立体派拉麵 (威靈頓街)

营业中

休息中

中環LKF附近有間份量幾大碗嘅拉麵🍜要行落樓梯先發現呢間店店內有消毒濕紙巾提供🥰武漢肺炎其間最需要嘅野特別白湯—大，份量十足，十分飽，白湯底充滿豬骨湯味，有三塊薄豚肉，肥瘦均勻，麵係直身幼面，配上一整隻糖心蛋🥚當然唔少得日式啤酒🍻左coedo 白shiro—味道較甜較清新，個人鍾意呢枝多d，易入口❤️ 右 coedo 瑠離 ruri，味道較濃烈黃金味噌拉麵🍜湯底係味噌湯，上面炸醬有少少辣🤏🌶，材料十分豐富麵底跟白湯上面唔同，今次係曲麵，麵吸收盡湯底精華呢個包住嘅入面全部都係粉絲🤤小食亦不錯，唐揚脆炸雞🍗炸粉皮薄，外脆內軟，十分香脆可口惹味，肉質滑嫩自家製餃子🥟白菜豬肉餃🥬的味道，還帶有少少汁係入面🤤值得一試

中環係勁多打工仔嘅地方，所以大街小巷都有好多唔同嘅食肆。今次咁岩黎到中環，睇倒openrice呢間餐廳好多好評。鋪頭係起一條小巷入面 有啲神秘因為早黎，所以唔洗等位就有得食，環境幾舒服，唔會迫呢個係醬油拉麵，佢話用左九種醬油去調製，但飲落唔會覺得鹹，食落有少少藥饍香味，好得意！醬油拉麵係配呢舊厚厚厚切叉燒，炆到好淋，油脂香好重。呢個係黃金味噌拉麵，一上枱真係幾震撼，啲料非常多，而且好大碗！因為配料好多，所以食落口感同香味都非常之豐富，而個湯底係幾濃味嘅，但又唔會太鹹。呢個係另外叫嘅炸雞，好新鮮炸起，雞肉好嫩滑，香口呢個係黑毛豬，佢係凍凍地嘅，食落係好爽口，好得意。呢度竟然有波子汽水！係我童年嘅回憶最後成餐大約係400蚊，以中環黎講價錢唔算貴，而且味道好好，都值得再食！

今日係中還哥邊收工, 打算揾一間拉面快食之後去AIA掉公仔, 朋友話有間拉面之前睇過介紹好想試, 咁仲打算試下啦, 不過間野個位都有小小隔攝, 都花左小小時間先揾到間拉麵店, 佢實際係鏞記對面條小巷行落, 門口有好多關於拉面既塗鴉, 超易認咁我地叫左個特級白湯同埋季節限定既黃金味噌拉麵,雞軟骨餃子同埋燒雞翼佢個特級白湯個碗真係超大, 就會顯得個麵好似好細, 不過食落佢個份量其實好夠食, 佢個白色湯底原來係豬骨湯黎, 味道好濃郁好鮮甜, 加埋大大塊叉燒, 超正黃金味噌拉麵個味噌超濃, 配料都好豐富, 如果鐘意味噌味既人應該好鐘意, 但我個人就鐘意白湯多D雞軟骨餃子食落好爽口, 好多汁, 食落口熱辣辣, 好好味店舖會特登比隻手套你去食燒雞翼, 好窝心, 雞翼外皮燒得好香脆, 但入面D肉又好嫰滑, encore 之選

朝聖立体派! 聽聞係由日本冠軍拉麵大師創立! 朋友一心想黎試雙• 禁果之鹽~點知係期間限定已經冇左😔 叫左碗人氣黃金味噌拉麵 (HK$138)都唔錯但未到一試難忘~味噌湯底偏濃厚杰身加左辣肉醬 feel似食緊擔擔麵 有微辣後勁~大師諗到用腐皮包整成福袋造型的確幾有創意 入面放咗粉絲香蔥同蒟蒻粒~拉麵屬粗身掛湯力強吸哂湯精華! 🐖汁煮厚切叉燒 (HK$38)反而有驚喜 叉燒炆得堅淋入口即溶咁濟仲好入味! 絕對係抵叫之選呢!

