第一郡

营业中

休息中

疫情之下冇得出去食只可以外卖，今日就谂住一气呵成试晒三间唔同地方嘅越南法包！第一间就嚟到呢间，老板娘很有礼貌一落order等咗唔系好耐法包就到手一拎上手个面包好有重量法包果一部份做到好完美，外脆内院。个面包一食落去就知道唔会系隔夜个面包一拎上手热辣辣，超级正细啖细啖系食唔到嘅，一定要一大啖咬落去好味到喊咗出嚟！！！啲扎肉好好味。一食就知系新鲜整唔会系隔夜有时候有啲扎肉会有一浸怪味，但系呢个非常新鲜我觉得应该系老板娘自己亲手做嘅。特别之处系呢一个法包系食得出越南嘅味道。同我之前去过越南旅行食嘅味道系一模一样。一啲都唔夸张，可能仲会仲好食过越南。入边仲有啲酸萝卜同埋酸红萝卜，两只都非常入味非常好味。咬落去脆卜卜。仲有好多青瓜同埋芫荽。本人好锺意食芫荽，最怕就系啲包得一两条 总括来讲，就算再远啲都一定会过嚟食。好可惜铜锣湾分店已结业 一定要多多支持深水埗店

第一郡番茄蟹膏汤檬烤猪肉捞檬越式法包价钱💲: $55/ $55/ $45好味程度😋: 4.2/5服务🍴: 3.5/5环境🗾: 3.3/5性价比🥢: 3.6/5回头率😚: 3.8/5-深水埗呢间越南小店真系好唔显眼，但成日听到人赞佢，就即管去试下💛 一入到去真系好小位，仲要冇咩服务员理你🤨同埋系冇lunch set架全日都系个个餐牌🤔-第一样就食左番茄蟹膏汤檬😆呢款有1/4个冇剥皮蕃茄🍅有啲豆卜索汤，因为个汤真系几鲜甜，有小小蟹王的味😚 仲有2粒我好中意的猪红！呢个质地啱啱好，唔会太松散，味道都唔腥🥰 最特别的系佢一旧蟹膏饼，我觉得捞埋食可以提升到碗粉的鲜味，但怕腥的朋友仔就未必中意啦🙈佢的檬粉都系比较似米粉，有啲碎🧐-另一款就叫左烤猪肉捞檬。呢到的捞檬系帮你调好汁，唔洗好似平时咁自己落🤩 味道啱啱好，酸酸地有啲鱼露咁，夏天食好开胃🥳 佢有好多配菜丝，切好一条条，一齐食好爽脆🤗烤猪肉都好香，有阵香茅的味，边位小小脆，正！👍🏻 唯一挑剔的系佢有种香料我唔中意，同埋食到尾见到佢系咁出水🤢-最尾仲有一款越式法包！好小食呢啲，但呢个真系好好好脆！🤯一食好多碎跌落来🤪 入面咩都有，有扎肉，芫茜，肝

地方好易搵，装修简单，有亲切感。一睇到冻柜有几款糕，谂都唔洗谂就叫左紫米同榴槤。两个味都几好食，榴槤味有惊喜，一来其他地方少有，二来真系好香榴槤味。米纸虾卷造型好得意，拎上手食唔会易污糟只手，好方便。本身米纸卷味道清淡，所以加埋个酱汁一齐食，相当唔错。米纸卷透透地，仲会见到材料，会见到虾既切片，几靓仔。令我最惊喜既系呢个越式法包，首先系佢个法包一咬落去系脆，而唔系又乾又硬又难咬果种黎，夹住既材料就系檬粉青瓜果啲，整体黎讲呢个包真系相当出色。本身我同朋友都唔太锺意牛油果做成饮品果种感觉，但基於实在好多人都叫，甚至有人特登入黎只买佢，令我地都好好奇究竟系咪咁好饮呀？所以叫左一杯黎试下，又真系几好，虽然唔系我锺意果类，但唔会系怪。朋友都话唔系佢锺意果类，但觉得几好，最後无饮晒就埋单走，店员黎执台时，好奇问我地系咪唔要了？可能系无乜人会饮剩佢呢杯名物。整体性价比高，价钱抵，味道好，下次有机会再来食～

