242
52
12
港铁深水埗站 A2 出口, 步行约5分钟 继续阅读
所有分店 (1)
电话号码
24166868
营业时间
今日营业
11:00 - 21:00
星期一
全日休息
星期二至日
11:00 - 21:00
付款方式
现金
其他资料
酒精饮料
外卖服务
加一服务费
食记 (351)
呢间深水埗嘅越式小店最出名系番茄蟹膏汤檬,入面有一块好足料嘅蟹膏饼,每次食都会想叫呢个,但之後发现原来炖牛腩都好正!!不过就要星期六日先有~•🥢蔬菜炖牛腩(配软包) $60牛腩好淋好入味,肉嘅分量都好多,仲有两大旧红萝卜同薯仔,一样好入味!而且个汁仲充满红萝卜嘅甜味🤤但份包就比较少,如果大食嘅话,可以加多一份包或者改配法包~•🥢 烤猪肉捞檬 $55🥢 烤猪肉软包/法包 $46/$53捞檬同包嘅配料都好丰富,有好多酸萝卜、生菜丝、青瓜丝同埋花生碎,食落好fresh😍 烤猪肉有好香嘅香茅味同有少少蒜香,猪肉肉质几淋,唔会好乾~不过捞檬嘅檬粉有啲碎,所以有啲难夹;法包就稍为比较乾同硬。•🥢 番茄蟹膏汤檬 $55呢个系舖头嘅招牌菜之一,配料好丰富,有蟹膏饼、番茄、猪红、生菜、豆卜同札肉,蟹膏饼好鲜同浓味(如果唔系咁锺意蟹会觉得太浓味同偏腥),豆卜同生菜都会吸晒汤底嘅番茄味,檬粉本身系淡味,但配埋蟹膏饼同浓汤就啱啱好~•🥢 牛油果沙冰 $30🥢 芒果沙冰 $30🥢 菠萝沙冰 $30呢间嘅沙冰同一般买开嘅沙冰唔同,比较似奶昔,几香滑,唔会有冰粒感,每杯嘅果味都几浓郁,个味唔假~😋牛油果沙冰:奶味比牛油果味突出,但未至於盖过牛油果味,都几好饮。芒果沙冰:好甜,不过偏向似芒果本身嘅甜味~菠萝沙冰:甜而且几清香👍🏼•🥢 芋头糕 $6中间有芋头粒粒,而且有芋头香同埋椰子香,但整体有啲太甜。•🥢 紫米糕 $6紫米味好浓,而且唔算甜👍🏻👍🏻•🥢 芒果糕 $6整体偏甜,芒果偏酸,似芒果乾嘅味多过新鲜芒果味。 继续阅读
(以上食记乃用户个人意见 , 并不代表OpenRice之观点。)
等级2 2021-01-14
0 浏览
专程来深水埗再食呢间越南菜,长期都排住长龙,等左大概半个几钟,绝对值得😋店舖面积很细,只有10零张细枱,坐得很逼,但无损我一来再来的兴致。蔬菜炖牛腩配越式法包超超超好味😋热辣辣上枱,牛腩炖得软淋入味,每一啖汁既有牛腩精华又不失蔬菜既清甜。配上外脆内软的法包,一下不留神成碗清光🥰鸡丝捞檬,酸甜醒胃👍🏻班兰绿豆糕最令人回味,两层烟韧班兰糕夹着中间软糯绿豆馅,每次食完都要买多两件拎走💗❤️越式滴漏咖啡☕️好特别,饮落有阵椰子香气,问过店员并没有加上椰油之类另外叫左个椰皇,两个人埋单$200有找,非常抵食、非常回味、非常值得推介👍🏻👍🏻💗 继续阅读
(以上食记乃用户个人意见 , 并不代表OpenRice之观点。)
讲起越南粉,之前最锺意中环的明珠,但结业多年,之後就没遇上一碗好吃的,直至遇上第一郡。越南粉好不好,汤底是重点。以前上堂学过,把牛骨烤一烤,再加上洋葱和N种香料一起煲。煲出来的汤清澈,洒上金不换生洋葱,带出独特的香气和甜味。好多时出街食到的都好味精水,但第一郡的汤底就跟上堂学的味道一样,感觉纯正。汤底好味,配乜都好吃。吃过烤猪肉汤河都好,但自己较偏爱鸡丝汤河。话鸡丝,但一点都不丝,仲够嫩滑,份量亦不少,回一口都叫人回味。我唔食蕃茄,就算好锺意食蟹,都同蕃茄蟹膏汤蒙无缘。好彩蟹膏是可以额外点一份,蟹膏的外型和口感都有点似蜂巢豆腐,蟹膏味特出,略嫌有时浸在蕃茄汤太耐,吸收过多酸味。至於饮品,牛油果沙冰是必点推介,连我唔锺意食牛油果都觉得好好味。另外,滴漏咖啡好香,都是个不错的选择。 继续阅读
(以上食记乃用户个人意见 , 并不代表OpenRice之观点。)
等级4 2021-01-11
0 浏览
Q1 has been on my to-try list for so long that I have already forgotten about it, until my friend told me that she tried it recently. And we got to dine here after a hike.This bowl of pho with grilled pork was absolutely fantastic! The clear soup broth was MSG-free and so delicious that we finished all the soup. The pho was legit, and the grilled pork was very tender and flavoured!Definitely coming back for other food like banh mi and desserts. 继续阅读
(以上食记乃用户个人意见 , 并不代表OpenRice之观点。)
由第一次去越南食过越南法包後,就念念不忘!一直想系香港睇下搵唔搵得返个种风味,止一止瘾😋•🌯越式法包 (HKD 45)法包一上枱已经见到好足料!店舖仲好窝心将长法包一分为二,方便客人进食。由於法包系即叫即焗,所以系非常香脆👍🏼一咬落黎d法包碎就飞哂岀黎🤣配料有经典嘅猪五花肉、酸萝卜、芫茜、青瓜再配埋秘制肝酱,口感非常有层次,而且酸酸甜甜,非常开胃又唔腻,一定要试!•🍲鸡丝汤河(HKD 58)鸡丝肉质新鲜,非常有弹性!汤底浓得黎唔会好咸,不是一般味精汤底,而是采用越式香草作调味,食落真系好有越南风味🇻🇳•🍰马豆糕 (HKD 6)食落第一啖,哗!好多豆呀!!而且有着浓郁嘅椰汁味😋价值亦相当便宜,用来做饭後甜品确实不错!下次会想试埋小店嘅招牌蟹膏茄汤檬同班兰糕,闻说好多人都系为左呢两样野而特登去食架😀 继续阅读
(以上食记乃用户个人意见 , 并不代表OpenRice之观点。)