我哋講起點解鐘意食拉麵答案係:唔知!只係有一種感覺食完覺得好温暖 好幸福🥰係愛啊!!!呢間 不過不失 但係以$88呢個價位嚟講 對得住有餘 佢嘅雞白湯 我試咗一啖 無座銀咁正就無謂講 我哋仲覺得有啲韓style 我嘅醬油湯 一致認為比白湯好 如大家所講清甜而不濃膩

最近天氣寒冷，令我和友人有意享用一些能暖胃的美食。友人向我推介日式拉麵作為我們的晚餐，於是我們到了位於中環的立體派享用了我們的晚餐。該餐廳的地段確實有點像日本街頭的隱世小店，所以從環境方面我已經感到很新奇。進入店舖後，整體餐廳的環境也不錯。給食客的感覺就是相當整潔，當晚我和友人均點選了一客拉麵定食以及一客小食。從小食方面，我很滿意該店舖的煎餃子，加上它特製的輕量辣醬。餃子皮不會煎得太過脆，因此口感相當不錯。從我的角度，這完全是一份絕配的小食。其後，我當天點的拉麵定食正是店舖內的招牌拉麵，湯汁非常濃郁，基本上喝一口湯汁便能夠分辨出它的層次。而配料方面，這碗拉麵的配菜很足夠，而且叉燒肥而不膩。我很喜歡。

沿住威靈頓街直上，見到大阪冠軍級拉麵大師林隆臣畫像後，轉右落樓梯就黎到立体派。立体派主打新派創作拉麵，務求滿足視覺同味覺。落單後，侍應送上碗仔比我同朋友分享。呢碗就係贏過多項日本拉麵比賽冠軍ge黃金味噌拉麵。第一眼望落去以為係過橋米線，d料多到滿瀉。先試啖湯，甜中帶辣，非常濃厚，充滿北海道風味，原來湯底用左免治豬肉、蒜頭、醬油、砂糖同牛奶等多種食材餚製，唔怪得咁有層次。中間ge辣肉醬有d似炸醬，撈完之後味道唔太突出。叉燒新鮮腍軟，都有好幾塊。腐皮褔袋好大袋，入面有蔥、生薑、粉絲同蒟蒻，盡吸湯底精華。麵條爽彈，份量頗多，食到勁飽。呢一碗特濃白湯拉麵賣相較簡單，係一般拉麵ge拉闊版。湯底香濃帶胡椒香，但鹹左少少。呢碗ge叉燒比黃金味噌果d更薄勁掛汁。溏心蛋夠晒入味，出色。皮脆肉嫩，唔會成口油，一定要加檸檬汁提鮮。餃子香脆，雞軟骨咬落無預期咁爽口。我飲白，清新順滑帶果香。朋友飲黑，溫和帶烘焙氣味。

中環除咗一式一樣嘅連鎖餐廳之外，其實仲有好多好嘢食㗎，行遠少少地鐵站已經搵到好多唔同款式嘅嘢食，今晚就食拉麵！淨係食店外牆就已經比佢吸引住，估唔到餐牌上面嘅價錢都好吸引，一啲都唔貴，感覺仲好抵食！入到去食客好多，不過店員好快為我地安排到座位，等候時間都唔耐，餐牌嘅款式都啱香港人口味，我就俾佢嘅極上白湯拉麵吸引住，$118大大碗，幾正咁！上菜時間幾快，當我嗰碗拉麵上菜嘅時候我都嚇咗一下，原來真係好大碗㗎，除咗個碗大，拉麵嘅份量都幾多，飲一啖湯，係豬骨濃湯！好香好濃嘅豬骨濃湯配上軟硬適中嘅拉麵，真係人間美食，佢嘅糖心蛋真係好好味，一啖湯一啖拉麵配上少少嘅蛋，真係絕配！佢嘅拉麵叉燒肥瘦適中，正！我估計依度有1.5倍既份量啊！我另外都食左豬軟骨餃子，因為賣相好吸引，大大件，皮薄餡靚，脆卜卜，口感豐富！

