稻八日式火鍋炸物放題 (已結業)

返到大埔十點幾，男朋友又想打邊爐，唯有同佢去稻八啦。估唔到9點半後有85折哈哈！牛肉好味，肥瘦均勻豬同羊都唔錯，切得夠薄，羊肉冇膻味（不過我接受能力好高哈）而家仲有得任叫新鮮花膠、墨魚滑同蝦滑。花膠夠彈牙，就算扔落去做湯底都正。墨魚滑高質過蝦滑，我覺得蝦滑粉左啲，冇咩蝦味。另外榴連雪條真係令人喜出望外！ 我覺得仲好食過大師/ movenpick (個陣冇expect係好食，冇影到相）雖然好夜，食到後期佢地都開始汁場，樓面唔算多，但服務都好快，落單好快到，就算係炸物爭崩頭既蝦都keep住refill。值得一讚

海鮮餐$248一位，包一個海鮮拼盤，另外加雞，羊，豬任追加，bar 枱食物任攞，雪櫃多款野飲任飲，炸物任炸，雪糕雪條任食，貴價雪糕(Dreyer's, haagen daz, Movenpick) 就埋單離開先可以一人攞一個。其實相當豐富，相當抵食。🥘 海鮮拼盤，海鮮應該是冰鮮處理，保存到鮮味。👍🥘 豬骨湯底，湯底香濃。🥘 bar 枱食物，多款丸同蔬菜，蔬菜好新鮮。另有烏冬，拉面，公仔面，仲有少許前菜及甜品。🥘 炸物DIY，揀好食物串，自己上炸漿，面包糠，然後炸，仲有好幾款調味粉，幾好玩。🥘 雪糕櫃，有各款雪米糍，雪條，最有特色係榴蓮雪條，不過我吾食榴槤，都係留肚食 Dreyer's 。🥘 飲品櫃，有兩個大雪櫃既飲品任揀。

今日同朋友去完大埔行山決定要食番好嘅 就嚟到太和附近嘅呢間稻八日式火鍋放題見到網上有好多好評於是決心要嚟食下 星期六夜晚餐廳好多人要等位先入得 好在唔使等太耐 今次食嘅係$318 m9和牛放題 叫咗壽喜燒湯底 和牛肉同甜甜地嘅壽喜燒湯底係絕配 完全唔使加什麼鼓油 葱花 蒜蓉等等已經食得出牛肉嘅鮮甜味 主角係M9和牛 但呢個套餐已經包含咗m6和牛拼盤等等 和牛拼盤仲有牛舌 牛胸腹等四個唔同部位可以食 雖然有花冇m9咁靚 但係牛肉味較為突出 而且感覺上冇咁油膩除此之外 餐廳仲有炸物放題 喺香港真係少見 廳意已經預先將一串串嘅炸物串好 然後就可以沾上麵包糠同粉漿去炸 有得玩有得食 飲品 丸類 蔬菜都夠多款式 而且十分新鮮

生長水遠黎到新界東，當然要搵返間唔係大型連鎖既餐廳啦。行到好肚餓，我地決定要大刷一番，即刻openrice睇下有冇任食放題食下，無意中search到呢間野，都幾多好評，試試佢！show下餐牌，最平有牛既168，價錢中等。湯底我地揀左3.7牛乳。同牛乜牛物果D火鍋放題一樣，除左肉之外其他都係出面自己拎，睇落幾乾淨。牛羊豬雞樣樣有！賣相同味道都幾出色。最新奇搞笑既係佢個自助炸物，拎幾串野，加D炸粉放落油度，一兩分鐘輕鬆炸到金黃色，外脆內軟熱辣辣好過癮。炸燒賣同墨丸最好食。