黎到深水埗见到咁多人Like呢间餐厅就梗系要试下! 大约等咗15分钟就入得，样样嘢食都好吸引🤗平时锺意食热辣辣嘅汤面，但今日天气太热喇!☀️🔥想食下啲开胃嘅菜式!呢个越式法包超乎想像咁好食，谂起都好想搵日再战! 个包皮脆脆地劲易入口，调味酸酸甜甜够fresh!裹面嘢馅料非常丰富，有齐扎肉、腩肉、酸萝卜、青瓜、葱、芫荽! 🥬🥖🥕 食咗半个一D都唔腻，只觉得相逢恨晚🤭之後再食烤猪肉捞檬，烤肉腌得入味又Juicy😚😚配上大量嘅白酸萝卜同埋花生碎，口感好丰富令人食唔停🤩事先捞好嘅檬酸甜汁值100分，每个味道都Balance 得十分好! 捞檬爽口又弹牙，夏天食凉拌粉面系一大乐事!仲有我至爱既牛油果沙冰，口感细滑香浓，用料十足! 🤩🤩锺意牛油果嘅朋友千其唔好错过呀!最尾试左令我非常非常非常惊喜嘅榴槤糕! 虽然貌相平平但超有内涵~❤️🧡💛💚食落充满榴槤嘅香味，仲有丝丝嘅新鲜榴槤肉，非常欣赏老板嘅真材实料同埋用心! 即时同男友打包多每人4个返屋企慢慢慢慢叹😚😋总括嚟讲呢间系一间非常值得推荐嘅越南餐厅! 价钱合理之余~食物质素出色又地道! 

呢间餐厅原本系天后有分店之前去过佢休息或者限聚令只能提供外卖天后分店好似已经结业.今次就嚟咗深水埗依间分店佢最吸引我嘅就系佢个斑兰绿豆糕点知佢卖晒喎 唯有点其他糕点佢都冇令到我哋失望🔸蟹膏蕃茄汤檬 $55 👍👍      有件蟹膏cube超浓蟹味 足料而且唔贵🔸米纸虾卷 $20 👍👍      个酱汁好特别 系自家制作🔸越式软包 $38🔸椰汁红豆糕同埋芒果糕 $6@.份量适中 价钱唔贵其实叫咗咁多嘢连埋嘢饮埋单每人都系$100内绝对CP值超高!! 👍.第一郡🍴深水埗荔枝角道315号地舖

第一郡舖头细细，7点几去到已经满晒人，等咗10分钟到先有位，入到去，发现冷气其实唔系好够🤣即时好有feel，似去左越南食pho咁!蟹膏蕃茄汤檬 $55材料有蟹膏饼，蕃茄，扎肉，猪红，香菜，芽菜，生菜，檬粉首先汤底好香浓，有半个蕃茄，又有好多菜，扎肉好入味，依款蟹膏饼第一次食，但我就一般般，大家不妨一试，整体汤檬好好食（蟹膏饼除外）越式软包 $38材料有腩肉，扎肉，肉松，酸菜，青瓜，芫茜，葱，肝酱平时食越式法包通常都比较硬身，我哋第一次有得拣软包，上枱时包身热辣辣👍🏻入面材料好丰富，口感层次分明，先有好新鲜嘅感觉，食到肉嘅部分，又有好Juicy嘅感觉😋又平又好食本身想试埋米纸虾卷，点知卖晒，下次再食过☺

第一次嚟呢度食越南嘢，系听同事介绍话好好味。由地铁站行嚟，喺对面马路差唔多搵唔到呢间舖头，因为个门口好鬼细，招牌又唔突出。但行到埋去发现六点几已经好多人喺门口。入到去见到人哋嗰啲食物好鬼靓，所以嗌咗一个蟹膏番茄汤蒙同埋越式法包，个蟹膏汤蒙汤底好好味(个味好浓)，个法包又香又脆，最有趣就系佢个芒果沙冰，我觉得佢个芒果沙冰就好似奶昔一样，又好似而家嗰啲喜茶咁样，嗰牛油果沙冰都好正！下次去开深水埗都一定会再返嚟食。