日本拉麵一向係我最愛，最近朋友極力推介我去中環威靈頓街一間超人氣，全日本拉麵比賽冠軍級拉麵店- Ramen Cubism ＜立体派＞。拉麵店離中環地鐵站好近，位置非常方便，店舖入口衹要轉入小路, 行幾級樓梯就到，吾太難揾。黃金味噌拉麵 $138呢個拉麵係大師級得奬拉麵冠軍自家創作!!~ 拉麵好大碗，材料及份量都好多，有幾塊大大塊既日式叉燒，肥瘦勻稱，入口好腍好好味。腐皮福袋賣相超級可愛，入面包住滿滿既菜肉同葱粒。仲有好多芽菜，葱菜等等。當然最特別就係佢哋自家調製既味噌湯底，湯頭非常濃郁，用多款秘製材料熬製而成，配合埋爽滑彈牙既粗身拉麵，真係一試難忘。特級白湯拉麵 $118呢個白湯拉麵超級大碗，有幾塊非常大塊既豚肉，豚肉邊有點兒黑椒，非常惹味好食。拉麵同樣配有大量葱菜，仲有一隻暖暖既糖心蛋，配合埋濃郁白湯底同不軟不硬既粗身彈牙拉麵，入口煙韌爽滑，真心推介!!~麵豉香葱黑豚腩肉 $38黑豚腩肉片係半肥瘦豬肉片，薄切輕煎，帶點咸香，煎得非常香口惹味，配埋大量葱菜，絕對值得一試!!~汁煮厚切叉燒 $38厚厚既豬腩肉，用自家調配醬汁醃得相當入味，而且豬肉炆得好腍好鬆軟，肉質非常實在，完全吾覺得肥

最近成日都心思思好想食拉麵黎到中環見到有間拉麵店睇個menu既拉麵幾吸引就入黎試下因為係地庫店所以要先落去然後又有番條樓梯上鋪餐廳座位有卡位座同長枱座店舖有兩款限定既拉麵另外仲有d正常都會有湯底既拉麵食完拉麵都仲有好多小食既選擇既首先就要咗個特級白湯拉麵一黎到超級大碗！本來我仲擔心一碗拉麵唔夠食但一黎到我反而驚食唔哂除咗大大碗 餸都好足料叉燒都有三塊 溏心蛋都有兩隻湯底好濃味但又唔係好咸好味精麵既硬度 煮得剛剛好 啱哂我好味黃金味噌拉麵睇落細碗過白湯但其實都幾大碗㗎呢個味噌湯有點點辣既唔食得辣既人就唔好試啦叉燒都有三塊㗎呢個仲有個福袋包入面有粉絲香蔥之類既名古屋風雞翼烤得非常香口食完一隻都覺得唔太夠韮菜餃子我一向麻麻韮菜既味但食落個味一d都唔霸道！食完碗大大既拉麵其實已經好飽！所以真係好抵食回頭度:8/10

中環有好多拉麵鋪，想搵間好食既，都唔係咁易，今次呢間，就好岩我口味。 佢既入口比較隱蔽，要落樓梯先見到。 鋪頭環境舒服，用木調裝修，仲掛左好多畫，應該同個鋪頭名一樣，係立體派見到有呢個伊勢海老做緊promo，好似好吸引，不過我同朋友都係想食肥美既叉燒多啲特級白湯拉麵。非常非常之大碗，應該有我3隻手咁大! 先講個湯底，好濃郁，仲有一股甘香，麵質好彈牙，唔會太稔或無咬口，叉燒好大塊，而且肥瘦適中，一層一層咁，中意食肉既朋友一定要試呢個叉燒。溏心蛋仲要有兩隻，做得非常之好，一啖食落去，蛋香四溢，非常滿足。黃金味增拉麵。呢個相比起白湯，係會更濃味，同埋佢係辣的。我個人更喜歡這個，湯唔算多，大約一半，有啲撈麵feel咁。麵質方面同白湯都唔同，係用左曲麵，更能吸收湯汁。佢的味增肉碎做得好出色，有啲似擔擔麵，將蔥，菜同肉碎撈埋一齊，係辣辣地，好惹味，再加埋啲叉燒，更是錦上添花。餃子煎得好香，底部脆脆的，新鮮煎起名古風雞翼，好好味呢，一啲都唔乾身，雞皮烤到有一點點脆口，咬落去有肉汁仲比埋手套我食，好貼心食到咁滿足又點少得啤酒，我係第一次試，兩隻都好中意，白色會比較甜啲啲，岩女仔