今晚朋友山長水遠拉我入嚟大埔食飯😅，雖然今日係weekday, 但我地去到店內都已經大部份枱都坐滿，好彩我地有訂位啫。 我同朋友都好鍾意食和牛，所以就點左國產黑毛和牛套餐， 套餐除左黑毛和牛盛盒之外， 其實還包括幾款美國牛肉、豚肉、羊肉、雞片、海鮮盛合、多款刺身及各式蔬菜丸類等。 湯底要了北海道3.7牛乳牛骨湯， 牛骨熬湯特別清甜。 國產黑毛和牛好肥美，燙幾下就食得，牛脂香濃郁，其他幾款牛肉都唔錯喎， 特別係手切手肉， 好有質感好滑漏。 海鮮盛合款式算多夠新鮮， 還可以追加👍，刺身亦好夠鮮甜。蔬菜丸類主食等就放置在一旁的自助吧枱，超多選擇。 話說這家店還有一大特色， 就係可以自己動手做天婦羅。個天婦羅吧貼有清楚教學，跟住指示做其實都很簡單。我就最喜愛天婦羅秋葵，好新鮮爽甜，而且營養甚高。 個套餐好多野食，選擇又多，樣樣質素又有番咁上下，好適合不同口味嘅朋友一起去，各取所愛😊。

再嚟食稻八，今次我係特登帶朋友嚟呢度食。 一定有原因嘅⋯⋯ 攞咗位坐低，第⼀樣要做梗係要揀湯底啦，我地兩條友好一致決定要北海道3.7牛乳⽜⾻湯。 朋友唔食牛，海鮮餐啱晒佢！ ⼆人份量海鮮拼盤連任食指定三款肉(豬、⽺、雞)。⼀鍋奶⽩色嘅湯好快就上枱，滾起梗係要試吓頭啖湯先，味道都濃，好飲喎，但如果冇加啲大蔥落去可能會仲啱我地口味。好快咁到個海鮮盤拎埋嚟，排到靚一靚咁，每款都⼤大隻，⼼心眼即刻出現咗啦！尤其青口同帆立⾙夠巨型，堅係好鮮好甜。⾃己拎野食都幾煩㗎，乜都想食，蔬菜、丸類、菇類、粉麵烏冬通通都有齊，都好多種類，竟然有炸⿂⽪又幾特別啵，仲有我好意嘅西洋菜都有，正!⼩角位有得⾃己整天婦羅，朋友即係衝去玩。 佢話唔難喎，有圖教你逐個步驟整，朋友炸左啲蝦俾我，肉質都好爽，⾃⼰炸賣相係麻麻地㗎啦，但好好玩！因為有呢個⼩玩意，唔知係咪滿場食客嘅原因呢?海鮮食曬就食吓D⾁啦，一定要講吓個豬⾁切到薄薄哋，真係唔知點解會咁好味⼜滑又軟冇雪味。 至於⽺肉⽚，一樣冇雪味但就有少少可以接受嘅⽺肉羶味。雞⾁片呢，正常野。如果唔怕肥，呢度有雪糕櫃同有甜品架。食到最後個肚好飽，有成120分鐘時間食喎; 最後係要

自從食左一之之後就上左癮,一般放題/訪爐選揀都差唔多。但食稻八既特色係佢可以自己整炸物,邊爐料又高質,仲可以加錢食埋刺身,除左呢d主打外,佢仲有大量唔同甜品提供,雪糕方面佢有haagen dazs,movenpack各種選擇。以呢個價錢黎講,朋友聚餐/約會心儀對象黎食,其實都有一個唔錯既氣氛同埋效果。食過一次就會想有第二次,炸物會有面依同埋各種調味粉提供,真係應有盡有。同埋時間如果比較夜,仲有會85折75折幾種優惠,所以夜媽媽想食野真係不失為一個好選擇。

與舊同學的聚會，我們4人都想打邊爐，我就提議了稻八日式火鍋炸物刺身放題😆我們選擇了這個稻八海鮮套餐，$248一位有海鮮還有羊、豬、雞任叫喔😙會先送上這盤二人份量的海鮮先，大扇貝、帆立貝、北寄貝是無得再encore的。啲肉類方面都好嫩滑，味道都好濃～湯底方面就簡化鴛鴦湯底，符合每個人唔同既口味，簡了鮮蕃茄湯和北海道3.7牛乳牛骨湯。北海道3.7牛乳牛骨湯，食得出奶味都幾滑..出面有個ᴏᴘᴇɴ ʙᴀʀ有蔬菜🥬、丸類、麵，其他可以打邊爐的食材😙去稻八有樣事係必做的就是自己整炸物喔！有10幾款食物選擇炸既過程好簡單，沾D粉漿再沾麵包糠，拎去炸就ᴏᴋ ʟᴀ🙆🏽‍♀方便又快捷😆有個雪櫃有好多雪條可以任食喔🤤之後埋單後仲有人一人杯Haagen-Dazs 喔！

