立体派拉麵 (威靈頓街)

营业中

休息中

啱啱開張嗰時好誇張，勁多人排隊特登揀咗日平日嘅下晝去3點幾去咁就少人啲同埋好快有位🤤——————————————————————📍1️⃣白湯拉麵🍜個碗真係超級大😂白湯好Creamy好入味拉麵亦都好彈牙，掛湯幾多🤤不過舊叉燒就好似譚仔塊腩肉😂😂😂糖心蛋都流心又幾入味🤤🤤友人就叫咗個海體醬油湯拉麵，仲有舊勁厚嘅叉燒，話係用咗九種類嘅醬油去整嘅湯底，友人就話湯底好清甜幾特別，但舊叉燒就略嫌有啲肥，有啲似東坡肉😂但整體都幾好食(無影到相🥺)總括而言，都幾唔錯🤤

星期五晚去食，人流唔算多😌😌餐廳係小巷入面，要用少少觀察力先搵到點左個海體醬油湯拉麵(ok 啦）同鯖魚湯香菇野菜海蝦拉麵🍜（ok好少少）海體醬油話係用九種唔同嘅醬油調出嚟不過......食落係似出前一丁麻油麵陣味Ummmmm 比較可取係佢舊五花腩，唔鞋口鯖魚湯拉麵，菜菜份量幾多🥰，湯底就係淡口醬油味，個魚味唔突出。反而個蝦係有少少驚喜，個蝦用酒浸過，另上。如果鍾意少少甜同酒香既朋友可一戰。配菜比湯底好食。餐牌話呢個係每日限定款式⚠️

呢一間立體派嘅位置真係幾唔顯眼，開住地圖行左幾次先搵到間舖頭究竟係邊度，原來要行幾級樓梯落一條巷仔先搵到，舖頭外牆有一啲手繪嘅壁畫，都幾靚嫁 ！特別要提嘅係如果叫特級白湯正常個個size，見到個碗係super大，個人認為如果唔係特別肚餓嘅可以叫個小size試下，而且價錢都會平啲嫁😛**********<特級白湯(小)> $88舖頭嘅主打係白湯拉麵，平時食得最多係豚骨或者魚介湯底，今次試呢個由雞同埋鴨都煮嘅湯底真係第一次，個湯底唔算好油膩，食落主要係食到雞湯嘅味道，係同平時個啲係有少少分別嘅，另外個叉燒都幾薄切唔算特別出色！🧐

是日約左朋友仔lunch想坐得舒服啲所以就諗起呢度，中環有好多出名拉麵店食完唔口渴呢間都好似係唯一一間🤔🤔首先餐牌拉麵既選擇唔多好多人都order好大個碗既冠軍拉麵🍜好大個碗影相呃like一流考慮到太大碗食完會好飽我都係叫左細碗白湯其實好想試佢個海蝦拉麵，但係5點後先有😭本身都想食辣味拉麵，但係menu個樣好唔掂咁🤣🤣所以都係唔敢博仲有龍蝦拉麵都好吸引...不過價錢就有啲🤔🤔朋友仔order左大碗，其實大碗同細碗既分別就係多左粒蛋同一塊叉燒我就細拉麵加$15紫菜講返碗面，一般白湯都好難免會漏同埋濃味但係佢呢個湯底味道剛剛好唔會太漏麵既份量唔多，一個女仔可以食得哂講真平時太漏既拉麵我係食唔哂一碗既叉燒好薄，好似減鹽味既煙肉咁啱晒唔係咁鍾意食肉既人👍🏻筍乾入味😋😋佢個湯底真材實料冇味精，值得拎獎👍🏻👍🏻P.S. 12:30pm後開始要排隊，想食既話早少少去

放工去左<立體派>食拉麵，第一次行過左都唔知，原來要落一層樓梯，好易miss左個街口。我同朋友係晚市頭兩個客，全場無人勁靜😂朋友叫既醬油湯拉麵湯底清得黎好有味，舊肉超巨型，因為半肥瘦，所以唔會太油也唔會太韌~我個麵黎到，即刻　😱😱😱😱😱嘩！一聲大碗，但無諗過係咁大！🤣 下面就係對照圖 !望住個牛油慢慢溶係個湯好治癒🤤　然後飲一飲口湯，超濃既雞湯！好正！彈牙拉麵、薄既叉燒有D煙燻味、溏心蛋好流心👍🏻食食下，個侍應超好人，自動拎左隻碗同埋匙羹俾我，一定係知我食唔晒可以分俾朋友啦。哈哈哈哈下次去埋尖沙嘴分店試 !餐廳出面牆外的畫都幾得意，有心思。