以前係中環返工，lunch間唔中都會食呢間， 我好鍾意食佢個白湯拉麵。佢個湯底濃郁得嚟唔會太油膩，食完唔會太口渴，應該係真材實料，冇落味精。而家去咗第二度返工，但又有啲掛住呢度個拉麵，所以夜晚專登嚟咗食。估唔到喺中環呢個商業區，當日八點嚟到，佢夜晚好多人，鋪頭差唔多全滿。有一個月有嚟啦，佢而家有兩三種新嘅拉麵：1. 極尚龍蝦拉麵 2. 黃金味噌拉麵（佢話黃金味噌拉麵好似擔擔面。）我就叫左大特級白湯 。大白湯拉面係老闆開舖前參加比賽嘅冠軍拉麵。我覺得個湯底好出色，佢濃洧得嚟唔會 好油膩。有幾塊煙肉味嘅薄切豬肉同埋一隻切開嘅糖心蛋。全部嘢都好好味，好夾。呢隻係大size，如果你食量細，可以叫細碗，冇雞蛋同埋少啲豬肉。

數數手指，有成兩個月冇食拉麵喇！呢晚就約左個朋友收工食返碗，天氣轉涼，有碗熱辣辣嘅野食，個身即刻暖粒粒！呢間餐廳沿住威靈頓街一路向上行，途中轉右落樓梯就搵到！位置都開得幾鬼崇架，一不留神就有機會行過龍！入座時7點幾呢啲收工時間，店內都幾多人。同一般拉麵店舖一樣，有bar台又有普通餐桌，同朋友黎，當然餐桌最好啦，傾計都方便啲白湯拉麵（大）$118要左大，個碗又真係幾大🤣🤣🤣同埋叉燒有六大塊！肉好林，見到表面有輕輕燒香，賣相幾好！湯底唔算好濃稠，味道飲落都夠味嘅。麵質煙韌，份量就唔算話好多，一人份量左右黃金味噌拉麵$138見佢係限定口味，就試下啦。湯底顏色就知唔同，味噌口味真係唔會有錯架🤣另外旁邊有辣肉碎，夠哂惹味開胃，未見過拉麵有呢個配菜！終於揭曉個福袋裡面係咩乾坤，原來係蔥粒同肉，幾特別！雞軟骨餃子 $48又係好少見有雞軟骨餃子，煎得好香脆，點埋蛋黃沙律醬，減低油膩感！蕃薯脆波波 $38兩個女仔仲有肚食蕃薯🤣 外脆，內面好鬆軟，甜甜地，當甜品幾唔錯👍🏻烏龍茶：綠茶 各$28

有個朋友係拉麵控，經常周圍試唔同店嘅拉麵，然後佢推薦左呢一間幾有特色嘅拉麵店俾我，所以今日就特登嚟朝聖一下！店外壁畫、二拉架上面既「黃金味增拉麵」已經相當吸引，成間店舖都好有設計感，店內座位分布好有格局，日式氣氛濃厚。《特級白湯拉麵》$118湯底好濃厚，而且一啲都唔膩，浮喺湯表面嘅油脂好少，原本以為八湯嘅味道好淡，但呢個完全唔會，而且慢煮叉燒完全唔會肥膩，夠淋，份量亦都好多，重點係糖心蛋真係好好食！《黃金味增拉麵》$138未食之前都覺得好驚訝，成個感覺好豐富，湯底微辣，好香赤面鼓味道，但唔會太過重，拿捏得啱啱好，個人覺得呢一款都好唔錯，勝在多料，拉麵都好彈牙，係我鍾意嘅軟硬度。《名古屋風雞翼》$38雞翼食得多但係呢款雞翼真係有驚喜，外皮好脆口，又唔會過分油膩，而且入邊嘅肉好多汁，同時又夠滑嫩，高質！《自家製餃子》$38餃子比較小，但係皮都算薄，而且入邊好多肉汁，餡料都幾豐富，不過不失。 總括嚟講，呢間拉麵質素唔錯，而且幾有特色，可以一試。

今日去咗中環搵食，去食拉麵特級白湯拉麵 $ 118湯底濃郁，溜心蛋夠滑，肉片如果燒燒佢會更加好名古屋風雞翼 $ 38雞翼啲皮係脆嘅，然後啲雞肉係滑黃金味噌拉麵 $ 138麵底有口感自家製餃子 $ 48豬肉餡吾錯，皮系香口整體嚟講呢間餐廳小食幾好食，如果兩個人嚟食，可以叫一個拉麵，兩個小食，都夠晒飽啊坐嘅環境唔錯，比較寧静，店鋪都幾乾淨餐廳位於樓梯旁邊，所以大家如果搵嘅話，就可以留意下條樓梯，樓梯隔籬就係餐廳嘅位置。