聽朋友講稻八有出「特選M9和牛餐」好吸引，所以特登book黎食，呢個質素$318真係CP值高一去到發現，加$30仲可以梅酒任飲，即加！每一杯都要叫店員添先得，好彩店員人數都多，唔使三催四請就有袋可以放椅底個黑箱子，方便唔阻位8碟肉，放晒出黎影相放ig呃like一流，而且肉質好靚，脂肪分佈平均，同餐牌上幅圖係一樣架😂未放入口已經知好味，其中和牛牛小排我們encore多一次呢個餐仲有海鮮任點，又係一上菜我們就嘩出聲，好豐富！八爪魚最得意同好食仲可以單點刺身食，一點就好快上，都幾新鮮呢度食物好多元化，可以玩埋自己炸串燒，我就炸咗灸燒芝士丸黎食，好多粉可以揀，好開心好好玩

大埔直街近太和火車站，所以一向都係我同男朋友愛去既地方之一，貪在慢慢食到好夜，搭車返屋企都快。8點黎到仲係幾乎滿座，好彩一早book咗枱～餐單都幾清晰：2個鐘放題，要食梗係最豪，食$368日本國產黑毛和牛整合啦！然後再揀湯底：九州豬骨濃湯～幾好既係，湯底去到最後唔會濃到頂唔順，不過因為我們食太多肉類，所以要時不時「不」走湯面既油。有雪糕，呢啲就任食：Movenpack同哈根達斯就係埋單後先食得：正題：我們揀咗M9和牛餐，等緊入座時侍應叫我們先揀湯底。我們揀咗九州豬骨濃湯～豬骨味好濃好香，幾好既係，湯底去到最後唔會濃到頂唔順，推薦呢個湯底 侍應一上就上好多肉，唔同部位都有，好豐富，呢個組合除咗牛肉，仲有美國豚肉、雞片、羊肉。所有肉都無雪藏味，我特別中意食豚肉，脂肪分佈好，加咗七味粉，好有日式餐廳豚肉鍋的水準，而男朋友就中意和牛牛小排同埋牛柳粒，雪花紋好靚。刺身就無影到相，男朋友話好新鮮，食完佢叫多一份三文魚食完又食蔬菜在自助吧拎，好新鮮同鮮甜，唔會有昆蟲出現。響鈴都幾大條。 自助吧所有食物放得好乾淨，環境好好，地下唔會污漕，拎野食唔會爭先恐後，整個餐廳俾我們既印象良好10:00情況～有得

打邊爐任食成日都瘋狂食肉，今日同左個唔多鐘意肉既朋友食，所以大家一齊食菜同海鮮。海鮮餐$248加一。揀左牛骨牛乳湯，好有奶味。一叫左湯就黎三碟肉，豬半雞，冇牛的。但我地主要都係食海鮮，冇再叫肉 😛 雞肉好大塊但唔硬，幾新鮮。前菜要介紹手掌咁中既八爪魚！搵返細個食冷麵既感覺 🤣 真係好大粒！有呢個同蜆肉食，好開心調味架較特別既係有淮鹽裝修日式，都幾多位。海鮮拼盤正呀！最值得推介係蠔！好新鮮！大大扇貝打卡一流！另外可任叫墨魚滑同蝦滑，墨魚滑超正，會咬到一粒粒墨魚仔係入面！除左雪糕雪條櫃任拎，仲有Movenpick & Dreyers雪糕，每人臨走可以拎一杯行住食😆

見星期日悶悶地 就同呀爸呀媽去左大埔行下 之後就黎左呢度食放題 揀左呢個節日限定嘅海鮮放題$248再加1雖然吾包魚生 但就有一set大大碟嘅海鮮 當中有好大隻嘅蝦 蜆 扇貝等 大致上都新鮮加上可以雞 豬同羊肉無限添加 色澤同味道都吾錯另外好欣賞嘅係有個炸天婦羅嘅爐 任我地揀岩嘅嘢食黎沾粉漿同麪包糠整 我就整左超多隻蝦最後勁正 勁正同勁正嘅係佢嘅甜品 見到佢係抹茶色嘅蛋糕切餅 本身都冇乜特別期望 因為以為係普通嘅綠茶蛋糕 點知一食落去原來係抹茶味同芝士味都超級濃郁架 勁有驚喜 食到飽飽嘅我都忍吾住食左2件 攬住個肚走 真係食甜品都物超所值 最後沖番杯熱辣辣嘅煎茶嘆完先閃人真係人生一大享受另外要提一提 本身以為星期日8點半吾會有太多人 點知係愈夜愈精彩 去到我地走果時都10點了 都仲有人岩岩到冇耐 勁

