第一郡 (已搬遷) 新店位置

米紙蝦卷，外面薄薄透明一層應該就是米紙吧，裏面的蝦好大一只，包著米飯，蝦，金不換葉，一定要蘸配的那個醬，超級夠味，好吃，32HKD有兩卷，推薦。芒果糯米糍，芒果好大好甜一塊呀，外面糯米皮包住，味道很豐富

同朋友專程搭黎深水埗試下呢間 上網見好多好評黎到當然要試食最出名的蕃茄蟹膏湯檬湯底帶著新鮮蕃茄味 不會像茄了茄膏的味而蟹膏味道濃郁 真的好像在吃蟹的感覺 不會很膩其他配菜也很好食 蕃茄半隻上 吸了湯汁 咬下去好juice 味道更上一層樓 再試了招牌的越南麵包一上檯見到很大隻 入面滿滿的餡料 視覺上也很滿足咬落去發現 原來外面的麵包是暖暖的 而入而的餡料則是冷的每次咬下去 口也是滿滿的麵包跟餡料的味道配合得非常好最欣賞是酸蘿蔔 平日不太好酸野的板主也吃得到 淡淡的酸味能提升越南麵包的味道 又蔥和莞茜味道又不會過濃價錢親民 食物質素又高值得再食的一間餐廳

本身一向對蕃茄湯底興趣不大，剛剛早幾天見到一篇這小店的訪問，原本是比法包吸引，心想有機會去開深水埗可一試。剛考今日出開黎黃金買野，就google map一下位置行過來。黎到又想試下個蟹羔蕃茄湯濛，心想唔啱食先再叫法包。碗濛一來到就覺得很豐富，飲一啖湯亦冇想像中咁濃蕃茄味，反而是有越南一些香葉的味道,很不錯😋😋頭卜,札肉、蟹羔都好好味😋值得再來試。之後再外賣了一客越南法包。

基本上我每次來深水埗都會光顧此店⋯店𥚃多人時會買走越式法包⋯否則多數選擇1100前午餐或下午茶時間堂食⋯今天冬至正日⋯特別想起媽⋯特別想吃點越式食物⋯因為媽是越南華僑⋯掛住媽拿手越南餐的味道⋯雖然冬天⋯我還是叫了撈檬⋯叫了＂豬肉撈檬＂⋯這天店內不多人⋯我放鬆心情慢慢品嘗⋯撈檬其實好多層次⋯靈魂當然是那酸辣魚露汁⋯多清新醒胃⋯其他配料配菜一樣也不能少⋯要是沒有葱油丶花生碎又會不夠香口⋯拌勻後每一條檬粉光澤亮麗⋯視覺和味覺都美味到滾出眼淚來⋯份量其實很大⋯我也全部幹掉了⋯那些什麼香菜以前媽大大片放入去撈⋯我不太吃⋯味道很重⋯這店將其切絲⋯吸哂醬汁很易入口⋯而又有香草的清香⋯我終於懂吃這香菜了⋯還有喜歡這店店員的越南話口音⋯無論食物或口音也令我想起媽⋯多令人感動的越南味道⋯

q1郡越式軟包 $33呢間餐廳係一間好有越南特式嘅小店。雖然未去到平，但佢嘅食物都好特別同足料，喺值架😍呢個越式軟包真心好多料入面有:肉鬆，雞絲，札肉，莞茜，白蘿蔔，紅蘿蔔，青瓜，腩肉，醋等食物。夾埋一齊食，d蔬菜類加埋醋，酸酸甜甜，好fresh🤣再加埋d肉類，成件事變得好豐富，一大口咬落去真係好正❤️.而且包皮係烤過，外跪內軟，唔會勁硬，令到成個包好有層次😻.不過要小心，舊腩肉d肥膏都幾多。食個時我會拎走舊肥豬肉。而且份量都幾少🤔就算女仔都可能唔會飽肚。

第一次到點了個蕃茄蟹糕湯濛，很足料！酸度剛好令人很開胃，另外點了撈濛，雖然味道沒有驚喜，但不過不失。可惜的是，店內沒有飯提供，不過下一次仍會選擇此餐廳！環境方面: 尚算舒適乾淨！

