第一郡 (已搬遷) 新店位置

朋友介紹梁水埗有間越南嘢好食，就一於嚟試下！就咁睇門店就係普通小店一間，如果自己嚟都真係未必會入去。 舖頭好細，但都好多人幫襯，所以坐得會比較迫，夏天應該會幾熱添！今次試咗蕃茄蟹羔湯濛 同埋牛油果沙𣲙。嘢飲一定要單叫，所以都覺得小貴，唔想試。 但朋友極力推薦，就叫埋啦！好大碗，好足料，湯底食落酸酸地，有蕃茄味，唔覺得有味精。蟹羔都一啲都唔臭，好食！至於牛油果沙𣲙，因為舖頭細見到佢真係一個個牛油果放落去整時已經好期待，一飲落口真係好似食緊牛油果咁！好正啊 感覺清新！下次再嚟會試埋甜品，今次太飽啦