woohoo又係麵麵麵嘅時間啦!白湯就唔使講啦 實冇錯 夠曬鮮夠曬雞味醬油湯就冇咩特別紅噹噹嗰碗望落好似好辣咁樣 但係其實又ok喎 係五味粉定唔知七味粉嘅香料味 總之就係重口味center仲要有一個用肉碎整實嘅圓波波 但係搞笑喎 係凍㗎喎 同埋因為比較濃味嘅關係 所以將個肉liu散佢喺個湯入面會好啲麵嚟講呢 overall係爽口der!個肉超正 脂肪層夾喺肉與肉之間 一咬落去 waaaahaaaa 脂肪同油脂瞬間泌出嚟 那happy同滿足嘅感覺真係不得了呢度嘅雞翼又估唔到佢咁高質 調味just right 熱辣辣外脆內軟肉汁鎖住 講完啦下話味道：7/10Ramen Cubism特級白湯 $88海體醬油湯 $88特式辣味濃厚白湯 $88名古屋雞翼 $38📍中環

係鏞記對面，有條路上仔落幾級樓梯就到。特級白湯拉麵，上菜個陣同個fd都嚇親，好大碗，不過食落係個碗大姐，都係平時size。個湯底唔係好濃個種，唔油，都飲得落。肉就得碗邊個三塊好薄既叉燒，無咩口感無咩特別。隻蛋好好食，真係流心，隻味仲甜甜地岩岩好。小食方面就叫左雞軟骨餃子，炸雞，同叫多左隻蛋，隻蛋真係好好食，其余兩個小食都普普通通無咩驚喜。仲有凍波菜太咸。店員有禮貌，值得讚。

正 去開中環 見到呢間新拉面店 即管試一試！拉麵大大碗 湯味濃而不油膩我飲曬成🥣湯tim 福袋 食落就冇乜特別啦 還可以gei !唐揚楊炸雞出奇地好食脆卜卜 雞肉肉質豐富 估唔到 ！！送啤酒一流 👍🏼

今日去開中環，順便搵中環返工嘅朋友食飯。落完柯打，侍應好快就送上兩對手套俾我哋剝蝦殼， 認真細心。呢度重點推介黃金味噌拉麵，梗係要試吓。大概等左15分鐘左右就有得食。份量超大碗，材料同埋麵都好多。最抵讚嘅係湯底嘅味道非常濃郁，特別嘅係味噌帶微辣，風味十足，喺第二度未食過。叉燒肥瘦均勻，切得靠薄，入口有少少即溶嘅感覺。糖心蛋都做得好好朋友就叫咗一個清淡啲嘅選擇，靖魚湯香菇野菜海蝦拉麵。雖然個湯比較清淡，但係仍然非常鮮味。值得一讚嘅係三隻大蝦真係超級鮮甜。$108來講算係抵食。自家製餃子就唔算突出，豬肉餡唔錯，煎得夠夠香口，只係相比之下，拉麵實在好食，而且份量兩個人已經好夠。不過如果想加餸可以考慮

提提大家，如要使用openrice訂座85折優惠，一定要在入座時同佢地既職員講定，到埋單先同佢提及，佢會唔俾折你架！（至少中環店係咁）我地預訂左，openrice都顯示確認左預訂，到達餐廳時無咩人唔使等直接入座，入座時同落單時職員無問我哋都無提及，到埋單先知有呢個規矩，咁就無左個折扣。所以，係度提提大家！野食就ok既，唔算好濃味既拉麵，食完唔會好好口渴，餃子好食😋。但至於服務方面，就見人見智了。

最近👨🏻👩🏻都比較少岀去食飯，少咗岀post，今次我哋就選擇放工去試下依間由日本冠軍級🏆大師林隆臣主理嘅立体派試下。.特級白湯 (大) HKD118 🍜特級白湯係立体派嘅招牌拉麵，湯底以肉汁豐富嘅日本米鴨、京都有機波地雞入饌，立体派並沒有使用仼何味精或人造調味劑，為客人打造一碗岀色、有層次的白湯拉麵。湯底唔會有油膩嘅感覺，拉麵粗幼適中，份量仲幾多添，配料有三塊慢煮叉燒、一隻溏心蛋、竹荀。叉燒薄薄哋，睇落以為會好肥，但食落肥瘦均勻，而且有少少煙燻味，同湯底好夾。另外想讚下依度嘅竹荀，同其他拉麵店唔同，唔會剩係得湯底嘅味道，仲有好香嘅黑椒味，成個拉麵嘅湯底、拉麵同配料嘅味道都好有層次。.鯖魚湯香菇野菜海蝦拉麵 HKD108 (限量) 🐟🦐 湯底以日本鯖魚同昆布熬製，十分鮮甜，令人飲唔停口，配上黃芽白、大蔥、香菇、紅椒絲，拉麵非常掛湯，每啖都有唔同驚喜。而海蝦就另上，蝦肉彈牙，而且充滿酒香。依個拉麵只係係晚市供應，每日限量20碗。如果見到仲有，絕對要叫嚟試下！.雖然白湯係立体派嘅招牌拉麵，但👨🏻👩🏻不約而同都覺得鯖魚湯更啱我哋口味，可能我哋都係比較重口味啦🤪。不過湯底可能用咗大量昆布熬製，食