今日與fd子特意黎到深水埗食傳說已久的蟹膏番茄湯檬！小店裝修簡約整潔，上菜速度都好快。我地叫咗 蟹膏番茄湯檬，扎肉撈檬，芒果沙冰，越南咖啡。蟹膏番茄湯檬，湯底清甜。有多少驚喜，因為湯內包括生菜，豆卜，扎肉，豬紅，少量腩肉。同埋用咗少少香葉調味，仲要半個番茄。其實真系好味！扎肉撈檬都值得一贊，扎肉可以食得出少量肉絲，所以口感較為有層次！撈檬佢地事先撈好，無需再加酸啦汁，加上有唔少酸蘿蔔絲同生菜，味道清爽可口！越南咖啡味道較濃，但我覺得有少少過甜，芒果沙冰ok。最後我打包咗一杯牛油果沙冰，結果呢個最好飲！值得再encore！

已不是第一次，亦不會是最後一次，每次嚟部點蟹膏蕃茄湯檬，店主用心的即時烹調，真係好食到無人有。成碗湯/餸/連蕃茄都係熱辢辢，絶對唔係煮好放湯的流水式。所以每次都要等。另外叫了米紙卷，不常有存貨。大大條的，用斑蘭葉包起，賣相吸引。汁另上，按囗味隨意落。👍🏼唯一評價係唔算十分經濟。每碗粉都要$45-50，不包飲品，在深水埗區算高檔。

已經唔係第一次黎啦，每次想黎既原因都好簡單，就係招牌蕃茄蟹膏湯檬，因為越南野黎講，佢呢個湯濛真係好出色，亦係物超所值首先講講呢間鋪，如果想坐得舒服，就真係唔適合，因為呢間鋪好細，座位雖然有廿多個，但4人枱4個人坐低都會身貼身，而且枱係普通摺枱同圓膠櫈，所以大家可以想像到啦不過即使咁樣，都無阻我去搵呢個招牌檬，因為你即叫佢即整，一上枱，蟹膏會以煎蛋餅咁，有2大舊，跟住半個蕃茄，2片扎肉，豆卜，豬紅再加上菜，薄荷葉，望落已經夠豐富，我慣性會將蕃茄按壓落湯到，令成個湯充滿蕃茄濃湯咁，蟹膏蛋好香，如果唯一要彈既，就係啲濛太碎，真係連湯都飲埋我個人鍾意呢到凍咖啡，唔係滴漏，係普通咖啡，但就已經好香好夠咖啡味，唔知係咪越南咖啡既關係呢但同行朋友每次都叫牛油果沙冰，佢話好滑同好有牛油果香味呢到除左招牌蟹膏檬之外，仲有普通豬扒/雞翼/雞扒等撈or湯檬，仲有越式包，每次都好多人外賣，仲有小糕點，好似馬豆糕，班蘭糕等

木嘴發現深水埗真係幾多好野食，尤其係多地道小店。有睇開木嘴食評都知，木嘴特別鐘意呢類小店，既然呢D小店有勇氣抗衡貴到痴晒線既租金同埋步步進迫既連鎖食肆，木嘴雖然胃細影響力更細，但都絕對會大力支持。今次又黎到深水埗搵食，一試呢間出名又抵食嘅越南野。間野就好細間得果幾張枱，一眼睇晒，所以都真係唔好預坐得舒服喇，有位坐唔使排隊都要還神。一場黎到，就當然要試下呢度既招牌蕃茄蟹膚湯濛同牛油果沙冰。湯濛非常足料，有菜有豬紅有豆卜，大大舊蟹膏同蕃茄。湯底酸酸地好開胃，幾唔錯。不過舊蟹膏大舊就大舊，但就無想像中咁好食，可能因為蛋味太重，似食蟹味既蛋多過蛋味既蟹。至於牛油果沙冰好香滑，岩晒鐘意食牛油果既木嘴，但就唔太冰，飲完又自我感覺良好覺得自己健康左。另外仲叫左個芒果糯米卷，芒果好大舊同唔酸，好味，不過真係好飽。總括黎講食物唔錯，料亦充足，亦睇到佢既誠意。識食梗係搵地道小店食，木嘴雖然出晒名係味覺失靈，但都知道呢個大道理。

上一次晚上黎到，食唔到米卷同班蘭綠茶糕，因為賣晒了。今次中午去食，除左都係食左蟹膏蕃茄麵之外，終於食到米紙蝦卷啦😋😋😋隻蝦好大隻呀，個汁係好好味呀😂😂正呀！仲有芒果糕，嘻嘻，好多芒果肉呀，好似食得芒果布甸甘😂😂😂😂跟住見到隔離臺叫左牛腩燉蔬菜，好似幾好味甘😂😂😂下次黎試下佢先。不過呢個牛腩燉蔬菜得星期六日先有得食呢。😬😬😬😬😀...................

