影片
更多
2016-08-16
980 浏览
返左一星期工，好不容易等到星期六，又四出食好西!!今次黎到大埔，因為朋友推介大埔新開左間三多炸脾。約好左四點半等，女人～～點知二個都遲到，所以三多唔食啦，太餓，直接去食晚飯~去左隔離新開嗰間稻八打邊爐。其實邊爐真係有條癮，一星期點都要打一打。 揀稻八係因為佢係和牛放題黎，可以任食。佢有5種和牛放題選擇，我地揀左最貴$368嗰種日本國產黑毛和牛，因為啲雪花好吸引人，同埋最多野食，我地實在太肚餓。因為時間尚早，店入面人唔多，得一枱客同我地一樣「食早飯」。 餐廳裝修好簡潔得黎帶濃厚日本風，一邊墻上有大大幅日本風情畫，環境寬落又光猛，樓底又高，同一般放題店的焗促完全是兩回事。侍應安排我地坐張卡位。餐廳中間位置設有自助BAR，放滿蔬菜呀，菇呀，沙律呀，丸類等無限任食的食物。最有趣係仲有部自助天婦羅機，可以俾人自己整天婦羅，最最最開心係有Dryers雪糕任食，有4隻味咁多，仲有我最鍾意ge開心果味，太興奮~ 火鍋有8款湯底可以揀，但因為我地唔太食辣，所以想揀沙嗲湯，但店員推介新出的地獄火岩湯底，話絕唔辣而且好惹味，所以我地決定試下。當等緊野食黎之時，我地已經分別去拎野食，夾完野食返黎，所有肉已經
約好左四點半等，女人～～點知二個都遲到，所以三多唔食啦，太餓，直接去食晚飯~去左隔離新開嗰間稻八打邊爐。其實邊爐真係有條癮，一星期點都要打一打。
揀稻八係因為佢係和牛放題黎，可以任食。佢有5種和牛放題選擇，我地揀左最貴$368嗰種日本國產黑毛和牛，因為啲雪花好吸引人，同埋最多野食，我地實在太肚餓。因為時間尚早，店入面人唔多，得一枱客同我地一樣「食早飯」。
餐廳裝修好簡潔得黎帶濃厚日本風，一邊墻上有大大幅日本風情畫，環境寬落又光猛，樓底又高，同一般放題店的焗促完全是兩回事。侍應安排我地坐張卡位。餐廳中間位置設有自助BAR，放滿蔬菜呀，菇呀，沙律呀，丸類等無限任食的食物。最有趣係仲有部自助天婦羅機，可以俾人自己整天婦羅，最最最開心係有Dryers雪糕任食，有4隻味咁多，仲有我最鍾意ge開心果味，太興奮~
火鍋有8款湯底可以揀，但因為我地唔太食辣，所以想揀沙嗲湯，但店員推介新出的地獄火岩湯底，話絕唔辣而且好惹味，所以我地決定試下。當等緊野食黎之時，我地已經分別去拎野食，夾完野食返黎，所有肉已經上晒枱。好豐富，見到擺到成枱都係野食，真係好開心。
先黎當然要試國產黑毛和牛，雪花紋好靚，粉紅粉白的，放落去淥大概10秒，就熟，入口滿口牛油香，一啲都唔鞋口，好滑嫩。
美國榖飼牛同M6和牛牛味都好濃，薄切黎打邊爐，真係好啱味，加上個火岩湯底微辣，完全唔使點醬料，就已經食得出牛肉的精粹。
海鮮盛合唔多，有大蝦、帶子、青口、魷魚，少少地食下過下口癮都唔錯。自助吧區的食物，選擇其實好足夠，但因為我地係食肉獸，所以開頭只掛住食肉。到左後來中場休息，先開始食菜。真心要讚下啲菜，擺得乾淨整齊之餘，仲要好新鮮，洗得好乾淨。平時出去打邊爐，成日覺得啲菜洗得唔乾淨，但呢度令我有信心。
中場休息之餘，我地輪住去整天婦羅。同個花面貓細佬哥一齊整，未整前，真係唔抱太大期望好食，諗住玩下，但跟住貼係墻上的指示炸，又整得好Okay喎，炸得好脆香之餘，仲要唔乾，我直頭覺得自己整的天婦羅拍得住出面啲日本居酒居出品。
整體黎講，今餐邊爐好滿意，餐廳食材選擇唔算十分多，但好足夠，而且都好新鮮，佢提供的食物全部都唔欺場，各種牛肉都係好正，又鮮味，加上環境寬落，樓底高，坐得好舒服，無一般火鍋店咁擠擁，有得自助天婦羅，有得食又有得玩。仲要有Dryer’s雪糕任食，雖然價錢貴少少，但絕對值得。I will be back💪🏻
张贴
