第五街冰室 (西洋菜南街) (已結業)

以前學生時代，成日都會嚟旺角呢度，行街買嘢食嘢，而家好耐都冇過嚟了！今日帶小朋友過嚟呢邊攞證件，途經呢度，發現開咗間新店～第五街冰室，聽個名已經知道佢係走舊式風格❤️店內播放着充滿回憶嘅，九零年代K歌，我估老闆似係八十後😆一入嚟就叫咗兩杯小朋友最鍾意嘅特飲菠蘿冰、菠蘿賓治，大大杯，絕無吝嗇，菠蘿佔咗半個杯添👍帶子扒西蘭花～茶餐廳居然用西餐碟盛戴食物😍突顯左食物嘅優雅，西蘭花炒得十分爽口，帶子粒粒粉嫩，煎得啱啱好，好好食，建議份量再多啲😄粟米脆斑塊～斑塊用咗有皮嘅魚塊黎炸，外脆內軟，只係半塊浸住嘅啲粟米汁，食落依然keep到個脆度，好正！小菜仲配埋白飯添，叫兩份就夠晒我哋三個食，呢度個餐牌好多款式，常餐、鐵板、沙律都有，下次要來試多幾款🥰

喺旺角見到一間新開嘅茶餐廳，門面光猛，以木制裝修，走懷舊風，新開張一定要去試下先！呢度嘅食物，款式選擇非常之多，除咗普通茶餐廳有嘅嘢，仲有晚飯小菜😍雜菜沙律 千島醬～呢度所有嘅沙律，都可以選擇要日式芝麻醬or千島醬，適合有唔同口味嘅食客，沙律菜好Flash，而且睇到廚師嘅細心位，沙律醬都鋪到靚一靚先上桌海南雞半隻～半隻雞比我想像中，大隻好多，呢碟應該夠三至四人食，目測雞件都有二十幾件，而且煮得夠嫩滑，推介👍星洲炒米～因為我怕肥，order左小油，食落真係特別清新，材料有 蝦仁、雞蛋、芽菜、韭黃、叉燒，材料豐盛，米粉亦炒得夠乾身入味。小菜有免費配埋 明火靚湯/忌廉湯而且只係+5至$10就可以選擇唔同嘅特飲性價比非常高👍

🌽粟米脆斑腩 $108由細到大都好鐘意食粟米斑腩，但而家差唔多度度都變晒粟米魚塊😅。呢度嘅斑腩肉質紋理清晰分明，口感實淨，相信並非下價魚。斑塊炸粉好薄，而且新鮮炸起熱辣辣夠香脆😋。以粟米、蛋花、生粉煮成嘅粟米汁甜度適中，稠度同一般粟米湯羹差唔多。.🥪雞蛋鹹牛肉三文治 $22 烘底+$2蛋牛夠厚而且口感香滑濕潤。鹹牛肉鹹度低，蛋香味反而好出，食落唔油膩。記得轉烘底，又暖又脆嘅多士先好食嘛。.🥤紅豆冰（+12）望落去顏色偏向奶白，一飲果然係花奶紅豆冰。飲落口感香滑，仲有濃郁奶味，配上粒粒分明嘅紅豆，比起一般椰汁紅豆冰更好飲😮。.🍲羅宋湯（跟餐）應該係新煲嘅湯，蔬菜🥕🧅夠腍但未出晒啲味，但作為餐湯有咁多蔬菜已經合格有餘。.🥢第五街冰室 (旺角)旺角西洋菜南街194號地舖