呢间越南小店位置唔太显眼，之前一直行过几次都唔觉佢嘅存在🤣，店内冇华丽装修，都几多人外卖堂食只有简单六张枱，但食完相当有惊喜‼️/扎肉法包$43相当大件，有七款配菜选择面包都有法包🥖/软包🥯可以拣，包皮烘得脆脆地馅料超级丰富，有齐葱、芫荽、扎肉、酸菜、青瓜、肝酱，一啖咬落去劲开胃又满足，女仔细食的话一份应该KO😛！/烤猪肉捞檬$55，坊间食的话鱼露水系会分开提供，但呢到就会落埋碗粉到，比例系落得啱啱好👍🏻唔会过酸，最惊喜系烤猪肉超级入味，食得出香茅味道超正！/米纸虾卷$35有两条，眼见每枱都会叫应该系超热门菜式💥，米卷包得相当孔实，咬落去唔会松散，每条都有两只大虾同酸萝卜、檬粉同香菜，沾上酱汁相当惹味🤩，夏天食相当fresh！/牛油果沙冰🥑$30，系食评网见到超级多人叫，其实似smoothie多过沙冰，饮落相当creamy，如果你系牛油果控会相当喜欢，但我就麻麻啦🤣/最後食埋班兰绿豆糕$15，咬落劲烟韧，班兰味几出众，中间夹着绿豆溶唔会太甜，估唔到两个人都食左咁多野😂，埋单唔洗两旧，值得支持呢啲💛小店！

每次经过都见好多人排队，今日去食下午茶，可以话系满足而回一去到就有位。打开餐牌见到烤猪肉捞檬卖相不错，於是点了一份。烤猪肉腌得入味，萝卜丝、生菜丝同葱粒全部都新鲜爽口。入面仲有好多香叶，食起嚟好有层次感天气炎热最啱食碗冻檬降温价钱亦好平，不过男朋友话如果份量慷慨啲就更好另外叫了一份越式法包，热烘烘的法包，除左平时会食到的食材外，入面仲夹了肉松同酱油，有别於外面越南法包做法，几特别！总结：食物有惊喜，以呢个价钱来讲好高质，媲美中环越南菜下次会再访餐厅座位有限，冷气唔够，快快食完就离开

一直都好想试这间越式餐厅。 因好多人介绍都话好食。 但一见好多人要等又会冇心机去搵其他野食。今次朋友好坚持要试, 就黎左食。其实黎到都要等一阵, 已经等到4点几下午茶时段，都多人, 即系证明佢好受欢迎。坐底见到佢既menu其实都写晒系酱上。 好多野食。 檬粉, 米纸卷, 沙冰。我地点了蟹膏檬粉, 猪颈肉檬粉, 米纸卷, 牛油果沙冰。蟹膏檬粉, 竟然有超大个蕃茄，好浓味，亦唔会太咸。 非常啱味。天口热热地, 都食个捞檬。 猪颈肉烧得好juice。 同埋佢捞好晒味, 我唔洗自己再搞个汁，非常贴心。米纸卷, 睇落好简单, 但见每一枱都有点, 应该系好野。佢真系扎得好扎实, 咬後唔会散开。 味道清得黎又夹虾同肉味。 必食。牛油果沙冰真系几特别。 打得超绵滑, 唔会粒粒碎冰而又有冻既效果。 好特别。

呢间平民越式小食店喺OpenRice都有几多个舔舔脷，仲系运动第一天发声💛次次行过都错过真系有眼不识泰山🤭🤭·早排系抗疫期间都支持下💪🏻（佢哋个阵收起左大部份嘅枱，唔清楚而家还原堂食未～）·越式法包真系惊为天人，冇谂过个包系咁完美😱。除咗个包皮系脆脆地一啲都唔乾身之外，啲馅料嘅比例系啱啱好。有齐葱、扎肉、芫荽、有啲酸酸甜甜嘅酱汁，食落好开胃又好Fresh！！🤤🥬🥖有喺越南食嘅风味啊！！·烤猪肉捞檬唔好睇外貌好似平平庸庸，虽然小店来讲我觉得外卖已经攞到七八分～但系食落都几惹味㗎。嗰只捞檬酸甜汁已经帮我哋落咗，酸味唔系好突出。反而配料就真系几足下， 啲菜切成丝，配埋啲酸萝卜，唔使用酱汁都可以带到个味🤪唯独是当日嘅猪扒有啲偏硬身。所以话越南嘢都系配扎肉最开心🥳·总括来讲，小店有呢个质素非常值得赞！个法包系一定要食！喺网上见到有人强推佢哋嘅牛油果沙冰，今次冇叫到真系好可惜😢-越式法包｜$45烤猪肉捞檬｜$55-第一郡 (深水埗)深水埗荔枝角道315号地舖-