喺大埔搵食咁多年，睇住直街變成食店雲集的聚腳點。今次揀咗「稻八日式火鍋炸物放題」，提供的火鍋種類繁多，今次揀咗節日特選M9和牛餐。呢個套餐好抵食，除任食M9和牛外，仲可以食埋安格斯牛、北海道雞片同海鮮盛盒等，餐前亦可任點刺身，雖然款式唔多，三文魚、帶子、甜蝦同櫻花魷魚都有，勝在新鮮同大件，食左幾件墊下肚先。戲肉當然係火鍋，M9脂肪均勻分布，呈雪花紋，色澤嫩紅新鮮又夠Juicy，食完呢盤真係大滿足。而M6和牛盛合則包括澳洲和牛牛肩胛肉、牛舌、牛胸肉同腩肉，各有不同質感，同樣值得一試！海鮮盛盒也都不錯，有青口、蟹柳、螺肉同大蝦，今次真係食到舔舔脷，呢間稱得上大埔區內罕有高水準嘅火鍋店。最後一定要介紹下有炸物啦。呢間食店出名之處係自助任炸，食材種繁多，雞比菇、麻吉燒、魚餅同蕃薯等，個個炸到自得其樂。完美的晚餐當然要一道甜品作結尾巴。呢間餐廳嘅壓軸就係Movenpick雪糕，亦可自行追加雀巢Mega雪條同雪糕糯米糍，為這餐劃上完美句號！

同老友好耐冇打邊爐 就去左大埔試新嘢我地揀咗個海鮮餐248蚊, 一嚟到個海鮮拼盤見到都好靚, 忍唔住又要影相啦, 職員話呢個可以無限叫, 不過其中大帶子同有一款唔包括在內出面有好多丸類同菜類可以揀, 菜都算新鮮, 種類都夠多, 仲有我地最鐘意食嘅支豆, 日式螺肉, 八瓜魚都有湯底揀左蕃茄湯, 豬骨湯另外可以自己整炸天婦羅炸得幾靚呢d係其他可炸天婦羅嘅嘢, 種類都算多, 炸青椒同秋葵都好正㗎不過到最後 我地呢d食肉獸梗係係咁食肉啦 哈哈 不過留意返呢個set好似係冇牛, 但就有羊, 質素唔錯, 冇乜羊"so"味出面有好多雪糕可以任揀不過留意, 最後送一個"哈根大師", 所以記得留肚

一班人去打羽毛球，出完一身汗，仲想搵個地方，邊食邊傾計。今晚就嚟到大埔舊墟直街的八稻日式火鍋炸物放題。人多的話，最好早啲打電話嚟訂枱。餐廳座位都算寬闊，大約四個人一個爐。有自助調味醬區，飲品選擇頗多，丸類、蔬菜、麵食都是放題，食幾多拎幾多。愛牛的我們，選擇了M9和牛餐（每位$318）。火鍋湯底方面有8款，和牛配壽喜燒甜醬油湯最夾。特選M9和牛牛小排色澤均勻，油花滿佈，燙幾秒就食得。忍不住要Encore多次M9和牛牛小排，第二次的十分肥美。嚴選M6和牛盛盒（牛肩胛肉、和牛牛舌、牛下腹腩肉、牛胸肉）牛味較濃，色澤鮮嫩。羊肉片，美國自然豚肉片，日本北海道雞片同樣吸引。海鮮盛合十分豐富，墨魚仔串成一串，唔會淥完唔見晒，爽口彈牙。刺身選擇也不少。炸物放題，按指示，自己揀想食的嘢，沾少少炸漿和米糠，放入炸爐內炸。一陣就食得，幾好玩。甜品以雪條為主，有泰國雪條，也有少雀巢雪條和維記雪米糍。埋單後，職員會俾張單，食飽之後可以去門口按人數一人一杯Movepick 或Dreyers 。