已結業)

衛生唔得 服務員男長期口罩帶下巴係咖哩汁發現條曲既髮（可以見到頭髮上係有汁）之後再係牛腩內夾住條毛胃口已經即刻冇乜男侍應態度好似好唔想做咁不停埋怨講粗口食餐飯有一半時間係聽住佢講粗口希望改善下衛生態度非常不愉快

餐廳位於旺角，地鐵站地理上還算方便快捷，這天和朋友一同前來的，就是常餐，沒想到竟然出現這樣的情況，我們點選的也就是重量湯麵餐，包括一塊豬扒，火腿炒蛋，芝士牛油多士，配搭的當然就是公仔麵，這個公仔麵絕對是超級水準，沒想到公仔麵也能煮得如此出色，超出了overcook。我的想像一般的overcooked最多面質只是較軟，但這裏不止，出現了容易斷裂，絕對是低質之選，豬扒方面，入口煙韌口感極佳，令我有點懷疑人生炒蛋方面完全不香滑絕對是老。

之前幫襯過幾次，感覺良好，食物質素都好，今次晚上19：00再去點知，侍應只有個講唔咸唔淡廣東話，對眼望人冇乜禮貌嘅呀姐侍應同一個洗碗呀姐,我想食免治牛肉飯加生蛋，但我唔記得咗係叫窩蛋定滑蛋，所以就叫唔咸唔淡阿姐問一問，我問佢我想要免治牛肉飯加隻生蛋嗰個係滑蛋定窩蛋，點知佢不停答我：係一隻蛋啦係一隻生蛋啦係一個蛋係上面啦，我即時呆咗唔知畀咩反應好，最後唯有同佢確認總之我要免治牛肉飯上面有一隻生蛋，點知嚟到係變咗有一隻生蛋但係下面係牛肉飯，然後我話我係要免治牛肉飯，然後佢一句聲都冇出就拎走碟飯，眼神仲好凌厲，之前我食呢個飯唔係用分開上，係用一個白色碟裝埋一齊，美觀又靚，唔知係咪換咗老細可能佢係老闆娘，所以變到而家好老土，同埋味道都有啲唔同咗，朋友叫咗另外一個蔥油雞撈麵，就好好味，最後埋單走人，佢完全一句聲都冇出收錢同走，多謝冇拜拜都冇，啲嘢幾好食都好真係唔會再去，唔知點解要睇佢面色🤦

又到左下午茶时间，近近哋来第五街吃个茶餐，掂讲好都系尼到噶常客，突然谂起写翻篇吃评先。首先系冻奶茶，质素都算唔错噶，奶味同茶味比较平衡，饮落都feel到小小澀口，如果茶味再重啲就更好了，唯一唔太满意嘅就系冰多左啲，饮都一半就淡噻，我已经叫左少冰。干炒牛河望落都十分有锅气，虽然油重左小小，唔够干身，之但系吃起身都好香下嘅，粉嘅质素唔错噶，牛肉都唔少，吃起身软滑，系业得几重手下嘅，所以牛肉嘅质素就唔多评价啦，而且尼个价位，抵唔抵吃就唔係我多讲啦。下午茶餐都有好多选择，而且都系43蚊，除此之外，个餐排都几大，扒餐到家常菜都有，但系就贵啲。总体来讲尼间店都系几抵吃噶，来到坐落好多都系尼带附近噶街坊。

下午茶時間2:30-6:00pm 乾炒牛河: 色香味俱全，唯獨是份量較少，可能因為是下午茶。炸雞翼薯條: 即叫即炸，有4隻大雞翼，味道還可，薯條炸得脆卜卜，好吃！在旺區來說價錢尚算合理！

我好鍾意食茶餐廳或者冰室 話曬呢啲都係香港原味道吖嘛 所以得閒就會搵幾間嚟試下今日喺附近打針之前就諗住搵一間食飽飽之後先去打啦 本身就諗住去隔離街嗰間食嘅不過睇完個餐牌之後覺得冇乜嘢啱食所以就嚟到太子呢間冰室啦我又叫咗個馬拉盞豬頸肉炒飯 啲飯一嚟到嘅時候色澤都唔錯嘅 食咗一啖就覺得好鹹但係心諗可能係因為馬拉盞啫 但之後發覺越食越唔對路越食越鹹 仲咬到一粒粒嘅嘢發現原來係鹽晶體 唔係一粒係好幾粒 所以呢個飯咁鹹 唔係因為啲馬拉盞 而係因為佢好重手落咗好多鹽最後實在係食唔落去啦 所以冇食哂就走咗……

路過旺角，看到餐廳，解決晚餐，點了一個繽紛水果冰，甜的有點過，芝士咖哩焗豬排，味道正常，洋蔥略生，肉片飯更是太一般了，薯條味道倒是很合我胃口，外焦裡嫩，很喜歡這種茶記口感的薯條，一家水準在標準線附近的茶記，裝修便工業風。

今日出咗去旺角搵食，行了機間舖見呢間冰室門面光鮮，食物選擇也算多所以這次便試一試它們的下午茶，我想價值$36的下午茶有麵和包一本飲品都算抵食嘅，塊雞扒食得出係新鮮炸，最欣賞當然係那芝士汁味濃😋下次再去試其他食物。

牛年在家過“悶年”😑初九得閒就想去金魚街行吓🙂經過旺角道西洋菜南街揾食😋因那裡都是一條為食街中西日泰 粉麵米線涼茶甜品小食多、 見有間應該是最近才新開的@第五街冰室@就試下安心出行入內、“ 一位 啦唔該” 雖然都很忙碌但有位男員工都有禮貌的示意坐中間後排啦'🙂ok啊雖然多人、但感覺幾好因都有隔開坐、座位 又多、個Menu又多選擇價錢都ok、就叫咗個雞扒撈麵餐啦！ 又ok快👍、ok熱👍、雞扒大件 又ok好食....👍 眼見很忙碌但廚房出品快夾妥👍雖然只是坐一會食個餐、但 不似其它九流茶餐廳員工無禮又趕客

