稻八日式火鍋炸物放題 (已結業)

今日同朋友去完大埔行山決定要食番好嘅 就嚟到太和附近嘅呢間稻八日式火鍋放題見到網上有好多好評於是決心要嚟食下 星期六夜晚餐廳好多人要等位先入得 好在唔使等太耐 今次食嘅係$318 m9和牛放題 叫咗壽喜燒湯底 和牛肉同甜甜地嘅壽喜燒湯底係絕配 完全唔使加什麼鼓油 葱花 蒜蓉等等已經食得出牛肉嘅鮮甜味 主角係M9和牛 但呢個套餐已經包含咗m6和牛拼盤等等 和牛拼盤仲有牛舌 牛胸腹等四個唔同部位可以食 雖然有花冇m9咁靚 但係牛肉味較為突出 而且感覺上冇咁油膩除此之外 餐廳仲有炸物放題 喺香港真係少見 廳意已經預先將一串串嘅炸物串好 然後就可以沾上麵包糠同粉漿去炸 有得玩有得食 飲品 丸類 蔬菜都夠多款式 而且十分新鮮