第五街冰室 (西洋菜南街) (已結業)

咁我見未到6點叫下午茶，上年有食過焗豬扒飯，嗰陣啲飯都ok,今日去到坐低，想叫個下午茶，佢好似趕住收舖咁款，又話差唔多過六點，冇下午茶，吹我快啲，見個鐘45分，洗唔洗咁做生意，咁我叫左滑蛋牛肉飯，同埋杯熱柚子茶，佢又冇同我講杯柚子茶係特飲，杯柚子茶根本就係落咗好多料落去，飲咗兩啖完全飲唔落，見唔到有柚子渣，擺明係落啲蜂蜜落去加幾包糖，之後個滑蛋牛肉飯，牛肉有橡膠味，完全食唔到，佢個滑蛋唔知去咗邊，同我想像中完全唔同，又話唔可以多飯，點知佢啲牛肉得嗰幾粒又冇乜味，之後食完搞到想冇胃口，絕對唔會再有下一次，況且入到去見到其實得兩台客坐咗喺度，可想而知呢間嘢有幾差。

半年前曾去過呢間旺角分店，當時店內有位後生嘅女服務員好有禮貌，心諗d食物不過不失，今晚見冰室有位咪再次幫襯。。點知那位有禮貌嘅服務員已不在，換咗個戴口罩、著短褲嘅高瘦落單兼收銀嘅中年女侍應，呢位女士態度好差，除講嘢大大聲、粗聲粗氣外，放杯飲品和食物時又大大力咁放低😳，心諗乜料😡？我哋又無得罪佢，感覺好差勁！😤再望吓，原來呢位女侍應對其他客嘅態度都係咁，佢是將碗、碟、椅子發脾氣，大大力咁擺放，仲企在冰室中間位置同另一女服務員傾計時講埋粗口，隔兩張枱都聽到。。。呢位收銀女侍應嘅態度吾掂，連洗手間d衞生都超吾掂，個心一早預咗d衛生麻麻地，但無點過差成咁，我老公都話d尿臭味臭到想嘔🤮😵‍💫。。。。呢間冰室d員工一定同老闆有仇，簡直是幫老闆倒米！！！

超好食！好味！里面只收现金～💰咖喱牛腩饭72～咖喱超浓郁！饭超多！分量大，根本食不完！！意式焗鸡趴72～番茄味浓浓得，鸡趴大大的，靓晒啦！超顶好食😋任何人不来吃我真的会难过的！！！冻鸳鸯同冻奶茶都好好饮！应该点冻柠茶的，后面有点小腻！

師父教落,冇人牌嘅餐廳伏嘅機會比較大,不過今日見佢有位,一心諗住茶仔衰極有限, 點知入到去環境還可接受,不過夥記態度唔太好,尤其是那個男的高瘦阿叔,飛餐牌飛單據牌, 起初以為佢好似街坊般熟絡的,但看見每張枱都係咁樣不禮貌地飛丟在枱上, 感覺其實不太好！去到食物,大致上算ok,可取的是全碟飯都係熱,湯都係熱,叫了洋蔥鴛鴦扒午餐,雞扒一般茶仔水準,豬扒(得半塊)又鹹又硬,唔好諗住切開,咬都有難度！已經用茶仔水準去看待,但係個人來說:冇下次早知去對面華星或者出面嗰間康年啦！順帶一提,此餐廳只收現金！有一女客人給500蚊紙,阿叔眼睥睥態度不好,客人話真的沒有散紙,又沒有電子收費或八達通！

其實d 野食係ok，少少創新，多士烘得唔錯，沙嗲湯都好味，雞翼即炸所有野都熱辣辣既但就係一入到門口聞到有朕唔似野食既酸味，搞到我食得好唔自在老闆娘講野冇尾音，態度係一般架啦，不過佢對個個都係咁，同熟客都係咁衛生係麻麻，我見到有紙巾喺地下都冇人掃枱面有紙巾提供抹餐具都ok

D餐具好恐怖，摸上去超級油，而且好多污漬。用紙巾擦到超級多污糟野！食物同飲品一般般，麵包、可樂之類默認已經做好的食物味道沒問題，但是其他需要自己調味同製作的食物，例如牛扒、檸檬茶都一般般或者好難食！

福建炒飯冇炒過,與平常餐廳的餸料相差太遠,本來以為會有菜頭、菇、豬肉,就算冇餸食,起碼有蛋炒飯,怎知來了個淋上杰達達既獻汁配有飯,我從未試過食咗一啖起身走人,但有付錢的

原本想食台灣野不過丫媽想食炒野甘就去左食呢間冰室H1招牌銀芽肉絲炒麵睇落賣相到吾差B.意大利雜菜牛腩湯米粉牛腩同米粉的份量都多湯底吾夠濃濃點就會似蕃茄湯甘熱西洋菜蜜熱華田