半年前第一次光顧一試難忘，一直好想再來品嚐，但相信這是最後一次。湯底做得好好，唔會太濃但夠味，叉燒好有份量，各方面都做到日本嘅味道，加少少幻想力會覺得自己喺日本食緊拉麵，食完可以再去血拼。好可惜！一切都毁於服務。事緣我坐在兩行對坐的中間長枱，兩行之間有一塊木板相隔，讓坐在對面也無需對望進膳。當時已過午膳時間，長枱只有我一人，一位男服務生端來拉麵時，把碗麵從長枱的對面，在木板的下面推過來，且只推到一半，碗麵還在木板下面，他便走了。我不期望一流的服務，但在日式食物餐廳總希望有日本的感覺，感覺他這樣做很不禮貌：1. 這不是魚蛋粉店是日式拉麵店；2. 碗麵不是4、50蚊而是過百蚊；3. 服務生只是為了自己方便。

最近在中環經常出現一間排長龍的拉麵店，就是由日本大阪的拉麵大師林隆臣所開辦的立体派拉麵店。這次專誠來一試其在日本當地獲獎無數，贏得冠軍的拉麵，黃金味噌拉麵。黃金味噌拉麵：黃金味噌用上免治豬肉，砂糖，日本醬油，蒜頭和牛奶所調味，將其拌勻入湯底，原有的味噌湯底變得更為濃郁，本應湯底中的甜味，變為甜中帶點點的辣味，令味道層次豐富起上嚟。而配料方面，除了有用豬肩肉所製成的叉燒，嫩滑非常，而另一樣配菜就是傳統和食「巾着」。巾着在外形上似福袋，而用上粉絲，蒟蒻，香蔥，生薑等，再用上火炙的腐皮包裹著，味道因經過調味，令其帶點點辣味，味道非常特別。還有在奉客時是用上日本傳統懷舊的出箱前，出箱前是古時為客人送上拉麵時所用的運載工具，亦能為拉麵作保溫之用。

頭先同朋友去左大館影相，影到天黑咁制，行行下發現有個巷仔入面有間餐廳，係拉麵鋪黎，通常開得呢啲位啲餐廳都應該幾高質同埋對自己都幾有信心，就睇下呢間店得唔得先。第一次黎我嗌左個黃金味噌拉麵，因為睇餐牌覺得幾特別所以嗌左，碗野真係好多配料，有叉燒，腐皮，肉醬等等，湯底又好濃郁同埋好好飲。個腐皮吸左湯汁之後，食落好正。食呢個真係會覺得好滿足，因為足料又好味。而我朋友就嗌左個Ramen Cubism特級白湯，碗野黎個陣我同個朋友都打左個突，因為碗野好大呀，個碗係比平時食拉麵個啲仲要大好多。相信有人會問，碗大啫啲料夠唔夠架，講真個陣我覺得個樣好似法國菜，點知我朋友食極都仲有，好正呀，對於大食嘅朋友相信可以一試。小食方面，我地嗌左香炸雞軟骨餃子同埋麵豉香蔥黑豚腩肉都幾有特色，因為平時去拉麵鋪都唔係咁易搵到，食落兩者都嗌得過。整體上呢間開係巷入面，其實唔算難搵，同埋餐廳外嘅壁畫好靚，不禁令我諗返起檳城啲壁畫，因為個風格都好似，搞到我啲旅行癮又起了。

呢排疫情甘嚴重加上peak season 都真係少左夜晚出街食，不過太耐冇見朋友就係早收少少既日子同朋友食餐好！呢間拉麵都幾隱蔽，搵左陣先搵到😂我叫左黃金味噌拉麵，我覺得似撈麵多個湯麵因為佢啲湯係勁夾勁濃郁，有啲似擔擔麵因為有d肉燥係麵到自己撈。😂味道唔會好咸，適中。拉麵麵質偏粗身，所以掛到好多湯！份量都算多，入面既肉都好大塊，最特別係有福袋，吸哂湯既精華！朋友叫咗白湯拉麵勁大碗，湯頭冇黃金味增拉麵咁濃郁，相對清淡。溏心蛋勁好食，就甘再叫都值！小食就叫左2款。炸雞翼勁大隻，夠哂熱，多肉汁，不過就唔太入味。另外呢款係必點！麵豉香蔥黑豚腩肉，腩肉燒得勁香，肥肉同麵豉好夾，加上香蔥中和油膩感！真係好正！一啖過！拉麵配可樂，一流！值得一讚既係，餐廳衛生做得好足，更有洗手液提供，食得較安心~