今天年廿九，Honey在太子剪頭髮。之後，就在髮型屋附近新開的第五街冰室吃下午茶。我吃銀芽肉絲炒麵 配熱檸茶 $41都幾大碟，而且炒麵好脆，夠鑊氣！Honey食餐蛋治 配熱鴛鴦 $28麵包鬆軟，不會因為下午而不新鮮。餐肉不薄，而且炒蛋好厚，炒得好嫩，好味 ！熱鴛鴦，啡味和茶味都夠濃，也滑。新開的店，地方乾淨，侍應也有禮，整體感覺幾好。

工作時間空檔有點趕，本身諗住去對面華X冰室嗱嗱聲食個常餐，但係撞正lunch time冇位，就去咗對面呢間第五街冰室，見啲位都幾闊落就入咗去。我一係去茶餐廳或者冰室都鍾意食常餐，同埋沙嗲牛肉麵！佢個餐牌寫配餐肉奄列同埋扒芝士牛油多士，不過份餐嚟到唔知點解冇芝士嘅！但係由於趕時間嘅關係就冇追問落去。沙嗲牛肉麵算係中規中矩，凍奶茶都可以不過奄列就比較失望喇！個蛋熟得制，完全唔滑 下次我都係決定去返對面喇😅

新開既冰室一間接一間, 近來旺角又有間新開第五街冰室, 裝修光鮮, 有卡位又幾寬敞, 一試無妨。入到去見到佢既裝潢覺得佢都算係比心機裝修設計。MENU可叫既野食真係好多, 不過自己去冰室好專一, 多數揀常餐或者扒餐! 今次就試下港式扒餐先!中湯清甜而且夠熱, 送既餐湯黎講已好滿意!紐西蘭西冷扒 $168大大塊份量十足, 肉質腍身冇OVERCOOK, 不失牛味, 配上惹味黑椒汁, 不錯! 一口牛柳粒 $168雖說係一口, 但都幾大粒, 再開一半就最岩啦~ 原本驚佢咁大粒會UN, 點知出奇地軟腍, 口感好好, 中心呈粉紅但唔會有血水滲出, 有D驚喜呀。朋友揀左香草汁, 味道其實唔曾,但感覺上會同羊架更加夾, 下次食羊架時試下先!扒餐配埋薯角同西蘭花, 薯角即炸既好香口, 另外加$10可以配飯/意粉, 大食人士可以考慮~最後飲埋杯香濃MOCHA同足料紅豆冰, 冰室就係要食依D快靚正晚餐! 

太子同旺角中間西洋菜街 一向都多餐廳， 每日食一間 一個月 都唔知 食唔食得曬。 第五街餐廳係其中一間， 我冇考究點解佢叫第五街， 不過我淨係知道佢款式選擇多， 午市已經有各類小炒 即叫即炒， 個款港式食物， 午餐常餐， 馬來西亞，泰式，越式，鐵板扒，即叫即炒 應有盡有。馬來咖哩炒鮮魷 98 羅宋湯 檸檬菜蜜馬來咖哩即叫即炒飯量大大份， 魷魚雪白有嚼勁。菠蘿酸酸甜甜。咖哩撈飯正一流。海南雞飯 配油飯及油菜一碟65雞肉份量都多，飯有雞油香但唔會太肥膩。送埋油菜我覺得都幾抵食。兩個餐都有紅湯/白湯/明火例湯及飲品送，旺角街頭黎講都唔錯啊

旺角西洋菜南街，很多不同類型的冰室，能在這裏站得住腳，應該實力不會差到那裏。這裏除了傳統冰室的食物之外，有西餐、小菜和其他食物。大蝦沙律$90，可以選擇千島汁或胡麻醬，蝦肉爽甜， 千島汁可以帶起蝦肉的鮮味，是最佳的配搭。魚香茄子斑腩煲$95 ，斑腩經過走油，吸收了魚香的鮮味，和茄子非常配合。羅宋湯味道酸中帶辣，未到孫中大啦，想不到這間冰室的西餐湯都做得不錯。凍檸樂加$9。即炸BB鴿兩隻$70，由於是即點即炸，需時15分鐘， BB鴿外表香脆，肉質鮮嫩，加點幼鹽，味道更加好。水煮班片$98 ，配菜有芽菜、豆卜、木耳和雞髀菇，雖然做法不是四川的，不過辣勁十足，可以一試。另加紅豆冰$12，紅豆冰分量十足，甜度適中。

這家冰室不像普通的茶記，裝飾擺設等都別出心裁。整個裝潢風格走工業風，掛滿外國的車牌、酒瓶，很有格調。每枱都有隔板，防疫措施做得蠻充足的。餐牌選擇太多，中西泰都有，選擇困難症發作，真的不知挑什麼呢。最後點了一份鐵板扒餐及小炒。先喝碗中湯，入面湯料都很足，如蓮藕、雞腳等等。鐵板餐大放送以這個價錢來說，不到一百元也吃到這個質素的牛扒，性價比相當高。鐵板烘熱後，淋上黑椒醬汁，有牛排及兩串雞肉串燒，牛肉上枱7成熟左右，刀切下去不難撕開，牛味香，肉質軟腍。旁邊有沙律墊底及薯菜伴碟。瑤柱蛋白炒飯飯的份量蠻多，蛋白炒飯較健康，味道不會濃味，而且不會太油膩。飯粒及瑤柱絲乾身，惟略欠點鑊氣，不然會更惹味。