好想食沙嗲牛肉麵作為沙嗲牛麵關注組嘅一員, 基本上去食冰室就會嗌呢樣野食<沙嗲牛肉公仔麵>等五街冰室嘅沙嗲牛麵好足料, 牛肉同麵嘅份量好多沙嗲同其他冰室嘅有啲唔到, 醬汁融入左係湯底裏面, 牛肉亦比較有咬口公仔麵唔算太彈牙, 但亦唔太淋<火腿炒滑蛋>本身係跟香葱火腿炒滑蛋, 大食妹唔食葱嗌左走葱火腿炒滑蛋雞蛋分量有三、四隻左右, 可惜炒得有啲乾<扒芝士牛油厚多士>厚多士好香好鬆軟, 金黃嘅表面, 散發住芝士嘅鹹香, 正

與友人在附近工作完 想搵D野食下 又吾食D LOGO連鎖店見餐廳個冰室名 吾似好多間連鎖 就入去試下空間不大 但裝修幾好 算有特色 吾會好傳統同現時logo冰室咁lunch set 價錢合理 我同友人試左個a 牛排及c 咖哩雞份量合理 絕對夠飽牛排正常 沒什麼太大驚喜咖哩雞 做得吾錯 汁夠濃薯仔夠淋 雞排還好 可以再滑d就更加好送湯 都選擇左羅宋湯 望落去吾太好 比較薄身似溝左水 但飲落末去到反感的 凍飲奶茶檸檬茶 正常水準 服務也很正常 不會沒禮貌 整體感覺合格明白小店空間有限 優惠lunch set選擇不多叫做每樣不同的都有 大約有5款好似 因為沒有拍照 (如有錯請見諒)

極度推介第五街冰室既晚市煲仔小菜，過往我食過豆豉雞煲，魚香茄子煲，三杯雞煲，涼瓜斑腩煲 全部都好香 煲仔滾熱辣出曬煙送去枱面。冬天食夠曬正。打開個煲又好有鑊氣，味道夠重口味送飯一流！煲入面全部嘅食材餐廳都會先走油 好足料有好多嚿雞同埋魚。 以前食過身五街既水煮魚念念不忘，味道香麻 魚肉又夠香口，但最近再去食 由於店鋪簡化左晚市餐牌，所以冇再出現此菜式。但問左鋪頭 店員姐姐好好幫我地照出 價錢照舊＄118，成為隱藏Menu！ 個人覺得除咗煲仔小菜之外 水煮魚都係我好推介而加晚市好似減左價平過舊時食 好多款小菜包飯包湯先＄60-$80，仲抵食過以前，真係要食多啲煲仔菜

💘芝士雞扒撈一丁🤝 評：🧀1。芝士汁量夠，有啲蘿蔔，幾好食，味似kfc白汁 ，芝士味還好，唔算好重 🥺2。 可惜雞扒唔夠大，唔夠食 💘黑椒雞扒意粉 🤝評：🙃 1。黑椒醬得面個層有，超少汁，完全唔夠撈，好似食白烚意粉咁 ，建議叫多汁😌2 。雞扒好食，夠味，唔會好乾3。外賣要加3蚊 好貴😣😣

旺角超多冰室茶餐廳，同朋友買嘢食見到第五街冰室出面嘅裝修都幾靚，所以就決定幫親佢🤣我地嗌左一個第五街三文治同豉汁肉片炒河粉😋✿ 第五街三文治哇呢個真係出乎意料，原本以為係普通公司三文治，點知入面材料咁豐富！有雞扒、豬扒、午餐肉、菜、番茄、芝士！三種肉類😍😍仲要雞扒同豬扒都唔會乾柴🤩 通常豬扒都會好乾，但佢整到好軟霖👍🏻麵包都烘得好香口👏🏻推薦大家試一試✿豉汁肉片炒河粉因為平時成日食乾炒牛河，想試下濕炒河粉，但係太少汁啦，而且河粉好油膩，一般般😅

行開太子始創果邊，一於搵間茶記嘆個下午茶。成條街都係餐廳，就搵間入面多d人氣既先.呢間雖然叫第五街冰室, 但其實係位置於西洋菜南街.門面夠光猛, 入面已坐滿9成客, 坐低後叫左3份下午茶黎食,.呢份芝士雞扒撈公仔麵真係不得了, 雞扒食到係即炸既, 而芝士丁係撈到岩岩好,唔會太腍或者太乾, 係好想成碟食晒果隻.雞脾又係食得出係即炸既, 夠大隻.乾炒牛河就中規中矩.整體上野食係正, 而且咁岩又坐到卡位, 食完野係度吹陣水, 伙計都唔會感覺想催你地離場果隻.下次會再黎.

Met boyfriend for a late lunch where we decided to try a place called The Fifth Element as the interior looked interesting.It was a basic cha chan teng but the design had retro Western theme. Old records and that type of thing. They even played old school Leon Lai in the background.Menu is in Chinese only. There is no English and no 10% service charge. You pay on your way out. We were there during afternoon tea session where they had an afternoon tea set menu. Menu comes with a drink. It seemed