我好锺意食越式法包，之前食过大角咀嘅葱仔越南包，质素好高，成日心思思想再去，无奈大角咀我甚少涉足😐。早排知道深水埗嘅第一郡都有越南包食，於是第一时间走咗去试。呢度嘅越式法包馅料包括腩肉，扎肉，肉松，酸菜，青瓜，芫茜，葱同肝酱等，全部都系最 classic 嘅配搭，上枱时仲好窝心咁将个长面包一分为二，方便顾客进食，呢度有分加👍。咬一口，最先冲击味蕾嘅系芫茜香气，好似我呢啲芫茜控会觉得超正🤩；之後就系酸萝卜嘅味道，由於份量都几多，成个包感觉稍为偏酸，唔太啱我口味😂。至於其他馅料属正常味道，配埋个烘得脆卜卜嘅法包，整体水准算系唔错。饮埋杯冰冻咸柠七，又系丰富嘅一餐🤗。

💛终於食到bookmark左好耐既班兰绿豆糕😍店铺较细⋯平时见到排长龙一定唔简🤣咁岩前排经过得一个排紧😏🥳·🍜烤猪肉汤河（$58）烤猪肉份量好多！！！好抵食！！！汤底鲜甜，但好多芫荽同九层塔😖😖😖每一啖都系九层塔味⋯唔锺意😣食完仲要劲口渴·🥖越式法包（$45）最爱香脆法包😚食极唔嫌😋馅料有腩肉、扎肉、肉松、青瓜、肝酱、腌萝卜等🤩好彩超长既芫荽无切碎⋯方便我了走佢🤣·🥧班兰绿豆糕（$15）点完餐後好快就到🤣以为甜品後上🤣食落劲烟韧！！好爱好爱😋甜度刚好～本身见有绿豆蓉却步左一下⋯因为我唔锺意食豆🤣好彩最後都有叫😛·🥄紫米糕+红豆糕（$12）大食仔最爱⋯我已经好饱🤣·🥥椰皇（$23）大食仔唔俾饮冻野所以唔批准点沙冰😭无得饮🥑🥺🥺🥺有椰皇好过饮热饮既🥺·📍第一群深水埗荔枝角道315号地铺

#💛 #灰到深水埗 #灰到食越南菜🔻蟹膏蕃茄汤檬 $55配菜份量蛮多，有扎肉、猪红、蕃茄等。要不是menu有提及，其实完全看不出，也吃不出是蟹膏饼😳味道偏咸，也没有甚麽蟹膏味。汤底带点酸，是颇开胃。不知道是不是因为混了酸酸的汤底，猪红吃下去有点怪味，味道不太搭。🔻牛油果沙冰 $30我人生第一次吃牛油果的食物就是两年前(?)喝了一口朋友在这里买的沙冰，当时觉得很好喝😆😋这次就想encore~这杯与其说是沙冰，更加像是smoothie🤣质感超越creamy💨不过牛油果味感觉比记忆中淡，可能牛油果的质素有影响🤔-👅食後感：今次的食物不如我期望的好吃😳有机会会再试试其他食物。-👀个人喜爱度：6.5/10-🚩第一郡深水埗荔枝角道315号地舖-#美食#香港美食#hkfood#food#hk#hkfoodie#foodie

一次於Vtv上见到介绍呢间越南菜馆，专程前往～～～～这间小店由越南人主理，来港多年，可以话系正宗越南味道～～店铺位於深水埗一条较安静的街头，铺头虽少，位置不多，经常多人排队，要耐心等一会我坐底後，叫左招牌蟹膏蕃茄汤檬，等食时见到多数人都有叫，佢d越南coffee都唔平，但望落都几正宗几正～佢分量都几大，汤底鲜味，札肉，猪红，蟹饼咁既物体都好味👍👍埋单前仲拎多个甜品走，好烟韧！🥰🥰🥰🥰🥰🥰