啱啱去完越南勁懷念越南的法包同埋越南粉，所以返到香港周圍搜尋邊度有好味的越南嘢食見到啲人話這間最正宗有越南人開的小店第一時間就來試一試先這間位於深水埗名為第一君的越南餐廳，位置喺大街都容易找到，一邊地方細細已經好多人，要排隊，好在都係排15分鐘左右佢哋最出名就係這個蟹膏番茄湯粉，睇個賣相真係覺得好地道，食過咁多間越南野都好少見到這個種類，蟹膏同蕃茄跟湯底好夾，加上朱紅好入味，這個粉真係好好食好開胃法包，餡料好多口感豐富, 當然同越南相比出名嘅差好遠，但係這個在香港來說已經係最好食越南野點少得越南咖啡，仲有佢哋出名嘅牛油果沙冰這個真係算係不錯嘅越南餐廳，大型連鎖店一式一樣嘅煮法真係唔得，支持小店

好幾次經過第一郡都見有食客排隊等位，基於為食加好奇心嘅驅使己經想試好一陣子。其實香港都有唔少越南餐廳，不過整得好食又正宗就唔多。試過最離譜用3合1即沖咖啡就話係越南咖啡。自己體驗加朋友分享都會不約而同話外國嘅越南菜館好味啲。尤其係美、加、澳洲 同埋 法國。 反而香港就想搵間正宗又好味，就一啲都唔易。喊旗一輪終籌到兩隻飯腳一齊去食，有朋友吹吹水，排隊時間特別快過。不過入到去周末先有嘅牛腩炸燉蔬菜已經買晒。So Sad, 收拾飲恨嘅心情後就 order 咗越式麵包蟹膏蕃茄湯檬扎肉湯河牛油果沙冰越式滴漏咖啡好味嘅越南包精髓在於啲醃菜、香菜、醬汁同牛油，肉反而有小小變成配角。以十分滿分基準，我會八分俾咗落啲香菜醃菜度。一分扣落啲醬汁牛油，一分扣落麵包，香港就係食唔到既脆又靭嘅麵包。蟹膏蕃茄湯檬，啖啖蟹膏嘅幸福感，仲要唔使自己拆蟹殼，整餐嘅高潮位一定係喺呢度。 除非你對蟹敏感或者膽固醇已超標，否則冇理由來到唔食呢個檬粉。扎肉湯河，其實湯、麵、扎肉全部都好好味，不過因為先食蟹粉湯檬關係，啲美味既蟹膏仲齒頰留香緊嘅情況下，結果......都算精彩，碗湯都飲咗半碗。滴滴咖啡，苦澀味道好正宗吓，不過可能

朋友介紹梁水埗有間越南嘢好食，就一於嚟試下！就咁睇門店就係普通小店一間，如果自己嚟都真係未必會入去。 舖頭好細，但都好多人幫襯，所以坐得會比較迫，夏天應該會幾熱添！今次試咗蕃茄蟹羔湯濛 同埋牛油果沙𣲙。嘢飲一定要單叫，所以都覺得小貴，唔想試。 但朋友極力推薦，就叫埋啦！好大碗，好足料，湯底食落酸酸地，有蕃茄味，唔覺得有味精。蟹羔都一啲都唔臭，好食！至於牛油果沙𣲙，因為舖頭細見到佢真係一個個牛油果放落去整時已經好期待，一飲落口真係好似食緊牛油果咁！好正啊 感覺清新！下次再嚟會試埋甜品，今次太飽啦

假日十二點黎到排隊等左一陣好快就入左去 今次係第四次黎😅黎過豬扒撈檬粉先，豬肉好入味唔似港式豬肉 好甜好野味加埋越式配料酸酸地好開胃😍岩我呢種懶人因為小店已經幫我撈埋,值得一試！好好味比起大牌子既越南野，價錢同味道呢間no.1 另外叫左未飲過既牛油果沙冰 真材實料 我本身對牛油果🥑一般般無特別喜好但好出色 飲落去完全好飲食緊牛油果，又唔冰，好味道！真野！再試下個綠豆糕 我男朋友最愛食既甜品 真係好有口感，真材實料又要講多之次，全港包你食唔到,話明自家製..不過就貴左小小$13 一個，我係一個慳家妹，值得一試！再食多店鋪極推既蕃茄蟹羔湯檬，無味精已值得讚，湯係酸酸地蕃茄味，有埋新鮮蟹羔食落無臭味 一碗40幾蚊既麵咁高質，可惜檬粉好碎同淋，美中不足！有時做人都係咁，先顯得有意義，唔洗樣樣都好最緊要滿足同開心😋整體黎講，性價比高，唔去試既話麵無咩邊間值得試😉